شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 7 - ايدىڭ 24 - كۇنى ۇرىمجىدەن حابارلايدى. ءۇرىمجى قالاسىنىڭ باستىعى ياسىن سىدىق 7 - ايدىڭ 24 - كۇنى تۇستەن كەيىن اۆتونوميالى رايوندىق ۇكىمەت اقپارات كەڭسەسى اشقان اقپار جاريالاۋ ماجىلىسىندە بىلاي دەپ تانىستىردى: مەملەكەتتىك دەنساۋلىق ساقتانۋ، سالاماتتىق كوميتەتى ماماندار گرۋپپاسىنىڭ جەتەكشىلىگىندە، اۆتونوميالى رايوننىڭ زور كۇشپەن قولداۋىندا، ءۇرىمجى قالاسى ۋاقىتتى مىقتى ۇستاپ، نۋكلەين قىشقىلىن تەكسەرۋ قىزمەتىن جۇرگىزۋدە.
ياسىن سىدىق بىلاي دەدى: ەڭ قىسقا ۋاقىت ىشىندە بۇكىل قالادا نۋكلەين قىشقىلىن تەگىن تەكسەرۋ قىزمەتىن اياقتاتۋ − كەزەكتەگى ىندەتتەن ساقتانۋ - تىزگىندەۋدىڭ ەرەكشە ماڭىزدى، ەرەكشە شەشۋشى ءبىر قىزمەتى. الداعى جەردە ءۇرىمجى قالاسى نۋكلەين قىشقىلىن تەكسەرۋ قابىلەتىن بار كۇشپەن جوعارىلاتىپ، ەپيدەميولوگيالىق تەكسەرۋ جانە تەگىن انىقتاۋ قىزمەتىن كۇشەيتىپ، ناۋقاستاردى بار كۇشپەن قۇتقارىپ - ەمدەپ، ەڭ قىسقا ۋاقىت ىشىندە ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزىپ، ءۇرىمجىنىڭ قالىپتى ءوندىرىس، تۇرمىس ءتارتىبىنىڭ ەرتەرەك قالپىنا كەلۋىنە مۇمكىندىك جاسايدى.
نۋكلەين قىشقىلىن تەكسەرۋدىڭ ءبىرىنشى شەبىندەگى قىزمەتكەرلەردىڭ بۇكىل ىنتاسىمەن قىزمەتكە كىرىسۋىنە مۇمكىندىك جاساۋ ءۇشىن، ءۇرىمجى قالاسى قىزمەت وتەۋدى، قامتاماسىز ەتۋدى كۇشەيتىپ، نۋكلەين قىشقىلىن تەكسەرۋ قىزمەتكەرلەرىنىڭ قىزمەت شارت - جاعدايىن جاقسارتىپ، قورعانۋ زاتتىق ماتەريالدارىن ءبىر تۇتاس جوسپارلاپ سەپتەۋدى كۇشەيتىپ، نۋكلەين قىشقىلىن تەكسەرۋدىڭ ءبىرىنشى شەبىندەگى قىزمەتكەرلەردى مەديتسينالىق ماسكى، قورعانۋ بەتقالقاسى، قورعانۋ كيىمى، كوز قورعاۋ كوزىلدىرىگى سياقتى قورعانۋ بۇيىمدارىمەن قامداۋدى بار كۇشپەن قامتاماسىزداندىرىپ، ءبىرىنشى شەپتەگى قىزمەتكەرلەردىڭ حاۋىپسىزدىگىنە شىنايى كەپىلدىك ەتتى. سونىمەن بىرگە، ءاربىر نۋكلەين قىشقىلىن تەكسەرۋ قوسىنىنا قالا، اۋدان (رايون)، ءمالى (اۋىل - قالاشىق)، الەۋمەتتىك اۋماق (قىستاق) باسشى كادرلارىنان قۇرالعان ارناۋلى قىزمەت وتەۋ، قامتاماسىز ەتۋ قىزمەت اترەتىن سەپتەپ، نۋكلەين قىشقىلىن تەكسەرۋدىڭ ءارقايسى بۋىندارىنداعى مىندەت ءبولىسىن، زاتتىق ماتەريالدارىن ۇلەستىرۋ قىزمەتىن جاپپاي سايكەستىرىپ، تياناقتاندىرىپ، نۋكلەين قىشقىلىن تەكسەرۋ قىزمەتىنە پارمەندى ۇيىمدىق كەپىلدىك ازىرلەدى.
ءۇرىمجى قالاسى ينفورماتسيالاندىرۋ تەحنيكالىق تاسىلىنە تولىق سۇيەنىپ، تەكسەرۋ ناتيجەسى ينفورماتسيالارىن ەنگىزەدى ءارى ونى ۋيچات الەۋمەتتىك ءنومىرى ”زەردەلى سالاماتتى ءۇرىمجى“ نۋكلەين قىشقىلىن تەكسەرۋ ساندى مالىمەتتەرى تۇعىرىنا شىعارادى، تەكسەرىلۋشىلەردىڭ وسى جۇيە ارقىلى تەكسەرۋ ناتيجەسىن ۇعۋىنا بولادى. الايدا، قازىر تەكسەرۋ مولشەرى وراسان زور بولعاندىقتان، ينفورماتسيالاردى ەنگىزۋ ءبىراز كەشەۋىلدەۋدە.
قالا تۇرعىندارى كوڭىل ءبولىپ وتىرعان نۋكلەين قىشقىلىن تەكسەرۋ ناتيجەسى ماسەلەسىنە مەڭزەس، ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعىنىڭ مەڭگەرۋشىسى رۇي باۋليڭ بىلاي دەپ ءتۇسىندىردى: تۇرعىندار الەۋمەتتىك اۋماقتا نۋكلەين قىشقىلىنان ۇلگى الۋدى ورىنداپ بولعان سوڭ، ەگەر تەكسەرۋ ناتيجەسى بولىمدى بولسا، قاراستى جەردەگى رايون (اۋدان) تەكسەرۋ وبيەكتىسىنە اڭىس ەتەدى ءارى ءتارتىپ بويىنشا وتكەرمەلەي جەتكىزىپ ەمدەۋ قىزمەتىن ورىستەتەدى. ەگەر ءالى قاتىستى حابارلاندىرۋ تاپسىرىپ الماعان بولسا، نۋكلەين قىشقىلىن تەكسەرۋ ناتيجەسىنىڭ بولىمسىز بولعاندىعىن بىلدىرەدى، ايتسەدە اۋەلگىدەي ىندەتتەن ساقتانۋ - تىزگىندەۋ تالابى بويىنشا ءوزىن قورعاۋدى ويداعىداي ىستەۋ قاجەت.
7 - ايدىڭ 23 - كۇنى ساعات 0دەن 24كە دەيىن، ءۇرىمجى قالاسىندا جاڭادان قوسىلعان جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاس 13 (مۇنىڭ ىشىندە 11ى اۋرۋ بەلگىسى جوق جۇعىمدالۋشىلاردان دياگنوزى تۇراقتاندىرىلعان ناۋقاسقا اينالعاندار)، جاڭادان قوسىلعان اۋرۋ بەلگىسى جوق جۇعىمدالۋشى 19 بولعان. 7 - ايدىڭ 23 - كۇنى ساعات 24كە دەيىن، ءۇرىمجى قالاسىندا قازىر دياگنوزى تۇراقتاندىرىلعان ناۋقاس 93، اۋرۋ بەلگىسى جوق جۇعىمدالۋشى 85 بولعان.
