شۇي چيڭگۋاڭ
”بۇرىن بالالارىمىز كىشكەنە بولعاندىقتان سىرتقا شىعا الماۋشى ەدىك، قازىر قولايلى بولدى، قىستاقتا تۇرىپ - اق جۇمىسشىعا اينالدىق، تەحنيكا دا ۇيرەندىك“. حوتان اۋدانى يىڭاۋات اۋىلى عىجاك قىستاعىنىڭ تۇرعىنى بۇايشام يمىن كوپتەگەن كەدەي بۇقارانىڭ كوڭىلىندەگى باقىت سەزىمىن اۋىزعا الدى. كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ جالپى جوباسىنىڭ شينجياڭدا تامىر تارتىپ تياناقتاۋىنا ىلەسە، كەدەيلەردى سۇيەمەلدەۋ سەحى، كەدەيلەردى سۇيەمەلدەۋ زاۆودى سياقتى ”جاڭا دۇنيەلەر“ اۋىل - قىستاققا كەلىپ، كەدەي بۇقارانىڭ ەسىك الدىنان ”التىن كەسە“ ۇستاۋ سىندى قاراپايىم ارمان - تىلەگىن جۇزەگە اسىرۋىنا مۇمكىندىك جاسادى.
باس شۋجي شي جينپيڭ اتاپ كورسەتكەندەي، ”اۋىلداستار ەسىكتەرىنىڭ الدىندا جۇمىستانىپتى، كىرىس قالاعا بارىپ جۇمىس ىستەگەندەي جوعارى بولماعانمەن، جاتاق، تاماق، قاتىناس سياقتىلارعا كەتەتىن اقىلار ۇنەمدەلەدى، ۇيگە دە قارايلاسۋعا مۇمكىندىك بار، ەكى الىپ بيگە شىعۋ دەگەن وسى“. ەسىك الدىندا جۇمىستانعان كەدەي بۇقارا ءۇيىنىڭ، ەگىستىك جەرىنىڭ، زاۆودتىڭ جۇمىسىن اقساتپاۋمەن بىرگە، جۇمىستانۋ، شارۋاشىلىق قۇرۋ قابىلەتتەرىنىڭ ۇزدىكسىز وسۋىنە ىلەسە، جۇمىستانۋ كوزقاراسى، كوز ايا ويلامى، وركەنيەت تانىمى سياقتىلارى دا بىرتىندەپ وزگەرەدى. جالپى تۇلعالىق جاقتان قاراعاندا، كەدەي بۇقارانىڭ ەسىك الدىندا جۇمىستانۋى اۋىل - قىستاقتىڭ دامۋىنا ومىرشەڭدىك كۇش ۇستەۋگە ءتيىمدى، اۋىل - قىستاق سالتىن، وركەنيەتىن جەبەۋگە ءتيىمدى، كەدەيلىكتەن ارىلتۋدان قامال الۋ مەن اۋىل - قىستاقتى كوركەيتۋدى ءونىمدى ۇشتاستىرۋدى جۇزەگە اسىرۋعا ءتيىمدى.
ەسىك الدىندا جۇمىستانۋ كاسىپ سالاسىنىڭ پارمەندى تىرەك بولۋىن قاجەت ەتەدى. كاسىپ سالاسى جۇمىستانۋدىڭ العى شارتى، كاسىپ سالاسىن دامىتقاندا عانا، ەسىك الدىندا جۇمىستانۋ ارمانى پارمەندى تىرەككە يە بولا الادى. نان كاسىپ سالاسىن قالىپتاستىرىپ، دەڭگەيىن وسىرۋدەن، جەرگىلىكتى جاعدايعا قاراي اۋىل شارۋاشىلىعى ونىمدەرىن مانەرلەۋ كاسىبىن دامىتۋعا دەيىن، ەلەكتروندى ونىمدەردى قۇراستىرۋ، اياق كيىم، باس كيىم جاساۋ سياقتى ”شاعىن، تەز ءونىم بەرەتىن، يكەمدى“ كاسىپورىنداردى ەنگىزۋگە، ورمان قورعاۋ، سۋ قورعاۋ، جول اسىراۋ سياقتى الەۋمەتتىك يگىلىك سيپاتتى جۇمىس ورىندارىن اشۋعا دەيىن... جاقىنعى جىلدارى رايونىمىزدىڭ جەر - جەرى كەدەي بۇقارانىڭ جۇمىستانۋ قابىلەتى مەن جۇمىستانۋ تىلەگىن دالمە - ءدال مەڭگەرىپ، بۇقارانىڭ ەسىك الدىنان كاسىپ سالاسى مەن جۇمىستانۋدى بىردەي كوركەيتۋدى جۇزەگە اسىردى. ەندى ءبىر جاقتان، سيفر جاڭا اۋىل شارۋاشىلىعى ماتەريالدارىنا، قول تەلەفون جاڭا اۋىل - شارۋاشىلىعى قۇرال - جابدىعىنا، تىكە تاراتۋ جاڭا اۋىل شارۋاشىلىعى قيمىلىنا اينالعان بۇگىنگى تاڭدا، ەلەكتروندى ساۋدا تۇعىرى كەدەي بۇقارانىڭ ەسىك الدىندا جۇمىستانۋىنا عىلىم - تەحنيكالىق ءار بەرۋمەن بىرگە، كەدەيلىكتەن ارىلتۋدان قامال الۋعا دا شىت جاڭا كەڭىستىك اشتى. شارت - جاعداي جاراتىپ، ورتانى جاقسارتىپ، كاسىپ سالاسىن دامىتۋ جالاڭ جولىن تالقانداپ، 1 -، 2 -، 3 - كاسىپتەردىڭ بىردەي ىلگەرىلەۋىن جۇزەگە اسىرعاندا عانا، ”ەسىك الدىندا جۇمىستانۋ“ ءتىپتى دە بەرىك نەگىزگە، ءتىپتى دە باياندى تىرەككە يە بولا الادى.
ەسىك الدىندا جۇمىستانۋ ۇكىمەتتىڭ ۇزدىكسىز تۇرتكىلىك ىستەۋىن قاجەت ەتەدى. بۇقارانى جۇمىستاندىرعان زاۆود، سەحتار جونىنەن ولاردىڭ دامۋ كومەسكى كۇشىن، بازار تانىمىن، پايدا تابۋ قابىلەتىن قايتكەندە ارتتىرۋعا بولاتىندىعىنا نازار سالۋ قاجەت؛ زاۆودتارعا بارىپ جۇمىستانعان بۇقارا جونىنەن قايتكەندە شەبەرلىككە باۋلۋدى كۇشەيتۋدى، دامۋ ورايىن بەرۋدى، ۇقىق - مۇددەلەرىن قورعاۋدى تياناقتاندىرۋدى ويلاستىرۋ قاجەت؛ ەلەكتروندى ساۋدا تۇعىرلارىنا سۇيەنگەن بۇقارا جونىنەن قايتكەندە زات اينالىمى نارقىن تومەندەتۋگە، زات اينالىمى قارقىنىن تەزدەتۋگە، قىستاققا كىرىپ وتباسىنا جەتكىزۋدىڭ ”ەڭ سوڭعى ءبىر شاقىرىمىن“ تۇتاستىرۋعا بولاتىندىعىن ويلاستىرۋ قاجەت؛ اۋىل - قىستاق ساياحاتى جانە حالىقتىق تۇسەلحانا كاسىبى تيجاراتىمەن شۇعىلداناتىن بۇقارا جونىنەن قايتكەندە قىستاق بەت - بەينەسىن جاقسارتۋعا، قىزمەت وتەۋ ولشەمىن بىرلىككە كەلتىرۋگە، ساياحاتشىلاردى ”ۇيىنە كەلگەندەي“ تاماشا سەزىمگە بولەۋگە بولاتىندىعىن ويلاستىرۋ قاجەت... بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، ماسەلە تانىمىن ارتتىرىپ، ىجداعاتتىلىقپەن ىستەپ، كاسىپ سالاسىن ورنالاستىرۋ، ساياساتتىق تيىمدىلىك جاساۋ جاقتارىنان ءتىپتى دە باعىتتامالىلىققا يە بولعاندا عانا، ”ەسىك الدىندا جۇمىستانۋ“ باياندى بولادى، كەدەيلىكتەن ارىلتۋدان قامال الۋ تاريح پەن امالياتتىڭ سىنىنان وتە الادى.
”باقىت كۇرەسپەن كەلەدى“. كىشكەنەسى ءبىر وتباسىنىڭ كەدەيلىكتەن ارىلىپ اۋقاتتانۋ جولىنا تۇسۋىنەن، ۇلكەنى ءبىر مەملەكەتتىڭ كوركەيىپ - گۇلدەنۋىنە دەيىن بارلىعى ناقتى ىستەۋ جانە كۇرەس جاساۋ نەگىزىندە قۇرىلادى. كەدەي بۇقارا ”جاپالى ىستەۋگە پەيىل بولاتىن، ءبىراق جاپالى كۇن كورۋگە پەيىل بولمايتىن“ يدەيالىق سانالىلىق پەن ارەكەت سانالىلىعىن ورناتقاندا عانا، ”التىن كەسەنى“ مىقتى دا ورنىقتى ۇستاۋعا بولادى، ”ەسىك الدىندا جۇمىستانۋ“ باقىتتىڭ قاقپاسىن ايقارا اشا الادى.
