تيانشان تورى   ›   ۇيرەنۋ   ›   شولۋ

مەملەكەت ءۇشىن جاۋاپكەرشىلىك ارقالاپ، مەملەكەتتىڭ قامىن ويلاپ، كاسىپكەرلەر رۋحىن اسقاقتاتايىق

− باس شۋجي شي جينپيڭنىڭ كاسىپكەرلەر اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  كاسىپكەرلەر − ەكونوميكالىق قيمىلداردىڭ ماڭىزدى تۇلعاسى. بازار ومىرشەڭدىگى كاسىپورىنداردان، اسىرەسە، كاسىپكەرلەردەن، كاسىپكەرلەر رۋحىنان كەلەدى.

  تاياۋدا اشىلعان كاسىپكەرلەر اڭگىمە ماجىلىسىندە، باس شۋجي شي جينپيڭ كاسىپكەرلەردى مەملەكەت ءۇشىن جاۋاپكەرشىلىك ارقالاپ، مەملەكەتتىڭ قامىن ويلاپ، كاسىپكەرلەر رۋحىن اسقاقتاتۋعا جىگەرلەندىرىپ، بىلاي دەپ باسا دارىپتەدى: كاسىپكەرلەر كاسىپورىنداردى كەزەكتەگى قيىنشىلىقتاردى جەڭىپ، اناعۇرلىم نۇرلى بولاشاققا بەت الۋعا جەتەكتەۋ ءۇشىن، وتاندى ءسۇيۋ، جاڭالىق اشۋ، ادالدىق، قوعامدىق جاۋاپكەرشىلىك جانە حالىقارالىق كوز ايا سياقتى جاقتاردا وزدەرىن ۇزدىكسىز ءوسىرىپ، جاڭا داۋىردە جاڭا دامۋ جاعدايىن ورناتۋدىڭ، وسىزاماندانعان ەكونوميكا جۇيەسىن قۇرۋدىڭ، جوعارى ساپالى دامۋدى ىلگەرىلەتۋدىڭ جالىندى كۇشىنە اينالۋعا قۇلشىنۋى كەرەك.

  جەڭىس كەلەدى مىڭ ماشاقات - جاپادان. بارلىق اسىل ارماننىڭ جۇزەگە اسۋى قۋاتتى رۋحاني شابىتتى قاجەت ەتەدى. رەفورما جاساپ، ەسىك اشقاننان بەرى، جۇرەكتى، باتىل، جاڭالىق اشا الاتىن كاسىپكەرلەردىڭ مول شوعىرى قاۋلاپ جەتىلىپ، ايقىن داۋىرلىك ەرەكشەلىككە، ۇلتتىق ەرەكشەلىككە، دۇنيە جۇزىلىك دەڭگەيگە يە جۇڭگو كاسىپكەرلەر قوسىنى قالىپتاستى. قالىڭ كاسىپكەرلەر مەملەكەتكە، ۇلتقا دەگەن وسكەلەڭ بورىشتىلىق سەزىم جانە كۇشتى جاۋاپكەرشىلىك سەزىمدە بولىپ، كاسىپورىننىڭ دامۋىن مەملەكەتتىڭ گۇلدەنۋىمەن، ۇلتتىڭ كوركەيۋىمەن، حالىقتىڭ باقىتىمەن تىعىز ۇشتاستىرىپ، ىرىقتىلىقپەن مەملەكەت ءۇشىن جاۋاپكەرشىلىك ارقالاپ، مەملەكەتتىڭ قامىن ويلاپ، ءداۋىردىڭ دامۋىنا سايكەسىپ، ەرلىكپەن كۇرەسىپ العا ۇمتىلىپ، قوعامدىق بايلىق توپتاۋعا، جۇمىستانۋ ورىندارىن اشۋعا، ەكونوميكالىق، قوعامدىق دامۋدى جەبەۋگە، جالپىلىق مەملەكەت قۋاتىن كۇشەيتۋگە ماڭىزدى ۇلەس قوسىپ، تاريحتىڭ ايبىندى دا دابىرالى كارتيناسىندا كاسىپكەرلەر رۋحىنىڭ جارقىن تاراۋىن جازدى. بيىل جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدە قالىڭ كاسىپكەرلەر ىندەتكە توتەپ بەرۋدىڭ حالىقتىق شايقاسىنا بەلسەنە ات سالىسىپ، ىنتىماقتاسا سەلبەسىپ، قامال الىپ قيىندىقتاردى جەڭىپ، قۇلشىنا وزدەرىن قۇتقارىپ، ءورشىل اسقاق رۋحتى ايگىلەدى. فاكت كاسىپكەرلەر رۋحىنىڭ قىمباتتى قوعامدىق بايلىق، جوعارى ساپالى دامۋدى جۇزەگە اسىرۋدىڭ پارمەندى تىرەگى ەكەنىن دالەلدەدى. كاسىپكەرلەر رۋحىن اسقاقتاتىپ، كاسىپكەرلەردىڭ رولىن ءتىپتى جاقسى ساۋلەلەندىرۋ قامداۋ جاعىنداعى قۇرىلىمدىق رەفورمانى تەرەڭدەتۋدە، بازار ومىرشەڭدىگىن قاۋلاتۋدا، ەكونوميكانىڭ، قوعامنىڭ باياندى اقاۋسىز دامۋىن جۇزەگە اسىرۋدا كەلەلى ماڭىز الادى.

  جاڭا ءداۋىر داۋىرمەن بىرگە العا باساتىن كاسىپكەرلەر رۋحى بولۋعا ۇندەيدى. پارتيانىڭ 18 - قۇرىلتايىنان بەرى، پارتيا ورتالىق كوميتەتى كاسىپكەرلەر قاۋىمىنىڭ مەملەكەتتىڭ دامۋىنداعى ماڭىزدى رولىنا ايرىقشا ءمان بەردى، باس شۋجي شي جينپيڭ كاسىپكەرلەر رۋحىن اسقاقتاتۋدى تالاي رەت باسا دارىپتەدى. وسى جولعى كاسىپكەرلەر اڭگىمە ماجىلىسىندە، باس شۋجي كاسىپكەرلەر قاۋىمى ايگىلەگەن رۋحاني كەلبەتىن تولىق تۇراقتاندىرىپ، ”وتانشىلدىق سۇيىسپەنشىلىكتى كۇشەيتۋ“، ”جۇرەكتىلىكپەن جاڭالىق اشۋ“، ”ادالدىقتى ساقتاۋ، زاڭعا بويسۇنۋ“، ”قوعامدىق جاۋاپكەرشىلىك ارقالاۋ“، ”حالىقارالىق كوز ايانى كەڭەيتۋ“ سياقتى 5 ءۇمىتىن ايقىن العا قويىپ، كاسىپكەرلەر رۋحىنىڭ داۋىرلىك مازمۇنىن بايىتىپ جانە كەڭەيتىپ، جاڭا جاعدايدا كاسىپكەرلەر رۋحىن اسقاقتاتۋعا يدەيالىق جانە ارەكەت باعدارناماسىن ازىرلەدى. ءبىز مىنانى تەرەڭ تانۋىمىز كەرەك: كاسىپورىنداردىڭ تيجارات - ساۋداسىندا مەملەكەت شەكاراسى بولماعانىمەن، كاسىپكەرلەردىڭ وتانى بار، وتاندى ءسۇيۋ − تاياۋ زاماننان بەرگى ەلىمىز تاڭداۋلى كاسىپكەرلەرىنىڭ داڭقتى ءداستۇرى، وتانشىلدىق سۇيىسپەنشىلىك − كاسىپكەرلەردە بولۋعا ءتيىستى قۇندىق تالپىنىس؛ جاڭالىق اشۋ − دامۋدى جەتەكتەيتىن ءبىرىنشى قوزعاۋشى كۇش، كاسىپكەرلەردىڭ جاڭالىق اشۋ قيمىلى − كاسىپورىننىڭ جاڭالىق اشا دامۋىن ىلگەرىلەتەتىن شەشۋشى تەتىك؛ سوتسياليستىك بازار شارۋاشىلىعى سەنىم شارۋاشىلىعى، زاڭمەن جونگە سالىناتىن شارۋاشىلىق، كاسىپكەرلەردىڭ ءار جاقپەن قارىم - قاتىناس جاساپ، ادام، قازىنا، زات سياقتى ءتۇرلى بايلىقتاردى جۇمىلدىرۋدا ادالدىعى بولماسا العا باسۋى قيىنعا سوعادى؛ قوعام − كاسىپكەرلەردىڭ تالانتىن كورسەتەتىن ساحناسى، قوعامعا شىن نيەتپەن قارىمجى قايتارىپ، قوعامدىق جاۋاپكەرشىلىگىن شىنايى اتقارعان كاسىپكەرلەر عانا قوعامنىڭ شىنايى مويىنداۋىنا يە بولادى، مىنە وسىنداي كاسىپكەرلەر ءداۋىر تالابىنا ۇيلەسەتىن كاسىپكەرلەر سانالادى؛ كوز ايا قانشالىق كەڭ بولسا، كوڭىل كوكىرەگى دە سونشالىق كەڭ بولادى، حالىقارالىق كوز ايانى كەڭەيتكەندە عانا، حالىقارا، ەل ءىشى سىندى ەكى بازاردان، ەكى ءتۇرلى بايلىقتان ءبىر تۇتاس پايدالانۋ قابىلەتىن جوعارىلاتۋعا بولادى.

  پارتيا 19 - قۇرىلتايىنىڭ بايانداماسىندا كاسىپكەرلەر رۋحىن قاۋلاتىپ جانە قورعاپ، اناعۇرلىم كوپ قوعامدىق تۇلعالاردى جاڭالىق اشۋعا، شارۋاشىلىق قۇرۋعا ات سالىسۋعا جىگەرلەندىرۋ كەرەكتىگى اتاپ كورسەتىلدى. ىندەت اكەلگەن ەكونوميكانىڭ باياۋلاۋ قىسىمى سياقتى ءار ءتۇرلى حاۋىپ - قاتەر، سىن - سايىس الدىندا، ءبىز كاسىپكەرلەر رۋحىن، اسىرەسە، زور كۇشپەن اسقاقتاتۋىمىز كەرەك. وتانشىلدىق سۇيىسپەنشىلىكتى كۇشەيتىپ، كاسىپورىندى ايانباي تالپىنۋعا، بىرەگەي بولۋعا قۇلشىنۋعا باستاپ، ساپاسى اناعۇرلىم جاقسى، ونىمدىلىگى اناعۇرلىم جوعارى، باسەكەلىك قابىلەتى اناعۇرلىم كۇشتى، ىقپال كۇشى اناعۇرلىم زور دامۋدى جۇزەگە اسىرۋ كەرەك. جۇرەكتىلىكپەن جاڭالىق اشىپ، جاڭالىق اشا دامۋداعى ىزدەنىس جاساۋشىلاردان، ۇيىمداستىرۋشىلاردان، جەتەكتەۋشىلەردەن بولىپ، وندىرىستە ۇيىمداستىرۋ جاعىنان جاڭالىق اشۋدى، تەحنيكا جاعىنان جاڭالىق اشۋدى، بازار جاعىنان جاڭالىق اشۋدى جۇرەكتىلىكپەن ىلگەرىلەتىپ، تەحنيكالىق زەرتتەۋ - اشۋعا جانە ادام كۇشى كاپيتالىنا ۇسىنىلىم قوسۋعا ءمان بەرىپ، قىزمەتكەرلەردىڭ جاسامپازدىق قابىلەتىن ءونىمدى جۇمىلدىرىپ، كاسىپورىندى قۋاتتى جاڭالىق اشۋ تۇلعاسى ەتىپ قالىپتاستىرۋعا قۇلشىنۋ كەرەك. ادالدىقتى ساقتاۋدىڭ، زاڭعا بويسۇنۋدىڭ ونەگەسى بولىپ، بۇكىل قوعامنىڭ ءمورال ساپاسى مەن وركەنيەت دەڭگەيىن جوعارىلاتۋعا باستاماشى بولۋ كەرەك. قوعامدىق جاۋاپكەرشىلىك ارقالاپ، جۇمىستاندىرۋ ورىندارىن ورنىقتىرۋعا قۇلشىنىپ، قىزمەتكەرلەردىڭ دەنساۋلىعىنا كوڭىل ءبولىپ، قىزمەتكەرلەرمەن قول ۇستاسا وتىرىپ قيىن وتكەلدەن بىرگە ءوتۋ كەرەك. حالىقارالىق كوز ايانى كەڭەيتىپ، جۇڭگونى تياناق ەتىپ، دۇنيە جۇزىنە كوز جىبەرىپ، حالىقارالىق بازاردىڭ بەتالىسى مەن سۇرانىس ەرەكشەلىكتەرىن يگەرۋ قابىلەتىن جوعارىلاتىپ، حالىقارالىق ەرەجەلەردى يگەرۋ قابىلەتىن جوعارىلاتىپ، حالىقارالىق بازاردى اشۋ قابىلەتىن جوعارىلاتىپ، حالىقارالىق بازارداعى حاۋىپ - قاتەرلەردەن ساقتانۋ قابىلەتىن جوعارىلاتىپ، كاسىپورىندى اناعۇرلىم جوعارى دەڭگەيدە سىرتقا ەسىك اشۋ بارىسىندا اناعۇرلىم جاقسى دامۋدى جۇزەگە اسىرۋعا جەتەكتەۋ كەرەك.

  تاۋلار اسقار بولسا دا، ارمانى بار اسادى. ەلىمىزدىڭ دامۋىندا ءبىر مەزگىلدەگى بىرەر ىسكە بولا تولقۋ بولادى، ءبىراق ۇزاق بولاشاقتان قاراعاندا ءالى دە شىعىس جەلى وڭىنان تۇرادى. ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە تۇرىپ، قامال الىپ قيىندىقتاردى جەڭىپ، قايسارلىقپەن كۇرەسىپ، قانشا جاپالى، قاتەرلى بولعان سايىن سونشا العا ۇمتىلىپ، كاسىپكەرلەر رۋحىن جاپپاي قاۋلاتقاندا، ءبىز، ءسوز جوق، ءتۇرلى بازار تۇلعالارىنىڭ بەلسەندىلىگىن، ىرىقتىلىعىن، جاسامپازدىعىن ءتىپتى جاقسى قاۋلاتىپ، كاسىپورىننىڭ اناعۇرلىم زور رولدى ساۋلەلەندىرۋىن جانە اناعۇرلىم زور دامۋدى جۇزەگە اسىرۋىن ىلگەرىلەتە الامىز.

(شينحۋا اگەنتتىگىنىڭ 7 - ايدىڭ 24 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.