تيانشان تورى   ›   جاڭالىقتار   ›   سۋرەتتى حابار

چىن چۋانگو ءۇرىمجى قالاسىنىڭ نۋكلەين قىشقىلىن تەگىن تەكسەرۋ قىزمەتىنە تەكسەرۋ - زەرتتەۋ جۇرگىزدى

  چىن چۋانگو ءۇرىمجى قالاسىنىڭ نۋكلەين قىشقىلىن تەگىن تەكسەرۋ قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

نۋكلەين قىشقىلىن تەكسەرۋدى جوعارى ولشەممەن، جوعارى ساپامەن، جوعارى ونىمدىلىكپەن ويداعىداي ىستەپ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە پارمەندى قامتاماسىزدىق ازىرلەۋ كەرەك

    7 - ايدىڭ 22 - كۇنى اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءۇرىمجى قالاسىنىڭ الەۋمەتتىك اۋماقتارىنداعى نۋكلەين قىشقىلىن تەگىن تەكسەرۋ تۇيىنىندە، نۋكلەين قىشقىلىن تەگىن تەكسەرۋ قىزمەتىنە تەكسەرۋ - زەرتتەۋ جۇرگىزىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن كۇرەس جاساپ جاتقان ەمدەۋ قىزمەتكەرلەرىنەن جانە الەۋمەتتىك اۋماق قىزمەتكەرلەرىنەن شىنايى حال سۇرادى. سۋرەتتە: چىن چۋانگو سايباق رايونىنداعى ءبىر الەۋمەتتىك اۋماقتىڭ تەگىن تەكسەرىپ، ۇلگى الۋ تۇيىنىندە، اۆتونوميالى رايوننىڭ، ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتى قولباسشىلىق شتاپتارىنداعى جاۋاپتى جولداستارمەن بىرگە جۇمىس باسىندا ءىس ءبىتىرىپ، ماسەلەلەردى شەشتى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 7 - ايدىڭ 22 - كۇنى ۇرىمجىدەن حابارلايدى. 7 - ايدىڭ 22 - كۇنى، اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءۇرىمجى قالاسىنىڭ الەۋمەتتىك اۋماقتارىنداعى نۋكلەين قىشقىلىن تەگىن تەكسەرۋ تۇيىندەرىنە بارىپ، نۋكلەين قىشقىلىن تەگىن تەكسەرۋ قىزمەتىنە تەكسەرۋ - زەرتتەۋ جۇرگىزدى، اۆتونوميالى رايوننىڭ، ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنداعى جاۋاپتى جولداستارمەن بىرگە جۇمىس باسىندا ءىس تىندىرىپ، ماسەلەلەردى شەشتى.

  ءۇرىمجى قالاسى سايباق رايونىنداعى ءبىر الەۋمەتتىك اۋماقتاعى تەگىن تەكسەرۋ تۇيىنىندە ءار ۇلت تۇرعىندارى ماسكى تارتىپ، قولدارىنا ۇلگى جيناۋ ينفورماتسيا تىلكىمشەلەرىن الىپ، الەۋمەتتىك اۋماق قىزمەتكەرلەرىنىڭ جەتەكشىلىگىندە عيمارات بويىنشا، ەسىك بويىنشا، قابات بويىنشا تارتىپپەن ۇلگى الدىردى. چىن چۋانگو ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن كۇرەس جۇرگىزىپ جاتقان ەمدەۋ قىزمەتكەرلەرىنەن جانە الەۋمەتتىك اۋماق قىزمەتكەرلەرىنەن شىنايى حال سۇراپ، كوپشىلىككە جۇمىس ولشەمىن قاتاڭ اتقارۋدى، جەكەلىك ساقتانۋ - قورعانۋعا كوڭىل ءبولۋدى، ىستىقتان ساقتانۋ، سالقىنداۋدى جاقسى ىستەۋدى تاپسىردى. بۇقارانى جاقسى ۇيىمداستىرىپ، بۇقاراعا جاقسى قىزمەت وتەپ، بۇقاراعا جاقسى ۇگىت جۇرگىزىپ، كوپشىلىكتىڭ ۇلگى جيناۋ قىزمەتىن حاۋىپسىز، ءساتتى، جوعارى ونىمدىلىكتى ورىنداۋىنا مۇمكىندىك جاساۋدى تالاپ ەتتى.

  چىن چۋانگو بىلاي دەپ باسا دارىپتەدى: نۋكلەين قىشقىلىن تەكسەرۋدىڭ ءار بۋىنىن ءونىمدى ۇلاستىرۋ، ساڭلاۋسىز تۇتاستىرۋ تەكسەرۋ - ولشەۋ ونىمدىلىگىن جوعارىلاتۋدىڭ تەتىگى. الەۋمەتتىك اۋماقتار نەگىزدىك رولدارىن ويداعىداي ساۋلەلەندىرىپ، نۋكلەين قىشقىلىن تەكسەرۋدەن بۇرىنعى دايىندىق قىزمەتىن، اسىرەسە، تەكسەرۋ الدىنداعى تۇرعىنداردىڭ ينفورماتسياسىن تىزىمدەۋدى تولىق، تارتىپپەن، ويداعىداي ىستەۋ كەرەك. تەكسەرۋ - ولشەۋ مىندەتىن ۇستىنە العان ءارقايسى شيپاحانالار مەن ءۇشىنشى جاق تەكسەرۋ - ولشەۋ قۇرىلىمدارى جيناۋ، جەتكىزۋ، تەكسەرۋدى ءبىر تۇلعالاندىرۋعا تاباندى بولىپ، ينفورماتسيالانۋ ورەسىن جوعارىلاتىپ، عىلمي ۇيىمداستىرىپ، سايكەستىرىپ، كومەسكى كۇشتى تولىق ارشىپ، ارالاس تەكسەرۋ امالىن ۇيلەسىمدى قولدانىپ، تەكسەرۋ ونىمدىلىگىن جوعارىلاتۋ، تەكسەرۋ قابىلەتىن جوعارىلاتۋ كەرەك. نۋكلەين قىشقىلىن تەكسەرۋدىڭ ناتيجەسىنەن شىن مانىندە تولىق پايدالانىپ، ەپيدەميولوگيالىق تەكسەرۋدى دەر كەزىندە ىلەستىرىپ، شوعىرلى مەديتسينالىق باقىلاۋ سياقتى شارالاردى دالمە - ءدال تياناقتاندىرىپ، ناۋقاستاردى قۇتقارۋ - ەمدەۋدى بار كۇشتى سالىپ ويداعىداي يگەرىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋ كەرەك.

  چىن چۋانگو بىلاي دەپ اتاپ كورسەتتى: اۆتونوميالى رايوننىڭ ءارقايسى تاراۋلارى جۇمىس ءبولىسىپ جاۋاپتى بولىپ، ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىنە بار كۇشپەن قولداۋ كورسەتۋى، ءۇرىمجى قالاسىنىڭ ءار دارەجەلى باسشى كادرلارى تۇلعالىق جاۋاپكەرشىلىكتەرىن باتىل ارقالاپ، ۇلكەن شايقاسقا، ءىرى سىناققا توتەپ بەرۋى، قالىڭ پارتيا مۇشەلەرى، كادرلار ءبىرىنشى شەپكە اتويلاپ بارىپ، ەرلىكپەن الدا ءجۇرۋى، ءار دارەجەلى كۇشتەر مەن بايلىقتاردى ىندەتتەن ساقتانۋدىڭ ءبىرىنشى شەبىنە سەپتەۋى، قاتاڭ تارتىپپەن، تاماشا ستيلمەن، نۋكلەين قىشقىلىن تەكسەرۋ مىندەتىن جوعارى ساپامەن، جوعارى ونىمدىلىكپەن ورىنداۋعا شىنايى كەپىلدىك ەتۋى، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىلدىقپەن قول جەتكىزۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.