تيانشان تورى   ›   جاڭالىقتار   ›   عىلىم-تەحنيكا

”تيانۋىن − 1“ مارسقا جول الدى

ەلىمىزدىڭ تۇڭعىش مارستى بارلاۋ مىندەتىن اتقاراتىن بارلاۋ اسپابى ءساتتى ۇشىرىلدى

”تيانۋىن − 1“ مارسقا جول الدى

  شينحۋا اگەنتتىگىنىڭ 7 - ايدىڭ 23 - كۇنى حايناننىڭ ۋىنچاڭىنان بەرگەن حابارى (ءتىلشى حۋ جى، جوۋ شۋان). ”توعىز قابات اسپاندى كىم ولشەپ كورگەن؟“، 2020 - جىلى 7 - ايدىڭ 23 - كۇنى ساعات 12دەن 41 مينۋت وتكەندە، ەلىمىز حاينانداۋدىڭ شىعىس سولتۇستىك تەڭىزى جاڭالاۋىنداعى جۇڭگو ۋىنچاڭ عارىشقا ۇشۋ الاڭىندا چاڭجىڭ − 5 شالعاي 4 - تاسىمال راكەتاسىمەن ەلىمىزدىڭ تۇڭعىش مارستى بارلاۋ مىندەتىن اتقاراتىن ”تيانۋىن − 1“ بارلاۋ اسپابى ۇشىرىلىپ كەڭىستىككە كوتەرىلىپ، 2000 نەشە سەكۋند ۇشقاننان كەيىن، بارلاۋ اسپابىن بەلگىلەنگەن وربيتاعا ءساتتى جەتكىزىپ، مارستى بارلاۋ ساپارىن باستاپ، ەلىمىزدىڭ قىدىرما جۇلدىزدى بارلاۋدى دەربەس ورىستەتۋدەگى العاشقى قادامىن باستى.

  بارلاۋ اسپابى جەر شارى وربيتاسىنان مارس وربيتاسىنا شامامەن 7 اي ۇشقاننان كەيىن، مارستىڭ ماڭىنا جەتىپ، ”تورموز“ بەرۋ ارقىلى مارس سيگنالىن ۇستاپ، مارستى اينالاتىن وربيتاعا كىرەدى، سونداي - اق ورايدى تاڭداپ قونۋ، شارلاۋ سياقتى مىندەتتەردى ورىستەتىپ، مارستا عىلمي بارلاۋ جۇرگىزەدى.

  الەم جونىندەگى مىڭداعان جىلداردان بەرگى ىزدەنىس پەن ۇمتىلىس − جۇڭحۋا ۇلتىنىڭ اينىماس عارىش ارمانى. ەرتە زامان اقىنى چۇي يۋان جازعان «تيانۋىننان» بۇگىنگى كۇندەگى ەلىمىزدىڭ تۇڭعىش مارستى بارلاۋ مىندەتىنىڭ ”تيانۋىن − 1“ دەپ اتالۋىنا دەيىن عارىش جونىندەگى ىزدەنىستە شەت - شەكارا بولمادى، ۇلى ارمان تولاستاعان ەمەس.

  تۇڭعىش مارستى بارلاۋ مىندەتىنىڭ اقپارات مالىمدەمەشىسى، مەملەكەتتىك عارىش مەكەمەسى ايدى بارلاۋ جانە عارىش ينجەنەرياسى ورتالىعىنىڭ ورىنباسار مەڭگەرۋشىسى ليۋ تۇڭجيە مىنالاردى ءبىلدىردى: بۇل رەتكى مارستى بارلاۋ مىندەتىنىڭ ينجەنەريالىق نىساناسى − مارستى اينالىپ بارلاۋدى جانە شارلاپ بارلاۋدى جۇزەگە اسىرىپ، مارستى بارلاۋ عىلمي ساندى مالىمەتتەرىنە يە بولىپ، ەلىمىزدىڭ تەرەڭ كەڭىستىكتى بارلاۋ سالاسىنداعى تەحنيكالىق قارىشتاۋىن جۇزەگە اسىرۋ؛ سونىمەن بىرگە دەربەس، ءوزى باسقاراتىن تەرەڭ كەڭىستىكتى بارلاۋ ينجەنەرياسى جۇيەسىن قۇرىپ، ەلىمىزدىڭ تەرەڭ كەڭىستىكتى بارلاۋ قيمىلىنىڭ باياندى دامۋىن ىلگەرىلەتۋ.

  ”بۇل رەتكى مارستى بارلاۋ مىندەتىنىڭ عىلمي نىساناسى، باستىسى، مارس ءپىشىنى جانە گەولوگيالىق قۇرىلىم ەرەكشەلىگى، مارس سىرتقى بەت توپىراعىنىڭ ەرەكشەلىگى جانە سۋدىڭ، مۇزدىڭ تارالۋى، مارس سىرتقى بەتىندەگى زاتتاردىڭ قۇرامى، مارس اتموسفەراسىنىڭ يونوسفەرا قاباتى، سونداي - اق سىرتقى بەتىنىڭ كليماتى جانە ورتا ەرەكشەلىگى، مارستىڭ فيزيكالىق ءورىسى جانە ىشكى قۇرىلىمى، ت . ب لاردى زەرتتەۋ“، - دەدى ليۋ تۇڭجيە.

  ەلىمىزدىڭ مارستى بارلاۋىن اشىق عىلمي ىزدەنىس تۇعىرى ەتكەن شياڭگاڭ، اۋمىن وڭىرلەرىندەگى جوعارى مەكتەپتەردى قامتىعان بۇكىل ەلدىڭ كوپتەگەن جەرلەرىندەگى زەرتتەۋ قۇرىلىمدارى زەرتتەۋ - جاساۋ بارىسىنا بەلسەنە ات سالىستى، سونداي - اق ەۆروپا عارىش مەكەمەسى، فرانسيا، اۆستريا، ارگەنتينا سياقتى ۇيىمدارمەن جانە ەلدەرمەن كوپ ءتۇرلى سەلبەستىك ورىستەتتى.

  بۇل رەتكى مارستى بارلاۋ مىندەتى 2016 - جىلى 1 - ايدا پارتيا ورتالىق كوميتەتى، مەملەكەتتىك كەڭەستىڭ بەكىتۋىمەن نىسانعا ەنگىزىلدى، مەملەكەتتىك عارىش مەكەمەسى ۇيىمداستىرىپ اتقاردى، ناقتى ينجەنەريا جالپى تۇلعاسى بارلاۋ اسپابى، تاسىمال راكەتاسى، ۇشىرۋ الاڭى، ولشەۋ - مەڭگەرۋ، جەر بەتى قولدانىلىمى سياقتى 5 ۇلكەن جۇيەدەن قۇرالعان.

  مەملەكەتتىك عارىش مەكەمەسى ايدى بارلاۋ جانە عارىش ينجەنەرياسى ورتالىعى ينجەنەريانىڭ جالپى تۇلعالىق ورنى بولدى، جۇڭگو عارىش عىلىم - تەحنيكا توبى شەكتى سەرىكتەستىگىنە قاراستى جۇڭگو تاسىمال راكەتاسى تەحنيكاسىن زەرتتەۋ اكادەمياسى تاسىمال راكەتاسى جۇيەسىن زەرتتەۋ - جاساۋدى نەگىزگى جاقتان مەڭگەردى، جۇڭگو عارىش عىلىم - تەحنيكا توبى شەكتى سەرىكتەستىگىنە قاراستى جۇڭگو كەڭىستىك تەحنيكاسىن زەرتتەۋ اكادەمياسى مەن شاڭحاي عارىش تەحنيكاسىن زەرتتەۋ اكادەمياسى بارلاۋ اسپابى جۇيەسىن زەرتتەۋ - جاساۋدى نەگىزگى جاقتان مەڭگەردى. جۇڭگو جاساندى سەرىك ۇشىرۋ، ولشەۋ - مەڭگەرۋ جۇيەسى ءبولىمى ۇشۋدى، ولشەۋ - مەڭگەرۋدى ۇيىمداستىرىپ اتقارۋعا جاۋاپتى بولدى. جۇڭگو عىلىم اكادەمياسى مەملەكەتتىك استرونوميا ستانسياسى جەر بەتى قولدانىلمالى جۇيەسىن زەرتتەۋ - جاساۋدى جالپىلىق يگەرىپ، عىلمي ساندى مالىمەتتەردى قابىلداۋ، ءبىر جاقتى ەتۋ، ساقتاۋ، باسقارۋ سياقتى قىزمەتتەرگە جاۋاپتى بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى