تيانشان تورى
تيانشان تورى   ›   جاڭالىقتار   ›   سۋرەتتى حابار

سۇن چۇنلان شينجياڭدا تەكسەرۋ - زەرتتەۋ جۇرگىزدى

سۇن چۇنلان شينجياڭدا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

عىلمي، دالمە - ءدال شارا قولدانىپ ىندەتتىڭ تارالۋىن تەجەپ، ءار ۇلت بۇقاراسىنىڭ ءومىرىنىڭ حاۋىپسىزدىگىن جانە دەنساۋلىعىن قورعاۋ كەرەك

    7 - ايدىڭ 23 - كۇنىنەن 25 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان شينجياڭدا ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، پارتيا ورتالىق كوميتەتى، مەملەكەتتىك كەڭەس اتىنان شينجياڭداعى ءار ۇلت كادر - بۇقاراسىنا قامقورلىق ءبىلدىردى جانە حال سۇرادى. سۋرەتتە: 7 - ايدىڭ 24 - كۇنى سۇن چۇنلان ءۇرىمجى جوعارى، جاڭا تەحنيكالىق اشۋ رايونىنداعى (جاڭا قالا رايونىنداعى) مەيلين حۋايۋان نۋكلەين قىشقىلىن تەكسەرۋدەن ۇلگى الۋ تۇيىنىنە كەلىپ، نۋكلەين قىشقىلىن تەكسەرۋ - ۇلگى الۋ قىزمەتى مەن تۇرعىنداردى تۇرمىستىق ماتەريالدارمەن قامتاماسىز ەتۋ سياقتى جاعدايلاردى ۇعىستى. اۆتونوميالى رايوندىق پارتكومنىڭ شۋجيى چىن چۋانگو بىرگە تەكسەرۋ - زەرتتەۋ جۇرگىزدى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 7 - ايدىڭ 25 - كۇنى ۇرىمجىدەن حابارلايدى. باس شۋجي شي جينپيڭنىڭ ماڭىزدى نۇسقاۋىن ىشكەرىلەي دايەكتىلەندىرۋ ءۇشىن، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان 7 - ايدىڭ 23 - كۇنىنەن 25 - كۇنىنە دەيىن شينجياڭدا ىندەتتەن ساقتانۋ - تىزگىندەۋ قىزمەتى جونىندە تەكسەرۋ - زەرتتەۋ جۇرگىزىپ، پارتيا ورتالىق كوميتەتى، مەملەكەتتىك كەڭەس اتىنان شينجياڭداعى ءار ۇلت كادر - بۇقاراسىنا قامقورلىق ءبىلدىردى جانە ولاردان حال سۇرادى. سۇن چۇنلان اۆتونوميالى رايوننىڭ ىندەتتەن ساقتانۋ - تىزگىندەۋ جاعدايى جونىندەگى مالىمەتتى تىڭداپ، ەمدەۋگە الۋعا بەلگىلەنگەن شيپاحاناعا، اۋرۋدىڭ الدىن الۋ جانە ونى تىزگىندەۋ ورتالىعىنا، اۋاشالاۋ تۇيىندەرىنە، الەۋمەتتىك اۋماقتارعا جانە تەكسەرۋ - ۇلگى الۋ تۇيىندەرىنە بارىپ جۇمىس باسىندا قىزمەت تەكسەردى، ناۋقاستاردى قۇتقارۋ - ەمدەۋ، نۋكلەين قىشقىلىن تەكسەرۋ، ەپيدەميولوگيالىق تەكسەرۋ جانە تەگىن انىقتاۋ، تۇرمىستىق زاتتىق ماتەريالدارمەن قامتاماسىز ەتۋ سياقتى جاعدايلاردى ۇعىستى، بەينە ەكران ارقىلى شەكارا وتكەلدەرىندەگى ىندەتتىڭ الدىن الۋ جاعدايىن تەكسەردى، ءبىرىنشى شەپتەگى ەمدەۋ قىزمەتكەرلەرىنە، الەۋمەتتىك اۋماق كادرلارىنا جانە تۇرعىندارعا، ەرىكتىلەرگە، اۋاشالانعان ادامدارعا امانداستى، پارتيا، ۇكىمەت كادرلارىمەن جانە ماماندارمەن اڭگىمە ءماجىلىس وتكىزىپ، پىكىرلەستى.

  اۆتونوميالى رايوندىق پارتكومنىڭ شۋجيى چىن چۋانگو قاتىستى قيمىلدارعا قاتىناستى.

  شينجياڭنىڭ ءىشىنارا وڭىرىندە توپتاسىپ باس قوسۋدان ىندەت تاراعان سوڭ، اۆتونوميالى رايوندىق پارتكوم مەن ۇكىمەت دەر كەزىندە پارمەندى ساقتانۋ - تىزگىندەۋ شارالارىن قولدانىپ، ءۇرىمجى قالاسىنداعى بارلىق ادامعا نۋكلەين قىشقىلى تەكسەرۋىن جۇرگىزىپ، 2 ميلليوننان استام ادامدى اداقتاپ تەكسەرىپ شىقتى، جاڭا بايقالعان ناۋقاستاردىڭ بارلىعى باسقارۋ - تىزگىندەۋ كولەمىنە الىندى. سۇن چۇنلان شينجياڭنىڭ الدىڭعى مەرزىمدىك ساقتانۋ - تىزگىندەۋ قىزمەت شارالارىن تولىق تۇراقتاندىرىپ، بىلاي دەپ اتاپ كورسەتتى: بۇل رەتكى ىندەت كوپ ۇلت بۇقاراسىنا سايىپ، جۇعىمدالۋشىلاردىڭ اۋرۋعا شالدىعۋ جاسىنىڭ ورتاشا سانى ءبىرشاما تومەن، اۋرۋ بەلگىسى جوق جۇعىمدالۋشىلار سالىستىرماسى ءبىرشاما جوعارى بولدى. مەملەكەتتىڭ 7 - نۇسقاداعى دياگنوز قويۋ - ەمدەۋ جوباسى بويىنشا ءبىر تەكتىلەنگەن، ولشەمدەنگەن ەمدەۋ جۇرگىزىپ، وتكەلدى الدىعا جىلجىتىپ، اۋرۋ بەلگىسى جوق جۇعىمدالۋشىلاردى ەمدەۋ ءادىسى جونىندە ىشكەرىلەي زەرتتەۋ جۇرگىزىپ، ولاردىڭ سالماقتى ناۋقاسقا، حاۋىپتى - سالماقتى ناۋقاسقا اينالۋىنان ساقتانىپ، ءار ۇلت ناۋقاستارىن دەن قويا ەمدەپ، ەرتەرەك ساۋىعۋىن جەبەۋ كەرەك. مەملەكەتتىك دەنساۋلىق ساقتاۋ جانە سالاماتتىق كوميتەتى سالماقتى ناۋقاس، كۇتىمدەۋ، جۇڭگوشا شيپاگەرلىك - دارىگەرلىك سياقتى جاقتارداعى ماماندار مەن ەمدەۋ جابدىقتارىن، شۇعىل قۇتقارۋ ءدارى - دارمەكتەرىن شوعىرلاندىرۋ نەگىزىندە، قولداۋ سەرپىنىن ۇزدىكسىز ارتتىرىپ، ەپيدەميولوگيالىق تەكسەرۋ، شيپاحانادا جۇعىمدالۋدان ساقتانۋ - تىزگىندەۋ سياقتى كاسىپتىك - تەحنيكالىق باۋلۋدى كۇشەيتىپ، مەديتسينالىق قۇتقارۋ - ەمدەۋ قابىلەتىن جوعارىلاتۋعا كومەكتەسىپ، ءار ۇلت ناۋقاستارىنىڭ بارلىعىنىڭ جوعارى دەڭگەيدە ەمدەلۋىن شىنايى قامتاماسىز ەتۋ كەرەك.

  سۇن چۇنلان بىلاي دەپ باسا دارىپتەدى: ىندەتتەن ساقتانۋ - تىزگىندەۋدىڭ شەشۋشى تەتىگى ”ءتورت ەرتە بولۋ“ تالابىن تياناقتاندىرۋدا، نۋكلەين قىشقىلىن تەكسەرۋ قابىلەتى مەن ساپاسىن جەدەل جوعارىلاتىپ، بايقالعان ناۋقاستاردى ەرتەرەك مالىمدەپ، ەپيدەميولوگيالىق تەكسەرۋ مەن ۆيرۋستىڭ تەگىن انىقتاۋ قىزمەتىن ىشكەرىلەي ورىستەتىپ، ارنايى كۇشتەردى ۇيىمداستىرىپ، الەۋمەتتىك دەنساۋلىق ساقتاۋ سياقتى كاسىبي قىزمەتكەرلەردىڭ رولىن تولىق ساۋلەلەندىرىپ، وسى زامانعى ينفورماتسيا تەحنيكالارىن قولدانىپ، ارنايى كۇشتەر مەن بۇقارالىق كۇشتەردى بىرلەستىرىپ، بۇقارالىق ساقتانىپ، بۇقارالىق تىزگىندەپ، ىندەتتىڭ تارالۋ تىزبەگىن جەدەل انىقتاۋ كەرەك. سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ سىندى باس تالاپ بويىنشا، جاعدايعا قاراي يكەمدى ساقتانۋ - تىزگىندەۋ تاكتيكاسىن اتقارىپ، جابىق الەۋمەتتىك اۋماقتارداعى گۋمانيتارلىق قامقورلىقتى جانە قىزمەت وتەۋدى، قامتاماسىز ەتۋدى ويداعىداي ىستەۋ كەرەك. ىندەتتەن ساقتانۋ - تىزگىندەۋ بويىنشا ءبىر تۇتاس قولباسشىلىقتى، ءبىر تۇتاس جۇمىلدىرۋدى كۇشەيتىپ، ”ءتورت جاقتىڭ“ جاۋاپكەرشىلىگىن ناقتىلاندىرىپ، ينفورماتسيادان ورتاق پايدالانۋدى ىلگەرىلەتىپ، ءتۇرلى ساقتانۋ - تىزگىندەۋ شارالارىن ەگجەي - تەگجەيلى، ناقتى تياناقتاندىرىپ، ىندەتتى جەدەل تىزگىندەپ، قالىپتى ءوندىرىس، تۇرمىس ءتارتىبىن قالپىنا كەلتىرۋ كەرەك.

  مەملەكەتتىك كەڭەستىڭ ورىنباسار باس حاتشىسى ديڭ شياڭياڭ، مەملەكەتتىك دەنساۋلىق ساقتاۋ جانە سالاماتتىق كوميتەتىنىڭ ورىنباسار مەڭگەرۋشىسى يۇي شۋەجۇن تەكسەرۋ - زەرتتەۋدە بىرگە بولدى.

  اۆتونوميالى رايوننىڭ باسشىلارىنان شوكىرات زاكىر، ۋاڭ جۇنجىڭ، لي پىڭشين قاتارلىلار قاتىستى قيمىلدارعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.