تومەنگى شەكتە ويلاۋدى كۇشەيتىپ، باستان - اياق ساق بولىپ، ىندەتتەن ساقتانۋ - تىزگىندەۋدى ويداعىداي يگەرۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 7 - ايدىڭ 27 - كۇنى ۇرىمجىدەن حابارلايدى. 7 - ايدىڭ 27 - كۇنى تۇستەن كەيىن مەملەكەتتىك دەنساۋلىق ساقتاۋ جانە سالاماتتىق كوميتەتىنىڭ ماماندار گرۋپپاسى بەينە ەكران ارقىلى ينتەرنەت جەلىسىندە سويلەسىپ، رايونىمىزدىڭ ءبىر ءبولىم ايماق، وبلىس، قالالارىنداعى ىندەتتەن ساقتانۋ - تىزگىندەۋ قىزمەتىن ۇعىستى جانە ونى ورنالاستىردى.
مەملەكەتتىك دەنساۋلىق ساقتاۋ جانە سالاماتتىق كوميتەتىنىڭ ورىنباسار مەڭگەرۋشىسى يۇي شۋەجۇن، مەملەكەتتىك دەنساۋلىق ساقتاۋ جانە سالاماتتىق كوميتەتى مەديتسينالىق اكىمشىلىك، مەديتسينالىق باسقارۋ مەكەمەسىنىڭ باستىعى جاڭ زۇڭجيۋ، مەملەكەتتىك دەنساۋلىق ساقتاۋ جانە سالاماتتىق كوميتەتى ىندەتتەن ساقتانۋ - تىزگىندەۋ ماماندار گرۋپپاسىنىڭ باستىعى يۇي جيڭجين، مەديتسينالىق قۇتقارۋ - ەمدەۋ ماماندار گرۋپپاسىنىڭ باستىعى ۋاڭ جيان، ەپيدەميولوگيالىق تەكسەرۋ ماماندار گرۋپپاسىنىڭ باستىعى لەي جىڭلۇڭ جانە قاتىستى ماماندار ماجىلىسكە قاتىناستى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ءماجىلىستى باسقاردى.
ماجىلىستە ماماندار ءبىر ءبولىم ايماق، وبلىستارداعى نۋكلەين قىشقىلىن تەكسەرۋ، ەپيدەميولوگيالىق تەكسەرۋ جانە تەگىن انىقتاۋ، بەلگىلەنگەن شيپاحانالار، الەۋمەتتىك اۋماقتاعى ساقتانۋ - تىزگىندەۋ، ىندەتتىڭ الدىن الۋ زاتتىق ماتەريالدارىمەن قامتاماسىز ەتۋ سياقتى جاقتارداعى قىزمەتتەردىڭ ورىستەتىلۋ جاعدايىن ەگجەي - تەگجەيلى ۇعىستى.
يۇي شۋەجۇن بىلاي دەپ اتاپ كورسەتتى: پارتيا ورتالىق كوميتەتى، مەملەكەتتىك كەڭەس شينجياڭداعى ىندەتتەن ساقتانۋ - تىزگىندەۋگە ايرىقشا ءمان بەردى، ورىنباسار زۇڭلي سۇن چۇنلان شينجياڭعا كەلىپ تەكسەرۋ - زەرتتەۋ جۇرگىزىپ، جەتەكشىلىك ەتتى جانە ايقىن قىزمەت تالاپتارىن ورتاعا قويدى، مەملەكەتتىك دەنساۋلىق ساقتاۋ جانە سالاماتتىق كوميتەتى دەرەۋ شينجياڭعا ماماندار گرۋپپاسىن جىبەردى. شينجياڭ قاتاڭ ساقتانۋ - تىزگىندەۋ شارالارىن دەرەۋ اتقارىپ، ۆيرۋستىڭ تارالۋ ارناسىن باتىل ۇزۋگە، ىندەتتىڭ سىرتقا تارالۋىنان، جايىلۋىنان، ورشۋىنەن قاتاڭ ساقتانۋعا پارمەندى قامتاماسىزدىق ۇسىندى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ۇزدىكسىز مۇقيات دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ قىزمەتىنە ايرىقشا ءمان بەرىپ، ىندەتتەن ساقتانۋ - تىزگىندەۋ سىندى ارقاۋدى قاشاندا مىقتاپ شيراتىپ، حاۋىپ - قاتەر تانىمىن شىنايى جوعارىلاتىپ، تومەنگى شەكتە ويلاۋدى بەرىك ورناتىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ قىزمەتىن ۇزدىكسىز تۇردە ويداعىداي يگەرۋ كەرەك. ”ءتورت ەرتە بولۋدى“ باتىلدىقپەن ورىنداپ، نۋكلەين قىشقىلىن تەكسەرۋ قابىلەتى مەن ساپاسىن جوعارىلاتىپ، ەپيدەميولوگيالىق تەكسەرۋ جانە تەگىن انىقتاۋ قىزمەتىن ىشكەرىلەي ورىستەتىپ، الەۋمەتتىك اۋماقتى باسقارۋدى كۇشەيتىپ، الەۋمەتتىك دەنساۋلىق ساقتاۋ سياقتى كاسىبي قىزمەتكەرلەردىڭ رولىن تولىق ساۋلەلەندىرۋ كەرەك. شۇعىل جاعداي بويىنشا دايىندىقتى عىلمي، ناقتى، ءونىمدى، ويداعىداي ىستەپ، سانى جەتكىلىكتى، ولشەمدى جۇقپالى اۋرۋلار شيپاحانالارىن، اۋرۋ توسەكتەرىن، ەمدەۋ قىزمەتكەرلەرىن جانە ءدارى - دارمەك، زاتتىق ماتەريالداردى الدىن الا تىڭعىلىقتى دايىنداپ قويۋ كەرەك، ”ون ساقتىقتىڭ توعىزى ىسكە قوسىلماي“ قالسا دا، دايىنداپ قويىپ قولدانىلماي قالسا دا، دايىندىقسىز شايقاس جۇرگىزۋگە استە بولمايدى. جاڭا داۋىردەگى وتانشىلدىق تازالىق قيمىلىن جالپى بەتتىك ورىستەتىپ، قالا، اۋىلداردىڭ قورشاعان ورتاسىن رەتتەۋ - جونگە سالۋدى ىلگەرىلەتىپ، دەنساۋلىق ساقتاۋ، اۋرۋدىڭ الدىن الۋ بىلىمدەرىن جالپىلاستىرىپ، وركەنيەتتى، سالاماتتى، جاسىل، قورشاعان ورتانى قورعاۋعا پايدالى تۇرمىس ءتاسىلىن جەتىلدىرۋ كەرەك.
لي پىڭشين مىنالاردى ءبىلدىردى: سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ سىندى باس تالاپتى جالپى بەتتىك دايەكتىلەندىرىپ، ماماندار گرۋپپاسىنىڭ جەتەكشىلىگى، تالابى بويىنشا ەرتە بايقاۋ، ەرتە مالىمدەۋ، ەرتە اۋشالاۋ، ەرتە ەمدەۋ شارالارىن قاتاڭ تياناقتاندىرىپ، ىندەتتەن ساقتانۋ - تىزگىندەۋدىڭ ءۇرىمجى قالاسىن ماڭىزدى ءتۇيىن ەتكەن، بۇكىل رايون سايكەسىپ بىرلەسە قيمىلدايتىن جۇيەسىن كۇش سالا ورناتىپ، ىندەتتەن ساقتانۋ - تىزگىندەۋ توسقاۋىل شايقاسىن باتىل، ويداعىداي جۇرگىزۋ كەرەك.
اۆتونوميالى رايوننىڭ جانە بيڭتۋاننىڭ باسشىلارىنان تيان ۋىن، لي يفي، ۋاڭ ميڭشان، ليۋ جيانشين، ۋان حايچۋان، ياڭ يۇڭ، لۋ شۇيپيڭ نەگىزگى ءماجىلىس ورنىندا ماجىلىسكە قاتىناستى.
