بۇل گان كىۋيدىڭ كوزى تىرىسىندەگى قىزمەتتەگى سۋرەتى. شينحۋا اگەنتتىگى تاراتقان
شينحۋا اگەنتتىگىنىڭ ناننيڭنەن بەرگەن حابارى (ءتىلشى حۋ جيالي). جەكەلەي ءبىر رەت 1 - دارەجەلى ەڭبەك، ءبىر رەت 2 - دارەجەلى ەڭبەك، 4 رەت 3 - دارەجەلى ەڭبەك كورسەتكەن، جەكەلەي 3 رەت ماراپاتتاۋ سيلىعىن، ”مەملەكەتتىك ءمورال ۇلگىسى، كاسىبىن قادىرلەپ، ۇلەس قوسۋ سيلىعىن“ العان، ”اۆتونوميالى رايوندىق تاڭداۋلى كوممۋنيستىك پارتيا مۇشەسى“ بولعان ... وسىنداي سيلىقتار مەن داڭقتى اتاقتار قاھارمان گان كىۋيدىڭ قاندى شايقاس جۇرگىزگەن شۇعىلالى ىزگى ىستەرىن ايعاقتايدى.
گان كىۋي، گۋاڭشيدىڭ فۋسۇي اۋدانىنان، 1980 - جىلى 9 - ايدىڭ 30 - كۇنى دۇنيەگە كەلگەن، كوزى تىرىسىندە ناننيڭ قالالىق قوعام حاۋىپسىزدىگى مەكەمەسى ەسىرتكىگە تيىم سالۋ تارماق اترەتىنىڭ حالىق ساقشىسى بولعان. 2017 - جىلى 1 - ايدا ول اۋرۋ سەبەبىنەن دۇنيەدەن ءوتتى، 4 - ايدا قوعام حاۋىپسىزدىگى مينيسترلىگى 2 - دارەجەلى قاھارمان ۇلگى اتاعىن تولىقتاپ بەردى.
بويىمنان قۋات كەتكەنشە قۇلشىنامىن، بۇل − گان كىۋيدىڭ كەزىندە ۋيچات دوستار شەڭبەرىندە جازعان ءبىر اۋىز ءسوزى ەدى. جۇمىسقا كىرىسسە بولعانى، ول ءوزىن توقتاتا المايتىن سياقتى. ەسىرتكىگە تيىم سالۋ تارماق اترەتى 3 - ۇلكەن اترەتىنىڭ ساياسي جەتەكشىسى لياۋ يۋان بىلاي دەپ تانىستىردى: 2008 - جىلى ەسىرتكى الىپساتارى حۋاڭ XX ەسىرتكى ساۋدالاۋ بارىسىندا ويدا جوقتا ساقشى جاقتىڭ تۇتقىنداۋىنان سىتىلىپ كەتەدى. گان كىۋي كەلەسى جىلى وسى دەلونى تەكسەرۋدى قابىلدايدى، اۆتوكولىكپەن بىرگە قولعا تۇسىرىلگەن كوپتەگەن كارتچكالاردان دەرەك ىزدەپ، ەڭ سوڭىندا دەلوعا قاتىستى 100دەن استام ينفورماتسيانى سالالاپ شىعادى.
وسىدان كەيىنگى بىرنەشە جىلدا حۋاڭ XXتى قامتىعان، ونىمەن ساۋدالاسقان، تىكەلەي نەمەسە جانامالاي بايلانىستا بولعان، گۋاڭشيدەگى دەلوعا قاتىستى نەشە ونداعان توپ ىركەس - تىركەس تورعا تۇسەدى. ”وسى نەشە ونداعان توپتىڭ تورعا ءتۇسۋى، 100دەن استام دەلونىڭ اشكەرەلەنۋى تۇگەلدەي گان كىۋيدىڭ ينفورماتسياعا ۇزدىكسىز تۇجىرىم جاساۋىنان بولدى“. لياۋ يۋان بىلاي دەدى: وسى قاينار كوزدەن تارالعان دەرەكتەر مەن بارلاۋ بەتالىستارى قازىرگە دەيىن رولىن كورسەتىپ كەلەدى“.
گان كىۋيدىڭ دەنەسىندە تالاي رەتكى تۇتقىنداۋ ارەكەتىندە جارالانۋدان كوپتەگەن تىرتىق قالعان ەدى. 2013 - جىلى 6 - ايداعى ءبىر رەتكى تۇتقىنداۋدا گان كىۋي ەسىرتكى الىپساتارىنىڭ اۆتوكولىكپەن قاشۋعا وقتالعاندىعىن كورىپ تۇرا ۇمتىلىپ، اۆتوكولىكتىڭ تەرەزەسىنەن كىلتتى جۇلىپ الماق بولادى، ەسىرتكى الىپساتارى مايدى بەرىپ، گان كىۋيدى ون نەشە مەتر جەرگە دەيىن سۇيرەپ اكەتەدى. ”ءبىز وعان قويا بەر دەپ ايعايلادىق، ول سوندا دا كىلتتى جۇلىپ الۋعا ۇمتىلدى“. ەسىرتكىگە تيىم سالۋ تارماق اترەتى 4 - ۇلكەن اترەتىنىڭ باستىعى حۋاڭ شىڭ گان كىۋيدىڭ ارتىنان جىعىلىپ قالعانىن، كولىكتىڭ ارتقى دوڭگەلەگى جاناسالاپ وتە شىققانىن ايتتى، ”نەبارى نەشە سانتيمەتر ارالىق عانا قالدى، ونى اۆتوكولىك مىجىپ كەتە جازدادى“، - دەدى ول. گان كىۋيدىڭ جىلدام ارەكەتى قىزمەتتەستەرىنىڭ ۋاقىتتان ۇتۋىنا مۇمكىندىك بەرىپ، ەڭ سوڭىندا ەسىرتكى الىپساتارى ءساتتى قولعا ءتۇستى، الايدا، ونىڭ جارىم دەنەسى اۋىر ءسۇرىنىپ جارالاندى.
2016 - جىلى جۇڭچيۋ مەرەكەسىندە گان كىۋي اۋىلىنا قايتىپ اتا - اناسىمەن بىرگە تاماقتانادى، ايتسەدە، قىزمەت ورنىنان كەلگەن تەلەفون ونى اسىعىس قايتا قايتۋعا ماجبۇرلەيدى. قارتايعان اتا - اناسى مۇنىڭ ۇلدارىمەن ەڭ سوڭعى ءبىر رەت باس قوسىپ تاماقتانۋى بولىپ قالارىن مۇلدە ويلاماعان ەدى.
12 - ايدىڭ 28 - كۇنى گان كىۋي مەن قىزمەتتەستەرى جياڭشيگە بارىپ، ءبىر ەسىرتكى دەلوسىنىڭ دەرەكتەرىن جيناعاندا، ناننيڭگە تاسالانعان ءبىر ەسىرتكى ساۋدالاۋ توبىنىڭ دەرەگىن بايقايدى. ءىسساپاردا جۇرگەندە گان كىۋي نەشە رەت باسى اۋىرسا دا تاباندىلىقپەن اۋەلگىدەي قىزمەتىن جالعاستىرادى، ءىس جۇزىندە، بۇل ابدەن قالجىراعان دەنەسىنىڭ ”ەسكەرتۋى“ بولاتىن. 12 - ايدىڭ 30 - كۇنى ول تىنىم تاپپاستان ەندى عانا ناننيڭگە ورالعاندا باسى قاتتى اۋىرىپ قۇسادى، سوڭىنان ەسىنەن تانىپ قالادى دا دەرەۋ شيپاحاناعا شۇعىل قۇتقارۋعا جەتكىزىلەدى. تەكسەرۋ ارقىلى كوپىرشىك ءتارىزدى مي ارتەرياسى وسپەسى جانە تورلى قابىق استى قۋىسى قاناعان، ميىنا سۋ جينالعان دەپ دياگنوز قويىلادى.
گان كىۋي حال ۇستىندە جاتقاندا، ونىڭ قىزمەتتەستەرى الدىڭعى مەرزىمدىك تۇجىرىمداۋ ناتيجەلەرىنە سۇيەنىپ، ناننيڭنىڭ قالا ماڭىنا ورنالاسقان ەسىرتكى جاساۋ اپانىن ءبىر جولا تالقانداپ، 10 توننا ەسىرتكى جاساۋ بۇيىمدارىن قولعا تۇسىرەدى.
وسى دەلو ءۇشىن كوپ ەڭبەك سىڭىرگەن قاھارمان، جەڭىستىڭ ءساتىن كورە المادى. 2017 - جىلى 1 - ايدىڭ 15 - كۇنى ميىنا توسىن قان قۇيىلعان گان كىۋي قۇتقارۋ ءونىم بەرمەي، ماڭگىلىك كوز جۇمدى.
