عىلىم - تەحنيكا ارقىلى كەدەيلەردى سۇيەمەلدەۋ ارەكەتى وڭتۇستىك شينجياڭداعى كەدەي اۋدانداردى قامتىدى
جاڭا تەحنيكا شارۋالاردىڭ قالتاسىن قامپايتتى
شينجياڭ گازەتىنىڭ جالپىلىق اقپارات قۇرالدارى ءتىلشىسى شيە حۇيبيان، پراكتيكانت حۋ شۋەشان 7 - ايدىڭ 27 - كۇنى ۇرىمجىدەن حابارلايدى. گۇرىلدەگەن داۋىس... جاسىل ءتۇستى اۆتوماتتى يلەۋ جابدىعى تاستالعان قۇم - توپىراق ءۇيىندىسىن ”جۇتىپ“ العان سوڭ، توقتاۋسىز اينالىپ، ءبىرازدان سوڭ ابدەن ارالاستىرىلعان بەتوندى لاق ەتكىزىپ ”قۇسا“ سالدى. كابينكەدەگى جۇرگىزۋشى ەركىنبەك كامەلجان ءوزىن ەركىن ۇستاپ، تەحنيكانى جاتىق يگەرىپ وتىر.
2 جىلدىڭ الدىندا ەركىنبەك ءۇرىمجى اۋدانى بانفاڭگوۋ اۋىلى دىڭساۋگوۋ قىستاعىنىڭ مالشىسى بولاتىن؛ 7 - ايدىڭ 13 - كۇنى اۆتونوميالى رايوندىق عىلىم - تەحنيكا مەڭگەرمەسى مەن شينجياڭ قاتىناس قۇرىلىس توبى بىرلەسىپ وتكىزگەن عىلىم - تەحنيكا ارقىلى كەدەيلەردى دالمە - ءدال سۇيەمەلدەۋ نىسانىن كوزدەن كەشىرۋ جينالىسىندا ول تەحنيكانى كورسەتۋدىڭ باس كەيىپكەرىنە اينالدى.
سول جەردىڭ وزىندە شيكىزات الاتىن، جاسىل، قورشاعان ورتاعا زالالسىز، جاسالۋ باعاسى تومەن بەتون تەحنيكاسى ونىڭ ءومىرىن وزگەرتتى.
دەربەس ءبىلىم مەنشىك ۇقىعى بار وسى وزەكتى تەحنيكا ءداستۇرلى سەمەنتتىڭ ”توپىراقتان قورقاتىن السىزدىگىن“ جويىپ، باتپاق قۇرامى مول ءار ءتۇرلى قۇرىلىس قالدىق ماتەريالدارىنىڭ ％100 اينالمالى پايدالانىلۋىن جۇزەگە اسىردى، مۇنىمەن ينجەنەريانىڭ جالپىلىق سالىنۋ باعاسىنىڭ ％50ىن ۇنەمدەۋگە، قۇرىلىس مەزگىلىنىڭ جارتىسىن قىسقارتۋعا بولادى.
”بۇل تەحنيكادا 4 ەلەۋلى شەشۋشى تەحنيكا جۇيەسى قالىپتاسقان، تاس جول، اۋەجاي، قالا ىستەرى، كەن سياقتى سالالاردىڭ نەگىزدىك قۇرىلعى قۇرىلىس ينجەنەرياسىندا جاپپاي پايدالانۋعا بولادى“. نىساندى شەشۋشى تەحنيكالىق قولداۋشىلاردىڭ ءبىرى، شينجياڭ قاتىناس قۇرىلىس توبىنىڭ باس ينجەنەرى حۋاڭ يۇڭنىڭ تانىستىرۋىنشا، بۇل تەحنيكا اۋىل - قىستاق نەگىزدىك قۇرىلعىلارىنىڭ ”ەڭ سوڭعى ءبىر شاقىرىم“ قۇرىلىسىنا جانە ونى كۇتۋگە شەشۋ جوباسىن ازىرلەپ، جەرگىلىكتى ورىنداعى اۋىل - قىستاق بۇقاراسىن جۇمىستانۋعا تولىق باستاعان.
ەركىنبەكتە قازىر جاسىل اۆتوماتتى يلەۋ جابدىعىنان ەكەۋى بار ءارى شينجياڭ قاتىناس قۇرىلىس توبىنىڭ تەحنيكالىق قولداۋىمەن ەگىنشى - مالشىلار قۇرىلىس اترەتىن قۇردى. قىستا سيىر، قوي بورداقىلايدى، جىلدىڭ قالعان ماۋسىمىندا ۇجىمىن باستاپ ينجەنەريالاردى كوتەرمەگە الادى، جەكە كىرىسى بۇرىن 10 مىڭ يۋانعا جەتپەسە، قازىر 150 مىڭ يۋاننىڭ ۇستىنە شىقتى، ءوزى كەدەيلىكتەن ارىلىپ قانا قويماي، توڭىرەگىندەگى مالشىلاردى دا بىرگە كىرىستى ارتتىرۋعا باستادى.
”ءبىر جاسىل اۆتوماتتى يلەۋ جابدىعى 10 ادامدى جۇمىستانۋعا باستاي الادى، ءبىر اۋىل نەمەسە بىرنەشە قىستاق ءبىر جاسىل اۆتوماتتى يلەۋ بەتون قۇرىلىس اترەتىن قۇرۋىنا بولادى، ’عىلىم - تەحنيكالىق نىسان + كەدەيلەردى سۇيەمەلدەۋ سەحى‘ ۇلگىسى ارقىلى كەدەي وڭىرلەردەگى قىستاق تۇرعىندارىن كەدەيلىكتەن ارىلىپ بايۋعا ءونىمدى تۇردە باستاي الادى“. حۋاڭ يۇڭ وسى ۇلگىنىڭ قاراقاشتىڭ، كەريانىڭ 2 قىستاعىندا سىناق ەتىلىپ، مەجەمەن 300گە تاياۋ ادامدى جۇمىستانۋعا باستايتىندىعىن ايتتى. كولەمدى تۇردە جالپىلاسقان سوڭ، مىڭنان استام شارۋانى ونەركاسىپ جۇمىسشىسىنا اينالۋعا باستاي الادى ەكەن.
جاسىل اۆتوماتتى يلەۋ جابدىعى مەن ونىڭ قاتىستى تەحنيكاسى − عىلىم - تەحنيكا ارقىلى كەدەيلەردى دالمە - ءدال سۇيەمەلدەۋ ارناۋلى ارەكەتىنىڭ ناتيجەلەرىنىڭ ءبىرى. 2019 - جىلدىڭ اياعىنا دەيىن وسى ارەكەت وڭتۇستىك شينجياڭداعى 4 ايماق - وبلىستاعى 22 اۋىر كەدەي اۋداندى قامتىدى، 25 نىسان اتقارىلىپ، جالپى 25 ميلليون يۋان قارجى قوسىلدى، بۇل، باستىسى، ەرەكشە ەگىمشىلىك، ەرەكشە باعىمشىلىق جانە جاساۋ كاسىبى سياقتىلارعا شوعىرلانعان. نىسان قىستاقتى اتقارۋ تۇلعاسى ەتىپ، جىل اياعىندا پايدا ءبولۋ ۇلگىسىمەن جۇمىس جۇرگىزەدى. بيىل جىل اياعىنا دەيىن وسى ارناۋلى ارەكەتكە سۇيەنە وتىرىپ، 10 مىڭ كەدەي بۇقارا ەرەكشە كاسىپتەردى دامىتۋ ارقىلى كەدەيلىكتەن ارىلىپ كىرىستى ارتتىرادى.
