تيانشان تورى
تيانشان تورى   ›   جاڭالىقتار   ›   ءۇرىمجى

شوكىرات زاكىر ءۇرىمجى قالاسىندا نۋكلەين قىشقىلىن تەكسەرۋ قىزمەتى جونىندە تەكسەرۋ - زەرتتەۋ جۇرگىزدى

بار كۇشتى سالىپ، ونىمدىلىكتى جوعارىلاتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك

  شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 7 - ايدىڭ 22 - كۇنى ۇرىمجىدەن حابارلايدى. 7 - ايدىڭ 22 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءۇرىمجى قالاسى شۋيموگوۋ رايونىنا كەلىپ نۋكلەين قىشقىلىن تەگىن تەكسەرۋ قىزمەتىنىڭ ورىستەتىلۋ جاعدايىن تەكسەرىپ - زەرتتەدى. ول مىنانى تالاپ ەتتى: ساقتانۋ - تىزگىندەۋ شارالارىن جاپپاي دالمە - ءدال تياناقتاندىرىپ، نۋكلەين قىشقىلىن تەكسەرۋدىڭ ءارقايسى بۋىندارىن ءبىر تۇتاس جوسپارلاپ ۇشتاستىرۋ مەن سايكەستىلىگىن جوعارىلاتۋدى كۇشەيتىپ، تەكسەرۋ قىزمەتىنىڭ ونىمدىلىگىن جوعارىلاتىپ، ەڭ قىسقا ۋاقىت ىشىندە ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە ۇمتىلۋ كەرەك.

  شۋيموگوۋ رايونى شۋيتاشان ءمالىسى شينفاڭ الەۋمەتتىك اۋماعى مەن شۋيموگوۋ رايونى حۋاگۋاڭ ءمالىسى مەيفىڭ الەۋمەتتىك اۋماعىنىڭ جيڭحىيۋان شاعىن اۋماعىنداعى نۋكلەين قىشقىلىن تەگىن تەكسەرۋ تۇيىنىندە شوكىرات زاكىر نۋكلەين قىشقىلىن تەكسەرۋ جاعدايىن ۇستىندە كوردى ءارى ىلگەرىلەۋ جاعدايىن ۇعىستى. نۋكلەين قىشقىلىن تەكسەرۋ ونىمدىلىگىنىڭ كەشەگىگە قاراعاندا زور كولەمدە جوعارىلاعانىن بىلگەندە، شوكىرات زاكىر ءۇرىمجى قالاسىنىڭ نۋكلەين قىشقىلىن تەكسەرۋ قىزمەتىن تولىق تۇراقتاندىردى.

  شوكىرات زاكىر بىلاي دەدى: نۋكلەين قىشقىلىن تەكسەرۋ ىندەتتەن ساقتانۋ - تىزگىندەۋ توسقاۋىل شايقاسىن ويداعىداي جۇرگىزۋدىڭ شەشۋشى بۋىنى، ءسوزسىز، ”تەكسەرۋگە تيىستىلەردى مۇمكىندىگىنشە تەكسەرۋ“، ”تەكسەرتۋدى قالايتىنداردى مۇمكىندىگىنشە تەكسەرۋدى“ ورىنداپ، تەكسەرۋ مىندەتىن جالپى بەتتىك اياقتاتۋ كەرەك. ءار دارەجەلى باسشىلار مەن الەۋمەتتىك اۋماق كادرلارى تۇلعالىق جاۋاپكەرشىلىكتەرىن باتىل تياناقتاندىرىپ، ناقتىلاپ، كۇش - قۋاتتى ءبىر تۇتاس جوسپارلاۋدى كۇشەيتىپ، جۇمىس ءتارتىبىن ساپالىلاندىرىپ، ادامداردى نومىرلەۋ، توپقا ءبولىپ ۇلگى الۋ، تاجىريبەحانادا تەكسەرۋ سياقتى بۋىنداردىڭ سايكەستىلىگىن عىلمي، دالمە - ءدال، پارمەندى، ءتارتىپتى كۇشەيتىپ، جۇمىس اياق الىسىن ۇيلەسىمدى ورنالاستىرىپ، قىزمەتتىڭ قايتالانباۋىن، ادامداردىڭ قالىپ قالماۋىن، تەكسەرۋمەن تولىق قامتۋدى ورىنداۋ كەرەك. اسىرەسە، تەكسەرۋ بۋىندارى ىندەتپەن بەلدەسىپ، ۋاقىتتى ۇتىپ، تەكسەرۋ ونىمدىلىگىن ۇزدىكسىز جوعارىلاتىپ، ەڭ قىسقا ۋاقىت ىشىندە ىندەتتەن ساقتانۋ - تىزگىندەۋ سىندى قاتاڭ شايقاستىڭ جەڭىسىنە قول جەتكىزۋگە شىنايى كەپىلدىك ەتۋ كەرەك.

  شوكىرات زاكىر مىنانى باسا دارىپتەدى: ءۇرىمجىنىڭ ءارقايسى رايون - اۋداندارى اۆتونوميالى رايوندىق پارتكومنىڭ ءبىر تۇتاس تالابى بويىنشا، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندارى گرۋپپاسىنىڭ قىزمەتىنە تىعىز سايكەسىپ، ”ءتورت ەرتە“ شاراسى مەن ”ءتورتتى شوعىرلاندىرۋ“ پرينسيبىن قاتاڭ تياناقتاندىرىپ، نۋكلەين قىشقىلىن تەكسەرۋ سياقتى قىزمەتتەردى بار كۇشتى سالىپ، عىلمي دا ءتارتىپتى ورىستەتۋ كەرەك. ءارقايسى الەۋمەتتىك اۋماقتار ىندەتتەن ساقتانۋ تالاپتارىن قاتاڭ تياناقتاندىرىپ، بىرلەسىپ ساقتانۋ، بىرلەسىپ تىزگىندەۋدىڭ، بۇقارالىق ساقتانۋ، بۇقارالىق تىزگىندەۋدىڭ ساقتىق شەبىن مىقتاپ بەكەمدەۋى؛ تەكسەرۋ جۇمىس باسىنىڭ ءتارتىبىن ءتارتىپتى ۇيىمداستىرۋى، ويداعىداي قورعاۋى؛ ۇگىت - تاربيەنى كۇشەيتىپ، بۇقارانى پسيحيكالىق جاقتان جەتەكتەۋ قىزمەتىن ويداعىداي ىستەپ، وزىندىك ساقتانۋ تانىمى مەن ىندەتتى جەڭۋ سەنىمىن كۇشەيتۋى؛ حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ءار ۇلت بۇقاراسىنىڭ ءومىرىنىڭ، سالاماتتىعىنىڭ حاۋىپسىزدىگىن باتىل قورعاۋى كەرەك. قالىڭ الەۋمەتتىك اۋماق قىزمەتكەرلەرى قيىنشىلىقتى جەڭىپ، كۇش ۇستىنە كۇش قوسىپ، وزىندىك قورعانۋدى ويداعىداي ىستەۋمەن بىرگە، ىندەتتەن ساقتانۋ - تىزگىندەۋ جانە ءار ۇلت بۇقاراسىنىڭ تۇرمىسىن زاتتىق ماتەريالدارمەن قامتاماسىز ەتۋ سياقتى قىزمەتتەردى ءبىر تۇتاس جوسپارلاپ ويداعىداي ىستەۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.