جاڭا كاسىپ كۇيى كۇش ۇستەپ، ينتەرنەت جەلىسىندەگى، ينتەرنەت جەلىسىنەن تىسقارعى ىستەر جەدەل توعىستى

شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي

　　ينتەرنەت جەلىسىندەگى تاربيە، قاشىقتان جۇمىس جۇرگىزۋ، جولىقپاي جەتكىزۋ... زات ساتىپ الۋدان قىزمەت وتەۋگە، وندىرۋدەن ساتۋعا دەيىن ءار كاسىپ، ءار سالا ”ينتەرنەت جەلىسىنە شىعۋدى“، ”بۇلتقا شىعۋدى“ جەدەلدەتىپ، سيفرلى ەكونوميكانىڭ جاڭا كاسىپ كۇيى، جاڭا ۇلگىسى تەز دامىدى. الدىڭعى جارتى جىلدا رايونىمىزدا ينتەرنەت جەلىسىندەگى تۇتىنۋدىڭ ارتۋ جىلدامدىعى ۇزدىكسىز جوعارىلاپ، نورماسى شەكتەلگەن كولەمنەن جوعارى تولايىم ساتۋ، بولشەك ساتۋ كاسىپورىندارى الەۋمەتتىك جەلى ارقىلى تاۋار ساتىلىمىنىڭ ％27.2 ارتۋىن ىسكە اسىردى، مۇنىڭ ىشىندە 6 - ايدا ％60.9 ارتتى.

تىكە تاراتۋ ارقىلى ساتۋ جاندانا ءتۇستى

　　”بۇل جەر تاكلاماكان ءشولىنىڭ جيەگىنە ورنالاسقان، كۇندىزگى، تۇنگى اۋا تەمپەراتۋراسىنىڭ پارقى جوعارى، كۇن نۇرىنىڭ ءتۇسۋ ۋاقىتى ۇزاق، لوپنۇردىڭ قاۋىنى جۇمساق ءارى ءتاتتى، ەرەكشە ءدامدى“. 7 - ايدىڭ 18 - كۇنى 400 مىڭنان استام جانكۇيەرى بار لوپنۇر اۋدانىنىڭ ورىنباسار اكىمى حى مياۋ جۇرگىزۋشى ”لوپنۇرلىق حيزىمەن“ بىرلەسىپ، كۋايشوۋ تۇعىرىندا تىكە تاراتۋ ارقىلى قاۋىن ساتىپ، ينتەرنەت قولدانۋشىلاردى تاپسىرىستار بەرۋگە باۋرادى، سول كۇنى 1000 جاشىكتەن استام لوپنۇر قاۋىنى ساتىلدى.

　　لوپنۇر اۋداندىق ەلەكتروندى ساۋدا قوعامىنىڭ باس حاتشىسى شياۋ شىمين مىنانى تانىستىردى: اۋدان جەرگىلىكتى ورىنداعى جۇرگىزۋشىلەردى اتىز باسىندا تىكە تاراتۋ جۇرگىزىپ قاۋىن ساتۋعا ۇيىمداستىردى، ”ەلەكتروندى ساۋدا + تىكە تاراتۋ“ فورماسى ارقىلى اۋىل شارۋاشىلىعىنىڭ وڭىرلىك دامۋ شەكتەمەسىن بۇزىپ، شارۋا وتباسىلارى مەن قاريدارلاردى تىكە تاراتۋ جەلىسىندە جولىقتىرىپ، جاڭا پىسقان قاۋىن - قاربىزدى تىكەلەي تاراتۋ ”لەزدىك كولىگىنە“ شىعارىپ، ءبىر اپتاعا تاياۋ ۋاقىتتا 10 مىڭ جاشىكتەن استام قاۋىن ساتتى، ساتىلۋ سوماسى 500 مىڭ يۋاننان استى.

　　اۆتونوميالى رايوندىق ساۋدا مەڭگەرمەسىنىڭ قاتىستى جاۋاپتىسى بىلاي دەپ تانىستىردى: بيىل الدىڭعى جارتى جىلدا رايونىمىزدا كوپتەگەن اۋدان ”اۋدان اكىمىنىڭ تىكە تاراتۋى“ قيمىلىن ورىستەتتى، ءار دارەجەلى كادرلار، جۇرگىزۋشىلەر ەكران بەتىندە اۋىل شارۋاشىلىعى ونىمدەرىن ساتىپ، كەدەيلەردى سۇيەمەلدەۋ كاسىپتەرىنىڭ دامۋىن جەبەدى ءارى نەگىزگى ساتىداعى تىكە تاراتۋ ەلەكتروندى ساۋداسىنىڭ دامۋىنا باستاماشىلدىق ەتتى.

　　شينجياڭ شييۇي چۋانچي ينتەرنەت عىلىم - تەحنيكاسى شەكتى سەرىكتەستىگى يوپۇرعا، اقتاۋ سياقتى 13 اۋداندا الەۋمەتتىك ەلەكتروندى ساۋدا تىكە تاراتۋ ءۇيىن اشىپ، ”ەلەكتروندى ساۋدادان حابارى بار، تىكە تاراتۋدى بىلەتىن ”تاربيەلەۋشى لەكتورلاردى اۋداندارعا بارىپ، ەلەكتروندى ساۋدا تىكە تاراتۋ ارقىلى ساتۋ بويىنشا تاربيەلەۋگە ۇيىمداستىردى. ”بيىل ءبىز اۋدانداعى اۋىل - قىستاق ەلەكتروندى ساۋدا دارىندىلارى قوسىنىنان ءبىر توبىن تاربيەلەۋدى جوسپارلاپ وتىرمىز، قازىر 8000عا جۋىق ادامدى (رەت) تاربيەلەدىك“، - دەدى وسى سەرىكتەستىكتىڭ جاۋاپتىسى لي لۋيۇي.

توعىسۋ جاڭا ومىرشەڭدىكتى تۋىنداتتى

　　ينتەرنەت جەلىسىندەگى ساباقحانادان ۆيرتۋالدى ماجىلىسكە، زەردەلى جاساۋدان ادام مەن ادام جۋىسپايتىن اسحاناعا دەيىن، ىندەتتىڭ ىقپالىنا ۇشىرادى، بيىل الدىڭعى جارتى جىلدا كوپتەگەن ءداستۇرلى كاسىپ سالاسى ينفورماتسيالاندىرۋدى قانات ەتىپ، سيفرلانعان دامۋ ارناسىنا ءتۇسىپ، تۇتىنۋ قاجەتىن تۋىنداتىپ، ەكونوميكالىق ارتۋدىڭ اناعۇرلىم كوپ مۇمكىندىگىن جاراتتى.

　　شينجياڭ جۇڭگۇڭ ءبىلىم بەرۋ − ءبىلىم بەرۋگە قىزمەت وتەۋ قۇرىلىمى، الدىڭعى جارتى جىلدا وسى قۇرىلىم قاريدارلار بايلىعى مەن تانىمالى ماركا باسىمدىعىنا سۇيەنە وتىرىپ، ينتەرنەت جەلىسىندە تاربيەلەۋدى ورىستەتتى. قۇرىلىمنىڭ جاۋاپتىسى شياۋ شىڭتاۋ بىلاي دەپ تانىستىردى: سەرىكتەستىكتىڭ ايقىن سيفرلانعان شارۋاشىلىق ستراتەگياسى بار، وزىق ينتەرنەت جەلىسىندەگى كولەمدەنگەن زەرتتەۋ - اشۋ جانە ينتەرنەت جەلىسىندەگى جان - جاقتى قىزمەت وتەۋ قابىلەتىنە سۇيەنە وتىرىپ، ينتەرنەت جەلىسىندەگى، جەلىدەن تىسقارعى توعىسقان جاڭالىق اشۋ ونىمدەرىن كۇش سالا دامىتادى، مەجەمەن بيىل ينتەرنەت جەلىسىندە تاربيەلەيتىن ادام سانى (رەت) مەن كىرىسى اناعۇرلىم جوعارىلايدى.

　　جاڭا كاسىپ كۇيىنىڭ، جاڭا ۇلگىنىڭ تولىسىپ جەتىلۋى ىندەتتەن ساقتانۋ - تىزگىندەۋدى ۇدايىلاندىرۋ جاعدايىنداعى توتەپ بەرۋ شاراسى ءارى ءداستۇرلى كاسىپ سالالارىنىڭ تيبىنىڭ وزگەرىپ، دارەجەسىنىڭ جوعارىلاۋىن جەبەۋدەگى، ەكونوميكانىڭ جوعارى ساپالى دامۋىن جۇزەگە اسىرۋداعى ىرىقتى جۇمىس.

　　تاياۋدا ءۇرىمجى قالاسى تيانشان رايونى مينجۋ جولىنداعى تانىمالى يتيانياڭ قوناق ءۇيى تاپسىرىسپەن تاماق جەتكىزۋ ساۋدا ورتالىعىن اشىپ، ”جولىقپاي تاپسىرىسپەن تاماق جەتكىزۋدى“ قولدانىپ قالا تۇرعىندارىنىڭ قاجەتىن قاناعاتتاندىردى. ساندى مالىمەتتەردە كورسەتىلۋىنشە، الدىڭعى جارتى جىلدا بۇكىل رايونداعى نورماسى شەكتەلگەن كولەمنەن جوعارى اس - سۋ كاسىبى ورىندارى الەۋمەتتىك جەلى ارقىلى تاماق اقىسى كىرىسىنىڭ سايكەس مەزگىلدەگىدەن ％14.6 ارتۋىن ىسكە اسىرعان، مۇنىڭ ىشىندە 6 - ايدا ％20.2 ارتقان.

　　قاتىستى كاسىبي تۇلعالار مىنانى ءبىلدىردى: جاڭا كاسىپ كۇيى جاڭا بۋىن ينتەرنەت ينفورماتسياسى تەحنيكاسىن سۇيەنىش ەتىپ، ادامداردىڭ ءوندىرىس، تۇرمىس قاجەتىن قاناعاتتاندىراتىن قوعامنىڭ العا باسۋ بەتالىسىن ايگىلەيدى، بۇل ءداستۇرلى كاسىپتىڭ ورنىن جاي عانا باسا سالۋ ەمەس، قايتا ونىمەن جالعاسۋ، دارەجەسىن جوعارىلاتۋ، سونىمەن بىرگە ەكەۋىنىڭ تىعىز توعىسىپ ىقپالداسۋىن ىلگەرىلەتىپ، ادامداردىڭ ءوندىرىس، تۇرمىس قاجەتىن ءتىپتى جاقسى قاناعاتتاندىرۋ بولىپ تابىلادى.

جاڭاشا تۇتىنۋ اۋقىمعا اينالدى

　　ىندەت مەزگىلى جاڭاشا تۇتىنۋ مەن دارەجەسى جوعارىلاعان تۇتىنۋدى جارىققا شىعاردى، ”قول تەلەفوندا تاپسىرىس بەرۋ، ۇيگە جەتكىزۋ“ بۇقارانىڭ ۇيدە بولعان كەزدە تۇرمىسقا قاجەتتى بۇيىمداردى ساتىپ الۋداعى العاشقى تاڭداعان ءتاسىلى بولدى.

　　2017 - جىلى قۇرىلعان كۇشار قالاسىنىڭ ۋيۋي تەز جەتكىزۋ ەلەكتروندى ساۋدا تۇعىرى جاس ءونىم، تاپسىرىسپەن تاماق جەتكىزۋ سياقتى ينتەرنەت جەلىسىندەگى، جەلىدەن تىسقارعى ساتۋدى قامتىدى، جاڭا كاسىپ كۇيىنەن كەلگەن پايدانىڭ ارقاسىندا وسى تۇعىر كولەمىن ۇزدىكسىز كەڭەيتپەكشى.

　　وسى كاسىپورىننىڭ جاۋاپتىسى بيڭ چيجين بىلاي دەپ تانىستىردى: ”قازىر ايلىق ساتۋ سوماسى 3 ميلليون يۋانعا جەتتى. الداعى ۋاقىتتا ءبىز جەرگىلىكتى ورىنداعى ءىرى، ورتا تۇرپاتتى شاعىن اۋماقتاردى تياناق ەتىپ، 40تان استام جاستىڭ شارۋاشىلىق قۇرۋىنا باستاماشىلدىق ەتپەكپىز، سونداي - اق ءىرى كولەمدى قامبا قۇرماقپىز، قامبا قۇرىلعان سوڭ، تۇرعىنداردىڭ ساتىپ الۋ وزىندىك قۇنى ％15 تومەندەيدى“.

　　شينجياڭ سۋنيڭ يگوۋ ينتەرنەتتىڭ باسىمدىلىعىنان پايدالانىپ، ينتەرنەت جەلىسىندەگى سۋنيڭ بۇلت دۇكەنىنىڭ شاعىن باعدارلاماسى، سۋنيڭ تۇيكى، ۋيچاتتا لەزدىك ساتىپ الۋ، تىكە تاراتۋ ارقىلى ساتۋ سياقتى الەۋمەتتىك توپقا ساتۋ قۇرالدارى ارقىلى وتباسى ەلەكتر جابدىقتارىن ساتىپ الۋعا قىزمەت وتەپ، ”ءۇي ەكونوميكاسىن“ جانداندىردى.

　　ۇيدە وتىرىپ ىندەتتەن ساقتانۋ كەزىندە ءبارىن ينتەرنەتتە ساتىپ الۋعا بولاتىن بولدى. جاڭا، جاس ونىمدەر زور دارەجەدە ارتۋدان تىس، ەرمەك حايۋاندار تۇرمىسى، ويىن جابدىقتارى جانە دەنە شىنىقتىرۋ تۇرىندەگى تاۋارلار دا جۇرتتىڭ ەرەكشە القاۋىنا يە بولدى.

　　بيىل الدىڭعى جارتى جىلدا ينتەرنەتتەگى قاتىستى قىزمەت وتەۋ كاسىپتەرى قارقىندى ارتتى. 1 - ايدان 5 - ايعا دەيىن بۇكىل رايوندا ينتەرنەت پەن قاتىستى قىزمەت وتەۋ كاسىپتەرى بىلتىرعى سايكەس مەزگىلدەگىدەن ％26.1 ارتتى. مۇنىڭ ىشىندە كولەمنەن جوعارى ينتەرنەتكە قوسىلعان جانە قاتىستى قىزمەت وتەۋ كاسىپتەرى ％66.7 ارتتى، ينتەرنەت ساندى مالىمەت قىزمەت وتەۋى 1.6 ەسە ارتتى.