بىرلەسىپ قيمىلداۋدى ءبىر تۇتاس جوسپارلاپ، تىعىز ۇشتاستىرىپ، نۋكلەين قىشقىلىن تەكسەرۋ اياق الىسىن جەدەلدەتۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 7 - ايدىڭ 22 - كۇنى ۇرىمجىدەن حابارلايدى. 7 - ايدىڭ 22 - كۇنى كەشتە اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى بەينە ەكراندا ورنالاستىرۋ ءماجىلىسىن اشىپ، اۆتونوميالى رايوندىق پارتكومنىڭ قىزمەت ورنالاستىرۋلارى بويىنشا ءۇرىمجى قالاسىنىڭ نۋكلەين قىشقىلىن تەگىن تەكسەرۋ قىزمەتىن ورىستەتۋ جاعدايىن قورىتىندىلاپ، ساڭلاۋلاردى تەكسەرىپ، ءالسىز تۇستاردى كۇشەيتىپ، ولقىلىقتاردى تولىقتاپ، نۋكلەين قىشقىلىن تەكسەرۋ قىزمەتىن ساپالىلاندىرۋ، كەمەلدەندىرۋ جونىندە ورنالاستىرۋ جاسادى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ءماجىلىستى باسقاردى ءارى ءسوز سويلەدى.
ءماجىلىس مىنانى باسا دارىپتەدى: نۋكلەين قىشقىلىن تەكسەرۋ قىزمەتى ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ تالابىن تياناقتاندىرۋداعى نەگىزدىك جانە شەشۋشى قىزمەت، قىزمەتتى ءبىر تۇتاس جوسپارلاۋ تەبىنىن ونان ارى ارتتىرىپ، قىزمەت كۇشتەرىن بىرىكتىرىپ، جالپى بارىستى باسقارۋدى كەمەلدەندىرىپ، شىنايى تۇردە تەكسەرۋ قابىلەتىن جوعارىلاتىپ، تەكسەرۋ ساپاسىن كوتەرىپ، قىزمەتتەردىڭ ءتارتىپتى جۇرىلۋىنە، ىركىلىسسىز ۇشتاسۋىنا مۇمكىندىك جاساپ، تەكسەرۋ قارقىنىن تەزدەتىپ، ەڭ قىسقا ۋاقىت ىشىندە ءۇرىمجى قالاسىن نۋكلەين قىشقىلىن تەكسەرۋمەن تولىق قامتۋدى جۇزەگە اسىرۋعا شىنايى كەپىلدىك ەتۋ كەرەك.
ءماجىلىس مىنانى باسا دارىپتەدى: ءارقايسى تەكسەرۋ قۇرىلىمدارىنىڭ ءىس جۇزىندىك تەكسەرۋ قابىلەتى ارقىلى تەكسەرۋ مىندەتىن تياناقتاندىرۋىنا تاباندى بولىپ، كۇن بويىنشا مىندەتتى مالىلەرگە، الەۋمەتتىك اۋماقتارعا دەيىن اشالاپ ءبولىپ، جۇمىس ورنالاستىرۋ تىزىمدىگىن قالىپتاستىرىپ، الدىن الا مىندەت ءتۇسىرىپ، الدىن الا دايىندىقپەن جۇرگىزىپ، تەكسەرۋدىڭ ونىمدىلىگى مەن ساپاسىن شىن مانىندە جوعارىلاتۋ كەرەك.
ءماجىلىس مىنانى اتاپ كورسەتتى: اۆتونوميالى رايون ولكە دارەجەلى باسشى كادرلار بىرلەسىپ كوتەرمەگە الىپ جاۋاپتى بولۋ ءتۇزىمىن ورناتىپ، ولكە دارەجەلى باسشىلار باستاماشىلدىقپەن نەگىزگى جاعىنا دەن قويۋ رولىن ساۋلەلەندىرىپ، ”ينفورماتسيالاردى تىركەۋ، ۇلگى جيناۋ، ۇلگى جەتكىزۋ، تەكسەرۋ ناتيجەسىن جولداۋ“ بۋىندارىنىڭ مىندەت ءبولىسىن، زاتتىق ماتەريالداردى ۇلەستىرۋىن جالپى بەتتىك سايكەستى تياناقتاندىرىپ، كىم ۇلگى الدى، كىم تىركەۋگە الدى، كىم تەكسەردى، كىم جولدادى دەگەن سياقتى شەشۋشى ماسەلەلەردى تۇگەلدەي ناقتاپ تياناقتاندىرىپ، ءارقايسى بۋىنداردىڭ تىعىز ۇشتاسۋىنا، ىركىلىسسىز دە جوعارى ءونىمدى بولۋىنا شىنايى كەپىلدىك ەتۋ كەرەك.
ءماجىلىس مىنانى اتاپ كورسەتتى: قىزمەتكە جەتەكشىلىكتى جانە دالمە - ءدال باقىلاۋدى كۇشەيتىپ، پارتيانى جاپپاي قاتاڭ جونگە سالۋ مەن ستيل قۇرىلىسىن تەرەڭدەتۋدى ىندەتتەن ساقتانۋ - تىزگىندەۋدىڭ ءارقايسى بۋىندارىنا جانە جالپى بارىسىنا ءسىڭىرىپ، ءار دارەجەلى پارتيالى كادرلاردىڭ حالىق بۇقاراسىنا ايرىقشا جاۋاپتى بولۋ پوزيتسياسىمەن ىندەتتەن ساقتانۋ - تىزگىندەۋ قىزمەتىن جالپى بەتتىك ويداعىداي ورىنداۋىن ىلگەرىلەتىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋ كەرەك.
اۆتونوميالى رايون باسشىلارىنان لي يفي، جاڭ چۇنلين بولىمشە ءماجىلىس الاڭىندا ماجىلىسكە قاتىناستى ءارى قىزمەتتىڭ اياق الىسى جاعدايىن تانىستىردى، ۋان حايچۋان، ياڭ يۇڭ نەگىزگى ءماجىلىس الاڭىندا ماجىلىسكە قاتىناستى.
