تيانشان تورىنىڭ حابارى. (سۋرەتىن ٴتۇسىرىپ حابارىن جازعان تىلشىلەر گۋو ليڭ، دوۋ شيڭجۇن، جانات تولقىن، ين تۇڭيۋان) 7 - ايدىڭ 23 - كۇنى، تۇستەن كەيىن ساعات 5تە، شينجياڭ ۇيعۇر اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ٴماجىلىسىن اشىپ، ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جاعدايىن حابارلاندىردى ٴارى تىلشىلەردىڭ سۇراۋىنا جاۋاپ بەردى.
اۆتونوميالى رايوندىق جاڭا تيپتى ايدارشا ۆيرۋس وكپە قابىنۋدى ەمدەۋ - قۇتقارۋ ماماندار گرۋپپاسىنىڭ ورىنباسار باستىعى لۋ چىن بىلاي دەپ تانىستىردى، 7 - ايدىڭ 19 - كۇنى شيپاحاناعا كەلگەن 76 جاستاعى ٴبىر ەر ادام دياگنوزى تۇراقتاندىرىلعان ناۋقاس. ونىڭ جاڭا تيپتى ايدارشا ۆيرۋس وكپە قابىنۋ، جۇرەك ايدارشا ارتەريانىڭ قابىنۋى، قانتتى نەسەپ اۋرۋى، جوعارى قان قىسىم، C تيپتى باۋىر قابىنۋ سياقتى اۋرۋلارى بار. شيپاحاناعا كىرگەننەن كەيىن جاڭا تيپتى ايدارشا ۆيرۋس وكپە قابىنۋىنىڭ سالماقتى ٴتۇرى دەپ تۇراقتاندىرىلادى. بارلىق ەمدەۋ قىزمەتكەرلەرىنىڭ قۇلشىنىسىمەن، ماماندار گرۋپپاسىنىڭ كوپ رەت بىرلەسىپ دياگنوز قويىپ، زەرتتەپ تالقىلاۋى ارقىلى ەمدەۋ جوباسىن كوپ رەت رەتتەپ، ساپالىلاندىرىپ، 7 - ايدىڭ 22 - كۇنى عىلمي باعامداۋ ارقىلى ماماندار گرۋپپاسى بۇل ناۋقاستىڭ اۋرۋ جاعدايى جاي تيپكە اينالدى دەپ قارايدى دا، سالماقتى تيپتەن جاي تيپكە وزگەرتەدى. قازىر ناۋقاستىڭ اۋرۋ جاعدايى ورنىعا باستادى. ”بۇل ٴبىزدىڭ دياگنوزى قويىلعان ناۋقاستاردى ەمدەۋ - قۇتقارۋ قىزمەتىن ويداعىداي ىستەۋ سەنىمىمىزدى ونان ارى بەكەمدەدى“،- دەدى لۋ چىن.
7 - ايدىڭ 22 - كۇنى، ماماندار گرۋپپاسى ىشىندەگى 20 ناۋقاسقا جان - جاقتى، جۇيەلى، عىلمي، جەكە تۇلعالى باعالاۋ جۇرگىزدى. جانە دە سايكەستى ەمدەۋ ۇسىنىسىن ورتاعا قويدى، ەمدەۋ ۇجىمى ٴاربىر ۇسىنىسقا ەگجەي - تەگجەيلى جوبا جاساپ، ٴبىر - بىرلەپ تياناقتاندىردى. قازىر قابىلداپ ەمدەگەن دياگنوزى تۇراقتاندىرىلعان ناۋقاستاردىڭ كوبىنىڭ اۋرۋ جاعدايى ورنىقتى.
