تيانشان تورىنىڭ حابارى (حابارىن جازعان ءتىلشى سۇن فاڭتيڭ، سۋرەتكە، كەسكىنگە تۇسىرگەن ءتىلشى دوۋ شيڭجۇن، يىن تۇڭيۋان، جانات تولقىن). 7 - ايدىڭ 28 - كۇنى ساعات 18دە، اۆتونوميالى رايوندىق ۇكىمەتتىڭ اقپارات كەڭسەسى كەزەكتەگى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ودان ساقتانۋ - تىزگىندەۋ قىزمەتى جونىندە 11 - مايدان اقپار جاريالاۋ ٴماجىلىسىن اشتى ءارى تىلشىلەردىڭ سۇراۋىنا جاۋاپ بەردى.
ءۇرىمجى قالالىق اۋرۋدان ساقتانۋ - تىزگىندەۋ ورتالىعىنىڭ ورىنباسار مەڭگەرۋشىسى ۋىن گوشيننىڭ تانىستىرۋىنشا، وتباسى مەن مەكەمەدە كۇندەلىكتى تۇرمىستا زارارسىزداندىرعىش قولدانعاندا تومەندەگى ىستەرگە كوڭىل ءبولۋ كەرەك:
ءبىرىنشى، زارارسىزداندىرۋ ءونىمىنىڭ تۇسىندىرمەسى بويىنشا، زارارسىزداندىرعىشتى عىلمي، ۇيلەسىمدى، پايدالانۋ، شەكتەن تىس بەتالدى قولدانۋدان ساقتانۋ.
ەكىنشى، زارارسىزداندىرۋ ءونىمى تەك تۇسىندىرمەدە كورسەتىلگەن بەلگى وبيەكتىسىنىڭ كولەمىندە عانا قولدانىلادى، بەلگىلەنگەن كولەمنەن اسىرىپ ىستەتۋگە بولمايدى.
ءۇشىنشى، ءار تۇردەگى زارارسىزداندىرعىشتى جەكە قولدانۋى كەرەك، زارارسىزداندىرعىشتان ۋلانۋدان ساقتانۋ ءۇشىن، ۇقساماعان تۇردەگى زارارسىزداندىرعىشتى بەتالدى ارالاستىرىپ پايدالانۋعا بولمايدى. مىسالى: 84 زارارسىزداندىرعىشتى قۇرامىندا اممياك بار دارتحانا تازارتقىشپەن ارالاستىرىپ پايدالانۋعا بولمايدى.
ءتورتىنشى، زارارسىزداندىرعىشتىڭ قويۋلىعىن تۇسىندىرمەسىنە قاتاڭ بويسۇنىپ تەڭشەپ، تۇسىندىرمە تالابىنداعى ەڭ قىسقا زارارسىزداندىرۋ ۋاقىتىنا كەپىلدىك ەتۋ كەرەك. ساقتىق رەتىندە زارارسىزداندىرعاندا ىستەتكەن اممياكتى زارارسىزداندىرعىشتىڭ قويۋلىعى 500mg/L، تۇبەگەيلى زارارسىزداندىرعاندا 1000mg/L بولسا بولادى.
بەسىنشى، ادام دەنەسىن زارارسىزداندىرعاندا نەگىزىنەن قول ءبولىمى مەن ينفەكسيالانۋى مۇمكىن بولعان باسقا بولىمدەر زارارسىزداندىرىلادى، تۇتاس دەنەگە بۇركىپ زارارسىزداندىرماۋ كەرەك.
التىنشى، سپيرتپەن زارارسىزداندىرۋ تەك شاعىن زاتتارعا عانا قولدانىلادى، ۇلكەن كولەمدە بۇركۋگە ۇيلەسپەيدى.
جەتىنشى، زارارسىزداندىرعىشتى حاۋىپسىز، ۇيلەسىمدى ورىنعا ساقتاۋ، سۋسىندىق قۇمىراسىنا زارارسىزداندىرۋ سۇيىقتىعىن قۇيماۋ، ءورت كەتۋدەن ساقتانۋ كەرەك. ۋلانۋدان ساقتانۋ ءۇشىن، زارارسىزداندىرعىشتى بالالار وڭاي الا المايتىن تاسا ورىنعا قويۋ كەرەك.
سەگىزىنشى، زارارسىزداندىرعىشتى تەڭشەگەندە، قولدانعاندا، ۇيلەسىمدى قورعانۋ بۇيىمدارىن تاعۋ كەرەك، مىسالى ماسكى، ساقتانۋ قولعابى قاتارلىلار (ءسۇت جەلىمدى نەمەسە رەزينكە قولعاپ كيۋىنە بولادى، ماقتالى نەمەسە ماقتا ءجىپتى قولعاپ كيۋگە بولمايدى).
ۋىن گوشين بىلاي دەدى: جاڭا تيپتى ايدارشا ۆيرۋس نەگىزىنەن جاقىن ارالىقتاعى تىنىس جولى شاشىراندىلارى جانە جاناسۋ ارقىلى تارالادى. مىسالى وتباسىندا نەمەسە مەكەمەدە جاڭا تيپتى ايدارشا ۆيرۋس وكپە قابىنۋ ىندەتى دياگنوزى تۇراقتاندىرىلعاندار، اۋرۋ بەلگىسى جوق جۇعىمدالۋشىلار نەمەسە تىعىز جۋىسقاندار جوق بولسا، ءار كۇنى زارارسىزداندىرعىش شاشۋدىڭ قاجەتى جوق، تەك بولمە ءىشىنىڭ تازالىعىن ويداعىداي ىستەسە بولعانى.
ۋىن گوشين مىنانى ەسكەرتەدى: زارارسىزداندىرعىشتا بەلگىلى تىتىركەندىرۋ رولى بولادى، شەكتەن تىس قولدانۋعا استە بولمايدى، وتباسى مەن مەكەمەدە دەر كەزىندە جەكە باسىندىق قورعانۋدى ويداعىداي ىستەپ، زارارسىزداندىرۋ رولىنا جەتكەن سوڭ دەر كەزىندە ءسۇرتىپ تازالاپ، زارارسىزداندىرعىشتىڭ زاتتاردى بۇلدىرۋىنەن ساقتاۋ كەرەك.
