شينجياڭ گازەتىنىڭ حابارى (تىلشىلەر جاۋ چۇنحۋا، لي چۇنشيا حابارلايدى). ىندەتتىڭ سىرتقا تارالۋىنان باتىل ساقتانۋ ءۇشىن، ءۇرىمجى قالاسى قاتاڭ ساقتانۋ-تىزگىندەۋ شارالارىن قولداندى. اۆتونوميالى رايوندىق اۋرۋدان ساقتانۋ - تىزگىندەۋ ورتالىعىنىڭ مەڭگەرۋشىسى، اعا شيپاگەرى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋدان ساقتانۋ - تىزگىندەۋ قىزمەتى قولباسشىلىق شتابى ىندەتتەن ساقتانۋ-تىزگىندەۋ ماماندار گرۋپپاسىنىڭ مۇشەسى لي فان قالىڭ قالا تۇرعىندارىنا ۇيدە اۋاشالانۋ مەزگىلىندە اقاۋسىز كوڭىل - كۇيدى ساقتاۋمەن بىرگە، ساقتانۋ تانىمىن بەرىك ورناتۋدى، سونداي - اق سالعىرتتانباۋدى، وتباسىن ويداعىداي باسقارۋدى بەلسەنە ىستەۋدى ەسكەرتتى.
لي فاننىڭ تانىستىرۋىنشا، ۇيدە اۋاشالانۋ مەزگىلىندە قالا تۇرعىندارى ءوزىنىڭ دەنساۋلىق جاعدايىنا باسا نازار اۋدارىپ، ءار كۇنى تاڭەرتەڭ، كەش دەنە تەمپەراتۋراسىن ولشەۋگە تاباندى بولىپ، وزىندە قىزۋ، جوتەلۋ، دارمەنسىزدەنۋ سىندى اۋرۋ بەلگىلەرى بار-جوقتىعىنا كوڭىل ءبولۋى كەرەك. ەگەر جايسىزدانسا، دەرەۋ الەۋمەتتىك اۋماقتاعى وتباسىن كوتەرمەگە العان كادرلارعا ۇقتىرىپ، الەۋمەتتىك اۋماق ارقىلى ەمدەۋ ورگاندارىنا حابارلاسىپ، بەلگىلەنگەن شيپاحانانىڭ قىزۋ امبۋلاتورياسىنا بارىپ تەكسەرىلۋى كەرەك.
”جاز ماۋسىمىندا بولمەنىڭ تەمپەراتۋراسى ءبىرشاما جوعارى بولعاندىقتان، قالا تۇرعىندارى ءسوزسىز اۋا الماستىرۋى، ءار كۇنگى تەرەزەنى اشۋ ۋاقىتىن ۇزارتۋى كەرەك. بولمە ءىشىنىڭ تازالىعىن ساقتاۋى، اسىرەسە تازالىق بولمەسىن، ويداعىداي تازالاۋمەن بىرگە مەرزىم بويىنشا زارارسىزداندىرىپ تۇرۋى، ۆيرۋستىڭ اەروزول ارقىلى جۇعىمدالىپ، وتباسى ىشىندە تارالۋىنان ساقتانۋى كەرەك. ءجيى قول جۋۋ دا وتە ماڭىزدى، سىرتتان ۇيگە كىرگەندە الدىمەن قول جۋاتىن جاقسى تازالىق ادەتىن قالىپتاستىرۋى كەرەك. تۇشكىرگەندە، جوتەلگەندە دەر كەزىندە قاعازبەن اۋىز - مۇرىندى باسۋ كەرەك“،-دەدى لي فان.
وتباسى مۇشەلەرى ءبىرشاما كوپ وتباسىلارىنا لي فان مىنالاردى ەسكەرتتى: وتباسىندا بەلگىلى حاۋىپسىز ارالىق ساقتاۋ، تاماقتانعاندا ورتاق ساقپى، ورتاق قاسىق پايدالانۋ، قاۋىرت مەزگىلدەن وتكىزىپ تاماقتانۋ كەرەك. دەمالعاندا توپتالماي، قوناق بولمەسى سىندى بولمەلەردى ويداعىداي پايدالانىپ، ايىرىم تۇرۋ كەرەك. ەگەر وتباسى مۇشەلەرىندە قىزۋ، جوتەلۋ، دارمەنسىزدەنۋ سىندى جايسىزدانۋ بەلگىلەرى بايقالسا، جوتكەپ اكەتكەنشە، سالىستىرمالى جابىق بولمەدە اۋاشالاپ، ءاربىر وتباسى مۇشەلەرى ماسكى تاعۋى، حاۋىپسىز ارالىق ساقتاۋى كەرەك.
قامسىزداندىرۋ قىزمەتىنىڭ قالىپتى ورىستەتىلۋى ءۇشىن، ءىشىنارا تۇرعىندار قىزمەت ورىندارىنان تاپجىلمادى. بۇعان قاراتا، لي فان مىنالاردى ەسكەرتتى: قالا تۇرعىندارى مەكەمە-ورىنداردا تۇنەگەندە اۋا الماستىرۋعا كوڭىل ءبولۋ، ەگەر مەكەمەنىڭ ىستەتكەنى جاڭا جەلمەن اۋا الماستىرۋ يقۋاتى جوق ورتالىق اۋا تەڭشەگىش بولسا، ىستەتۋدى توقتاتۋى، ەڭ جاقسىسى بولشەكتەۋگە بولاتىن اۋا تەڭشەگىشتى قولدانۋى كەرەك. مەكەمە-ورىندار دەنە تەمپەراتۋراسىن ولشەۋ ورنىن قۇرىپ، ءاربىر قىزمەتكەر ءار كۇنى دەنە تەمپەراتۋراسىن ولشەۋى، ادەتتە ماسكى تاعۋى، ءجيى قول جۋۋى، بەلگىلى قوعامدىق-قارىم قاتىناس ارالىعىن ساقتاۋى كەرەك. ەگەر قىزمەتكەرلەردە قىزۋ قاتارلى اۋرۋ بەلگىلەرى بايقالسا، مەكەمە دەرەۋ تۇرعان ورىنعا قاراستى ەمدەۋ قۇرىلىمدارىنا ۇقتىرىپ، جوتكەۋى كەرەك.
”مەكەمەلەر مۇمكىندىگىنشە سىرتقا قاراتا جابىق ۇستاۋ، ىشكە قاراتا سالىستىرمالى اۋاشالاۋ ءتاسىلى بويىنشا باسقارۋى. مەكەمە اسحاناسىندا قاۋىرت مەزگىلدى وتكىزىپ تاماقتانۋى، تاماقتانعاندا ەڭ جاقىسى قىزمەتكەرلەر وزدەرىنىڭ قىزمەت كەڭسەسىندە تاماقتانۋى كەرەك. مەكەمەدە ليفت، سۇيەنىش، قىزمەت ۇستەلى قاتارلى جەرلەردى مەرزىم بويىنشا زارارسىزداندىرىپ تۇرۋ كەرەك“،-دەدى لي فان.
ۇيدە اۋاشالانۋ مەزگىلىندە، تۇرعىنداردىڭ تۇرمىستىق قوقىر-قوقسىقتاردى ءبىر جايلى ەتۋى جونىندە، ەكىنشى رەتكى لاستانۋدىڭ تۋىلماۋى ءۇشىن، لي فان مىناداي ۇسىنىستاردى العا قويدى: الەۋمەتتىك اۋماق جاراقسىز ماسكى سىندى ەرەكشە قوقىر - قوقسىقتاردى ادەتتەگى قوقىر - قوقىستاردى ءبىر جايلى ەتۋ ءادىسى بويىنشا ءبىر جايلى ەتۋىنە بولمايدى، قايتا ارناۋلى قالتاعا سالىپ، مەديتسينالىق قوقىر - قوقسىقتاردى ءبىر جايلى ەتۋ ءتارتىبى بويىنشا، ارناۋلى قوقىستاردى ءبىر جايلى ەتۋ قۇرىلىمداردىڭ ءبىر جايلى ەتۋىنە تاپسىرادى.
ىندەت جاعدايى الدىندا، ەگەر بارلىق ادام وزىنەن باستاپ ساقتانۋ شارالارىن جاقسى ىستەسە، ءاربىر وتباسى مۇشەلەرىنەن باستاپ وتباسىن باسقارۋدى ويداعىداي ىستەسە، ۆيرۋسپەن جۇعىمدالۋ قاتەرىن تومەندەتۋگە بولادى، قالا تۇرعىندارىنىڭ شەكتەن تىس دۇرلىگىپ كەتۋىنىڭ قاجەتى جوق“،-دەدى لي فان.
