شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ شياۋيان 7 - ايدىڭ 27 - كۇنى ۇرىمجىدەن حابارلايدى. الدىڭعى جارتى جىلدا بيڭتۋان ءوندىرىس جالپى ءونىم قۇنىنان 85 ميلليارد 901 ميلليون يۋان ورىنداپ، سايكەس مەزگىلدەگىدەن ％3.8 ارتتىردى. بيڭتۋان ساناق مەكەمەسىنەن كەلگەن ساندى مالىمەتتە كورسەتىلۋىنشە، بيڭتۋان ەكونوميكاسىنىڭ اينالىمى ۇزدىكسىز وڭالىپ، جاندانىپ جاقسارۋعا بەت العان، جوعارى ساپالى دامۋدىڭ نەگىزى اناعۇرلىم بەكەمدەلە تۇسكەن.
بيڭتۋان پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ءتۇيىندى قىزمەت ورنالاستىرۋلارى بويىنشا ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ”التىنى ورنىقتىرۋ“ قىزمەتىن كۇش سالا ويداعىداي يگەرىپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جەتكىزۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن تىڭعىلىقتى تۇردە ويداعىداي ىستەپ، قوعامنىڭ كەلەلى جاعدايى جاراسىمدى، ورنىقتى بولىپ، تۇتاس جىلدىق ەكونوميكالىق، قوعامدىق دامۋ نىسانالارىن ورىنداۋعا بەرىك نەگىز قالادى.
الدىڭعى جارتى جىلدا بيڭتۋاننىڭ 1 - كاسىبى 6 ميلليارد 355 ميلليون يۋان ارتقان قۇندى ورىنداپ، ％4.1 ارتتىرعان؛ 2 - كاسىبى 33 ميلليارد 251 ميلليون يۋان ارتقان قۇندى ورىنداپ، ％7.9 ارتتىرعان؛ 3 - كاسىبى 46 ميلليارد 295 ميلليون يۋان ارتقان قۇندى ورىنداپ، ％0.4 ارتتىرعان. تۇراقتى مۇلىككە قارجى قوسۋ جىلدام ارتىپ، سايكەس مەزگىلدەگىدەن ％30.4 ارتىپ، ارتۋ جىلدامدىعى 1 - توقسانداعىدان 23.6 پايىز جوعارىلاعان؛ ونەركاسىپ ءوندىرىسى ورنىقتى ورلەپ، كولەمنەن جوعارى ونەركاسىپتىك ارتقان قۇنى سايكەس مەزگىلدەگىدەن ％6.1 ارتىپ، ارتۋ جىلدامدىعى 1 - توقسانداعىدان 8.1 پايىز جوعارىلاعان؛ تاۋار تۇتىنۋ بازارى بىرتىندەپ جاقسارىپ، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 29 ميلليارد 382 ميلليون يۋان بولىپ، 1 - توقسانداعى تومەندەۋ كولەمىنەن 12 پايىز ازايعان؛ ساۋداگەر شاقىرىپ، قارجى ەنگىزۋدىڭ مەجەمەن قالىپتاستىراتىن ناقتى زات مولشەرى 25 ميلليارد 358 ميلليون يۋان بولىپ، تۇتاس جىلدىق جوسپاردىڭ ％ 42.3ى ورىندالعان.
