تيانشان تورى
تيانشان تورى   ›   جاڭالىقتار   ›   شينجياڭ حابارلارى

قۇرىلىم ۇزدىكسىز ساپالىلانىپ، كاسىپ سالاسى قاۋلاپ ءوستى

  【رەداكتوردان】

   سوڭعى جىلدارى اۆتونوميالى رايون شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، تياناقتاندىرىپ، جاڭا دامۋ ۇستانىمىن دايەكتىلەندىرىپ، ەكونوميكانىڭ جوعارى ساپالى دامۋىن ۇزدىكسىز ىلگەرىلەتتى. تاياۋدا گازەتىمىزدىڭ جالپىلىق اقپارات قۇرالىنىڭ تىلشىلەر شاعىن اترەتى تيانشاننىڭ وڭتۇستىگى مەن سولتۇستىگىندە تەكسەرۋ - زەرتتەۋ ۇلگىسىندەگى تاقىرىپتىق تىلشىلىك قيمىلىن ورىستەتىپ، نازاردى كاسىپ قۇرىلىمىنىڭ تيبىن وزگەرتىپ دارەجەسىن جوعارىلاتۋ، جاساۋ كاسىبىنىڭ جاڭالىق اشا دامۋى، جاڭا قوزعاۋشى قۋاتتاردى جەتىلدىرۋ - زورايتۋ، جىبەك جولى ەكونوميكالىق بەلدەۋى وزەكتى رايون قۇرىلىسى، قامداۋ جاعىنداعى قۇرىلىمدىق رەفورما، ساياحات كاسىبىنىڭ جوعارى ساپالى دامۋىن ىلگەرىلەتۋ سياقتى 6 جاققا شوعىرلاندىرىپ، سىزدەرگە جەر - جەردىڭ، تاراۋلاردىڭ ەكونوميكانىڭ جوعارى ساپالى دامۋىن ىلگەرىلەتۋىنىڭ جاندى امالياتىن كورسەتەدى.

شينجياڭ گازەتىنىڭ جالپىلىق اقپارات قۇرالدارى تىلشىلەرى جاڭ جىلي، ياڭ شۋحان، ۋاڭ جىن، ان شىيۇي، جانبولات ماناربەك

   7 - ايدىڭ 23 - كۇنى قۇمىل جوعارى، جاڭا تەحنيكالىق اشۋ رايونى وڭتۇستىك باقشا ءوڭىرى شينجياڭ شياڭشىڭ جاڭا ماتەريالدار عىلىم - تەحنيكالىق شەكتى سەرىكتەستىگىنىڭ وڭدەلگەن بۇيىمدار سەحىندا قىزمەتكەرلەر قىشقىلمەن جۋىلعان تيتان تاقتانى وڭدەلگەن بۇيىمدار اۋماعىنا قويۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ جىن تۇسىرگەن

  تارىم ويپاتىن وراعان ەرەكشە جەمىس ورمانى بازاسى كاسىپ تىزبەگىنىڭ ۇزارۋىنان، اۋىر كەدەي وڭىرلەردەگى كولەمدەنگەن باعىمشىلىق بازاسىنىڭ كاسىپتەردى جايعاستىرۋىنا دەيىن؛ جۇمساق بولشەك جانە ينفورماتسيا كاسىبىنىڭ بۇلتتا توپتالعان ”زەردەسىنەن“، ءىرى تۇرپاتتى جاساۋ كاسىبىنىڭ تەحنيكالىق زەرتتەۋ - اشۋىنا دەيىن... 7 - ايدا شينجياڭنىڭ بايتاق دالاسىن ارالاعانىمىزدا ءار جەردە كاسىپ قۇرىلىمىنىڭ تيبىنىڭ وزگەرىپ، دارەجەسىنىڭ جوعارىلاعان ءدۇبىرىن تىڭدادىق.

  باس شۋجي شي جينپيڭ ەكونوميكانىڭ جوعارى ساپالى دامۋىن ىلگەرىلەتۋدە ءتۇيىندى كاسىپ قۇرىلىمىنىڭ تيبىنىڭ وزگەرىپ دارەجەسىنىڭ جوعارىلاۋىن ىلگەرىلەتۋگە قويىپ، تۇلعالىق ەكونوميكانى ناقتىلاندىرۋ، كۇشەيتۋ، ساپالىلاندىرۋ كەرەكتىگىن باسا دارىپتەدى.

  الدىڭعى جارتى جىلدا بۇكىل رايوندا كولەمنەن جوعارى 3246 ونەركاسىپ كاسىپورنىنىڭ ارتقان قۇنى بىلتىرعى سايكەس مەزگىلدەگىدەن %6.0 ارتىپ، ارتۋ جىلدامدىعى بىلتىرعى سايكەس مەزگىلدەگىدەن 2.2 پايىز جوعارى بولدى. 6 - ايداعى ارتۋ جىلدامدىعى %12.2كە جەتىپ، 2014 - جىلى 2 - ايدان بەرگى جەكە ايلار بويىنشا ەڭ جوعارى ارتۋ مولشەرىن جاراتتى.

  تەحنيكادا جاڭالىق اشۋ، بازاردا جاڭالىق اشۋ، باسقارۋدا جاڭالىق اشۋ ارقىلى رايونىمىزدىڭ جەر - جەرى ءتۇرلى ءادىس - امالدارمەن ”ساپالىلاندىرۋدى“ ارقاۋ ەتە تۇلعالىق ەكونوميكانى دامىتىپ، ”ناقتى بولۋدى“ ارقاۋ ەتە باسىمدىققا يە كاسىپ سالالارىن دامىتىپ، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي ىستەۋمەن قاتار، داعدارىس بارىسىندا وراي قاراستىرىپ، داعدارىستى ورايعا اينالدىرىپ، كاسىپ قۇرىلىمىنىڭ تيبىنىڭ وزگەرىپ، دارەجەسىنىڭ جوعارىلاۋىن ۇزدىكسىز ىلگەرىلەتتى.

ۇلگىنى جاڭالاپ، تيبىن وزگەرتىپ دارەجەسىن جوعارىلاتۋ جولىمەن ءجۇردى

  دابىرلاپ جۇرگەن توپتى ادام، قايشالىسىپ جاتقان جۇك كولىكتەرى جوق، تەك دوڭگەلەكتەر اينالىپ، تاسپا ارقىلى تاسىمالدانىپ جاتىر. 7 - ايدىڭ 24 - كۇنى اراتۇرىك ونەركاسىپ باقشا رايونىنداعى شيڭشىڭ اشىق كومىر كەنىنىڭ كومىر قازۋ ورنىندا نەبارى 4 جۇمىسشى جۇمىس ىستەپ ءجۇر.

  اياق استىنداعى كەن شۇڭقىرىنداعى جاڭا جابدىقتى نۇسقاپ كورسەتىپ، شينجياڭ جياڭنا كەن كاسىبى شەكتى سەرىكتەستىگى كەن رايونىنىڭ وندىرىسكە جاۋاپتى ورىنباسار شاحتا باستىعى حى شاۋحۋا بىلاي دەدى: ”بۇل ءبىزدىڭ 180 ميلليون يۋان جۇمساپ ەنگىزگەن بۇكىل ەل بويىنشا تۇڭعىش دوڭگەلەكتى ۇلاسپالى تەحنولوگيالىق كومىر قازۋ نىسانى، جۇمىسشىلار كەن قۇدىعىنا ءتۇسىپ جۇمىس جۇرگىزبەيدى، 5G تورى ارقىلى الىستان مەڭگەرەدى. ۇسىنىلىم وزىندىك قۇنى جوعارى دەگەن كۇننىڭ وزىندە دە ادام مەن كولىك، جابدىق سانى قىسقاردى، قازۋ ونىمدىلىگى، حاۋىپسىزدىك پەن قورشاعان ورتانى قورعاۋ دەڭگەيى جوعارىلادى، ارينە، بۇل ۇزاق بولاشاقتىق تيىمدىلىك اكەلەدى“.

  تيانشاننىڭ وڭتۇستىگى مەن سولتۇستىگىنە نازار سالساق، ءوندىرىس ۇلگىسىنىڭ ۇزدىكسىز جاڭالانۋى مەن اۋىسۋىنا ىلەسە، جاڭا كاسىپ، جاڭا قوزعاۋشى قۋات، جاڭا ارتۋ ۇيەگى جارىققا شىقتى؛ كاپيتال شوعىرلانعان، تەحنيكا شوعىرلانعان ءوندىرىس ۇلگىسى بايلىق سارىپ ەتۋ تۇرىندەگى شاشىرامالى ءوندىرىس ۇلگىسىنىڭ ورنىن باستى، ەكونوميكالىق دامۋدىڭ سايكەستىلىگى، قامتىمى، باياندىلىعى كورنەكتى تۇردە ارتتى.

  اراتۇرىك اۋداندىق پارتكومنىڭ ورىنباسار شۋجيى، ۇنەمىلىك ىستەرگە جاۋاپتى ورىنباسار اكىمى جياڭ شياۋياڭ ءبىر قاتار سان - سيفرلاردى مىسال ەتىپ كورسەتتى: 10 جىلدىڭ الدىندا اراتۇرىك اۋدانىندا وڭدەلمەگەن كومىردىڭ جىلدىق ءونىمى 90 مىڭ توننا بولاتىن، نەگىزىنەن قوزعاۋشى كۇش كومىرى رەتىندە پايدالانىلاتىن، جەل، كۇن نۇرى بايلىعىن اشۋ جوقتىڭ قاسى بولاتىن. 2019 - جىلى اراتۇرىك اۋدانىندا وڭدەلمەگەن كومىر مولشەرى 24 ميلليون تونناعا جەتىپ، سول جەردىڭ وزىندە يگەرىلۋ مولشەرى %84كە جەتتى، كومىردىڭ جالپى كولەمدەگى ءوندىرىس قۋاتى 101 ميلليون تونناعا جەتتى؛ جەل، فوتو ەلەكتر كاسىپورىندارىنان 9ى قۇرىلىپ، جەل ەلەكتر گەنەراتورلارىنىڭ سيىمدىلىعى 800 مىڭ كيلوۆاتقا جەتتى، فوتو ەلەكتر گەنەراتورلارىنىڭ سيىمدىلىعى 20 مىڭ كيلوۆاتقا جەتتى. بيىل الدىڭعى جارتى جىلدا اراتۇرىك اۋدانىندا ونەركاسىپتىڭ ارتقان قۇنى 2 ميلليارد 393 ميلليون يۋان بولىپ، سايكەس مەزگىلدەگىدەن %22.6 ارتتى.

  سانجى حۇيزۋ اۆتونوميالى وبلىسى ستراتەگيالىق جاڭا وركەندەگەن كاسىپتەردى جەتىلدىرۋ مەن دامىتۋدى كاسىپ قۇرىلىمىن رەتتەۋدى ىلگەرىلەتۋدىڭ، ەكونوميكالىق دامۋ تاسىلىنە بۇرىلىس جاساۋدىڭ ماڭىزدى قامال الۋ ءتۇيىنى رەتىندە يگەرىپ، تومەن دەڭگەيلى كاسىپتەرگە، شاشىرامالى دامۋ جولىنا يەك سۇيەۋدەن قۇتىلۋعا قۇلشىنىپ، جاڭالىق اشۋ ارقىلى دەم بەرەتىن، ىشكى ارتۋدى ىسكە اسىراتىن باياندى دامۋ ارناسىنا جەدەل ءتۇستى.

  تيبىن وزگەرتىپ دامۋ جولىندا عىلىم - تەحنيكادا جاڭالىق اشۋ − ءبىرىنشى قوزعاۋشى كۇش. شينجياڭ ەرەكشە ترانسفورماتور شەكتى جارنا سەرىكتەستىگى نازاردى ”ينتەرنەت +“، جاڭا ەلەكتر وزگەرتۋ سياقتى ماڭىزدى دامۋ ورايلارىنا شوعىرلاندىرىپ، جاساۋ كاسىبى مەن جاساۋ قىزمەت وتەۋ كاسىبىنىڭ ەكى جاقتاپ دەم بەرىپ دامۋىنا تاباندى بولدى. دەربەس زەرتتەپ جاساعان ەرەكشە جوعارى كەرنەۋلى جۇمساق تۇراقتى توك اۋىستىرۋ كلاپانى، قوراپتى زەردەلى كەرنەۋ وزگەرتۋ پۋنكتى، كريستالسىز قورىتپالى ترانسفورماتور سياقتى جاڭا تەحنيكالىق ونىمدەر ەلىمىزدىڭ كەلەلى جابدىق جاساۋداعى كەيبىر ءتۇيىندى قيىن ماسەلەلەردى شەشتى.

بازاردى ىشكەرىلەي كەڭەيتىپ، تيبىن وزگەرتىپ، دارەجەسىن جوعارىلاتۋعا كەڭىستىك اشتى

  7 - ايدىڭ 13 - كۇنى اقسۋ ايماعى ونسۋ اۋدانى مۋبىن استىق، ماي، ورمان الاڭىنىڭ قىزمەتكەرى شان جىڭفۋ ءوزىنىڭ كونە سەرىكتەرى لو رۋحۋا، ياسىن راحمانداردى شاقىرىپ، ولارمەن بىرگە جاڭعاق ورمانىمەن كومكەرىلگەن اسفاليتتى جولدى بويلاپ، جاڭعاقتىڭ ءوسۋ جاعدايىن تەكسەردى. الدىڭعى عاسىردىڭ 90 - جىلدارىنىڭ اياعىندا ولار وسى جەرگە كەلىپ جاڭعاق اعاشىن ەككەندە، ەگەتىن جەرىمىز بولسا، تاماعىمىز توق بولسا بولدى دەپ ويلاعان ەدى، وزدەرى ەككەن جاڭعاقتىڭ كوپتەگەن ەلگە ەكسپورت ەتىلەرى ءۇش ۇيىقتاسا تۇسىنە كىرمەگەن. ورمان الاڭىنىڭ قىزمەتكەرلەرى ولاردىڭ جاڭعاعىنىڭ بازاردا ورنىعۋىنىڭ ساپانى ءوسىرىپ ونىمدىلىكتى ارتتىرۋمەن، كاسىپ تىزبەگىن دامىتۋمەن اسا زور قاتىسى بار ەكەنىن انىق بىلەدى. 2005 - جىلى ورمان الاڭىندا جاڭعاق جەمىس بەرگەندە بۇكىل ەلدە جاڭعاقتىڭ ءونىم مولشەرى 440 مىڭ توننا، شينجياڭدا جاڭعاقتىڭ ءونىم مولشەرى 23 مىڭ توننا بولاتىن؛ 2019 - جىلى تەك اقسۋ ايماعىنىڭ وزىندە جاڭعاقتىڭ ءونىم مولشەرى 438 مىڭ 100 تونناعا جەتتى. ”جەر - كوكتىڭ ءبارى جاڭعاق، جۇرت جاڭعاقتى مولىنان ەكتى، قايدا اپارىپ ساتادى؟“. ونسۋ اۋدانى مۋبىن استىق، ماي، ورمان الاڭى پارتيا ياچەيكاسىنىڭ شۋجيى، الاڭ باستىعى ليۋ گوچيڭ دە ۋايىمداعان ەدى. ورمان الاڭى مەن شينجياڭ ورمان شارۋاشىلىعى عىلىم اكادەمياسىنىڭ ماماندار ۇيىرمەسى تىعىز سەلبەسىپ تۇقىم تاڭداپ، كوشەت ءوسىرىپ، جۇڭگو عىلىم اكادەمياسىنىڭ اكادەميگى مەن ىشكى وڭىرلەردەگى مامانداردى بۇتاۋ، باپتاۋ تەحنيكاسىن ۇيرەتۋگە ۇسىنىس ەتىپ، تىڭايتقىش ۇنەمدەۋدىڭ، دەرت - دەربەز، زياندى جاندىكتەردەن بيولوگيالىق ساقتانۋ جانە ونى ەمدەۋدىڭ ەڭ الدىڭعى قاتارداعى تەحنيكاسىن قولدانىپ، جاڭعاق مايى، جاڭعاق توسابى سياقتى جىنتىكتەي وڭدەلگەن ونىمدەردى شىعاردى.

  شينجياڭ اۋىل شارۋاشىلىعىنداعى ءىرى ءوڭىر، ءداستۇرلى كوپ تۇتىنىلاتىن اۋىل شارۋاشىلىعى ونىمدەرى دە، ەرەكشە اۋىل شارۋاشىلىعى ونىمدەرى دە بار، كاسىپ قۇرىلىمىنىڭ تيبىنىڭ وزگەرىپ دارەجەسىنىڭ جوعارىلاۋىن جەبەۋ اۋىل شارۋاشىلىعى ءوندىرىس - تيجاراتىنداعى حاۋىپ - قاتەردەن ءونىمدى تۇردە ساقتاپ قانا قويماي، اۋىل شارۋاشىلىعى ونىمدەرىنىڭ ساپاسىن ءوسىرىپ، كاسىپ تىزبەگىن ۇزارتتى.

  2019 - جىلى قاشقار ايماعىندا جەمىس ورمان شارۋاشىلىعىنىڭ جالپى ءونىم مولشەرى ءبىر ميلليون 956 مىڭ توننا بولدى. بولاشاقتا بۇكىل ايماق بويىنشا 5 ميلليون 800 مىڭ مۋ جەردەگى جەمىس اعاشتارى مول جەمىس بەرۋ مەزگىلىنە ءوتىپ، ءونىم مولشەرى ايتارلىقتاي بولادى. شينجياڭ ءىشى - سىرتىنداعى جەمىس ورمانى بازالارىنىڭ ءبارى ساپانى ءوسىرىپ، ونىمدىلىكتى ارتتىرىپ جاتقان تۇستا بازار كەڭىستىگىن قالاي كەڭەيتۋ كەرەك؟ قاشقار ايماقتىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى شيا شىدى مىنانى ءبىلدىردى: جەرگىلىكتى ورىن قۇرىلىمدى رەتتەۋ ارقىلى توتەپ بەرۋ شاراسىن ويداعىداي اتقارىپ، تيجارات - ساۋدا تۇعىرىن قۇرىپ، ەرەكشە ماركالاردى جارىققا شىعارىپ، ونىمدەر اشىپ، باستاماشى كاسىپورىنداردى جەتىلدىرىپ، كاسىپ سالاسىنىڭ دامۋىنا ۇزدىكسىز تۇردە ومىرشەڭدىك ۇستەيدى.

  تۇرعىنداردىڭ تۇتىنۋىنىڭ ساندى قاناعاتتاندىرۋدان ساپانى جوعارىلاتۋعا قاراي ويىسۋىنا ىلەسە، كاسىپ قۇرىلىمىنىڭ تيبىنىڭ وزگەرىپ، دارەجەسىنىڭ جوعارىلاۋىن ونان ارى ىلگەرىلەتتى. سوڭعى جىلدارى رايونىمىزدىڭ جەر - جەرى جاڭا بازار اۋقىمىمەن ۇشتاستىرا وتىرىپ، اۋىل شارۋاشىلىعى ونىمدەرى بازارىن اشۋ جاعىنا كۇش سالدى.

  جاقىندا ىلە قازاق اۆتونوميالى وبلىسى كاسىپ سالاسى بويىنشا شينجياڭعا كومەكتەسۋگە سۇيەنە وتىرىپ ساپالى اۋىل شارۋاشىلىعى ونىمدەرىن ”تۇتاستاي بازارعا شىعارۋدى“ ۇيىمداستىردى، ىلە وبلىسىنا باعىتتامالى كومەكتەسەتىن جياڭسۋ ولكەسىن ”ۇلكەن سۇيەنىش“ ەتە وتىرىپ، شاڭحاي، گۋاڭدۇڭ، جىجياڭ سياقتى ولكە، قالالاردى شارپىپ، ەرەكشە اۋىل شارۋاشىلىعى قوسىمشا ونىمدەرىنىڭ ساتىلۋ ارناسىن اشىپ، كاسىپ سالاسى دارەجەسىنىڭ جوعارىلاۋىن ىلگەرىلەتتى. ىلە وبلىستىق ساۋدا مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ادىلجان احىمەت بىلاي دەپ تانىستىردى: قازىر وبلىسقا توتە قاراستى اۋدان، قالالار وزدەرىنىڭ اۋىل شارۋاشىلىعى قوسىمشا ونىمدەرىن سالالاپ، ۋاكىلدىك سيپاتقا يە لاۆاندا، جەمىس - جيدەك، كوكونىس، سيىر، قوي، جىلقى ەتى ونىمدەرى، بال اراسى ونىمدەرى، نان سياقتى ايگىلى، ساپالى، ەرەكشە ونىمدەردى سۇرىپتاپ الىپ، سول جەردىڭ وزىندەگى الەۋمەتتىك وڭىرلەردى تانىمالى ماركالى ونىمدەرمەن ءبىر تۇتاس قامداپ، ءبىر تۇتاس تاسىمالداپ، ءبىر تۇتاس ساتىپ، ءبىر تۇتاس باسقارىپ، ساپالى اۋىل شارۋاشىلىعى ونىمدەرىنىڭ ساتىلۋ ارناسىن كەڭەيتتى.

باسقارۋدا جاڭالىق اشىپ، تيبىن وزگەرتىپ، دارەجەسىن جوعارىلاتۋ قۋاتىن توپتادى

  كاسىپ سالاسىنىڭ تيبىن وزگەرتىپ، دارەجەسىن جوعارىلاتىپ، تۇلعالىق ەكونوميكانى كۇشەيتۋ، ساپالىلاندىرۋ باسقارۋدا جاڭالىق اشۋدان قول ۇزە المايدى.

  ”26 مىڭ جۇپ اتالىق كەپتەردەن ءبىر جىلدا 260 مىڭ اتالىق - انالىق كەپتەردى جەتىلدىرۋگە بولادى. بيىل 5 - ايدا مەملەكەتتىك كەڭەس بەكىتكەن «مەملەكەتتىڭ مال، ءۇي قۇستارىنىڭ گەنەتيكالىق بايلىعى تىزىمىنە» كەپتەر دە ءۇي قۇستارى قاتارىنا ەنگىزىلگەن. تۇتىنۋشىلاردىڭ كەپتەرگە سۇرانىسى وتە مول، تەك حوتان ايماعىنىڭ وزىندە ءار كۇنى 10 مىڭ كەپتەرگە سۇرانىس تۇسەدى“. 7 - ايدىڭ 20 - كۇنى لوپ اۋدانى كەدەيلەردى دالمە - ءدال سۇيەمەلدەۋ اسىل تۇقىمدى كەپتەر عىلىم - تەحنيكالىق باعىمشىلىقتان ۇلگى كورسەتۋ بازاسىندا وسى اۋداننىڭ قامداۋ - ساۋدا كووپەراتيۆىنىڭ مەڭگەرۋشىسى چىن شۋەشيان جەرگىلىكتى ورىننىڭ كەپتەر شارۋاشىلىعىن جۇرگىزۋدە ”5 ءبىر تۇتاس“ باعىمشىلىق ۇلگىسى بويىنشا جالپىلاستىرىپ، ينتەرنەت جەلىسىندە، ينتەرنەت جەلىسىنەن تىسقارى ساتىپ، ءوندىرۋ مەن وڭدەۋ، عىلمي زەرتتەۋ مەن كاسىپ سالاسى، كاسىپورىن مەن باعىمشىلىق وتباسىلارى ۇشتاسىپ سايكەسكەندىگىن تانىستىردى.

  ءتىلشى گۇما اۋدانىندا، قاراقاش اۋدانىندا، كەريا اۋدانىندا تىلشىلىك ىستەگەندە مىنانى بايقادى: حوتان ايماعى اتقارعان ”100 مىڭ، ءبىر ميلليون، 10 ميلليون، 100 ميلليون“ دارەجەسىندەگى جەتەكشى كاسىپ سالالارىنىڭ دارەجەسى بىرتىندەپ جوعارىلاعان، ءاربىر باستاماشى كاسىپورىندا، سەلبەستىك كووپەراتيۆىندە قىستاقتى كوتەرمەگە الىپ، وتباسىلارمەن بايلانىس جاسايتىن كادر بەلگىلەنگەن. ۇكىمەت جەتەكشىلىك ەتىپ قولداعان، باعىمشىلىق ءىرى وتباسىلارى ۇلگى كورسەتكەن، باعىمشىلىق شاعىن اۋماقتارى جەتەكتەگەن، ءار جاق كولەمدەنگەن كاسىپتەردىڭ تولقىن جارا العا ىلگەرىلەۋىن كۇش بىرىكتىرە ىلگەرىلەتكەن.

  اقسۋ ايماقتىق پارتكوم رەفورما كەڭسەسىنىڭ ارناۋلى مىندەتتەگى ورىنباسار مەڭگەرۋشىسى ۋاڭ جيە بىلاي دەدى: سوڭعى جىلدارى جەرگىلىكتى ورىن ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، رەفورما ارقىلى ومىرشەڭدىكتى قاۋلاتىپ، رەفورما ارقىلى قوزعاۋشى كۇش ۇستەپ، وندىرىستىك قىزمەت وتەۋ كاسىبىن جاساۋ كاسىبىمەن توعىستىرا دامىتۋ بارىسىندا ارنايىلاندىرۋعا جانە قۇن تىزبەگىنىڭ جوعارى دەڭگەيىنە قاراي ۇزارتۋعا، تۇرمىستىق قىزمەت وتەۋ كاسىبىن تۇرعىندار تۇتىنۋىن كەڭەيتۋدى ءوزارا جەبەۋ بارىسىندا جۇيەلىلەنۋ، قولايلىلاسۋ، ماركالانۋ باعىتىنا قاراي دامىتۋعا تاباندى بولدى. ”وسى تاپسىرىستار بولعاندىقتان، ءبىز ءوندىرىستى بار كۇشپەن تەزدەتتىك. كەلەسى قادامدا كاسىپورىننىڭ ىشكى باسقارۋ قۇرىلىمىن ۇزدىكسىز كەمەلدەندىرىپ، باسقارۋدا جاڭالىق اشۋ قابىلەتىن جوعارىلاتامىز“. 7 - ايدىڭ 20 - كۇنى اقسۋ توقىماشىلىق ونەركاسىبى ورتالىعىنا (اشۋ رايونى) ورنالاسقان شينجياڭ جينلييۋان كيىم - كەشەك شەكتى جاۋاپكەرشىلىك سەرىكتەستىگىندە ۇكىمەتتىڭ وزىنە كومەكتەسىپ ءوندىرىس تاپسىرىسىن تاۋىپ بەرگەنىن سەرىكتەستىكتىڭ باس ديرەكتورى نيۋ چاۋ اسا تەبىرەنىسپەن تىلگە الدى. توقىماشىلىق، كيىم - كەشەك ءوندىرىس كاسىپورىندارىنىڭ جۇمىستى، ءوندىرىستى قالپىنا كەلتىرۋىنە كومەكتەسۋ، قولداۋ ءۇشىن، اقسۋ ايماقتىق قازىنا مەكەمەسى ىرىقتىلىقپەن ىستەپ، اقسۋ توقىماشىلىق ونەركاسىبى ورتالىعىنداعى (اشۋ رايونى) كيىم - كەشەك كاسىپورىندارىنىڭ جاعدايىنا نەگىزدەلىپ كاسىپورىندارعا تاپسىرىستار تاۋىپ بەرىپ، كاسىپورىنداردىڭ جۇمىستى، ءوندىرىستى قالپىنا كەلتىرۋىنە، ءوندىرىس قۋاتىنا، ونىمدىلىككە جەتۋىنە كومەكتەستى.

  ەرەكشە مەزگىلدە باسقارۋعا جاڭالىق ەنگىزۋ كەلەسى قادامداعى كاسىپ سالاسىنىڭ تيبىن وزگەرتىپ، دارەجەسىن جوعارىلاتۋىنا نەگىز قالادى. بيىل ىندەت مەزگىلىندە كاسىپورىنداردىڭ ءوندىرىستى قالپىنا كەلتىرىپ، ءوندىرىس قۋاتىنا جەتۋىن جانە ءتۇيىندى ونەركاسىپ نىساندارى قۇرىلىسىن جاپپاي ىلگەرىلەتۋ ءۇشىن، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى بۇكىل رايونداعى ءتۇيىندى ورتالىق كاسىپورىندارمەن، تىرەكتى حالىقتىق كاسىپورىندارمەن ”جۇپتاسقان“ بايلانىسشىلار مەحانيزمىن ورناتىپ، زور توپتاعى كادرلاردى كاسىپورىننىڭ ءبىرىنشى شەبىنە بارۋعا ورنالاستىرىپ، كاسىپورىندا تۇرىپ قىزمەتكە جەتەكشىلىك ەتۋ، كومەكتەسىپ، سۇيەمەلدەۋ قىزمەتىن ورىستەتتى. مۇنداي ەگجەي - تەگجەيلى باسقارۋ ءتاسىلى كاسىپورىنداردىڭ ءوندىرىستى قالپىنا كەلتىرۋ، ءوندىرىس قۋاتىنا جەتۋدەگى ماسەلەلەر مەن قيىنشىلىقتاردى دەر كەزىندە شەشۋىنە كومەكتەسۋمەن بىرگە، زور توپتاعى نىسانداردىڭ جۇمىس باستاۋىن جانە توقتاۋسىز قۇرىلىس جۇرگىزۋىن جەبەپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋعا قوزعاۋشى قۋات ۇستەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.