تيانشان تورىنىڭ حابارى. (سۋرەتىن ٴتۇسىرىپ حابارىن جازعان تىلشىلەر گۋو ليڭ، دوۋ شيڭجۇن، جانات تولقىن، ين تۇڭيۋان) 7 - ايدىڭ 23 - كۇنى، تۇستەن كەيىن ساعات 5تە، شينجياڭ ۇيعۇر اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ٴماجىلىسىن اشىپ،كەزەكتەگى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ودان ساقتانۋ-تىزگىندەۋ قىزمەتىنىڭ جاعدايىن حابارلاندىردى ٴارى تىلشىلەردىڭ سۇراۋىنا جاۋاپ بەردى.
اقپارات جاريالاۋ ماجىلىسىندە ٴۇرىمجى قالالىق ۇكىمەتتىڭ ورىنباسار باس حاتشىسى شاڭ يۇيلان بىلاي دەپ تانىستىردى: قازىر ٴۇرىمجى قالاسىنىڭ تيانشان رايونىندا، سايباق رايونىندا نۋكلەين قىشقىلىن تەكسەرۋدى ورىنداپ بولدى. 7 - ايدىڭ 22 - كۇنى ساعات 24كە دەيىن، ٴۇرىمجى قالاسىندا جيىنى 1 ميلليون 626 مىڭ 442 ادام - نۇسقا ۇلگى الىندى.
شاڭ يۇيلان بىلاي دەدى: 7 - ايدىڭ 21 - كۇنىنەن باستاپ، ولكە دارەجەلى باسشىلاردىڭ كوتەرمەگە الۋ، بايلانىس جاساۋ ٴتۇزىمىن ورناتقاننان كەيىن، ٴارقايسى كوتەرمەگە الىپ، بايلانىس جاسايتىن اۆتونوميالى رايون باسشىلارى جانە مەڭگەرمە، مەكەمە، قالا ، رايون، اۋداندارداعى جاۋاپتى جولداستار تۇندەلەتىپ كوتەرمەگە الىپ، بايلانىس جاسايتىن تەكسەرۋ قۇرىلىمدارى مەن رايوندارعا (اۋدان)، ٴمالى (باسقارۋ كوميتەتى) الەۋمەتتىك اۋماقتارعا (قىستاقتارعا) باردى. ۇلگى الۋ تۇيىندەرىن ورنالاستىرۋ، قىزمەتشىلەردى ۇيىمداستىرۋ، ينفورماتسيالاردى تىزىمدەۋ، ۇلگىنى تاسىمالداۋ، زاتتىق ماتەريالدارعا كەپىلدىك ەتۋ قاتارلى ٴارقايسى بۋىنداردىڭ جۇرگىزىلۋىن جەبەپ، ٴتۇرلى قىزمەتتەردى كۇش بىرىكتىرە ىلگەرىلەتتى.
شاڭ يۇيلان بىلاي دەدى: قىزمەتكەرلەر قوسىنىنىڭ كۇشەيۋىنە جانە تەكسەرۋ قابىلەتىنىڭ جوعارىلاۋىنا ىلەسە، ٴۇرىمجى قالاسىندا نۋكلەين قىشقىلىن تەكسەرۋ قىزمەتى جەدەل ىلگەرىلەدى. اسىرەسە، الدىڭعى شەپتەگى ەمدەۋ قىزمەتكەرلەرى، الەۋمەتتىك اۋماق قىزمەتكەرلەرى مەن ەرىكتىلەر شىلىڭگىر ىستىقتا قىزمەت ورىندارىنان تاپجىلماي، كەزەكتەسىپ جۇمىس ىستەپ، ۇلگى الۋ مىندەتتەرىن جوعارى ونىممەن ورىنداپ ٴبىتىردى.
ەلىمىزدەگى 10 ولكە، قالانىڭ شينجياڭعا كومەككە كەلگەن نۋكلەين قىشقىلىن تەكسەرۋ اترەتى مەن 24 تەكسەرۋ قۇرىلىمى توپتاعان بارلىق كاسىپتىك قىزمەتكەرلەر. كۇندىز - ٴتۇنى توقتاۋسىز جۇمىس جۇرگىزىپ، ۇلگى الۋ، ۇلگى الۋدان كەيىن جەتكىزۋ، جەتكىزگەننەن كەيىن تەكسەرۋدى ويداعىداي ىستەپ، ٴتۇرلى قىزمەتتەردى ويداعىداي ۇشتاستىرىپ، ۇيىمداستىرۋى ٴتارتىپتى بولدى.
قازىرگە دەيىن، تيانشان رايونىندا جانە سايباق رايونىندا نۋكلەين قىشقىلىن تەكسەرۋدى ورىنداپ بولدى، شۇيموگوۋ رايونىندا جانە جوعارى، جاڭا تەحنيكالىق اشۋ رايونىندا (جاڭا قالا رايونىندا) تەكسەرۋدى جاپپاي ورىستەتتى. باسقا رايونداردا (اۋدانداردا) ۇلگى الۋ، تەكسەرۋ قىزمەتى الدىنداعى ادامداردى ساناققا الۋ، زاتتىق ماتەريالداردى دايىنداۋ سياقتى دايىندىق جۇمىستاردى جۇرگىزۋدە.
