شينجياڭ گازەتىنىڭ شولۋشىسى
باس شۋجي شي جينپيڭ ەكونوميكانىڭ جوعارى ساپالى دامۋىن ىلگەرىلەتۋدە ءتۇيىندى كاسىپ قۇرىلىمىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتۋگە قويىپ، تۇلعالىق ەكونوميكانى ناقتىلاندىرۋ، كۇشەيتۋ، جاقسارتۋ كەرەكتىگىن باسا دارىپتەدى. بۇل ءبىزدىڭ جوعارى ساپالى دامۋدى ىلگەرىلەتۋىمىزگە ماڭىزدى ءتۇيىندى بەلگىلەپ، نىسانامىز بەن بەتالىسىمىزدى ايقىندادى، ءبىز كاسىپ قۇرىلىمىنىڭ تيبىن وزگەرتىپ، دارەجەسىن جوعارىلاتۋ سىندى تەتىكتى مىقتاپ ۇستاپ، رايونىمىزدىڭ جوعارى ساپالى دامۋىن ىلگەرىلەتۋدە جاڭا جاعداي اشۋىمىز كەرەك.
كاسىپ قۇرىلىمى ەكونوميكانىڭ دامۋىنا ىقپال كورسەتەتىن ماڭىزدى فاكتورلاردىڭ ءبىرى، ءبىر مەملەكەت نەمەسە ءبىر ءوڭىر ەكونوميكاسىنىڭ دامۋ ورەسىن ولشەيتىن ماڭىزدى بەلگى. كاسىپ قۇرىلىمىنىڭ دارەجەسىنىڭ تومەندىگى، سالىستىرمالى ونىمدىلىگىنىڭ ناشارلىعى كەزەكتەگى رايونىمىز ەكونوميكاسىنىڭ دامۋىنداعى كوپتەگەن قايشىلىقتار مەن قيىنشىلىقتاردىڭ ءتۇپ قاينارى، جاڭا داۋىردە رايونىمىز ەكونوميكاسىنىڭ جوعارى ساپالى دامۋىن شەكتەپ تۇرعان كورنەكتى ولقىلىق. وسىنداي بولعاندىقتان دا ەكونوميكانىڭ جوعارى ساپالى دامۋىن ىلگەرىلەتۋدە، ءسوز جوق، كاسىپ قۇرىلىمىنىڭ تيبىن وزگەرتىپ، دارەجەسىن جوعارىلاتۋدى ءتۇيىن ەتۋ كەرەك، بۇل رايونىمىز كاسىپ قۇرىلىمىنىڭ ورتا تومەن دەڭگەيدەن ورتا جوعارى دەڭگەيگە قادام باسۋىن، ءونىمنىڭ تومەن ۇستەمە قۇننان جوعارى ۇستەمە قۇنعا جوعارىلاۋىن ىلگەرىلەتىپ، ەكونوميكانىڭ جوعارى ساپالى دامۋىن جۇزەگە اسىرىپ، ءار ۇلت بۇقاراسىنىڭ بۇكىل ەل حالقىمەن بىرگە جاپپاي دوڭگەلەك داۋلەتتى قوعام ورناتۋىنا شىنايى كەپىلدىك ەتۋ جونىنەن ماڭىزدى مانگە يە.
تۇلعالىق ەكونوميكانى ناقتىلاندىرۋ، كۇشەيتۋ، جاقسارتۋ كەرەك. تۇلعالىق ەكونوميكا ءبىر مەملەكەتتىڭ جانە ءبىر ءوڭىردىڭ ەكونوميكاسى دامۋىنىڭ تابان تىرەر تياناعى، بايلىق جاراتۋدىڭ ءتۇبىرلى قاينار كوزى. ”التىنى ورنىقتىرۋ“ قىزمەتىن جاقسى ىستەۋدە، ”التىنى قامتاماسىز ەتۋ“ مىندەتىن تياناقتاندىرۋدا تۇلعالىق ەكونوميكانىڭ ورنىقتى دامۋى توتەنشە ماڭىزدى. كەزەكتە جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراۋ سەبەبىنەن، ءبىز ءدوپ كەلگەن ەكونوميكالىق، قوعامدىق دامۋ جاعدايى قاتاڭ دا كۇردەلى بولا ءتۇستى، تەك زامانا اۋقىمىن اڭداي ءبىلىپ، تاباندىلىقتى ساقتاپ، جاڭا دامۋ ۇستانىمىن مىزعىماستان امالياتتا ايگىلەپ، تۇلعالىق ەكونوميكانى تاباندىلىقپەن ناقتىلاندىرعاندا، كۇشەيتكەندە، جاقسارتقاندا عانا، دامۋ نەگىزىن بەكەمدەپ، دامۋ سەرپىنىن كۇشەيتىپ، العا ىلگەرىلەۋ جولىنداعى ءتۇرلى - ءتۇرلى حاۋىپ - قاتەرلەر مەن سىن - سايىستارعا ۇتىمدى توتەپ بەرۋگە بولادى.
1 -، 2 -، 3 - كاسىپتەردىڭ تيبىن وزگەرتىپ، دارەجەسىن جوعارىلاتۋدى جەدەل ىلگەرىلەتۋ كەرەك. جوعارى ساپالى دامۋدى ىلگەرىلەتۋدە، ءسوز جوق، ءۇش كاسىپ سالاسىنىڭ اناعۇرلىم جوعارى دەڭگەيدە سايكەستى دامۋىن كۇش سالا جەبەۋ كەرەك. ءبىز 1 - كاسىپتىڭ دەڭگەيىن جوعارىلاتۋعا، 2 - كاسىپتە ءتۇيىندى يگەرۋگە، 3 - كاسىپتى بارىنشا دامىتۋعا تاباندى بولىپ، 1 - ، 2 - ، 3 - كاسىپتەردىڭ توعىسا دامۋىن ىلگەرىلەتۋىمىز كەرەك. 1 - كاسىپتە ءبىر توپ كولەمى ءبىرشاما زور، قۇرىلعىسى كەمەلدى، ەرەكشەلىگى ايقىن اۋىل شارۋاشىلىعى ونىمدەرى ءوندىرىس بازاسىن قۇرىپ، ءبىر توپ وڭىرلىك ەرەكشە ماركا جاراتىپ، اۋىل شارۋاشىلىعى ونىمدەرى بازارىن اشۋ تەبىنىن ارتتىرىپ، ءوندىرۋ مەن ساتۋدى ۇشتاستىرۋ جۇيەسىن كەمەلدەندىرىپ، اۋىل شارۋاشىلىعىنىڭ تۇتاس كاسىپ سالاسى تىزبەگى دامۋىن جۇزەگە اسىرۋ كەرەك. 2 - كاسىپتە ءداستۇرلى كاسىپ سالالارىن وزگەرتىپ، دارەجەسىن جوعارىلاتۋدى تۇتقا، جاڭادان گۇلدەنگەن كاسىپ سالالارىن دامىتۋدى، زورايتۋدى قامال الۋ ءتۇيىنى ەتىپ، جاڭا ەنەرگيا، جاڭا تەحنيكا، جاڭا ماتەريال، ەنەرگيا ۇنەمدەپ، قورشاعان ورتانى قورعاۋ، بيولوگيالىق ءدارى - دارمەك، ۇلكەن ساندى مالىمەت، زەردەلى تەرمينال سياقتى ستراتەگيالىق جاڭادان گۇلدەنگەن كاسىپ سالالارىن زور كۇشپەن دامىتىپ، ونەركاسىپتىڭ تيبىن وزگەرتىپ، دارەجەسىن جوعارىلاتۋدى جەدەلدەتۋ، كاسىپ سالاسىنىڭ باسىمدىعىن جەتىلدىرۋ، زورايتۋ كەرەك. 3 - كاسىپتە ساۋدا - ساتتىق زات اينالىمى، ەلەكتروندى ساۋدا، فينانستىق قىزمەت وتەۋ، ينفورماتسيا دەلدالى، ساۋىعۋ - تىنىعۋ كاسىپ سالاسى سياقتى وسى زامانعى قىزمەت وتەۋ كاسىپتەرىنىڭ دامۋىن جەدەلدەتىپ، ءتۇرلى بازار تۇلعالارىنىڭ قىزمەت وتەۋمەن قامداۋعا قاتىناسۋىن جەبەپ، قىزمەت وتەۋ كاسىبىنىڭ دامۋ كومەسكى كۇشىن ىشكەرىلەي شىعارۋ؛ ساياحات كاسىبىنىڭ جەدەل جاندانۋىن، اقاۋسىز دامۋىن، جاڭا ارتۋ ءتۇيىنىن قالىپتاستىرۋىن ىلگەرىلەتۋ كەرەك.
جاڭالىق اشۋ ارقىلى دامۋعا دەم بەرۋگە تاباندى بولۋ كەرەك. باس شۋجي شي جينپيڭ: ”دامۋى قانشا كەنجە وڭىرلەر، جاڭالىق اشۋ ارقىلى دامۋعا دەم بەرۋ ستراتەگياسىن اتقارۋدى سونشا قاجەت ەتەدى“ دەپ اتاپ كورسەتتى. جاڭالىق اشۋ دامۋعا جەتەكشىلىك ەتەتىن ءبىرىنشى قوزعاۋشى كۇش، تەك جاڭالىق اشقاندا عانا، كاسىپ قۇرىلىمىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتۋگە تىڭ ومىرشەڭدىك كۇش ۇستەۋگە، جاڭا قوزعاۋشى قۋات ازىرلەۋگە بولادى. جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا دەم بەرۋ سىناق رايونىن جانە ءۇرىمجى - سانجى - شىحىزى مەملەكەتتىك ءوز كۇشىنە سۇيەنىپ جاڭالىق اشۋدان ۇلگى كورسەتۋ رايونىن شينجياڭنىڭ عىلىم - تەحنيكادا جاڭالىق اشۋىن جانە ەكونوميكانىڭ جوعارى ساپالى دامۋىن ىلگەرىلەتۋدىڭ ماڭىزدى قوزعالتقىشى ەتىپ قالىپتاستىرىپ، ”ەكى رايون“ قۇرىلىسىن سۇيەنىش ەتە وتىرىپ، وڭىرلىك جاڭالىق اشۋ ورنالاسۋىن جاقسارتىپ، جاڭالىق اشۋ فاكتورلارىنىڭ ۇيلەسىمدى اينالىس جاساۋىن، جوعارى ءونىمدى ورنالاسۋىن جەبەپ، ”ەكى رايوننىڭ“ جاڭالىق اشۋعا جەتەكشىلىك ەتۋ قابىلەتىن كۇشەيتىپ، جاڭالىق اشۋمەن دامۋعا دەم بەرۋ ارقىلى جوعارى ساپالى دامۋدى جۇزەگە اسىرۋدىڭ جولى مەن ۇلگىسىندە قۇلشىنا ىزدەنىس جاساۋ كەرەك.
جەر - جەر، تاراۋلار دامۋ اۋقىمىن كوزدە ۇستاپ، جالپى جاعدايدى جوسپارلاپ، ءتۇيىندى يگەرىپ، كاسىپ قۇرىلىمىنىڭ تيبىن وزگەرتىپ، دارەجەسىن جوعارىلاتۋ سىندى تەتىكتى مىقتاپ يگەرىپ، ەكونوميكانىڭ جوعارى ساپالى دامۋىن ۇزدىكسىز ىلگەرىلەتۋدە تىڭ ونىمدىلىكتەرگە قول جەتكىزۋ كەرەك.
