تيانشان تورى   ›   جاڭالىقتار   ›   ءۇرىمجى

ءۇرىمجى قالاسى ءتۇيىندى رايونداردا نۋكلەين قىشقىلىن 2 - رەت تەگىن تەكسەرۋدى ورىستەتتى

  شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 7 - ايدىڭ 26 - كۇنى ۇرىمجىدەن حابارلايدى. ءۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى جاڭ ۋي 7 - ايدىڭ 26 - كۇنى اۆتونوميالى رايوندىق ۇكىمەت اقپارات كەڭسەسى اشقان ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىندە بىلاي دەپ تانىستىردى: ىندەتتەن دالمە - ءدال ساقتانۋ - تىزگىندەۋدى ويداعىداي ىستەۋ ءۇشىن، 7 - ايدىڭ 26 - كۇنىنەن باستاپ، ءۇرىمجى قالاسى تيانشان رايونى، سايباق رايونى سياقتى ءتۇيىندى رايونداردا نۋكلەين قىشقىلىن 2 - رەت تەگىن تەكسەرۋدى ورىستەتتى، سونىمەن بىرگە ”قالىپ قالعانداردى تەكسەرىپ تولىقتايدى“.

  جاڭ ۋي بىلاي دەپ تانىستىردى: قازىر ءۇرىمجى قالاسىنىڭ نۋكلەين قىشقىلىن تەگىن تەكسەرۋ قىزمەتى كوپ ساندى رايونداردا (اۋدان) نەگىزىنەن اياقتادى، كەشە جاڭادان قوسىلعان اۋرۋ بەلگىسى جوق جۇعىمدالۋشىلار نەگىزىنەن تۇگەلدەي بۇكىل قالادا نۋكلەين قىشقىلىن تەگىن تەكسەرۋ، ىرىقتىلىقپەن سارالاپ تەكسەرۋ ارقىلى انىقتالدى. ەل ىشىندەگى باسقا وڭىرلەردىڭ تاجىريبەسىنەن قاراعاندا، نۋكلەين قىشقىلىن تەكسەرۋ ناتيجەسىنە ىقپال جاسايتىن فاكتورلار وتە كوپ، ماسەلەن، تەكسەرۋ سىناماسىنىڭ سەزگىرلىگى، تەكسەرىلەتىن ادامنىڭ جۇعىمدالعان ۋاقىتى جانە ۋىتتى شىعارۋ ۋاقىتى، ۇلگى العان كەزدە تەكسەرىلۋشىنىڭ سايكەسۋ جاعدايى (جاقسى سايكەسپەسە، ۇلگى جاقسى الىنباۋى مۇمكىن) جانە تەكسەرۋ ورتاسى، تەكسەرۋشىنىڭ جۇمىسقا قانىقتىق دارەجەسى سياقتىلار. ءتۇرلى سەبەپتەر بولعاندىقتان، نۋكلەين قىشقىلىن تەكسەرۋدە جالعان بولىمسىزدىق ناتيجە بەلەڭ بەرۋى مۇمكىن.

  ايتىلمىس جالعان بولىمسىزدىق دەگەنىمىز تەكسەرىلۋشى شىنىمەن جۇعىمدالۋشى بولا تۇرسادا، نۋكلەين قىشقىلىن تەكسەرۋ ناتيجەسىنىڭ بولىمسىز بولۋى. مۇنان تىس، دياگنوزى تۇراقتاندىرىلعان ناۋقاسپەن، كۇماندى ناۋقاسپەن جاقىن جۋىسقان ادامدار جونىنەن العاندا، ادەتتە 2 رەت نۋكلەين قىشقىلىن تەكسەرگەندە عانا تۇجىرىمداۋعا بولادى. ىندەتتىڭ حاۋىپى ورتا، جوعارى دارەجەلى وڭىرگە بارعان ادامدار جونىنەن العاندا، ەگەر قىزۋى ورلەۋ جانە تىنىس جولى اۋرۋ بەلگىلەرى بايقالسا، ءبىر رەتكى نۋكلەين قىشقىلىن تەكسەرۋدە جالعان بولىمسىزدىق بولۋ مۇمكىندىگى بولادى، ونى دا 2 رەت نۋكلەين قىشقىلىن تەكسەرگەننەن كەيىن عانا تۇجىرىمداۋعا بولادى.

  ساناققا قاراعاندا، 7 - ايدىڭ 25 - كۇنى ساعات 0دەن 24 كە دەيىن، ءۇرىمجى قالاسىنىڭ جاڭادان قوسىلعان جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاس 22 (مۇنىڭ ىشىندە 5ى اۋرۋ بەلگىسى جوق جۇعىمدالۋشىلاردان دياگنوزى تۇراقتاندىرىلعان ناۋقاسقا اينالعاندار)، جاڭادان قوسىلعان اۋرۋ بەلگىسى جوق جۇعىمدالۋشى 38 بولعان. 7 - ايدىڭ 25 - كۇنى ساعات 24كە دەيىن، ءۇرىمجى قالاسىندا قازىر دياگنوزى تۇراقتاندىرىلعان ناۋقاس 135، اۋرۋ بەلگىسى جوق جۇعىمدالۋشى 147 بولعان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى