تيانشان تورىنىڭ حابارى (سۋرەتكە ءتۇسىرىپ، حابارىن جازعان ٴتىلشى سو رۇڭجى ەرىكتى ٴتىلشى جاڭ جييۋان). 7 - ايدىڭ 23 - كۇنى، تۇسكى ساعات 2دە، كەلەسى پويەزدىڭ بەكەتكە كىرۋىنە جارتى ساعاتتان ارتىق ۋاقىت قالعاندا، چىن يۇيليننىڭ قىزمەتتەستەرى وعان تۇسكى اس جەتكىزىپ بەردى. نان، سۋىق ءساي، جۇمىرتقا، مينەرال سۋ؛ تۇسكى استى العان چىن يۇيلين جول شەتىنە وتىرا قالىپ، تاماقتانا باستادى.
”قۇرساقتى تويدىرعان سوڭ جالعاستى ىستەيمىن“،- دەدى چىن يۇيلين، تاڭعى ساعات التىدان قازىرگە دەيىن ول 4 رەت جولاۋشىلاردى تاسىدى.
شوفەر چىن يۇيلين اۆتوكولىگىن زارارسىزداندىرۋدا.
چىن يۇيلين ٴۇرىمجى قالالىق الەۋمەتتىك قاتىناس كىرە اۆتوكولىك شەكتى جاۋاپكەرشىلىك سەرىكتەستىگىنىڭ شوفەرى، بيىل 41 جاستا. 7 - ايدىڭ 17 - كۇنى كەشتە، وسى سەرىكتەستىكتىڭ ماشينا اترەت باستىعى لي لياڭ ءۇنحات توبىندا، كوپشىلىككە شۇعىل جاعدايعا توتەپ بەرۋگە كەپىلدىك ەتەتىن اۆتوكولىك اترەتىنە تىزىمدەلۋدى ۇقتىردى، چىن يۇيلين تىزىمدەلدى.
تاڭ اتىسىمەن، چىن يۇيلين ماشينا اترەتىنە كەلدى. ول ٴۇرىمجى ۆوكزالىنداعى جولاۋشى تاسىمالداۋ اۆتوكولىك اترەتىنە ورنالاستىرىلدى. اۆتوموبيل اترەتى تاعى شوفەرلەرگە قوناق ءۇي دايىنداپ قويدى، كەشتە شوفەرلەردىڭ قوناق ۇيدە دەمالۋىنا بولادى.
پويەزدىڭ بەكەتكە كەلۋ ۋاقىت كەستەسىنە ساي، اترەت باستىعى شوفەرلەردى كەزەكشىلىككە ورنالاستىردى. ”ٴۇرىمجىنىڭ ءبىر مۇشەسى رەتىندە، بار كۇشىمدى جۇمساپ، ىندەتتى ەرتەرەك جەڭۋگە قۇلشىنامىن“،- دەدى چىن يۇيلين. ٴار كۇنى تاڭەرتەڭ ساعات 5تە ورنىنان تۇرىپ، سەرىكتەرىمەن بىرگە سەرىكتەستىككە بارىپ، اۆتوكولىگىن زارارسىزداندىرعاننان كەيىن، ٴۇرىمجى ۆوكزالىنا كەلەدى.
جۇرگىنشىلەردىڭ ىشىندە، سىرت جەرلەردەن ۇرىمجىگە ىسساپارمەن كەلگەندەر، جالدانبا جۇمىس ىستەيتىندەر، ۇيىنە قايتقاندار دا بار. ”ٴۇرىمجى قالاسى قولدانعان ىندەتتەن ساقتانۋ - تىزگىندەۋ شارالارىنا بارلىعىمىز جاقسى سايكەسەمىز، كوپ وتپەي جاقساراتىنىنا سەنىمىمىز كامىل“،-چىن يۇيلين جولاۋشىلارعا ۇنەمى وسىلاي دەيتىن.
