تيانشان تورىنىڭ حابارى (سۋرەتىن ٴتۇسىرىپ حابارىن جازعان تىلشىلەر سۇن فاڭتيڭ، دوۋ شيڭجۇن، يىن تۇڭيۋان، جانات تولقىن). ىندەتتەن ساقتانۋ - تىزگىندەۋدە، بارشا ەرىكتىلەر دەرەۋ ٴۇن قوسىپ، كوپ بولىپ ساقتانۋ - تىزگىندەۋدىڭ ماڭىزدى ٴبىر كۇشىنە اينالدى، ساناققا نەگىزدەلگەندە، ٴۇرىمجى قالاسىندا 210 مىڭ ەرىكتى ىندەتتەن ساقتانۋ - تىزگىندەۋ قىزمەتىنە ات سالىستى.
7 - ايدىڭ 27 - كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى كەزەكتەگى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەت جاعدايى جانە ىندەتتەن ساقتانۋ - تىزگىندەۋ قىزمەتى جونىندە 10 - مايدان اقپار جاريالاۋ ٴماجىلىسىن اشتى ٴارى تىلشىلەردىڭ سۇراۋىنا جاۋاپ بەردى.
ٴۇرىمجى قالالىق پارتكوم ۇگىت ٴبولىمىنىڭ ورىنباسار باستىعى جوۋ يۇڭ بىلاي دەپ تانىستىردى: وسى رەتكى ىندەت تۋىلعاننان كەيىن، قالالىق پارتكومنىڭ ۇگىت ٴبولىمى (قالالىق وركەنيەت كەڭسەسى) 210 مىڭ ەرىكتىنى ”سۇيىسپەنشىلىك جالعاسۋدا“ اتتى ىندەتتەن ساقتانۋ ەرىكتىلەر ارەكەتىنە ات سالىسۋعا جەدەل ۇيىمداستىرىپ، 3 ميلليون 700 مىڭ ادامعا (رەت) ەرىكتى قىزمەت وتەۋدى ورىستەتتى. جالپى قىزمەت وتەۋ ۋاقىتى ٴبىر ميلليون 900 مىڭ ساعات.
جوۋ يۇڭ بىلاي دەدى: وسى رەت پارتيا مۇشەلەرى، جاستار، ورگان كادرلارى، الەۋمەتتىك اۋماق قىزمەتكەرلەرى سياقتى ەرىكتىلەردىڭ كۇشىن بەلسەنە جۇمىلدىرىپ، ىندەتتەن ساقتانۋ ۇگىتى، پسيحولوگيالىق كەڭەس بەرۋ، حالىققا قولايلى قىزمەت وتەۋ سياقتى 9 ۇلكەن توپتاعى 2000 نەشە تارماق ەرىكتى قىزمەت وتەۋ اترەتىن قۇردى. ”قالا، رايون (اۋدان)، اۋىل - قالاشىق (ٴمالى) ، الەۋمەتتىك اۋماق (قىستاق)“ 4 دارەجەلى جەتەكشىلىك ەتۋ، ورنالاستىرۋ مەحانيزمى مەن ەرىكتى قىزمەت وتەۋ كۇندىك مالىمەت بەرۋ ٴتۇزىمىن ورناتىپ، سالالار بويىنشا بىرلەسىپ قيمىلداۋدى كۇشەيتىپ، ىندەتتەن ساقتانۋ ەرىكتى قىزمەت وتەۋ تورابىن قۇردى.
جوۋ يۇڭ بىلاي دەدى: ىندەتتەن ساقتانۋ ەرىكتى قىزمەت وتەۋ قيمىلى باستىسى بۇقارانىڭ قاجەتىنە ساي، تۇرعىندار اۋلاسىندا دەنە تەمپەراتۋراسىن ولشەۋ، تۇرمىس قاجەتىن ورىنداپ، قولايلىلىق جاراتۋ، قيىنشىلىعى بار قاۋىمعا قارايلاسۋ سياقتى ەرىكتى قىزمەت وتەۋىن ورىستەتتى؛ اۋەجاي، جوعارى قارقىندى تەمىر جول پۋنكتى سياقتى قاتىناس جەلىلەرىندە ٴتارتىپتى قورعاۋ، سالاۋات ينفورماتسياسىن تىزىمدەۋ، ورتانى زارارسىزداندىرۋ سياقتى ەرىكتى قىزمەت وتەۋىن ورىستەتتى.
بۇدان سىرت، ”مەيىرباندىقپەن سەرىك بولۋ، سۇيىسپەنشىلىك جەلىدە“ ىندەتتەن ساقتانۋ - تىزگىندەۋ پسيحيولوگيالىق جاقتان قولداۋ كورسەتۋ ەرىكتى قىزمەت وتەۋ قيمىلىن ۇزدىكسىز ىلگەرىلەتتى. 600 كاسىپتىك كەڭەس بەرۋشىنى ۇيىمداستىرىپ، پسيحولوگيالىق كەڭەس بەرەتىن 12 ىستىق لەنيانى اشىپ، ناۋقاستىڭ وتباسىنداعىلار، مەديتسينالىق باقىلاۋعا الىنعاندار، قوعامدىق قاۋىم سياقتىلارعا كۇنى - ٴتۇنى جەلىدە اقىسىز پسيحولوگيالىق جاقتان قولداۋ كورسەتۋ قىزمەت وتەۋىن ازىرلەپ، ٴار ۇلت بۇقاراسى ٴۇشىن پسيحولوگيالىق كەڭەس بەرۋ ارناسىن قۇردى. قازىرگە دەيىن، ەرىكتىلەر ىستىق لەنيالى تەلەفون جانە ٴۇنحاتتا قىزمەت وتەۋ ارقىلى 77 مىڭنان استام ادام - رەتكە پسيحولوگيالىق كەڭەس بەردى، جەلىدەگى الەۋمەتتىك يگىلىك ساباقحاناسى، پسيحولوگيالىق عىلىمدى جالپىلاستىرۋ بەينەجازباسى، پسيحولوگيالىق سۇراۋ ـ جاۋاپ سياقتى كوپ ٴتۇرلى فورمالارمەن 10 مىڭنان استام ادام - رەتكە قىزمەت وتەدى.
جوۋ يۇڭ بىلاي دەدى: ىندەتتەن ساقتانۋ تالابى مەن ەرىكتىلەردىڭ قىزمەت ورنىنىڭ قاجەتى بويىنشا، ەرىكتىلەردى ماسكى، قولقاپ، زارارسىزداندىرۋ سۇيىقتىعى، ٴبىر رەتتىك قورعانىس كيىمى، قورعانىس كوزىلدىرىگى، اياققاپ قاتارلى قورعانۋ بۇيىمدارىمەن توپقا ٴبولىپ قامداپ، ىندەتتەن ساقتانۋ زاتتىق ماتەريالدارىمەن جابدىقتاۋدىڭ تولىق قامتۋىن جۇزەگە اسىردى. ٴارى ”حاۋىپسىزدىكتى ٴبىرىنشى ورىنعا قويۋ“ پرينسيپىنە تاباندى بولىپ، ەرىكتىلەردىڭ باس اماندىعىن قورعاۋعا جانە جۇمىس ورنىنا شىعۋدان بۇرىن تاربيەلەۋگە ٴمان بەرىپ، ەرىكتىلەردىڭ باس اماندىعىن شىنايى قامتاماسىزداندىردى.
”كەلەسى قادامدا ٴتىپتى دە كوپ ەرىكتىلەردى ىندەتتەن ساقتانۋ ەرىكتى قىزمەت وتەۋگە قابىلداپ، بۇكىل قالانىڭ ىندەتتەن ساقتانۋ - تىزگىندەۋ قىزمەتىنە ٴتىپتى دە زور ۇلەس قوسامىز“،- دەدى جوۋ يۇڭ.
