شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ چۇنحۋا، لي چۇنشيا 7 - ايدىڭ 27 - كۇنى ۇرىمجىدەن حابارلايدى. ىندەت تۋىلعاننان بەرى، ءۇرىمجى قالاسىندا 210 مىڭ ەرىكتى ”سۇيىسپەنشىلىك جەتكىزۋ“ ىندەتتەن ساقتانۋ ەرىكتى ارەكەتىنە ات سالىسىپ، 3 ميلليون 700 مىڭ ادام - رەت ەرىكتى قىزمەت وتەۋ ورىستەتتى.ءۇرىمجى قالالىق پارتكوم ۇگىت ءبولىمىنىڭ ورىنباسار باستىعى جوۋ يۇڭ بىلاي دەپ تانىستىردى: ءۇرىمجى قالاسى ەرىكتىلەردى قابىلداۋدىڭ ولشەمىن، ءتارتىبىن قاتايتىپ، پارتيا مۇشەلەرى، جاستار، ورگان كادرلارى سياقتى ەرىكتى كۇشتەردى بەلسەنە جۇمىلدىرىپ، حالىققا قولايلى قىزمەت وتەۋ، پسيحولوگيالىق جەتەكتەۋ، ىندەتتەن ساقتانۋ ۇگىتى سياقتى 9 ۇلكەن تۇردەگى 2000نان استام ەرىكتى قىزمەت وتەۋ اترەتىن ۇيىمداستىرىپ، ءتورت دارەجەلى جەتەكشىلىك ەتۋ، ورنالاستىرۋ مەحانيزمىن ورناتىپ، جان - جاقتى جابىلا ارەكەتتەنىپ، ىندەتتەن ساقتانۋ ەرىكتى قىزمەت وتەۋ تورىن قالىپتاستىردى.
بۇقارانىڭ قاجەتى بويىنشا ءۇرىمجى قالاسى قالىڭ ەرىكتىلەردى ىندەتتەن ساقتانۋ ەرىكتى قىزمەت وتەۋگە ات سالىسۋعا ۇيىمداستىردى، ايتالىق، تۇرعىندار اۋماعىندا تەمپەراتۋرا ولشەۋ، حالىققا قولايلى تۇرمىستىق جۇمىستاردى ىڭعايلاۋ، قيىنشىلىعى بار قاۋىمعا قارايلاسۋ سياقتى ەرىكتى قىزمەت وتەۋلەر ورىستەتتى، اۋەجاي، جوعارى جىلدامدىقتى پويەز ۆوكزالى سياقتى ورىنداردا ءتارتىپتى قورعاۋ، سالاۋات ينفورماتسيالارىن تىزىمدەۋ، قورشاعان ورتانى زارارسىزداندىرۋ سياقتى ەرىكتى قىزمەت وتەۋلەر ورىستەتتى. ”مەيىرىمدىلىك قاسىڭدا، سۇيىسپەنشىلىك ينتەرنەت جەلىسىندە“ ىندەتتەن ساقتانۋ - تىزگىندەۋ پسيحولوگيالىق قولداۋ ەرىكتى قىزمەت وتەۋىن ۇزدىكسىز ىلگەرىلەتىپ، 600 كاسىپتىك كەڭەس بەرۋشىنى ۇيىمداستىرىپ، 12 پسيحولوگيالىق كەڭەس بەرۋ توتە لەنياسىن اشىپ، شوعىرلى تۇردە مەديتسينالىق باقىلاۋعا الىنعان ادامدارعا، ناۋقاستاردىڭ وتباسىنداعىلارعا جانە قوعامداعى جۇرتشىلىققا تولىق كۇندىك پسيحولوگيالىق قولداۋ يىنتەرنەت جەلىسىندەگى قىزمەت وتەۋىن تەگىن ازىرلەدى.
قازىرگە دەيىن ەرىكتىلەر توتە لەنيالى تەلەفون مەن ۋيچاتتىق قىزمەت وتەۋ ارقىلى 77 مىڭنان استام رەت كەڭەس بەرىپ، ينتەرنەت جەلىسىندەگى الەۋمەتتىك يگىلىك ساباعى، پسيحولوگيالىق عىلىم جالپىلاستىرۋ بەينەجازباسى، پسيحولوگيالىق سۇراۋ - جاۋاپ سياقتى فورمالارمەن كەڭەس سۇراۋشىلارعا 10 مىڭنان استام رەت قىزمەت وتەدى.
ىندەتتەن ساقتانۋدىڭ تالابى مەن ەرىكتىلەردىڭ جۇمىس قاجەتى بويىنشا، ءۇرىمجى قالاسى توپقا ءبولىپ، ەرىكتىلەرگە ماسكى، قولعاپ، زارارسىزداندىرۋ سۇيىقتىعى، ءبىر رەتتىك قورعانۋ كيىمى، كوز قورعاۋ كوزىلدىرىگى، اياق كيىم قاپتاۋىش سياقتى قورعانۋ جاراقتارىن ازىرلەپ، ىندەتتەن ساقتانۋ زاتتىق ماتەريالدارىن ۇلەستىرۋمەن جاپپاي قامتىپ، ەرىكتىلەردىڭ باس اماندىعىن شىن مانىندە قامتاماسىز ەتتى.
