− باس شۋجي شي جينپيڭنىڭ كاسىپكەرلەر اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
بۇكىل ەلدىڭ جوعارىدان تومەنگە دەيىن بىرگە قۇلشىنۋىنىڭ ناتيجەسىندە قازىر ەلىمىز ىندەتتەن ساقتانۋ - تىزگىندەۋدە كەلەلى ستراتەگيالىق تابىستارعا قول جەتكىزدى، ەكونوميكالىق دامۋدا ورنىقتى جاقسارۋ اۋقىمى جارىققا شىعىپ، ىندەتتەن ساقتانۋ - تىزگىندەۋ جانە ەكونوميكانى قالپىنا كەلتىرۋدە دۇنيە ءجۇزىنىڭ الدىڭعى لەگىنەن بوي كورسەتتى، ءبىز سياقتى ءبىر ميلليارد 400 ميلليون حالقى بار ءىرى ەل جونىنەن ايتقاندا، مۇنداي ناتيجەگە وڭاي - وسپاق قول جەتكەن جوق.
7 - ايدىڭ 21 - كۇنى تۇستەن كەيىن باس شۋجي شي جينپيڭ بەيجيڭدە كاسىپكەرلەر اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. باس شۋجي ەل ءىشى جانە حالىقارالىق جاعدايعا تەرەڭ تالداۋ جاساپ، ەلىمىزدىڭ ىندەتتەن ساقتانۋ - تىزگىندەۋدە جانە ەكونوميكالىق دامۋدا قول جەتكىزگەن ناتيجەلەرىن تولىق تۇراقتاندىرىپ، ءتۇرلى بازار تۇلعالارىنىڭ مەملەكەت دامۋىندا توتەنشە ماڭىزدى رول اتقارعاندىعىنا وسكەلەڭ باعا بەرىپ، ءبىزدىڭ سەنىمدى ارتتىرىپ، قيىندىقتان تايسالماي العا ۇمتىلىپ، ىندەت تۋدىرعان زياننىڭ ورنىن تولتىرۋعا قۇلشىنىپ، تۇتاس جىلداعى ەكونوميكالىق دامۋدا جاقسى ناتيجەلەرگە قول جەتكىزۋگە ۇمتىلۋىمىز كەرەكتىگىن باسا دارىپتەدى.
نەعۇرلىم حاۋىپ - قاتەر، سىن - سايىس بولعان سايىن، ونىمدىلىكتى، نەگىزدى سولعۇرلىم سىننان وتكىزەدى، تەرەڭ قاتپارلى باسىمدىقتى، دامۋ تەبىنىن سولعۇرلىم كورنەكتىلەندىرەدى. جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسىندا، ەلىمىز ەكونوميكاسى 1 - توقساندا زور دارەجەدە قۇلدىرادى، 2 - توقساندا ورنىقتى تۇردە كوتەرىلىپ، قۇلدىراۋدان وڭالۋعا بەتتەپ، ％3.2 ارتتى، الدىڭعى جارتى جىلدا ىشكى ءوندىرىستىڭ جالپى ءونىم قۇنى ％1.6 تومەندەدى، جالپى جاعدايى مەجەدەگىدەن جاقسى بولدى. كولەمنەن جوعارى ونەركاسىپتىڭ ارتقان قۇنى، قىزمەت وتەۋ كاسىبىنىڭ ارتقان قۇنى تۇگەلدەي قۇلدىراۋدان وڭالۋعا بەتتەپ، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىنىڭ، تۇراقتى مۇلىككە قوسىلعان قارجىنىڭ تومەندەۋ كولەمى زور دارەجەدە تارايدى... جاعدايدان قاراعاندا، 2 - توقسانداعى ءتۇرلى كورسەتكىشتەردىڭ بارلىعىندا جيەكتىك جاقسارۋ جارىققا شىعىپ، سوڭعى جارتى جىلداعى ەكونوميكانىڭ ۇزدىكسىز قالپىنا كەلۋىنە مىعىم نەگىز قالادى. حالىقارالىق قايراتكەرلەر بىلاي دەپ القادى: ”جۇڭگو ەكونوميكاسىنىڭ سەرپىلۋى دۇنيە ءجۇزى ەكونوميكاسىنىڭ دامۋىنا جەتەكشىلىك ەتىپ، الەم ەكونوميكاسىنا سەنىم مەن ءۇمىت اكەلدى“. اماليات ەلىمىز ەكونوميكاسىنىڭ ورنىقتىلىق بارىسىندا جاقسارۋىنىڭ، ۇزاق ۋاقىت جاقسارۋىنىڭ نەگىزگى جاعدايى وزگەرمەگەنىن، كومەسكى كۇشى جەتكىلىكتى، سەرپىمدىلىگى كۇشتى، مۇمكىندىك ءورىسى كەڭ، ساياساتتىق قۇرالدارى كوپ بولۋى سىندى نەگىزگى ەرەكشەلىگىنىڭ وزگەرمەگەنىن تولىق دالەلدەدى.
كەزەكتە الەمدىك ىندەت جاعدايى مەن دۇنيە ءجۇزىنىڭ ەكونوميكالىق جاعدايى ءالى دە قيىن، كۇردەلى، ەلىمىزدىڭ دامۋى بۇرىن بولماعان سىن - سايىستارعا ءدوپ كەلدى، ەلىمىزدە كوپتەگەن بازار تۇلعالارى بۇرىن بولماعان قىسىمعا ءدوپ كەلدى. تەتىك − جاعدايعا عىلمي تالداۋ جاساپ، دامۋ ۇلكەن اۋقىمىن يگەرىپ، قازىرگى قيىنشىلىقتارعا، حاۋىپ - قاتەرلەرگە، سىن - سايىستارعا جالپى بەتتىك، ديالەكتيكالىق، ۇزاق بولاشاقتىق كوز ايامەن قاراۋعا تاباندى بولىپ، بۇكىل قوعامنىڭ، اسىرەسە، ءار ءتۇرلى بازار تۇلعالارىنىڭ سەنىمىن ارتتىرىپ، زەيىن - زەردەنى شوعىرلاندىرا وتىرىپ ءوز ىستەرىمىزدى ويداعىداي ىستەۋىمىز كەرەك. بولاشاققا بەت العاندا، ءبىزدىڭ سەنىمىمىز ايرىقشا كەڭ كولەمدى بازار باسىمدىعىنان كەلەدى، ەلىمىزدە دۇنيە جۇزىندەگى ەڭ كەمەلدى، كولەمى ەڭ ۇلكەن ونەركاسىپ جۇيەسى، قۋاتتى ءوندىرىس قابىلەتى، كەمەلدى سايكەستى قابىلەت، سانى وراسان زور دارىندىلار قوسىنى بار، بۇل ءبىزدىڭ بوران - شاشىندا تابان تىرەپ نىقتاپ تۇرۋىمىزدىڭ نەگىزگى جۇلگەسى؛ جالىندى دامۋ جاڭا قوزعاۋشى قۋاتىنان باستاۋ العان سيفرلى ەكونوميكا، زەردەلى جاساۋ، ءومىر سالاماتتىعى سىندى جاڭا كاسىپتەر جاڭا ارتۋ ۇيەگىن قالىپتاستىردى، ەكونوميكانىڭ ورلەۋىنە ۇزدىكسىز تۇردە پارمەندى تىرەك ازىرلەۋمەن قاتار، ونان دا ماڭىزدىسى، ەلىمىز ەكونوميكاسىنىڭ جوعارى ساپالى دامۋىنا سەرپىندى قوزعاۋشى كۇش ۇستەدى؛ تولىق ساياساتتىق قۇرالداردان باستاۋ العان قازىنا ساياساتى اناعۇرلىم بەلسەندى، ۇتىمدى، اقشا ساياساتى اناعۇرلىم ورنىقتى، يكەمدى بولا تۇسەدى، ماكرولىق ساياساتتىڭ باعىتتامالىلىعى مەن ونىمدىلىگى ءتىپتى كۇشەيەدى، قيىنشىلىقتان قۇتقارىپ، كاسىپورىندارعا تيىمدىلىك جاساۋ جونىندە شىعارىلعان ءبىر قىدىرۋ ساياساتتار ءتىپتى جاقسى تياناقتاندىرىلىپ، ءونىم بەرەدى، سوڭعى جارتى جىلدا جاعدايدىڭ دامۋىنا سايكەس، ”التىنى ورنىقتىرۋدىڭ“ جۇزەگە اسۋ جاعدايى مەن ”التىنى قامتاماسىز ەتۋ“ مىندەتىنىڭ تياناقتاندىرىلۋ جاعدايى نەگىزىندە ۇيلەسىمدى رەتتەۋ جاسالادى، بۇل ەلىمىز ەكونوميكاسىنىڭ سەرپىلۋ جاعدايىن ساقتاۋىنا ساياساتتىق تىرەك ازىرلەيدى.
تۇتاس جىلدا ەكونوميكالىق دامۋدىڭ جاقسى ناتيجەلەرىنە قول جەتكىزۋگە ۇمتىلۋ بىزدەن داعدارىستان جاڭا وراي جەتىلدىرۋگە، وزگەرىس ىشىندە جاڭا جاعداي اشۋعا شەبەر بولۋدى تالاپ ەتەدى. باس شۋجي شي جينپيڭ بىلاي دەپ اتاپ كورسەتتى: قورعامپازدىق باس كوتەرگەن، دۇنيە ەكونوميكاسى تۇرالاعان، جاھاندىق بازار تارايعان كەزەكتەگى سىرتقى ورتادا، ءبىز، ءسوز جوق، ەل ىشىندەگى ايرىقشا كەڭ كولەمدى بازار باسىمدىعىن تولىق ساۋلەلەندىرىپ، ەل ءىشى ەكونوميكاسىن گۇلدەندىرۋ، ەل ىشىندەگى ۇلكەن اينالىمدى ىركىلىسسىزدەندىرۋ ارقىلى ەلىمىز ەكونوميكاسىنىڭ دامۋىنا قوزعاۋشى كۇش ۇستەۋىمىز، سونىمەن قاتار دۇنيە ەكونوميكاسىن سەرپىلۋگە باستاۋىمىز كەرەك. بولاشاققا بەت العاندا، ءبىز ەل ىشىندەگى سۇرانىستى قاناعاتتاندىرۋدى دامۋدىڭ ارقاۋى مەن تابان تىرەر تياناعى ەتىپ، كەمەلدى ىشكى سۇرانىس جۇيەسىن جەدەل قۇرىپ، عىلىم - تەحنيكادا جاڭالىق اشۋدى، سونداي - اق باسقا جاقتارداعى جاڭالىق اشۋدى زور كۇشپەن العا جىلجىتىپ، ستراتەگيالىق جاڭا گۇلدەنگەن كاسىپتەردى جەدەل ىلگەرىلەتىپ، ءتىپتى كوپ جاڭا ارتۋ تۇيىندەرىن قالىپتاستىرىپ، ءوندىرىس، ءبولىس، اينالىم، تۇتىنۋ بۋىندارىن كۇش سالا اشىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ اۋقىمىن بىرتىندەپ قالىپتاستىرۋىمىز، بولاشاق دامۋدىڭ جاڭا باسىمدىعىن قالىپتاستىرۋىمىز كەرەك.
جۇدىرىقتاي جۇمىلىپ قايراتتانا ىستەپ، قانشا جاپالى، قاتەرلى بولعان سايىن، سولعۇرلىم العا باسۋ كەرەك. كەلەر جىلدان باستاپ، ەلىمىز ”14 - بەسجىلدىق“ كەزەڭىنە وتەدى، بۇل جاپپاي سوتسياليستىك وسىزاماندانعان مەملەكەتتى قۇرىپ شىعۋ جاڭا ساپارىن باستاۋدىڭ العاشقى بەسجىلدىعى. ەلىمىز ەكونوميكاسى قيىنشىلىقتاردى جەڭە وتىرىپ ۇزدىكسىز دامىپ كەلەدى، سىن - سايىسقا توتەپ بەرۋ بارىسىندا ۇزدىكسىز زورايدى. العا باسۋ جولىندا، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، باتىلدىقپەن قامال الىپ قيىنشىلىقتاردى جەڭىپ، ەرلىكپەن جاۋاپكەرشىلىك ارقالاپ، ىسكەرلىك كورسەتىپ، پارتيا ورتالىق كوميتەتى شەشىمدەرىنىڭ، ورنالاستىرۋلارىنىڭ تياناقتانىپ، تامىر تارتۋىنا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋ شەشۋشى شايقاسىنىڭ، كەدەيلىكتەن ارىلتۋدان قامال الۋ شەشۋشى شايقاسىنىڭ نىسانالارى مەن مىندەتتەرىنىڭ ورىندالۋىنا شىنايى كەپىلدىك ەتىپ، ەلىمىز ەكونوميكاسىنىڭ تولقىن جارا العا باسۋىن، ورنىقتى، باياندى بولۋىن ىلگەرىلەتۋىمىز كەرەك.
(شينحۋا اگەنتتىنگىنىڭ 7 - ايدىڭ 22 - كۇنى بەيجيڭنەن بەرگەن حابارى)
