پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ ۇلكەن شايقاسىنىڭ ۇلكەن سىناعىندا تولىمدى جاۋاپ قايتارۋ كەرەك
چىن چۋانگو قاتىناستى ءارى ءسوز سويلەدى
شوكىرات زاكىر باسقاردى، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 7 - ايدىڭ 25 - كۇنى ۇرىمجىدەن حابارلايدى. 7 - ايدىڭ 25 - كۇنى اۆتونوميالى رايون بەينە ەكران ءماجىلىسىن اشىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەندى، دايەكتىلەندىردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلاننىڭ شينجياڭدا ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزگەندە، جەتەكشىلىك ەتكەندە سويلەگەن ءسوزىنىڭ رۋحىن جەتكىزدى، تۇتاس رايوننىڭ ىندەتتەن ساقتانۋ - تىزگىندەۋ قىزمەتىن ورنالاستىردى، جايعاستىردى.
اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى شوكىرات زاكىر ءماجىلىستى باسقاردى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، لي ۋي، شۇي حايرۇڭ، ەركىن تۇنياز، تيان ۋىن، لي يفي، ياڭ شيندار ماجىلىسكە قاتىناستى.
چىن چۋانگو سويلەگەن سوزىندە بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە وسكەلەڭ ءمان بەردى، باس شۋجي شي جينپيڭ كوپ رەت ماڭىزدى ءسوز سويلەپ، ماڭىزدى نۇسقاۋ بەرىپ، ءبىزدىڭ ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەۋىمىزگە ءتۇبىرلى بويسۇنۋ ولشەمىن ازىرلەدى. ىندەتتەن ساقتانۋ - تىزگىندەۋدىڭ شەشۋشى كەزەڭىندە، ورىنباسار زۇڭلي سۇن چۇنلان شينجياڭعا كەلىپ ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتتى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن ىقىلاستى قامقورلىعىن تولىق ايگىلەدى. تۇتاس رايونداعى ءار دارەجەلى، ءارقايسى تاراۋلار ساياسي دەڭگەيدى اناعۇرلىم جوعارىلاتىپ، ىندەتتەن ساقتانۋ - تىزگىندەۋدى كەلەلى ساياسي جاۋاپكەرشىلىك ەتۋگە، كورنەكتى ورىنعا قويۋعا تاباندى بولىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەۋ جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ورىنباسار زۇڭلي سۇن چۇنلاننىڭ سويلەگەن ءسوزىنىڭ تالابى بويىنشا، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى مەن ماماندار گرۋپپاسىنىڭ عىلمي جەتەكشىلىگىندە، ىندەتتەن ساقتانۋ - تىزگىندەۋ توسقاۋىل شايقاسىن باتىل ويداعىداي جۇرگىزىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋ كەرەك.
چىن چۋانگو بىلاي دەپ باسا دارىپتەدى: سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابى بويىنشا، ”4 جاقتىڭ“ جاۋاپكەرشىلىگىن ناقتىلاندىرىپ، قىزمەتتى تياناقتاندىرۋدى مىقتاپ يگەرىپ، ءۇرىمجىنى ءتۇيىن ەتكەن ىندەتتەن ساقتانۋ - تىزگىندەۋ قىزمەتىن بار كۇشتى سالا ويداعىداي ىستەپ، تۇتاس رايوننىڭ ەكونوميكالىق، قوعامدىق دامۋىن ءبىر تۇتاس جوسپارلاپ ىلگەرىلەتۋ كەرەك. ءبىرىنشى، جاۋاپكەرشىلىكتى تياناقتاندىرۋدى كۇشەيتىپ، تۇتاس شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسە بىرلەسىپ ارەكەتتەنىپ، قىزمەت جاۋاپكەرشىلىگىن قاتايتىپ، ناقتىلاندىرىپ، ساقتانۋ - تىزگىندەۋ شاراسىن كەمەلدەندىرىپ، قىزمەت ەسەپ داپتەرىن جاساپ، تۇرلەر بويىنشا ىزىنە ءتۇسىپ تەكسەرىپ، ىندەتتەن ساقتانۋ - تىزگىندەۋدىڭ ءتۇرلى شاراسىن ناقتى، ەگجەي - تەگجەيلى، تىڭعىلىقتى تياناقتاندىرۋعا شىنايى كەپىلدىك ەتۋ كەرەك. ەكىنشى، بىرلەسىپ ساقتانۋدى، بىرلەسىپ تىزگىندەۋدى كۇشەيتىپ، ءبىر تۇتاس قولباسشىلىق ەتۋدى، ورنالاستىرۋدى كۇشەيتىپ، ينفورماتسيادان ورتاق پايدالانۋعا تاباندى بولىپ، ءۇرىمجىنى ءتۇيىن ەتكەن، تۇتاس رايون سايكەسە بىرلەسىپ ارەكەتتەنەتىن ىندەتتەن ساقتانۋ - تىزگىندەۋ جۇيەسىن قۇرۋ كەرەك؛ ءۇرىمجى قالاسى ىندەتتەن ساقتانۋ - تىزگىندەۋدى كەزەكتەگى ماڭداي الدى ءىرى ءىس رەتىندە قاراپ، ىندەتتىڭ تارالۋىن باتىل اۋىزدىقتاۋ كەرەك؛ باسقا ايماقتار، وبلىستار، قالالار جانە بيڭتۋاننىڭ ءارقايسى شىلارى، قالالارى ”سىرتتان كىرۋدەن ساقتانۋعا، ىشتە تارالۋدان ساقتانۋعا“ تاباندى بولىپ، حاۋىپ - قاتەردى، كومەسكى كىناراتتاردى باتىل الاستاۋ كەرەك؛ اۆتونوميالى رايونعا (ورتالىققا) توتە قاراستى تاراۋلار، ورىندار ءۇرىمجى قالاسىنىڭ ساقتانۋ - تىزگىندەۋ قىزمەتىن بار كۇشپەن قولداپ، ىشكى جاقتا ىندەتتەن ساقتانۋدى كۇشەيتىپ، قالىپتى اينالىمدى قامتاماسىز ەتۋ كەرەك. ءۇشىنشى، جالپىلىق ساقتانۋ - تىزگىندەۋدى كورنەكتىلەندىرىپ، ”ءتورت ەرتە بولۋ“ تالابىن قاتاڭ تياناقتاندىرىپ، الەۋمەتتىك اۋماقتاردىڭ باسقارۋىن، قىزمەت وتەۋىن كۇشەيتىپ، گۋمانيتارلىق قامقورلىق پەن قىزمەت وتەۋ قامتاماسىزدىعىن ويداعىداي ىستەپ، ادامداردىڭ ۇرىمجىگە كىرىپ - شىعۋىن، شينجياڭعا كىرىپ - شىعۋىن باسقارۋدى قاتايتىپ، قوعامدىق جاقتاعى دالمە - ءدال ساقتانۋ - تىزگىندەۋ شاراسىن تياناقتاندىرىپ، ءتۇيىندى بۋىنداردى، ءتۇيىندى ورىنداردى باسقارۋدى كۇشەيتىپ، ادامداردىڭ توپتالۋىنان باتىل ساقتانىپ، سۋىق تىزبەكتى زات اينالىمى بۋىنىن جانە يمپورت ەتىلگەن توڭازىتىلعان، شيكى، جاس ازىق - تۇلىكتەردى كارانتيندەۋ - تەكسەرۋدى كۇشەيتىپ، ىندەتتەن ساقتانۋ - تىزگىندەۋ تورىن شىن مانىندە بەرىك توقۋ كەرەك. ءتورتىنشى، نەگىزدىك قىزمەتتەردى ناقتى ىستەپ، قىزمەت ءتارتىبىن كەمەلدەندىرىپ، كاسىپتىك كۇشتەردى سەپتەپ، نۋكلەين قىشقىلىن تەكسەرۋ قۋاتى مەن ساپاسىن جوعارىلاتىپ، ەپيدەميولوگيالىق تەكسەرۋدى، تەگىن انىقتاۋدى تەرەڭدەتىپ، عىلمي ساقتانۋ - تىزگىندەۋگە بەرىك تىرەك ازىرلەۋ كەرەك. بەسىنشى، ناۋقاستاردى بار كۇشپەن قۇتقارىپ - ەمدەپ، مەملەكەتتىڭ 7 - نۇسقاداعى دياگنوز قويۋ - ەمدەۋ جوباسى بويىنشا، وتكەلدى الدىعا جىلجىتۋعا، جۇڭگوشا جانە باتىسشا شيپاگەرلىكتى ۇشتاستىرۋعا، كوپ ءتۇرلى پاندەرگە تەڭ ءمان بەرۋگە تاباندى بولىپ، ەرتە ساقتانۋ مەن ەمدەۋدى كۇشەيتىپ، اۋرۋ بەلگىسى جوق جۇعىمدالۋشىلاردىڭ سالماقتى اۋرۋعا، قاتەرلى اۋرۋعا اينالۋىنان ساقتانىپ، ءار ۇلت ناۋقاستارىن كۇنى بۇرىن ساۋىقتىرۋعا قۇلشىنۋ كەرەك. التىنشى، زاتتىق ماتەريالدارمەن قامتاماسىز ەتۋدى ويداعىداي ىستەپ، كوكونىس، جەمىس، ەت، جۇمىرتقا، ءسۇت، استىق سياقتى تۇرعىنداردىڭ تۇرمىستىق قاجەتتى بۇيىمدارىن ءوندىرۋدى، قامتاماسىز ەتۋدى، قامداۋدى كۇشەيتىپ، بازاردا قامداۋدىڭ جەتكىلىكتى، باعانىڭ تۇراقتى بولۋىنا شىنايى كەپىلدىك ەتۋ؛ ءتۇيىندى مەديتسينالىق قورعانۋ زاتتىق ماتەريالدارىن ءوندىرۋ، ساتىپ الۋ، سەپتەۋ قىزمەتىن ويداعىداي يگەرىپ، ىندەتتەن ساقتانۋ - تىزگىندەۋ قاجەتىن شىنايى قامتاماسىز ەتۋ كەرەك. جەتىنشى، قوعامدىق پىكىر جەتەكشىلىگىن كۇشەيتىپ، ىندەتتەن ساقتانۋ - تىزگىندەۋ بىلىمدەرىن كەڭىنەن جالپىلاستىرىپ، ىندەت احۋالىن دەر كەزىندە جاريالاپ، 24 ساعاتتىق حالىق تۇرمىسىنا قىزمەت وتەۋ توتە لەنيا تەلەفونىن ىركىلىسسىزدەندىرىپ، قوعام ءجىتى قاداعالاپ وتىرعان ىستەرگە بەلسەنە جاۋاپ قايتارۋ كەرەك. سەگىزىنشى، جاڭا داۋىردەگى وتانشىلدىق تازالىق قيمىلىن جالپى بەتتىك ورىستەتىپ، ساقتانۋدى نەگىز ەتۋگە، ساقتانۋ مەن تىزگىندەۋدى ۇشتاستىرۋعا تاباندى بولىپ، قالا، اۋىل ورتاسىن رەتتەۋ - وڭاۋدى ىلگەرىلەتىپ، وركەنيەتتى، سالاماتتى، جاسىل، ورتانى قورعايتىن تۇرمىس ءتاسىلىن ۇزبەي جەتىلدىرۋ كەرەك. توعىزىنشى، قىزمەت ءتارتىبىن قاتايتۋ كەرەك، ءار دارەجەلى، ءارقايسى تاراۋلار باتىلدىقپەن جاۋاپكەرشىلىك ارقالاپ، ىرىقتىلىقپەن ىسكەرلىك كورسەتىپ، تورەشىلدىكتەن، فورماشىلدىقتان باتىل ساقتانىپ، قىزمەت اقساتقانداردىڭ، جاۋاپكەرسىزدىك ىستەگەندەردىڭ، جاۋاپكەرشىلىك ارقالاماعانداردىڭ، ىسكەرلىك كورسەتپەگەندەردىڭ، ستيلدە تۇرلاۋسىزداردىڭ، قاشقالاقتانداردىڭ، سالعىلاسقانداردىڭ جاۋاپكەرشىلىگىن قاتاڭ قۋزاستىرۋ، جاۋاپقا تارتۋ كەرەك. ونىنشى، ءبىر تۇتاس جوسپارلاپ تەڭ ءمان بەرۋگە تاباندى بولىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە كۇش سالا قول جەتكىزۋ العى شارتىندا، ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي يگەرىپ، كەدەيلىكتەن ارىلتۋدان قامال الۋ، جوعارى ساپالى دامۋ، قوعام ورنىقتىلىعى سياقتى ءتۇيىندى قىزمەتتەردى تيتتەي دە بوساڭسىماي ىلگەرىلەتۋ كەرەك.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القاسىنىڭ مۇشەلەرى، اۆتونوميالى رايوننىڭ، بيڭتۋاننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنداعى قاتىستى جاۋاپتى جولداستار، اۆتونوميالى رايونعا (ورتالىققا) توتە قاراستى ورىنداردىڭ نەگىزگى جاۋاپتى جولداستارى، ءارقايسى ايماق، وبلىس، قالالاردىڭ، اۋدان، قالا، رايونداردىڭ جانە بيڭتۋاننىڭ ءارقايسى شى، قالا، تۋاندارىنىڭ جاۋاپتى جولداستارى، ت. ب ماجىلىسكە قاتىناستى.
