− باس شۋجي شي جينپيڭنىڭ كاسىپكەرلەر اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
قازىر الەمدىك ىندەت جانە دۇنيە جۇزىلىك ەكونوميكا جاعدايى ءالى دە قيىن، كۇردەلى، ەلىمىزدىڭ دامۋى بۇرىن بولماعان سىن - سايىستارعا ءدوپ كەلدى. ستراتەگيالىق تاباندىلىقتى ساقتاپ، ءسوزسىز، جەڭىسكە جەتۋ سەنىمىن كۇشەيتىپ، كۇشتى شوعىرلاندىرىپ ءوز ءىسىمىزدى جاقسى ىستەۋ − ءتۇرلى حاۋىپ - قاتەر، سىن - سايىستارعا توتەپ بەرۋىمىزدىڭ تەتىگى.
تاياۋدا اشىلعان كاسىپكەرلەر اڭگىمە ماجىلىسىندە باس شۋجي شي جينپيڭ بىلاي دەپ باسا دارىپتەدى: قورعامپازدىق باس كوتەرگەن، دۇنيە ەكونوميكاسى تۇرالاعان، جاھاندىق بازار تارايعان كەزەكتەگى سىرتقى ورتادا ءبىز، ءسوز جوق، كۇشتى شوعىرلاندىرىپ ءوز ءىسىمىزدى جاقسى ىستەپ، ەل ىشىندەگى ايرىقشا كەڭ كولەمدى بازار باسىمدىعىن تولىق ساۋلەلەندىرىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ اۋقىمىن بىرتىندەپ قالىپتاستىرىپ، كاسىپ تىزبەگىنىڭ، قامداۋ تىزبەگىنىڭ وسىزاماندانۋ دەڭگەيىن ءوسىرىپ، عىلىم - تەحنيكادا جاڭالىق اشۋدى زور كۇشپەن العا ىلگەرىلەتىپ، شەشۋشى تەحنيكالاردان قامال الۋدى جەدەلدەتىپ، بولاشاق دامۋدىڭ جاڭا باسىمدىعىن قالىپتاستىرۋىمىز كەرەك.
جاعدايدى بارلاعان پاراساتتى بولادى، جاعدايدى مەڭگەرگەن جەڭەدى. قازىر دۇنيە ءجۇزى 100 جىلدا بولماعان ۇلكەن وزگەرىستى باستان كەشىرۋدە، جاڭا كەزەكتى عىلىم - تەحنيكا توڭكەرىسى مەن كاسىپ سالاسىنىڭ وزگەرىسى قارقىندى دامۋدا. ەكونوميكانىڭ جاھاندانۋى ىشكەرىلەي دامىعان سىرتقى ورتادا بازار مەن بايلىقتىڭ ”ەكەۋىنىڭ دە سىرتتا بولۋى“ ەلىمىزدىڭ جەدەل دامۋىندا ماڭىزدى رول اتقاردى. قازىر ىندەتتىڭ سوققىسىنداعى دۇنيە ءجۇزى تەرەڭ وزگەرىستەردى باستان وتكەرىپ، اناعۇرلىم كوپ تۇراقسىزدىق، انىقسىزدىق فاكتورلارىنا ءدوپ كەلدى، ەكونوميكانىڭ جاھاندانۋى تەرىس جەل مەن كەرى تولقىنعا جولىقتى. ءبىرشاما ۇزاق ۋاقىت سىرتقى ورتا وزگەرىسىنە توتەپ بەرۋدىڭ يدەيالىق دايىندىعى مەن قىزمەت دايىندىعىن ويداعىداي جاساپ، ەلىمىز ەكونوميكاسىنىڭ تولقىن جارا العا باسۋىن، ورنىقتى، باياندى بولۋىن ىلگەرىلەتۋدەگى اسا ماڭىزدى ءبىر جاق − ىشكى سۇرانىستى كەڭەيتۋ مەن قاناعاتتاندىرۋدى دامۋدىڭ ستراتەگيالىق ءتۇيىنى ەتىپ، وزىندىك باسىمدىقتى تولىق ساۋلەلەندىرىپ، ەل ءىشى ەكونوميكاسىن گۇلدەندىرۋ، ەل ىشىندەگى ۇلكەن اينالىمدى ىركىلىسسىزدەندىرۋ ارقىلى ەلىمىز ەكونوميكاسىنىڭ دامۋىنا قوزعاۋشى كۇش ۇستەپ، دۇنيە ءجۇزى ەكونوميكاسىن سەرپىلۋگە باستاۋ. ءبىز كەمەلدى ىشكى سۇرانىس جۇيەسىن قۇرۋدىڭ ەلىمىزدىڭ ۇزاق بولاشاقتىق دامۋى مەن باياندى تىنىشتىعىنا ساياتىندىعىن تەرەڭ تانۋىمىز كەرەك. پارتيا ورتالىق كوميتەتى جاعدايدى ءداپ باسىپ باعامداپ، ىشكى سۇرانىستى كەڭەيتۋ ستراتەگياسىن تاباندىلىقپەن اتقارۋدى ايقىن العا قويدى، بۇل ىندەتتىڭ سوققىسىنا توتەپ بەرۋدىڭ قاجەتى، ەلىمىز ەكونوميكاسىنىڭ ۇزاق ۋاقىت باياندى، اقاۋسىز دامۋىن ساقتاۋدىڭ قاجەتى ءارى حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋ بولىپ تابىلادى.
ءىرى ەل ەكونوميكاسىنىڭ باسىمدىلىعى ىشكى اينالىمدا. ەلىمىزدە دۇنيە جۇزىندەگى ەڭ كەمەلدى، كولەمى ەڭ ۇلكەن ونەركاسىپ جۇيەسى، قۋاتتى ءوندىرىس قابىلەتى، كەمەلدى سايكەستى قابىلەت بار، 100 ميلليوننان استام بازار تۇلعاسى مەن 170 ميلليوننان استام جوعارى ءبىلىم العان نەمەسە ءار ءتۇرلى كاسىپتىك شەبەرلىككە يە دارىندىلار بار، سونداي - اق 400 ميلليوننان استام ورتا كىرىستى قاۋىمدى قامتىعان ءبىر ميلليارد 400 ميلليون ادامنان قالىپتاسقان ايرىقشا كەڭ كولەمدى ىشكى سۇرانىس بازارى بار، جاڭاشا ونەركاسىپتەندىرۋدىڭ، ينفورماتسيالاندىرۋدىڭ، قالا - قالاشىقتاندىرۋدىڭ، اۋىل شارۋاشىلىعىن وسىزامانداندىرۋدىڭ تەز دامۋ كەزەڭىندە تۇر، قارجى قوسۋ سۇرانىسىنىڭ كومەسكى كۇشى اسا زور. جالپىلىق مەنشىكتى نەگىزگى تۇلعا ەتۋ، كوپ ءتۇرلى مەنشىكتەگى شارۋاشىلىق بىرگە دامۋ، ەڭبەگىنە قاراي ءبولۋدى نەگىزگى تۇلعا ەتۋ، كوپ ءتۇرلى ءبولىس ءتاسىلى قاتار ءومىر ءسۇرۋ، سوتسياليستىك بازار شارۋاشىلىعى ءتۇزىلىسى سياقتى سوتسياليستىك نەگىزگى شارۋاشىلىق ءتۇزىمى ءارى ءتۇرلى بازار تۇلعالارىنىڭ ومىرشەڭدىگىن قاۋلاتادى، قوعامدىق وندىرگىش كۇشتەردى ازات ەتەدى جانە دامىتادى ءارى ونىمدىلىك پەن ادىلدىكتىڭ ورگانيكالى بىرلىگىن جەبەيدى، بىرگە بايۋدى ۇزدىكسىز جۇزەگە اسىرادى. ءبىز ىشكى سۇرانىستى كەڭەيتۋ سىندى ستراتەگيالىق ءتۇيىندى مىقتى يگەرىپ، ءوندىرىس، ءبولىس، اينالىم بۋىندارىنىڭ ەل ءىشى بازارىنا نەعۇرلىم كوپ سۇيەنە وتىرىپ ۇتىمدى اينالىمدى جۇزەگە اسىرۋىنا مۇمكىندىك جاساپ، قامداۋ جاعىنداعى قۇرىلىمدىق رەفورمانىڭ ستراتەگيالىق بەتالىسىن ايقىنداپ، جالپى قامداۋ مەن جالپى سۇرانىستىڭ اناعۇرلىم جوعارى دەڭگەيدە ديناميكالىق تەپە - تەڭدىكتى جۇزەگە اسىرۋىن جەبەۋىمىز كەرەك. كەمەلدى ىشكى سۇرانىس جۇيەسىن جەدەل قۇرىپ، عىلىم - تەحنيكادا جاڭالىق اشۋ مەن باسقا جاقتارداعى جاڭالىق اشۋدى زور كۇشپەن ىلگەرىلەتىپ، سيفرلى ەكونوميكا، زەردەلى جاساۋ، ءومىر سالاماتتىعى، جاڭا ماتەريال سياقتى ستراتەگيالىق جاڭادان گۇلدەنگەن كاسىپتەردى جەدەل ىلگەرىلەتىپ، اناعۇرلىم كوپ جاڭا ارتۋ ءتۇيىنىن، ارتۋ ۇيەگىن قالىپتاستىرۋىمىز، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ اۋقىمىن بىرتىندەپ قالىپتاستىرۋىمىز كەرەك.
ەسىك اشۋ العا باستىرادى، توماعا - تۇيىقتىق تابيعي تۇردە مەشەۋ قالدىرادى. باس شۋجي شي جينپيڭ جۇڭگونىڭ اشقان ەسىگى جابىلمايتىنىن، بارعان سايىن ايقارا اشىلاتىنىن تالاي رەت باسا دارىپتەدى. ەل ىشىندەگى ۇلكەن اينالىمدى نەگىزگى تۇلعا ەتۋ استە ەسىكتى جاۋىپ الىپ جابىق كۇيدە جۇمىس جۇرگىزۋ دەگەندىك ەمەس، قايتا ىشكى سۇرانىستىڭ كومەسكى كۇشىن ساۋلەلەندىرۋ ارقىلى ەل ءىشى بازارى مەن حالىقارالىق بازاردى اناعۇرلىم ويداعىداي تۇتاستىرىپ، حالىقارا جانە ەل ءىشى سىندى ەكى بازاردان، ەكى بايلىقتان اناعۇرلىم ويداعىداي پايدالانىپ، اناعۇرلىم پارمەندى، اناعۇرلىم باياندى دامۋدى جۇزەگە اسىرۋ. سونىمەن بىرگە ىشكى سۇرانىستى كەڭەيتۋ مەن ەسىك اشۋدى كەڭەيتۋ ءبىر - بىرىنە قايشى ەمەس، ەل ىشىندەگى اينالىم قانشا ىركىلىسسىز بولعان سايىن، اشىق، جاڭا جاعدايدى قالىپتاستىرۋعا سونشا پايدالى، حالىقارالىق سەلبەستىك پەن باسەكەگە قاتىناسۋدىڭ جاڭا باسىمدىعىن قالىپتاستىرۋعا سونشا ءتيىمدى. ۇزاق بولاشاقتان قاراعاندا، ەكونوميكانىڭ جاھاندانۋى ءالى دە تاريح اعىنى بولىپ تابىلادى، ءار ەل جۇمىس ءبولىسى بويىنشا سەلبەسۋ، ءبىر - بىرىنە پايدا جەتكىزىپ، تەڭ يگىلىككە كەنەلۋ − ۇزاق ۋاقىتتىق بەتالىس. قازىر حالىقارادا قورعامپازدىق يدەيالىق اعىنى كوتەرىلگەنىمەن، ءبىز تاريحتىڭ دۇرىس جاعىندا تۇرىپ، تاباندىلىقپەن رەفورمانى تەرەڭدەتىپ، ەسىك اشۋدى كەڭەيتىپ، عىلىم - تەحنيكا سالاسىنداعى اشىق سەلبەستىكتى كۇشەيتىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋىمىز، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىمىز كەرەك.
جۇڭحۋا ۇلتى تاريحتا تالاي تاۋقىمەتتى باستان كەشىرگەن، ءبىراق ەشقاشان ەڭسەسىن تۇسىرمەگەن، قايتا نەعۇرلىم ساتسىزدىككە ۇشىراعان سايىن سولعۇرلىم ەرجۇرەك بولىپ، تاۋقىمەت بارىسىندا ۇزدىكسىز تولىسىپ، تاۋقىمەت بارىسىندا قايراتى تاسقىنداعان. العا باسۋ جولىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، جۇڭگوشا سوتسياليزم ءتۇزىمىنىڭ كورنەكتى ابزالدىلىعى، قۋاتتى اتتانىسقا كەلتىرۋ قابىلەتى مەن مىعىم جالپىلىق قۋاتى تۇرعاندا، بۇكىل پارتيا، بۇكىل ارميا، بۇكىل ەلدەگى ءار ۇلت حالقى ىنتىماقتاسا كۇرەس جۇرگىزگەندە، ءبىز، ءسوز جوق، بارلىق جاپا - ماشاقات، قيىندىق، حاۋىپ - قاتەر، كەدەرگىلەردى جەڭىپ، ەلىمىزدىڭ ەكونوميكاسى مەن قوعامىنىڭ تاماشا دامۋ جاعدايىن ساقتاپ، جاپپاي دوڭگەلەك داۋلەتتى قوعام ورناتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن ءساتتى باستاي الامىز!
(شينحۋا اگەنتتىگىنىڭ 7 - ايدىڭ 25 - كۇنى بەيجيڭنەن بەرگەن حابارى)
