تيانشان تورىنىڭ حابارى. (جالپىلىق اقپارات قۇرالدارى تىلشىلەرى چاۋ جين، يۋان لەي) مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى ەمدەۋ - قۇتقارۋ ماماندارىنىڭ بىرلەسىپ دياگنوز قويىپ ساراپتاۋى ارقىلى، 7-ايدىڭ 29-كۇنى تۇستەن كەيىن، ءۇرىمجى قالاسىندا جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان 4 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاستى اۋاشالاۋدى كۇشىنەن قالدىرۋ جانە شيپاحانادان شىعارۋ جونىندەگى ولشەمىنە ۇيلەسىپ، ساۋىعىپ شيپاحانادان شىقتى.
اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋدى ەمدەۋ - قۇتقارۋ بەلگىلەنگەن تۇيىنىندەگى شيپاحانانىڭ ورىنباسار باستىعى لۋ چىڭنىڭ تانىستىرۋىنشا، وسى رەتكى شيپاحانادان شىققان ناۋقاستىڭ بىرەۋى جەڭىل تيپتى، ۇشەۋى ادەتتەگى تيپتى ناۋقاس. شيپاحاناعا كىرگەننەن كەيىن، جوعارىداعى ناۋقاستار ماماندار گرۋپپاسىنىڭ جانە ەمدەۋ-كۇتىمدەۋ توبىنىڭ بار كۇشپەن ەمدەپ، دەن قويا كۇتىمدەۋىندە، ناۋقاس جاعدايى ۇزدىكسىز جاقسارىپ، ۇزدىكسىز 2 رەتتەن استام تىنىس جولىنداعى اۋرۋ قوزدىرعىشتىڭ نۋكلەين قىشقىلى بولىمسىز، ءارقايسى حيميالىق ەمدەۋ كورسەتكىشتەرى، وكپە ءبولىمىنىڭ كەسكىنى، دەنە تەمپەراتۋراسى قالىپتى بولعان، مەملەكەتتىك دەنساۋلىق ساقتاۋ - سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋ ىندەتىنە دياگنوز قويۋ - ەمدەۋ جوباسىنىڭ (سىناق رەتىندە اتقارىلاتىن 7 - نۇسقاداعى تۇزەتىلگەن نۇسقا)» دياگنوزى تۇراقتاندىرىلعان ناۋقاستاردى اۋاشالاۋدان بوساتۋ جانە شيپاحانادان شىعارۋ ولشەمىنە ۇيلەسىپ، ساۋىعىپ شيپاحانادان شىقتى.
