شينجياڭ گازەتىنىڭ جالپىلىق اقپارات قۇرالدارى ءتىلشىسى رىن حۋا 7 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق بازار باقىلاۋ - باسقارۋ مەكەمەسىنەن ۇعىسۋىمىزشا، 1 - ايدان 7 - ايعا دەيىن بۇكىل رايونداعى ءبىلىم مەنشىك ۇقىعىن كەپىلگە قويۋ قارىز اقشاسىنىڭ جالپى سوماسى 246 ميلليون يۋانعا جەتىپ، بىلتىرعى سايكەس مەزگىلدەگىدەن ％208 ارتقان.
ۇعىسۋعا قاراعاندا، ورتا، شاعىن كاسىپورىنداردىڭ دامۋىندا ءدوپ كەلىپ وتىرعان ”قارجى قۇراۋ قيىن بولۋ، قارجى قۇراۋ قىمبات بولۋ“ ماسەلەسىن جەڭىلدەتۋ ءۇشىن، بيىل اۆتونوميالى رايون «اۆتونوميالى رايوننىڭ ورتا، شاعىن، ۇساق كاسىپورىنداردىڭ پاتەنت ۇقىعىن كەپىلگە قويىپ قارىز اقشا الۋ قاتەرىنە تولەم قارجىسىن بەرۋدى باسقارۋ ءادىسى (ۋاقىتشا اتقارىلادى)»، «اۆتونوميالى رايوننىڭ ورتا، شاعىن، ۇساق كاسىپورىنداردىڭ پاتەنت ۇقىعىن كەپىلگە قويىپ قارىز اقشا الۋ ءوسىمىن قازىنادان تولەۋ ءادىسى (سىناق رەتىندە اتقارىلادى)» سياقتىلاردى ىركەس - تىركەس شىعارعان ءارى فينانس قۇرىلىمدارىنىڭ ءبىلىم مەنشىك ۇقىعىن كەپىلگە قويىپ قارىز اقشا الۋىنا ۇيلەسەتىن ”جىجياڭتۇڭ“، ”شاڭبياۋداي“ سياقتى ارناۋلى كاسىپ ونىمدەرىن اشۋىن بەلسەنە سايكەستىرىپ، عىلىم - تەحنيكالىق ورتا، شاعىن كاسىپورىنداردىڭ جاڭالىق اشا دامۋىنداعى قارجى قۇراۋ ارناسىن كەڭەيتكەن.
اۆتونوميالى رايوندىق بازار باقىلاۋ - باسقارۋ مەكەمەسىنىڭ ءبىلىم مەنشىك ۇقىعى بويىنشا قىزمەت وتەۋدى جەبەۋ ورتالىعى ىندەت كەزىندە ءبىلىم مەنشىك ۇقىعىن كەپىلگە قويىپ قارجى قۇراۋدى ءبىتىرۋ ءتارتىبىن ونان ارى ساپالىلاندىرۋ، ءبىلىم مەنشىك ۇقىعىن كەپىلگە قويىپ قارجى قۇراۋدىڭ جاسىل قىزمەت وتەۋ ارناسىن اشۋ، ورتا، شاعىن كاسىپورىنداردىڭ كەپىلگە قويىپ قارجى قۇراۋ ارناسىن بەلسەنە كەڭەيتۋ سياقتىلاردى قامتىعان ءبىلىم مەنشىك ۇقىعىن كەپىلگە قويىپ قارجى قۇراۋدى ىلگەرىلەتەتىن ءبىر قىدىرۋ شارا بەلگىلەپ، ورتا، شاعىن كاسىپورىنداردىڭ ءبىلىم مەنشىك ۇقىعىن كەپىلگە قويىپ قارجى قۇراۋ قاجەتىنە بار كۇشپەن قىزمەت وتەدى.
تۇتاس رايونداعى كوپتەگەن كاسىپورىندار ءبىلىم مەنشىك ۇقىعىن كەپىلگە قويۋ ارقىلى قارجى قۇرادى. مۇنىڭ ىشىندە جيۋشىڭحى تۇقىم شارۋاشىلىعى جارنا شەكتى سەرىكتەستىگى ”جيۋشىڭحى“ جەلىلەس ساۋدا ماركاسىنىڭ 137 ءتۇرى مەن 7 ءتۇرلى پاتەنت توپتاماسىن كەپىلگە قويىپ، ءساتتى تۇردە بانكەنىڭ سەنىمدىلىگىنە يە بولىپ، 100 ميلليون يۋان اقشا تاپسىرىپ الدى؛ شينجياڭ لۇيساي سۋ ۇنەمدەۋ عىلىم - تەحنيكالىق اشۋ شەكتى سەرىكتەستىگى 5 ميلليون يۋان قارجىنى ءساتتى قۇرادى، شينجياڭ جۇنشين حيميا ونەركاسىپ جارنا شەكتى سەرىكتەستىگى ءساتتى تۇردە 23 ميلليون يۋان قارجىنى ءساتتى قۇرادى.
ءبىلىم مەنشىك ۇقىعى بويىنشا قىزمەت وتەۋدى جەبەۋ ورتالىعىنىڭ ورىنباسار مەڭگەرۋشىسى يۇي شىڭ بىلاي دەپ تانىستىردى: جۋىقتا وسى مەكەمە تۇتاس رايونداعى 9 عىلىم - تەحنيكالىق كاسىپورىنعا ءبىلىم مەنشىك ۇقىعىن كەپىلگە قويۋ قارىز ءوسىمى بويىنشا ءبىر ميلليون 200 مىڭ يۋاننان استام جاردەماقىنى تەكسەرىپ بوساتتى. وسى رەتكى تەكسەرىپ بوساتۋ، بەلگىلى دەڭگەيدە كاسىپورىنداردىڭ قارجى قۇراۋ وزىندىك قۇنىن تومەندەتىپ، عىلىم تەحنيكالىق جاڭالىق اشۋ بايلىعى + فينانستىق كاپيتال + ۇكىمەت قارجىسى توعىسقان جاڭا ناتيجەنى جۇزەگە اسىردى.
