تيانشان تورى   ›   جاڭالىقتار   ›   ماڭىزدى حابارلار

ۇمىتكە تولى القاپ، ۇلكەن ىستەر تىندىرۋعا بولاتىن ىرىستى ءوڭىر

− باس شۋجي شي جينپيڭنىڭ جيليندە قىزمەت تەكسەرۋىنەن ەستەلىك

شينحۋا اگەنتتىگىنىڭ تىلشىلەرى جاڭ شياۋسۇڭ، جۋ جيچاي، حالىق گازەتىنىڭ ءتىلشىسى دۋ شاڭزى

  بۇل ۇمىتكە تولى القاپ −

  شىعىس سولتۇستىكتىڭ گۇلدەنۋىن، دامۋىن ىشكەرىلەي ىلگەرىلەتۋ − پارتيا ورتالىق كوميتەتى جاساعان كەلەلى ستراتەگيالىق ورنالاستىرۋ. شىعىس سولتۇستىك ءوڭىر سياقتى بايىرعى ونەركاسىپ بازالارىن جالپى بەتتىك گۇلدەندىرۋدەن شىعىس سولتۇستىكتى گۇلدەندىرۋدىڭ جاڭا كەزەكتى ستراتەگياسىن ىشكەرىلەي ىلگەرىلەتۋگە دەيىن، ونان شىعىس سولتۇستىك ءوڭىردىڭ رەفورمانى، جاڭالىق اشۋدى تەرەڭدەتىپ، جوعارى ساپالى دامۋدى ىلگەرىلەتۋىنە قولداۋ كورسەتۋگە دەيىن پارتيا ورتالىق كوميتەتىنىڭ ستراتەگيالىق ورنالاستىرۋلارى باستان - اياق ءبىر ىزبەن دايەكتىلەنىپ، ۇزدىكسىز كۇشەيىپ، شىعىس سولتۇستىكتىڭ گۇلدەنۋىنە، دامۋىنا تىڭ ءۇمىت اكەلدى.

  بۇل ۇلكەن ىستەر تىندىرۋعا بولاتىن ىرىستى ءوڭىر −

  پارتيا 18 - قۇرىلتايىنان بەرى، باس شۋجي شي جينپيڭ شىعىس سولتۇستىك وڭىرگە ىلگەرىندى - كەيىندى 6 رەت بارىپ تەكسەرۋ - زەرتتەۋ جۇرگىزىپ، شىعىس سولتۇستىكتىڭ گۇلدەنۋىنە، دامۋىنا زەيىن - زەردەسىن بارىنشا جۇمسادى.

  ”شىعىس سولتۇستىككە كوبىرەك كەلدىم، مەن بۇل جەردىڭ گۇلدەنۋىنە، دامۋىنا ايرىقشا كوڭىل ءبولىپ كەلەمىن. بۇل ءوڭىر مەملەكەتىمىزدىڭ توڭكەرىسى، قۇرىلىسى، رەفورماسى ءۇشىن ەرەن ۇلەس قوستى. جاڭا جاعدايدا شىعىس سولتۇستىكتىڭ گۇلدەنۋىن، دامۋىن قالاي ۇزدىكسىز ىلگەرىلەتۋگە بولادى؟ بۇل جولى مەن وسىنداي ويمەن، سونداي - اق كەلەسى 5 جىلداعى دامۋدى جوسپارلاۋ تۋرالى تەكسەرۋ - زەرتتەۋ جۇرگىزۋ ءۇشىن كەلدىم“.

  2 جىلدىڭ الدىندا باس شۋجي شي جينپيڭ شىعىس سولتۇستىكتەگى 3 ولكەدە قىزمەت تەكسەرىپ، شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ اڭگىمە ءماجىلىسىن باسقارىپ اشىپ، جاڭا داۋىردەگى شىعىس سولتۇستىكتىڭ جالپى بەتتىك گۇلدەنۋىن ىلگەرىلەتۋ، جان - جاقتى گۇلدەنۋىن ىلگەرىلەتۋ ءۇشىن ۇلى جوبا كەسكىندەدى.

  ”قوس 100 جىلدىق“ كۇرەس نىساناسىنىڭ تاريحي توعىسۋ مەزگىلىندەگى شەشۋشى ساتتە، باس شۋجي شي جينپيڭ شىعىس سولتۇستىككە تاعى كەلىپ، جيلين ولكەسىنىڭ اۋىل - قىستاقتارىن، الەۋمەتتىك اۋماقتارىن، عىلىم - تەحنيكا باقشا رايوندارىن، كاسىپورىندارىن ىشكەرىلەي ارالاپ، قىزمەت تەكسەرىپ، تەكسەرۋ - زەرتتەۋ جۇرگىزىپ، وسىناۋ ىرىستى ءوڭىردىڭ جالپى بەتتىك گۇلدەنۋى، جان - جاقتى گۇلدەنۋى ءۇشىن ىشكەرىلەگەن تۇردە ايقىن بەتالىس كورسەتتى، دامۋدىڭ تىڭ قوزعاۋشى كۇشىن ۇستەدى.

  جاڭا داۋىردەگى شىعىس سولتۇستىك ءوڭىر تىڭ سەرپىلىسكە دايىندالۋدا، بولاشاعى كەڭ، ۇلكەن ىستەر تىندىرۋعا بولادى.

(1) ۇمىتكە تولى القاپ

  ”باس شۋجي، قاراڭىزشى، قازىر مىنا جۇگەرىلەر ءارى بيىك، ءارى ۇلكەن شىقتى، ءوسۋ جاعدايى سۇيىندىرەدى، ەندى 2 ايدا پىسادى، سول كەزدە مۋىنان 800 كيلوگرامنان ارتىق استىق الۋعا بولادى، بيىل ءبىز تاعى دا مول ءونىم الاتىن بولدىق“.

  7 - ايدىڭ 22 - كۇنى تۇستەن كەيىن سۇڭلياۋ جازىعىنىڭ قويناۋىندا، جيلين ولكەسىنىڭ سىپيڭ قالاسى ليشۋ اۋدانىنداعى مەملەكەتتىڭ ميلليون مۋلىق جاسىل ازىق - تۇلىك شيكىزاتىن (جۇگەرى) ولشەمدەندىرىپ ءوندىرۋ بازاسىنىڭ وزەكتى ۇلگى كورسەتۋ اۋماعىندا باس شۋجي شي جينپيڭ راشەتكانىڭ جانىندا تۇرىپ شەتسىز دە شەكسىز بۇيرالانا تولقىندانىپ تۇرعان جۇگەرى اتىزىنا كوز تاستادى.

  بۇل 5 جىل ارالىعىندا شي جينپيڭنىڭ جيلينگە كەلىپ 3 - رەت قىزمەت تەكسەرۋى. وسى جولى كەلگەنىندە ەڭ الدىمەن قۇنارلى قارا توپىراقتى وڭىرگە كەلىپ، ماڭداي الدى ۇلكەن ءىس − استىق ءوندىرىسى جونىندە تەكسەرۋ - زەرتتەۋ جۇرگىزدى.

  ”الدىڭعى جىلى حيلۇڭجياڭنىڭ جيانسانجياڭىنداعى كۇرىشتى كوردىم، بۇل جولى جۇگەرىنىڭ جاعدايىن بىلۋگە كەلدىم“، - دەدى شي جينپيڭ جۇگەرى اتىزىندا وسى جولعى ساپارىنىڭ ماقساتىن تىلگە الىپ، - ”بيىل جازعى استىقتان مول ءونىم الىناتىندىعى بەلگىلى بولدى، ەندىگى شەشۋشى ءتۇيىن − كۇزگى استىقتا قالدى. بيىل اپات از بولعان جوق، مەن شىعىس سولتۇستىك وڭىردەگى ەگىس داقىلدارىنىڭ ءوسۋ جاعدايىنا ەرەكشە كوڭىل بولەمىن“.

  قازىر ءدال جۇگەرىنىڭ اتالىعى باس جارىپ، شاشاقتالاتىن كەز، جۇگەرىنىڭ باسىنداعى شاشاقتار كۇن ساۋلەسىمەن التىنداي جارقىراپ كورىنەدى. ون شاقتى ۇشقىشسىز ۇشاق ءدارى شاشۋ جۇمىسىن جۇرگىزىپ جاتتى.

  جيلين ولكەلىك اۋىل شارۋاشىلىق، اۋىل - قىستاق مەڭگەرمەسىندەگى جاۋاپتى جولداس بىلاي دەپ مالىمەت بەردى: بيىل جيلين ولكەسى بويىنشا استىق داقىلدارىنىڭ ەگىس كولەمى 830 مىڭ مۋ ارتتى، جۇگەرىنىڭ ءونۋ مولشەرى %96.06كە جەتتى، بۇل جاقىنعى 5 جىلدان بەرگى ەڭ جاقسى دەڭگەي، جۇگەرى، كۇرىش، سويا بۇرشاق سىندى 3 ۇلكەن ءتۇر ساباعىنىڭ قازىرگى بيىكتىگى تۇگەلدەي بىلتىرعى سايكەس مەزگىلدەگىدەن بيىك، سونىمەن قاتار اپاتتان ساقتانۋ جانە اپات زيانىن ازايتۋ جاعىندا دا ۇسىنىلىمدى ارتتىردىق.

  كوز الدىنداعى جۇگەرىنىڭ ءوسۋ جاعدايىن كورىپ، جاعدايدان مالىمەتتى تىڭداعان سوڭ، شي جينپيڭ بىلاي دەپ باسا دارىپتەدى: ”استىق نەگىز عوي! دەرت - دەربەزدىڭ، زياندى جاندىكتىڭ الدىن الۋدى جانە ونى تىزگىندەۋدى كۇشەيتىپ، كۇزگى استىقتان دا ايتارلىقتاي مول ءونىم الۋعا ۇمتىلىپ، تۇتاس جىلدا استىقتان مول ءونىم الۋعا جانە ەكونوميكالىق، قوعامدىق دامۋعا نەگىز قالاۋ كەرەك“.

  ليشۋ اۋدانى استىق وندىرىسىندە مەملەكەت بويىنشا 5 قۋاتتى اۋداننىڭ ءبىرى، سونداي - اق قارا توپىراقتى قورعاۋدىڭ جانە ودان پايدالانۋدىڭ سىناق اتىزى. 2007 - جىلدان باستاپ، بۇل جەر جۇگەرى ساباعىمەن جەردى جابۋ، تۇتاس بارىسى ماشينالاسقان ءوندىرىس تەحنيكاسىن وزەك ەتكەن ليشۋ ۇلگىسى جونىندە ىزدەنىس جاساي باستاپ، استىقتىڭ ءتۇسىمىن ارتتىرۋ مەن قارا توپىراقتى قورعاۋدىڭ قوس ونىمدىلىگىن قالىپتاستىردى.

  شىجىعان ىستىققا قاراماي، باس شۋجي شي جينپيڭ جۇگەرى اتىزىنىڭ ىشىنە كىرىپ، قارا توپىراق قيما بەتىن باقىلاۋ تۇيىنىنە كەلىپ، قارا توپىراقتى قورعاۋ جاعدايىن تەكسەرىپ كوردى، سونداي - اق سول جەردەگى ەگىن شارۋاشىلىعى ماماندارىمەن كەڭەس قۇردى.

  جۇڭگو اۋىل شارۋاشىلىعى داشۋەسىنەن كەلگەن لي باۋگو پروفەسسور ليشۋ اۋدانىنا تامىر تارتىپ عىلمي زەرتتەۋمەن شۇعىلدانعانىنا 10 نەشە جىل بولىپتى. ول قازىلعان قارا توپىراق قاباتىنىڭ قيما بەتىن كورسەتىپ تۇرىپ باس شۋجيگە بۇل جەردەگى قارا توپىراق قاباتىنىڭ بۇرىن كەمىندە 60 سانتيمەتر كەلەتىندىگىن، چيڭ پاتشالىعىنىڭ سوڭعى كەزىندە تىڭ اشا باستاعاننان بەرى، جەلدىڭ جەمىرۋىمەن، سۋدىڭ شايۋىمەن، ءار جىلى كەمىندە 3 ميلليمەتر مولشەرىندە ازايىپ وتىرعاندىعىن ايتتى.

  ”100 قانشا جىل بولىپتى، ءونىمدى شارا قولدانباساق، ەندى بىرنەشە ون جىلدان كەيىن، ءسىرا، تۇگەلدەي جوعالىپ كەتەر“، - دەدى باس شۋجي الاڭداپ.

  ”ءبىز ءبىر ءادىس ويلاپ تاپتىق، جۇگەرىنىڭ ساباعىن اتىزدا قالدىرساق، قارا توپىراقتى ءبىر قابات كورپەمەن قىمتاپ قويعان ءتارىزدى بولادى، بۇل جەلدىڭ جەمىرۋىنىڭ، سۋدىڭ شايۋىنىڭ الدىن الىپ، قۋاڭشىلىققا توتەپ بەرۋ، دىمقىلدىقتى ساقتاۋ رولىن اتقارىپ قالماستان، جۇگەرى ساباعى شىرىگەننەن كەيىن توپىراقتاعى ورگانيكالىق زاتتاردى كوبەيتەدى. توپىراق بوس، جۇمساق بولسا، جۇگەرىنىڭ تامىر جۇيەسى دە اناعۇرلىم تەرەڭگە تارتادى، بۇل جاپىرىلۋعا دا توتەپ بەرە الادى“، - دەدى لي پروفەسسور باس شۋجيگە قارا توپىراقتى قورعاۋدىڭ ليشۋ ۇلگىسىن ەگجەي - تەگجەيلى تانىستىرىپ.

  ”بۇل ۇلگىنى قورىتىندىلاپ، جالپىلاستىردىڭىزدار ما؟“، - دەپ سۇرادى باس شۋجي دەن قويا.

  ”ليشۋ اۋدانىندا 2 ميلليون مۋعا، بۇكىل ولكەدە 18 ميلليون مۋعا جالپىلاستىردىق، ەندى 40 ميلليون مۋعا جالپىلاستىرۋدى جوسپارلاپ وتىرمىز“.

  ”بۇل قىزمەت وتە ماڭىزدى!“، - دەدى باس شۋجي شي جينپيڭ تەرەڭنەن تولعاپ، - ”شىعىس سولتۇستىك دۇنيە جۇزىندەگى 3 ۇلكەن قارا توپىراقتى ءوڭىردىڭ ءبىرى، ’التىن جۇگەرى بەلدەۋى‘، ’سويابۇرشاق مەكەنى‘، قارا توپىراقتى جەردەن جوعارى ءتۇسىم، مول ءونىم الۋمەن بىرگە، توپىراقتىڭ قۇنارلىلىعى كەمەيۋ ماسەلەسىنە دە ءدوپ كەلىپ وتىرمىز. ءسوز جوق، ۇتىمدى شارا قولدانىپ، قارا توپىراق سىندى ’ەگىستىك جەردىڭ مىسىق ايۋىن‘ ويداعىداي قورعاپ، ۇرپاقتارىمىزعا قالدىرۋىمىز كەرەك. ليشۋ ۇلگىسى قورىتىندىلاۋعا جانە جالپىلاستىرۋعا تاتيدى“.

  قارا توپىراقتى قورعاۋدان عىلىم - تەحنيكا ارقىلى اۋىل شارۋاشىلىعىن كوركەيتۋ تۋرالى ءسوز قوزعاعان باس شۋجي بىلاي دەپ اتاپ كورسەتتى: ”اۋىل شارۋاشىلىعىن وسىزامانداندىرۋدا، باستىسى، عىلىم - تەحنيكانى وسىزامانداندىرۋعا سۇيەنۋ، اۋىل شارۋاشىلىعى مەن عىلىم - تەحنيكانىڭ توعىسۋىن كۇشەيتۋ، اۋىل شارۋاشىلىعى بازالارى مەن عىلمي زەرتتەۋ مەكەمە - ورىندارىنىڭ سەلبەستىگىن كۇشەيتۋ كەرەك، مامان - وقىمىستىلار ديسسەرتاتسيانى بايتاق دالاعا جازىپ، شارۋالاردىڭ وزىق اۋىل شارۋاشىلىعى تەحنيكالارىن يگەرۋىنە، ەڭ جاقسى تەحنيكامەن ەڭ جاقسى استىقتى ەگۋىنە مۇمكىندىك جاساۋ كەرەك“.

  اۋىل شارۋاشىلىعىن وسىزامانداندىرۋدى عىلىم - تەحنيكامەن قاناتتاندىرۋ كەرەك، بۇل ءوندىرىس جانە شارۋاشىلىق جۇرگىزۋ ۇلگىسىندە جاڭالىق اشۋدان ايرىلا المايدى.

  2015 - جىلى شي جينپيڭ جيليندە قىزمەت تەكسەرگەندە جيلين ولكەسىنەن ”وسى زامانعى اۋىل شارۋاشىلىعىنىڭ اتويشىسى“ بولۋدى تالاپ ەتكەن بولاتىن. 5 جىل ءوتتى، جيلين ولكەسى وسى زامانعى اۋىل شارۋاشىلىعىنىڭ شارۋاشىلىق جۇرگىزۋ جۇيەسىن جەدەل ورناتىپ، قازىرگە دەيىن 36 مىڭ وتباسىلىق ەگىس الاڭىن، 86 مىڭ سەلبەستىك كووپەراتيۆىن قۇرىپ ۇلگىردى.

  جۇگەرى اتىزىنان شىققان سوڭ، باس شۋجي شي جينپيڭ ليشۋ اۋدانى كاڭپيڭ ءمالىسى باليمياۋ قىستاعىنداعى لۋۋي اۋىل شارۋاشىلىعى ماشينالارى شارۋالار كاسىپتىك سەلبەستىك كووپەراتيۆىنە كەلدى.

  سەلبەستىك كووپەراتيۆىنىڭ اۋلاسىندا، ءبىر قاتار وسىزاماندانعان اۋىل شارۋاشىلىعى ماشينا - جابدىقتارى باس شۋجيدىڭ نازارىن اۋداردى.

  ”مىناۋ جۇگەرى وراتىن كومباين، جۇگەرىنىڭ شاشاعىن تازالاۋ، قابىعىن سىدىرۋ، جيناپ كولىككە تيەۋ جۇمىستارىن ءبىر جولدا ورىندايدى؛ مىناۋ وسىمدىك باپتاۋعا ارنالعان ماشينا، ارام ءشوپتى وتاۋعا، اتىزداعى زياندى جاندىكتەردەن ساقتانۋعا قولدانىلادى؛ مىناۋ تايلاۋ ماشيناسى، بۇنىڭ ەڭ ۇلكەن ارتىقشىلىعى، ساباقتى جيناۋ، ۇگىتۋ، شاڭىن تازارتۋ جۇمىسىن ءبىر جولدا ورىنداپ، سوڭىندا تايلاپ شىعارادى، ايرىقشا قارسى الۋعا بولەنىپ تۇر...“، سەلبەستىك كووپەراتيۆىنىڭ القا باستىعى لۋ ۋي ۇيدەگى قۇندى مۇلىكتەردى تۇگەندەگەندەي ءبىر - بىردەن تانىستىرىپ شىقتى.

  سەلبەستىك كووپەراتيۆى قۇرىلعان سوڭ، جەردى اينالىمعا سالۋ ارقىلى كولەمدەنگەن، ماشينالاسقان شارۋاشىلىق جۇرگىزۋ جۇزەگە اسىرىلىپ، ءىرى تۇرپاتتى ماشينالار كەڭ كوسىلگەن اتىزداردا جۇمىس ىستەپ، اۋىل شارۋاشىلىعى ءوندىرىسىنىڭ ونىمدىلىگى زور مولشەردە جوعارىلاپ، شارۋالاردىڭ كىرىسى قوماقتى ارتىپ، ونىڭ ەسەسىنە ەڭبەك كۇشەمەلىلىگى ايتارلىقتاي تومەندەدى.

  ”كووپەراتيۆكە كىرگەن سوڭ، قانداي سەزىمدە بولدىڭىزدار؟“، سەلبەستىك كووپەراتيۆىنىڭ اۋلاسىندا باس شۋجي جۇمىس باسىندا تەكسەرۋ - زەرتتەۋ جيىنىن اشتى.

  ”توتەنشە جاقسى!“، كووپەراتيۆ مۇشەلەرى ءبىرىنىڭ ءسوزىن ءبىرى جالعاپ، كووپەراتيۆكە كىرگەننەن كەيىن قول جەتكىزگەن ناقتى تيىمدىلىكتەرىن جاپا - تارماعاي ايتىپ بەردى:

  ”جەردى كووپەراتيۆكە بەرىپ الاڭسىز بولدىق، ءوزىمىز جەكەلەي ەككەننەن جاقسى بولادى ەكەن“، ”ءبىر جىلدا پايدا بولىسىنەن 8000 نەشە يۋان الدىم، مەرەكە - مەيرام سايىن سەلبەستىك كووپەراتيۆى تاعى بىزگە بۇرشاق مايى، ۇن سياقتى يگىلىكتەر تاراتىپ تۇرادى“، مەن سەلبەستىك كووپەراتيۆىندە اۋىل شارۋاشىلىعى ماشينالارىن جۇرگىزۋشى بولىپ ىستەيمىن، ايىنا تۇراقتى ەڭبەكاقى الامىن“، ”مەن بوس ۋاقىتىمدا ۇيدە كوكونىس ەگىپ، بازارعا اپارىپ ساتىپ ۇساق - تۇيەككە جۇمسايتىن تيىن - تەبەن تاۋىپ الامىن“، ”جايشىلىقتا سىرتقا شىعىپ جۇمىس ىستەپ، ءۇي ءىشىن بەزەندىرۋمەن شۇعىلدانىپ، جىلىنا 40 مىڭ يۋاننىڭ ۇستىندە تابىس تابامىن“. ”مەن 10 شاقتى سيىر باعىپ وتىرمىن، جىلىنا 70 − 80 مىڭ يۋان كىرىس كىرگىزەمىن“...

  ”كەرەمەت ەكەنسىڭدەر! جەر اينالىمعا سالىنعان سوڭ، قولدارىڭىز بوساپ، سەلبەستىك كووپەراتيۆىندە قىزمەت ىستەيتىن بولىپسىزدار، قوسىمشا كاسىپپەن شۇعىلدانىپ، كوپ ارنامەن كىرىستى ارتتىرۋعا بولادى ەكەن. سىزدەردىڭ ىزدەنىستەرىڭىز ەرەكشە ءماندى، ءوز سەلبەستىك كووپەراتيۆتەرىڭىزگە ۇيلەسەتىن دامۋ جولىن تاۋىپسىزدار، اۋىل شارۋاشىلىعىنىڭ عىلىم - تەحنيكالىق دەڭگەيى، شارۋالاردىڭ عىلىم - تەحنيكالىق ساپاسى جانە اۋىل شارۋاشىلىعىنىڭ ءوندىرىس ونىمدىلىگى تۇگەلدەي ايتارلىقتاي جوعارىلاپتى“، - دەدى باس شۋجي ايرىقشا قۋانىپ.

  ”اۋىل شارۋاشىلىعى سەلبەستىك كووپەراتيۆى جولىمەن قالاي ءجۇرۋ كەرەك، ءبىز ۇنەمى ىزدەنىس جاساپ كەلەمىز. اۋىل شارۋاشىلىعىن وسىزامانداندىرۋعا ۇمتىلۋ بارىسىندا سەلبەستىك كووپەراتيۆى بازار شارت - جاعدايىنداعى شارۋالاردىڭ ءوز ەركىمەن ۇيىمداسۋ فورماسى سانالادى، سونداي - اق جوعارى ونىمدىلىككە، جوعارى تيىمدىلىككە يە ۇيىمداسۋ فورماسى بولىپ تابىلادى. مەملەكەت سىزدەردىڭ اۋىل شارۋاشىلىعى سەلبەستىك كووپەراتيۆى جولىمەن ويداعىداي جۇرە بەرۋلەرىڭىزگە ۇزدىكسىز قولداۋ كورسەتەدى، سونىمەن بىرگە بۇكىل ەلدىڭ جەر - جەرىن ءوز جەرىنىڭ جاعدايىنا قاراي سەلبەستىك كووپەراتيۆىن دامىتۋعا، كاسىپتىك سەلبەستىك كووپەراتيۆىن دامىتۋدىڭ اناعۇرلىم كوپ جولىن قاراستىرۋعا جىگەرلەندىرەدى.

(2) دامۋدىڭ تىڭ قوزعاۋشى قۋاتى

  ”1 - اۆتوموبيل زاۆودىنا 9 جىلدىڭ الدىندا كەلگەن ەدىم، بۇل جولى كەلگەنىمدە كوز الدىمداعى كورىنىستەر تاڭعالدىردى، قازىرگى وزگەرىس وتە ۇلكەن ەكەن!“، 7 - ايدىڭ 23 - كۇنى تۇستەن كەيىن چاڭچۇندا قىزمەت تەكسەرىپ، تەكسەرۋ - زەرتتەۋ جۇرگىزگەن باس شۋجي شي جينپيڭ 1 - اۆتوموبيل توبىنىڭ زەرتتەۋ - اشۋ باس مەكەمەسىنە كەلدى، ارالاپ كەلە جاتىپ ايرىقشا ريزا بولدى.

  1 - اۆتوموبيل زاۆودى جاڭا جۇڭگو اۆتوموبيل ونەركاسىبىنىڭ ”بەسىگى“.

  60 نەشە جىلدىڭ الدىندا حالىق رەسپۋبليكاسىندا سان سالا كوركەيتۋدى كۇتىپ تۇرعان ساتتە، العاشقى جۇك اۆتوموبيلى ”جيەفاڭ“، العاشقى جەڭىل اۆتوموبيل ”دۇڭفىڭ“، العاشقى ساۋلەتتى اۆتوموبيل ”حۇڭچي“ مىنە وسى جەردە ءوندىرىس جەلىسىنەن شىعىپ، ۇلتتىق اۆتوموبيل ونەركاسىبىنىڭ داڭق جانە ارمان الاۋىن تۇتاندىردى. 60 نەشە جىل ءوتتى، 1 - اۆتوموبيل توبى الەمدىك 500 مىقتى كاسىپورىننىڭ الدىڭعى قاتارىنان بوي كورسەتكەن ءىرى اۆتوموبيل جاساۋ كاسىپورنى بولىپ جەتىلدى. بۇگىنگى تاڭدا جۇڭگو اۆتوموبيل وندىرۋدە جانە ساتۋدا ءبىرىنشى ۇلكەن مەملەكەتكە اينالدى.

  ”قۋ مەديان دالادا زاۆود سالۋدان دەربەس تيپ اۋىستىرۋعا، ونان قۇرىلىمدى رەتتەۋگە دەيىن، 1 - اۆتوموبيل زاۆودى تاريحتا 3 رەت شارۋاشىلىق قۇرۋدى باسىنان وتكەردى، ال قازىر ءبىز دەربەس جاڭالىق اشۋ سىندى 4 - رەتكى شارۋاشىلىق قۇرۋدى جۇرگىزىپ جاتىرمىز“. 1 - اۆتوموبيل توبىنىڭ جاۋاپتىسى باس شۋجيگە كاسىپورىننىڭ قازىر جاڭالىق اشىپ دامۋعا دەم بەرۋدىڭ، تيپ وزگەرتىپ دامۋدىڭ شەشۋشى ساتىسىندا تۇرعاندىعىن ايتتى.

  شي جينپيڭ اۆتوموبيل كاسىپ سالاسىنداعى باسەكەنىڭ قيان - كەسكى ەكەندىگىن ابدەن بىلەدى: ”قازىر حالىقارادا اۆتوموبيل جاساۋ كاسىبىنىڭ باسەكەسى ايرىقشا قيان - كەسكى، ينفورماتسيالاندىرۋ، زەردەلىلەندىرۋ، ورتاق پايدالانۋ سياقتىلار ۇزدىكسىز دامۋدا، ءبىز ءۇشىن ايتقاندا داعدارىس تا، وراي دا بار، داعدارىس ىشىندە وراي بار“.

  شي جينپيڭ قۇراستىرىلىپ بولعان اۆتوموبيلدەردىڭ قاتتى بولشەكتەرىن سىناۋ تاجىريبەحاناسىنا كىرىپ، كاسىپورىننىڭ عىلمي زەرتتەۋدەن قامال الۋ جاعدايىن ۇعىستى. عىلمي زەرتتەۋ قىزمەتكەرلەرى باس شۋجيگە ەڭ جاڭا جاسالعان مەدياتورسىز گولوگرافيالىق بەينە كەسكىن، جۇرەك قاعىسىن ولشەيتىن رول سياقتى زەردەلى ونىمدەردى تانىستىردى، سونداي - اق سول جەردە سيفرلى مودەلدەۋ تەحنيكاسىمەن جاسالعان اۆتوماتتى جۇرگىزۋ سىناق جۇيەسىن قولدانىپ كورسەتتى.

  كورمە زالىندا شىت جاڭا ەلەكتر قوزعالتقىشتى، زەردەلى ينتەرنەتتىك بايلانىس تەحنيكاسى تۇعىرى، جوعارى قۋاتتىق سۋتەكتى جانار زات باتەريالى موتور سياقتى ەڭ جاڭا عىلىم - تەحنيكالىق جاڭالىق اشۋ جەتىستىكتەرى، ”حۇڭچي“ سياقتى ماركاداعى بۇكىلدەي ەلەكترمەن قوزعالاتىن SUV، ساۋلەتتى ساۋدالىق جەڭىل اۆتوموبيل، سۋپەر سپورتتىق اۆتوموبيل، شوفەرسىز مينبۋس سياقتى ەڭ جاڭا ۇلگىدەگى قۇراستىرىلعان اۆتوموبيل قاز - قاتار ءتىزىلىپ تۇر.

  باس شۋجي شي جينپيڭ ارالاي ءجۇرىپ كوردى، ءالسىن - ءالى اۆتوموبيلدىڭ جوبالانۋى، يقۋاتى سياقتى جاعدايلاردى سۇراستىردى، تاعى جاڭا ۇلگىدەگى اۆتوموبيلگە قىزىعا وتىرىپ كورىپ، رولدى ۇستاپ، سەزىنىپ كوردى: ”شىنىندا، ادامدى تاڭ قالدىرادى ەكەن، ءپىشىنى ءساندى بولىپ قالماستان، ونان دا ماڭىزدىسى، جوعارى تەحنيكا دا ايگىلەنىپتى“.

  بيىل جىل باسىنان بەرى، ىندەتتىڭ ىقپالىندا اۆتوموبيل كاسىبى اۋىر سوققىعا ۇشىرادى، 1 - اۆتوموبيل توبى جاڭالىق اشۋعا سۇيەنە وتىرىپ، ءونىمنىڭ ساتىلىمىن ءتيىمسىز جاعدايدا جوعارىلاتىپ، الدىڭعى جارتى جىلدا ءبىر ميلليون 630 مىڭ اۆتوموبيل ساتتى، اسىرەسە، حۇڭچي سياقتى تانىمالى دەربەس ماركا اۆتوموبيلدەرىنىڭ ءوندىرىسى، ساتىلىمى ۇزدىكسىز ارتتى.

  ”ءبىز جاساۋ كاسىبىندە قۋاتتى مەملەكەتكە اينالۋ ءۇشىن، اۆتوموبيل وندىرۋدە قۋاتتى ەل بولۋىمىز كەرەك“، - دەدى باس شۋجي شي جينپيڭ 1 - اۆتوموبيل توبىنىڭ جۇمىسشى - قىزمەتكەرلەرىنىڭ ۋاكىلدەرىنە تەرەڭ ماعىنادا.

  ”ءبىز ءوزىمىزدىڭ اۆتوموبيل جاساۋ كاسىبىمىزدى دامىتۋدا 1 - اۆتوموبيل توبى سياقتى وسىنداي كاسىپورىندار اتويشى بولۋى كەرەك. ءسوز جوق، شەشۋشى وزەكتى تەحنيكالاردى ءوزىمىز يگەرۋىمىز، وسىنداي مۇرات ورناتىپ، ۇلتتىق اۆتوموبيل تانىمالى ماركالارىن دامىتۋىمىز كەرەك. قازىر جۇڭگو جاساۋ كاسىبىندەگى قۋاتتى مەملەكەت، ونەركاسىپتەگى قۋاتتى مەملەكەت بولۋدىڭ اناعۇرلىم جوعارى نىساناسىنا قاراي دامۋ ءۇشىن، ستراتەگيالىق جاڭا وركەندەگەن كاسىپتەردى دامىتۋ جاعىندا ورايدى مىقتى يگەرۋ، اينالما جولدا باسىپ وزۋ كەرەك“.

  1 - اۆتوموبيل توبىنىڭ رەفورماسى، دامۋى جيليننىڭ، ءتىپتى، شىعىس سولتۇستىك ءوڭىردىڭ لاۋلاعان ورتتە قايتا سومدالۋىنىڭ، قايتا تۇلەپ قاناتتانۋىنىڭ ىقشام كورىنىسى.

  رەفورمانى تەرەڭدەتۋ − شىعىس سولتۇستىكتى گۇلدەندىرۋدىڭ ماڭداي الدى مىندەتى، جاڭالىق اشۋ قابىلەتىن كۇشەيتۋ، جاڭا، كونە قوزعاۋشى قۋاتتاردىڭ اۋىسۋىن جۇزەگە اسىرۋ − شىعىس سولتۇستىكتىڭ گۇلدەنۋىنىڭ، دامۋىنىڭ ءتۇبىرلى جولى.

  چاڭچۇن جاڭا رايونىندا شىعىس سولتۇستىكتى گۇلدەندىرۋدىڭ جاڭا كەزەكتى شەشۋشى ءساتى بارلىققا كەلدى. جيلين جاڭا كەزەكتى شىعىس سولتۇستىكتى گۇلدەندىرۋ ستراتەگياسىن اتقارۋدى دايەكتىلەندىرۋ بارىسىندا ماڭىزدى جەتەكتەۋ، جەبەۋ رولىن ساۋلەلەندىرۋدە.

  7 - ايدىڭ 23 - كۇنى تۇستەن كەيىن شي جينپيڭ جاڭا رايون جوباسى كورمە سارايىنا كەلىپ، جاڭا رايون قۇرىلعان 5 جىلدان بەرگى دامۋ جاعدايىن ەگجەي - تەگجەيلى ۇعىستى.

  جوعارى، جاڭا تەحنيكا كاسىپورىندارىنان 480ىن، عىلىم - تەحنيكالىق ”كىشكەنتاي الىپ“ كاسىپورىنداردان 239ىن، جەتىلدىردى، ”جيلين - 1“ جاساندى سەرىگى، وسىرگىش گورموندى قايتا قۇراۋ سياقتى دۇنيە جۇزىندەگى ماڭداي الدى عىلىم - تەحنيكا جەتىستىكتەرىنەن ءبىر توبىن جەتىلدىردى؛ ”ولشەمدى جەر + ۋادە ءتۇزىمى“ رەفورما شاراسىن الدىمەن اتقارىپ، ”بىرەگەي شارۋاشىلىق - ساۋدا ورتاسىن قالىپتاستىرۋدىڭ جاڭا 50 تارماعىن“ العا قويدى... كورمە سارايىندا ايقىن كەستە، بەينە جازبا ماتەريالدارى جانە توتە سەزىنۋگە بولاتىن جاڭالىق اشۋ ونىمدەرى جاڭا رايون قۇرىلىسىندا قول جەتكەن تابىستاردى ايگىلەيدى.

  ”جاڭا رايوننىڭ دامۋى ءبىرشاما تەز، جۇرگەن جولى دا دۇرىس ەكەن“. باس شۋجي شي جينپيڭ تۇراقتاندىرۋمەن بىرگە، قۇلشىنىس بەتالىسىن دا ونان ارى ايقىن كورسەتتى، -”جاڭا رايوننىڭ دامۋىنداعى تەتىك ىشكى مانىنە قاراۋ كەرەك، مەملەكەت ستراتەگياسىنىڭ قاجەتىن ارقاۋ ەتىپ، جوعارى دەڭگەيدە جوبالاۋ العى شارتىندا، شەشۋشى ءتۇيىن كاسىپ تىزبەگىن، قامداۋ تىزبەگىن تىڭعىلىقتى تۇردە دامىتىپ، شوعىرلى، ماندىك دامۋ جولىمەن ءجۇرىپ، شىعىس سولتۇستىكتىڭ گۇلدەنۋى مەن دامۋىنداعى ماڭىزدى قوزعالتقىشقا شىن مانىندە اينالۋ كەرەك“.

  7 - ايدىڭ 24 - كۇنى تۇستەن بۇرىن باس شۋجي شي جينپيڭ جيلين ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعاندا، بىلاي دەپ قايتالاي باسا دارىپتەدى: ەكونوميكانىڭ جوعارى ساپالى دامۋىنا، ءسوز جوق، باسا ءمان بەرىپ، ەكونوميكالىق دامۋدىڭ ساپالىق وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن كۇش سالا ىلگەرىلەتىپ، ەكونوميكانىڭ باسەكەلىك قۋاتىن، جاڭالىق اشۋ قۋاتىن، حاۋىپ - قاتەرگە توتەپ بەرۋ قابىلەتىن نىعايتۋ كەرەك.

  ول جيليندى ساپاسى اناعۇرلىم جوعارى، ونىمدىلىگى اناعۇرلىم جاقسى، قۇرىلىمى اناعۇرلىم ساپالى، باسىمدىعى تولىق جارىققا شىعارىلاتىن دامۋ جاڭا جولىمەن جۇرۋدە تىڭعا قۇلاش سەرمەۋگە جىگەرلەندىردى.

(3) نەگىزگى ساتىنى جونگە سالۋدىڭ تەتىگى

  حالىقتىڭ تۇرمىس دەڭگەيىن ۇزدىكسىز جوعارىلاتۋ − شىعىس سولتۇستىكتى گۇلدەندىرۋدىڭ شىعار ءتۇيىنى جانە تابان تىرەر تياناعى. بۇل ءتۇيىندى باس شۋجي جادىنان شىعارعان ەمەس.

  1 - اۆتوموبيىل توبى زەرتتەۋ - اشۋ باس مەكەمەسىنىڭ تاجىريبەحاناسىندا داشۋەدەن بيىل عانا وقۋ تاۋىسقان بىرنەشە وقۋشى بار ەكەنىن ەستىپ، باس شۋجي شي جينپيڭ ولاردىڭ قايسى مەكتەپتەن وقۋ تاۋىسقانىن، قانشا تابىس تاباتىنىن، قازىرگى جۇمىس ورنىنا رازى - رازى ەمەستىگىن ىقىلاس قويا سۇرادى.

  كاسىپورىن جاۋاپتىسى باس شۋجيگە بيىل 1 - اۆتوموبيل توبىنىڭ بيىل جوعارى مەكتەپتەن وقۋ تاۋىسقان 1100دەن استام وقۋشىنى جۇمىسقا قابىلداعانىن، ەڭبەكاقى دەڭگەيىنىڭ چاڭچۇن وڭىرىندە ەداۋىر جوعارى ەكەنىن، اۆتوموبيل كاسىپ سالاسىندا دا ورتا جوعارى دەڭگەيدە تۇراتىنىن ايتتى.

  شي جينپيڭ مۇنى ەستىپ قاباعات قۋاندى. ول كوپشىلىككە بىلاي دەدى: ىندەتتىڭ ىقپالىندا، بيىل جوعارى مەكتەپتەن وقۋ تاۋىسقان وقۋشىلار، شارۋا جۇمىسكەرلەر سياقتى قاۋىم جۇمىستانۋدا قيىندىققا ءدوپ كەلدى. ءار دارەجەلى پارتكومدار مەن ۇكىمەتتەر ەرەكشە كوڭىل ءبولىپ، ونى حالىق تۇرمىسى قىزمەتىندەگى كەلەلى مىندەت ەتىپ، بەلسەنە شارت - جاعداي ازىرلەپ، جوعارى مەكتەپتەن وقۋ تاۋىسقان وقۋشىلاردىڭ جۇمىستانۋىنا شىنايى كەپىلدىك ەتتى. جوعارى مەكتەپتەن وقۋ تاۋىسقان قالىڭ وقۋشىلار دا كاسىپ تاڭداۋ كوزقاراسىن، جۇمىستانۋ كوزقاراسىن وزگەرتىپ، ءوز ورىندارىن تاۋىپ، جۇمىسقا بايىپتى، تاباندىلىقپەن كىرىسىپ، ءومىر مۇراتىن جۇزەگە اسىرۋى كەرەك.

  باس شۋجيدىڭ ىقىلاستى ءسوزىن ەستىپ، كوپشىلىك تەبىرەنە شاپالاق سوقتى.

  چاڭچۇن قالاسى كۋانچىڭ رايونى تۋانشان ءمالىسى چاڭشان حۋايۋان الەۋمەتتىك اۋماعىندا بۇرىن ”ءتورت كوپ، ءبىر از بولۋ“ ماسەلەسى كورنەكتى ەدى، اتاپ ايتقاندا، جۇمىس ورنىنان بوساعان جۇمىسسىزدار، جىلجىمالى جان سانى، قارتتار، مۇگەدەكتەر مەن قيىنشىلىعى بارلار كوپ بولاتىن، تۇراقتى كىرىستەگىلەر از بولاتىن، الەۋمەتتىك اۋماقتىڭ ورتاسى كونەرگەن، لاس، بىلىققان، ناشار بولاتىن، ءتۇرلى قايشىلىقتار كورنەكتى بولاتىن. بۇگىنگى كۇنى الەۋمەتتىك اۋماقتى جونگە سالۋدى كەمەلدەندىرۋ ارقىلى چاڭشان حۋايۋان الەۋمەتتىك اۋماعى الىس - جاقىنعا اتى ءمالىم ”مەملەكەت بويىنشا جاراسىمدى الەۋمەتتىك اۋماق قۇرۋدان ۇلگى كورسەتەتىن الەۋمەتتىك اۋماق“ قۇرىپ، 7000عا تاياۋ ادام تىنىش ءومىر، شات - شادىمان تىرشىلىك كەشەتىن مەكەنگە اينالدى.

  بۇل جەردى تۇبەگەيلى وزگەرتكەن نە نارسە؟ 7 - ايدىڭ 23 - كۇنى تۇستەن كەيىن باس شۋجي شي جينپيڭ چاڭشان حۋايۋان الەۋمەتتىك اۋماعىنا كەلىپ قىزمەت تەكسەردى.

  الەۋمەتتىك اۋماقتىڭ پارتيا مەن بۇقاراعا قىزمەت وتەۋ ورتالىعىندا شي جينپيڭ كورمە تاقتاسىن كورىپ، ەستەلىكتەردى تەكسەرىپ، الەۋمەتتىك اۋماقتىڭ پارتيا قۇرىلىسى، نەگىزگى ساتىنى جونگە سالۋ، حالىق ءۇشىن قىزمەت وتەۋ سياقتى جاعدايلاردى ۇعىستى. ”بەساسپاپ الەۋمەتتىك اۋماق قىزمەتكەرى دەگەن نەمەنە؟“، ”ءبىر توركوز باستىعى قانشا ادامدى قامتيدى؟“، ”ءمورال بانكەسىنىڭ جالپى ۇپايى قالاي ەسەپتەلەدى؟“. باس شۋجي ەگجەي - تەگجەيلى سۇرادى.

  الەۋمەتتىك اۋماق قىزمەتكەرى باس شۋجيگە مىنانى ايتتى: سوڭعى جىلدارى ءبىز الەۋمەتتىك اۋماق پارتكومى − توركوز پارتيا ياچەيكاسى − اۋلا پارتيا شاعىن گرۋپپاسى − عيمارات پارتيا مۇشەلەرى وتباسى سىندى ”ءتورت دارەجەلى“ پارتيا قۇرىلىسى تورى قىزمەتى جۇيەسىن، سونداي - اق تور كوز باستىعى، عيمارات باستىعى، ەسىك باستىعى سىندى ”3 باستىق“ باسقارۋ جۇيەسىن قۇرىپ، الەۋمەتتىك اۋماقتىڭ جونگە سالۋى مەن قىزمەت وتەۋىن نەگىزگى ساتىعا دەيىن كەڭەيتتىك. الەۋمەتتىك اۋماق قىزمەتكەرلەرى بۇقارانى مازالاعان ىستەردى، كوڭىلسىزدەندىرگەن ىستەردى، ۋايىمداتقان ىستەردى ىستىق ىقىلاسپەن كۇش سالا شەشتى.

  ”قازىر باقىت كورسەتكىشى جوعارىلادى“. سوڭعى جىلدارداعى الەۋمەتتىك اۋماقتا بولعان وزگەرىستەردى ايتقاندا، بيىل 64 جاسقا شىققان تۇرعىن جاۋ شيڭفۋدىڭ داۋىسى قاتتى شىعىپ كەتتى. ول باس شۋجيگە مىنانى ايتتى: ءبىرى، جىلىندىق، شاعىن اۋماق ءۇيدىڭ قابىرعاسىنا جىلۋ ساقتايتىن ماتەريال جاپسىرىپ بەردى، بۇرىن قىستا ءۇيدىڭ تەمپەراتۋراسى نەبارى 10 نەشە سەلتسي گرادۋس بولاتىن، قازىر 20 نەشە سەلتسي گرادۋسقا شىقتى؛ ەندى ءبىرى، ادەمى بولدى، بۇرىن جاڭبىرلى كۇنى اياعىمىز باتپاققا مالشىنىپ، اشىق كۇندەرى ءۇستى - باسىمىز شاڭ - توزاڭ بولىپ جۇرەتىن، قازىر جولعا اسفاليت توسەلدى، ءۇيدىڭ الدى - ارتى كوگالداندىرىلىپ گۇل - شوپتەر ەگىلدى، بەينە باقشا سياقتى، ورتا جىلدان - جىلعا جاقسارىپ كەلەدى.

  جاۋ شيڭفۋ: ”شاعىن اۋماققا تابيعي گاز دا جەتكىزىلىپ، دەنە شىنىقتىرۋ جابدىقتارى ورناتىلدى، ەمحانا اشىلدى... باستىسى، قيىنشىلىققا تاپ بولعاندا، ىزدەيتىن ۇيىم، كومەكتەسەتىن ادام تابىلاتىن بولدى. قىزمەت وتەۋ ايتارلىقتاي جاقسى بولدى.

  ”سىزدەردىڭ تىنىش ءومىر، شات - شادىمان تىرشىلىك كەشكەن، قۋانىشتى بەينەلەرىڭىزدى كورىپ قاتتى ءسۇيىنىپ وتىرمىن“. شي جينپيڭ جانىنداعى الەۋمەتتىك اۋماق قىزمەتكەرلەرىن كۇش ۇستىنە كۇش قوسىپ، باسقارۋ مەن قىزمەت وتەۋدى ۇشتاستىرىپ، حالىققا قىزمەت وتەۋ جۇمىستارىن ونان ارى جاقسى ىستەپ، مەكەندى اناعۇرلىم باقىتتى، كوركەم ەتىپ قۇرىپ شىعۋعا جىگەرلەندىردى.

  2019 - جىلى 7 - ايدا چاڭشان حۋايۋان الەۋمەتتىك اۋماعىنا سۇيەنە وتىرىپ، جيلين چاڭچۇن الەۋمەتتىك اۋماق كادرلارى شۋەيۋانى رەسمي قۇرىلدى. بۇل − كاسىبيلەنگەن، ماماندانعان الەۋمەتتىك اۋماق كادرلارىن تاربيەلەۋگە كۇش سالاتىن دەربەس قۇرىلعان كادرلار شۋەيۋانى ەدى، ءبىر جىلدان بەرى، 4400دەن استام الەۋمەتتىك اۋماق قىزمەتكەرىن تاربيەلەدى، چاڭشاننىڭ تاجىريبەلەرىن بۇكىل ەلدىڭ جەر - جەرىنە تاراتىپ قانا قويماي، بۇكىل ەلدىڭ جەر - جەرىنىڭ ۇزدىك تاجىريبەلەرىن وسى اراعا اكەلىپ تانىستىرىپ، ۇيرەنىپ، تاجىريبە اۋىستىردى.

  شۋەيۋان قاتىستى سالالاردىڭ مامان - وقىمىستىلارىن ساباق وتۋگە ۇسىنىس ەتىپ قانا قويماي، اماليات ارقىلى جەتەكشىلىك ەتۋگە تاباندى بولىپ، بۇكىل ەلدىڭ جەر - جەرىنەن تاڭداۋلى الەۋمەتتىك اۋماق قىزمەتكەرلەرىن ساباقحاناعا كەلىپ، ناقتى پراكتيكالىق وقىتۋ، دەلو مىسالى ارقىلى وقىتۋ ورىستەتۋگە ۇسىنىس ەتتى.

  ”مۇنداي تاربيەلەۋ ءتاسىلى تالاپقا ۇيلەسەدى، مۇندا ىسپەن كورسەتۋگە تاباندى بولىپ، امالياتتان الۋ، امالياتقا قايتارۋ كەرەك“. شۋەيۋاننىڭ وقىتۋ، تاربيەلەۋ جاعدايىن تىڭداعان سوڭ، شي جينپيڭ قاتتى اسەرلەنىپ بىلاي دەدى: ءبىر مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋ دەڭگەيى كوپ جاعدايدا نەگىزگى ساتىدا ايگىلەنەدى. نەگىزى بەرىك بولماسا، جەر قوزعالىپ، تاۋ شايقالادى. نەگىزگى ساتىنىڭ قوعامدىق جونگە سالۋى سىندى وسى نەگىزدى ۇزدىكسىز نىعايتقاندا عانا، سوتسياليستىك وسىزاماندانعان قۇدىرەتتى مەملەكەت قۇرۋ نىساناسىن شىنايى جۇزەگە اسىرۋعا بولادى.

  نەگىزگى ساتىنىڭ قوعامدىق جونگە سالۋ ءىسىن قايتكەندە جاقسى ىستەۋگە بولادى؟ شي جينپيڭ بىلاي دەپ باسا دارىپتەدى: تەتىك − پارتيانىڭ باسشىلىعىن كۇشەيتۋدە. پارتيا ۇيىمىنىڭ نەگىزگى ساتىعا كەڭەيۋىن ىلگەرىلەتۋدە ءار ساتىنى بوس قالدىرۋعا بولمايدى، اسىرەسە، الەۋمەتتىك اۋماق، اۋىل، قىستاق، كاسىپورىن سەحى سياقتى ەڭ نەگىزگى ساتىنىڭ قىزمەتىن جاقسى ىستەۋ كەرەك، سوندا عانا ”جەل تۇرىپ تولقىن كوتەرىلسە دە، بالىق اۋلاۋ تەكشەسىندە مىزعىماي وتىرۋعا بولادى“.

  الەۋمەتتىك اۋماقتان شىعاردا، حاباردى ەستي سالا جەتكەن تۇرعىندار الاڭعا جيىلىپ، تۇگەل كەلىپ باس شۋجيمەن سالەمدەستى. اق جارقىن بۇقارانى كورىپ، شي جينپيڭ توقتاي قالىپ، كوپشىلىككە قول بۇلعاپ قۇرمەت ءبىلدىردى.

  جازعى كۇننىڭ شۇعىلاسى ادامداردى نۇرلاندىردى، باس شۋجيدىڭ ءسوزى جۇرت جۇرەگىن تەبىرەنتتى:

  ”ءبىز ’قوس 100 جىلدىق‘ كۇرەس نىساناسىنىڭ تاريحي توعىسۋ مەزگىلىندە تۇرمىز، ءبىز جۇڭگونىڭ بولاشاعىنا كامىل سەنەمىز؛ جۇڭگو، ءسوز جوق، بارعان سايىن جاقسارادى، حالىق تۇرمىسى، ءسوز جوق، بارعان سايىن باقىتقا كەنەلەدى. وسىنداي ۇلى داۋىردە كۇرەس جۇرگىزگەن ءبىز بارلىعىمىز ارمانعا قانات قاعۋشىلارمىز ءارى ۇلەس قوسۋشىلارمىز، ىنتىماقتاسىپ حالىقتىڭ كوركەم باقىتتى تۇرمىسى ءۇشىن كۇرەس جۇرگىزەيىك!“

(شينحۋا اگەنتتىگىنىڭ 7 - ايدىڭ 25 - كۇنى چاڭچۇننان بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.