7 - ايدىڭ 22 - كۇنى ساعات 24كە دەيىن ۇلگى الىنعاندار سانى ءبىر ميلليون 620 مىڭ ادامنان استى
شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 7 - ايدىڭ 23 - كۇنى ۇرىمجىدەن حابارلايدى. 7 - ايدىڭ 23 - كۇنى تۇستەن كەيىن اۆتونوميالى رايوندىق ۇكىمەتتىڭ اقپارات كەڭسەسى اشقان اقپار جاريالاۋ ماجىلىسىنەن ۇعىسۋىمىزشا، 7 - ايدىڭ 22 - كۇنى ساعات 0دەن ساعات 24كە دەيىن ءۇرىمجى قالاسىندا جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان 18 ناۋقاس، اۋرۋ بەلگىسى جوق 24 جۇعىمدالۋشى جاڭادان قوسىلعان. 7 - ايدىڭ 22 - كۇنى ساعات 24كە دەيىن ءۇرىمجى قالاسىندا دياگنوزى تۇراقتاندىرىلعان ناۋقاس 80گە، اۋرۋ بەلگىسى جوق جۇعىمدالۋشى 77گە جەتكەن. ءۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى جاڭ ۋي اقپار جاريالاۋ ماجىلىسىندە بىلاي دەپ تانىستىردى: ءۇرىمجى قالاسىندا جاڭادان قوسىلعان 18 ناۋقاستىڭ اراسىندا 16 ناۋقاس مەديتسينالىق باقىلاۋ بارىسىندا اۋرۋ بەلگىسى جوق جۇعىمدالۋشىدان دياگنوزى تۇراقتاندىرىلعان ناۋقاسقا وزگەرگەن، سونىمەن بىرگە اۋرۋ بەلگىسى جوق تاعى 24 جۇعىمدالۋشى جاڭادان قوسىلعان، بۇل ءۇرىمجى قالاسى ورىستەتكەن نۋكلەين قىشقىلىن تەگىن تەكسەرۋدىڭ وتە دەر كەزىندە بولعانىن، قاجەتتى ەكەنىن تۇسىندىرەدى.
7 - ايدىڭ 22 - كۇنى ساعات 24كە دەيىن ءۇرىمجى قالاسىندا جيىنى ءبىر ميلليون 626 مىڭ 400 ادامنان ۇلگى الىندى. تيانشان رايونى مەن سايباق رايونىندا نۋكلەين قىشقىلىن تەكسەرۋ تولىق ورىندالىپ بولدى، شۇيموگوۋ رايونى مەن جوعارى، جاڭا تەحنيكالىق اشۋ رايونىندا (جاڭا قالا رايونى) تەكسەرۋ قىزمەتى جاپپاي باستالدى، قالعان رايوندار (اۋدان) تەكسەرۋ الدىنداعى ادام ساناعىن الۋ، زاتتىق ماتەريالداردى ورنالاستىرۋ سياقتى دايىندىق جۇمىستارىن ىستەۋدە.
نۋكلەين قىشقىلىن تەكسەرۋ قابىلەتىن جوعارىلاتۋ ءۇشىن، 7 - ايدىڭ 21 - كۇنى اۆتونوميالى رايون ولكە دارەجەلى باسشى كادرلار كوتەرمەگە الىپ بايلانىس ورناتۋ جاۋاپكەرشىلىك ءتۇزىمىن ورناتتى، كوتەرمەگە الىپ بايلانىس ورناتقان اۆتونوميالى رايون باسشىلارى مەن مەڭگەرمەلەردىڭ (مەكەمە، قالا)، رايونداردىڭ (اۋدان) جاۋاپتى جولداستارى تۇندەلەتىپ وزدەرى كوتەرمەگە الىپ بايلانىس ورناتقان تەكسەرۋ قۇرىلىمدارى مەن رايوندارعا (اۋدان)، مالىلەرگە (باسقارۋ كوميتەتى)، الەۋمەتتىك اۋماقتارعا (قىستاق) بارىپ، ءتۇرلى قىزمەتتەردى كۇش بىرىكتىرە ىلگەرىلەتتى. ادام كۇشىنىڭ ارتۋى مەن تەكسەرۋ قابىلەتىنىڭ جوعارىلاۋىنا بايلانىستى، بۇكىل قالادا نۋكلەين قىشقىلىن تەكسەرۋ قىزمەتى جەدەل ىلگەرىلەتىلدى. ءبىرىنشى شەپتەگى ەمدەۋ قىزمەتكەرلەرى، الەۋمەتتىك اۋماق قىزمەتكەرلەرى جانە ەرىكتىلەر شىلىڭگىر ىستىققا قاراماستان، قىزمەت ورىندارىنان تاپجىلماي، كەزەكپەن جۇمىس ىستەپ، ۇلگى الۋ مىندەتىن جوعارى ونىممەن ورىندادى؛ ولكە، قالالاردىڭ 10 كومەك اترەتى مەن 24 تەكسەرۋ قۇرىلىمى بارلىق كاسىپتىك قىزمەتكەرلەردى جۇمىلدىرىپ، كۇنى - ءتۇنى دەمەي توقتاۋسىز جۇمىس ىستەپ، كەز كەلگەن ۋاقىتتا ۇلگى الۋدى، كەز كەلگەن ۋاقىتتا جونەلتۋدى، كەز كەلگەن ۋاقىتتا تەكسەرۋدى ورىندادى.
جۇرتشىلىق كوڭىل ءبولىپ وتىرعان ناۋقاستاردى قۇتقارۋ - ەمدەۋ جاعدايى جونىندە اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتى قۇتقارۋ - ەمدەۋ ماماندار گرۋپپاسىنىڭ ورىنباسار باستىعى لۋ چىن بىلاي دەپ تانىستىردى: رايونىمىز ەمدەۋگە الىنعان جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاستار ءۇشىن ”ءبىر ادامعا ءبىر شارا“، كوپ ءپان سەلبەسىپ قۇتقارۋ - ەمدەۋ جانە جۇڭگوشا شيپاگەرلىك پەن باتىسشا شيپاگەرلىككە بىردەي ءمان بەرۋ سىندى ەمدەۋ ءادىسىن قولداندى. قازىر ەمدەۋگە الىنعان دياگنوزى تۇراقتاندىرىلعان ناۋقاستاردىڭ كوبىنىڭ اۋرۋ جاعدايى تۇراقتى.
