تيانشان تورىنىڭ حابارى (جالپىلىق اقپارات قۇرالدارى تىلشىلەرى چاۋ جين، يۋان لەي حابارلايدى). 7 - ايدىڭ 28 - كۇنى تۇستەن كەيىن، ٴۇرىمجى قالاسىندا جاڭادان تارالعان جاڭا تيپتى ايدارشا ۆيرۋس وكپە قابىنۋ ىندەتىنە شالدىققان 6 دياگنوزى تۇراقتاندىرىلعان ناۋقاس پەن اۋرۋ بەلگىسى جوق جۇعىمدالۋشى مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى ەمدەۋ - قۇتقارۋ ماماندارىنىڭ بىرلەسىپ دياگنوز قويىپ ساراپتاۋى ارقىلى مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىلعان ناۋقاستاردى اۋاشالاۋدى كۇشىنەن قالدىرۋ جانە شيپاحانادان شىعارۋ جونىندەگى ولشەمىنە ۇيلەسىپ، ساۋىعىپ شيپاحانادان شىقتى. بۇل وسى رەتكى ىندەتتەگى تۇڭعىش توپتاعى شيپاحانادان شىققان ناۋقاستار.
اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋدى ەمدەۋ - قۇتقارۋ بەلگىلەنگەن تۇيىندەگى شيپاحانانىڭ ورىنباسار باستىعى لۋ چىن بىلاي دەپ تانىستىردى: 6 دياگنوزى تۇراقتاندىرىلعان ناۋقاس پەن اۋرۋ بەلگىسى جوق جۇعىمدالۋشى شيپاحاناعا كىرگەننەن كەيىن، مەملەكەتتىڭ جانە اۆتونوميالى رايوننىڭ قۇتقارۋ - ەمدەۋ ماماندار گرۋپپاسى عىلمي جەتەكشىلىك ەتىپ، قۇتقارۋ - ەمدەۋ بەلگىلەنگەن تۇيىندەگى شيپاحانا مەملەكەتتىڭ جاڭا تيپتى ايدارشا ۆيرۋس وكپە قابىنۋىنا دياگنوز قويۋ ٴارى ەمدەۋ جوباسىنىڭ 7 - نۇسقاسىنا قاتاڭ نەگىزدەلىپ، ٴبىر تەكتىلەندىرىپ، ارناعا ٴتۇسىرىپ، جۇڭگوشا شيپاگەرلىك پەن باتىسشا شيپاگەرلىكتى بىرلەستىرىپ، جان - جاقتى ەمدەپ، ناۋقاستىڭ ساۋىعۋىن ٴونىمدى تۇردە جەبەدى. جوعارىدا ايتىلعان ناۋقاستار ماماندار گرۋپپاسى مەن ەمدەۋ - كۇتىمدەۋ توبىنىڭ بار كۇشپەن قۇتقارىپ - ەمدەپ، دەن قويا كۇتىمدەۋىندە اۋرۋ جاعدايى ۇزدىكسىز جاقساردى، جوعارى تىنىس جولى اۋرۋ كوزىنىڭ نۋكلەين قىشقىلىن جالعاستى 2 رەت جانە ودان كوپ رەت تەكسەرگەندە بولىمسىز بولعان، ٴتۇرلى حيميالىق سارالاۋ ناتيجەلەرى قالىپتى، كەسكىندىك تەكسەرۋى ويداعىداي، دەنە تەمپەراتۋراسى قالىپتى بولدى.
دياگنوزى تۇراقتاندىرىلعان 6 ناۋقاس پەن اۋرۋ بەلگىسى جوق جۇعىمدالۋشى اۆتونوميالى رايوندىق ەمدەۋ - قۇتقارۋ ماماندار گرۋپپاسىنىڭ ىشكەرىلەي باقىلاعاننان كەيىنگى ساراپتاۋى ارقىلى مەملەكەتتىك دەنساۋلىق ساقتاۋ - سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋ ىندەتىنە دياگنوز قويۋ - ەمدەۋ جوباسىنىڭ (سىناق رەتىندە اتقارىلاتىن 7 - نۇسقاداعى تۇزەتىلگەن نۇسقا)» دياگنوزى تۇراقتاندىرىلعان ناۋقاستاردى اۋاشالاۋدان بوساتۋ جانە شيپاحانادان شىعارۋ ولشەمىنە ۇيلەسىپ، ساۋىعىپ شيپاحانادان شىقتى.