تيانشان تورىنىڭ حابارى (سۋرەتىن ءتۇسىرىپ حابارلاعان تىلشىلەر دوۋ شيڭجۇن، جانات تولقىن، يىن تۇڭيۋان). 7 - ايدىڭ 23 - كۇنى تۇستەن كەيىن ساعات 5تە، شينجياڭ ۇيعۇر اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ءماجىلىسىن اشىپ، ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ودان ساقتانۋ - تىزگىندەۋ قىزمەتى جاعدايىن حابارلاندىردى ٴارى تىلشىلەردىڭ سۇراۋىنا جاۋاپ بەردى.
اۆتونوميالى رايوندىق جاڭا تيپتى ايدارشا ۆيرۋس وكپە قابىنۋدى ەمدەۋ - قۇتقارۋ ماماندار گرۋپپاسىنىڭ ورىنباسار باستىعى لۋ چىننىڭ تانىستىرۋىنشا، مەملەكەتتىك دەنساۋلىق ساقتاۋ، سالاماتتىق كوميتەتى دەر كەزىندە ەل ىشىندەگى جوعارى ورەلى، حۋبەي قاتارلى جەرلەردە ىندەتكە قارسى تۇرۋعا قاتىناسقان، تاجىريبەسى مول مامانداردان قۇرالعان ماماندار گرۋپپاسىن شينجياڭعا جىبەرىپ، جۇمىس باسىندا جەتەكشىلىك ەتكىزدى. اۆتونوميالى رايون دا تىنىس جولى، سالماقتى ناۋقاستار، ينفەكسيا، كۇتىمدەۋ، كلينيكا، پيسيحولوگيا، تەكسەرۋ، كەسكىن قاتارلى سالالارداعى كاسىپتىك ۇزدىك مامانداردى ورنالاستىرىپ، مەملەكەتتىك ماماندار گرۋپپاسىمەن بىرلەسپە ماماندار گرۋپپاسىن قۇرعان. ”سوڭعى مەزگىلدەگى ەمدەۋ - قۇتقارۋدىڭ قاجەتىنە ساي، قاتىستى زەرتتەۋ سالاسىنداعى مامانداردى كوپتەپ قابىلدادى“.
