تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

ياڭ شۋپىڭ: بورىش وتەۋ جولىندا جانىن قيعان بەيبىتشىلىكتى قورعاۋ باتىرى

ياڭ شۋپىڭنىڭ سۋرەتى. شينحۋا اگەنتتىگى تاراتقان

  شينحۋا اگەنتتىگىنىڭ بەيجيڭنەن بەرگەن حابارى (ءتىلشى مەي شىشيۇڭ). جۋىردا 83 - جيتۋانجۇن بەلگىلى قۇراما لۇيى 1 - يىڭ 3 - ليانىنىڭ وفيتسەر - اسكەرلەرى ساقا ليانجاڭ ياڭ گىنسىنىڭ ءمۇسىنىنىڭ الدىنا تاعى كەلىپ، گۇل شارباق قويىپ، ساعىنىشتارىن بەينەلەپ، اۋەلگى ماقساتتى ۇمىتپاي، بورىشتى ەستە بەرىك ساقتادى.”ءبىز ساقا ليانجاڭدى ساعىنا ەسكە الامىز، ساقا ليانجاڭ سياقتى جاقسى جاۋىنگەر ياڭ شۋپىڭدى دا ساعىنا ەسكە الامىز، ول ءومىرى ارقىلى ساقا ليانجاڭ رۋحىن جالعاستىردى“، - دەدى ليانجاڭ لي جاۋلۇڭ.

  1983 - جىلى ياڭ شۋپىڭ شاندۇڭ لاي - ۋداعى ءبىر اسكەري اۋلەت وتباسىندا دۇنيەگە كەلدى، بۇل وتباسىندا ءۇش ۇرپاق، 8 اسكەر بار بولاتىن. 2001 - جىلى ول ارمياعا قاتىناسىپ، قوسىنعا كىرىپ، ”ياڭ گىنسى ليانى“ دەلىنەتىن وسى قاھارمان ليان - دۇيگە كەلدى. ونىڭ اسكەري قوسىنعا كىرگەندە العاشقى كورگەن كينوسى «ياڭ گىنسى»، العاشقى وقىعان كىتابى «ەرەكشە قاھارمان ياڭ گىنسى»، العاشقى ارالاعان ورنى ليان - دۇيدىڭ داڭق بولمەسى بولدى، ساقا ليانجاڭ ياڭ گىنسىنىڭ قاھارماندىق ىزگى ىستەرى ونىڭ كوڭىلىنە تەرەڭ تامىر تارتتى.

  ”اسكەر بولعاندا، ساقا ليانجاڭ ياڭ گىنسى سياقتى جاقسى اسكەر بولىپ، قاي - قاشاندا بارلىعىن ارناۋعا دايىن تۇرۋ كەرەك“، - دەيتىن ياڭ شۋپىڭ كوزى تىرىسىندە.

  2003 - جىلى حىناننىڭ لانكاۋ اۋدانىندا تاسقىن اپاتى تۋىلىپ، ياڭ شۋپىڭ تۇرعان اسكەري ءبولىم بۇيرىق بويىنشا اپاتتان قۇتقارۋعا باردى. ياڭ شۋپىڭ مەن جاۋىنگەر سەرىكتەرى اپاتتان قۇتقارۋدىڭ ءبىرىنشى شەبىندە تالاي كۇن شايقاس جاساپ، حاۋىپ - قاتەردى ءساتتى جويىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قورعاپ قالدى.

  2008 - جىلى ۋىنچۋاندا جەر سىلكىنىسى تۋىلعاندا، ياڭ شۋپىڭ اسكەري بولىممەن بىرگە ءبىرىنشى شەپكە بارىپ، سىلكىنىسكە قارسى اتتانىپ، اپاتتان قۇتقاردى...

  اسكەري قوسىنعا كىرگەن 10 نەشە جىلدا ياڭ شۋپىڭ باستاماشىلىقپەن شايقاستا جەڭىسكە جەتۋ شەبەرلىگىنە جاتتىعۋعا تاباندى بولىپ، بۇكىل لۇيدە اتى ايگىلى ەرەكشە دارەجەلى مەرگەنگە اينالدى؛ باستاماشىلىقپەن قامال الىپ، قيىندىقتى جەڭىپ، مىندەتتى ورىنداۋعا تاباندى بولىپ، ىلگەرىندى - كەيىندى ەلەۋلى جاتتىعۋ، تاسقىنعا قارسى اتتانىپ، قاتەردەن اراشالاۋ، جەر سىلكىنىسىنە قارسى اتتانىپ، اپاتتان قۇتقارۋ، ورنىقتىلىقتى قورعاپ، توسىن جاعدايدى ءبىر جاقتى ەتۋ سياقتى كوپ تۇرلىلەنگەن اسكەري ىستەر مىندەتىنە 40 نەشە رەت قاتىناستى.

  2015 - جىلى 9 - ايدا لۇي بۇيرىق بويىنشا جۇڭگودان وڭتۇستىك سۋدانعا بارىپ بەيبىتشىلىكتى قورعايتىن جاياۋ اسكەرلەر يىڭىن تاڭداپ قۇردى. ۇيىندەگى جالعىز ۇل بولعاندىقتان، 4 - دارەجەلى جۇنشىجاڭ ياڭ شۋپىڭ ۇيىندەگىلەرگە بىلدىرمەي ءوتىنىش تاپسىردى.

  وڭتۇستىك سۋداندا ءار كۇنى ياڭ شۋپىڭ مەن جاۋىنگەر سەرىكتەرى ولىممەن بەتپە - بەت كەلىپ وتىردى. قانشا ساق بولسا دا، وقيات جاعداي اقىرى تۋىلدى.

  جەرگىلىكتى ۋاقىت 2016 - جىلى 7 - ايدىڭ 8 - كۇنى، وڭتۇستىك سۋداندا سۇراپىل سوعىس تۋىلىپ، جۇڭگو بەيبىتشىلىكتى قورعاۋ جاياۋ اسكەرلەر يىڭى دەرەۋ 1 - دارەجەلى سوعىس دايىندىعىنا ءوتتى. ياڭ شۋپىڭ جاياۋ اسكەرلەر سوعىس ماشيناسىنىڭ زەڭبىرەكشىسى مىندەتىن ارقالاپ، قاراۋىل ورنىنا بارىپ مىندەت اتقارىپ، شايقاس ورنىن 15 ساعاتقا دەيىن تاپجىلماي قورعادى.

  7 - ايدىڭ 10 - كۇنى وڭتۇستىك سۋداندا تاعى قيان - كەسكى سوعىس تۋىلدى، سوعىس تۋىلعان ورىن قاراۋىل ءبىرىنشى شەبىنە جاقىندادى. ياڭ شۋپىڭ وق بوراپ، زەڭبىرەك وقتارى ماڭايدا تولاسسىز جارىلعان ءومىر مەن ءولىم شەبىندە ءۇرتىس 11 ساعات شايقاس جاسادى. كەنەتتەن ياڭ شۋپىڭ وتىرعان 105 - ءنومىرلى جاياۋ اسكەر سوعىس ماشيناسىنا زىمىران وق ءتيدى، سول كەزدە زەڭبىرەك قالتقىسىندا ساقتىق اتقىلاۋ مىندەتىن ورىنداپ تۇرعان ول اۋىر جارالاندى.

  ياڭ شۋپىڭعا 1 - دارەجەلى ەڭبەك تولىقتاپ جازىلدى. قازىر ياڭ شۋپىڭ ءوزىنىڭ ساقا ليانجاڭى سياقتى، ”ياڭ گىنسى ليانىنداعى“ وفيتسەر - اسكەرلەرىنىڭ رۋحاني تۋىنا اينالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.