تيانشان تورىنىڭ حابارى. (حابارىن جازىپ سۋرەتكە، كەسىنگە العان تىلشىلەر دوۋ شينجۇن، ين تۇڭيۋان، جانات تولقىن) 7-ايدىڭ 28-كۇنى ساعات 24كە دەيىن، شينجياڭدا (بيڭتۋاندى قامتيدى) 9121 ادام مەديتسينالىق باقىلاۋدا. جۋىقتان بەرى ءار كۇنى مەديتسينالىق باقىلاۋعا الىنعان ادامداردىڭ سانى ۇزدىكسىز وزگەرۋدە، 7-ايدىڭ 29-كۇنى ساعات 17دە اۆتونوميالى رايوندىق ۇكىمەت اقپارات كەڭسەسىنىڭ اقپار جاريالاۋ ماجىلىسىندە ءۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى ”مەديتسينالىق باقىلاۋ“ قاراتىلعان ادامدار توبىنا، سونداي-اق ماقساتى جونىندە كۇدىك-كۇماننان ارىلتتى.
جاڭ ۋيدىڭ تانىستىرۋىنشا، «جۇڭحۋا حالىق رەسپۋبليكاسىنىڭ جۇقپالى اۋرۋلاردان ساقتانۋ-ەمدەۋ زاڭى»ندا : ”جۇقپالى اۋرۋعا شالدىققاندار“ مەن ”جۇقپالى اۋرۋعا شالدىققان كۇمانى بارلار“مەن تىعىز جۋىسۋشىلار بەلگىلەنگەن ورىندا مەديتسينالىق باقىلاۋدا بولۋى نەمەسە باسقا ساقتانۋ شارالارىن قولدانۋى كەرەك دەپ انىق بەلگىلەنگەن.
جاڭ ۋي بىلاي دەدى: جۋىقتا، تۇتاس قالادا نۋكلەين قىشقىلىن اقىسىز تەكسەرۋ قىزمەتىن ورىستەتۋگە ساي، ءبىر ءبولىم دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلار انىقتالىپ شىقتى. پاتولوگيالىق تەكسەرۋ ارقىلى، دياگنوزى تۇراقتاندىرىلعاندار جانە اۋرۋ بەلگىسى جوق جۇعىمدالۋشىلارمەن تىعىز جۋىسۋشىلار مەديتسينالىق باقىلاۋعا الىنعان، بۇل اناعۇرلىم كوپ ادامنىڭ ىندەتپەن جۇعىمدالۋىنان ساقتانۋدىڭ ماڭىزدى شاراسى، ”تىعىز جۋىسۋشىلاردى مەديتسينالىق باقىلاۋعا الۋ — ءبىر ءتۇرلى قورعانۋ شاراسى، ماڭايداعى ادامداردى قورعايدى ءارى تىعىز جۋىسۋشىلاردىڭ وزىنە كوڭىل بولۋىنە جانە قورعاۋىنا بولادى“.
مەديتسينالىق باقىلاۋ دەپ بۇرىن جۇقپالى اۋرۋعا شالدىققاندار نەمەسە جۇقپالى اۋرۋعا شالدىعۋ كۇمانى بارلارمەن تىعىز جۋىسۋشىلار جۇقپالى اۋرۋدىڭ ەڭ ۇزاق جاسىرىن مەرزىمى بويىنشا اۋاشالاۋ شاراسىن قولدانۋ ايتىلادى. دەنساۋلىق جاعدايىن باقىلايدى. ەگەر جۇقپالى اۋرۋمەن جۇعىمدالعانى بايقالسا، دەرەۋ اۋاشالاپ ەمدەۋ شاراسىن قولدانۋ كەرەك، بۇل ادامدار ەرتە دياگنوز قويىپ ەمدەلىپ، قۇتقارىلسا، ساۋ دەنەلى ادامدارعا تارالۋىن ازايتۋعا جانە ساقتانۋعا بولادى، ىسكە قاتىستى ادامدار مەن باسقا قالا تۇرعىندارىنا دا پايدالى.
ىندەت مەزگىلىندە مەديتسينالىق باقىلاۋعا الىنعان ادامدار ءسوزسىز دياگنوزى تۇراقتاندىرىلعان نەمەسە اۋرۋ بەلگىسى جوق جۇعىمدالۋشىلار ەمەس، ءارى دياگنوزى تۇراقتاندىرىلعان ناۋقاسقا نەمەسە اۋرۋ بەلگىسى جوق جۇعىمدالۋشىعا وزگەرۋى ەكىتالاي، تەك ولار دياگنوزى تۇراقتاندىرىلعان ناۋقاستارمەن، اۋرۋعا شالدىعۋ كۇمانى بارلار نەمەسە اۋرۋ بەلگىسى جوق جۇعىمدالۋشىلارمەن جۋىسقان، جۇعىمدالۋ كۇمانى بارلار.
جاڭ ۋي بىلاي دەدى: مەديتسينالىق باقىلاۋ مەزگىلىندە، مەديتسينالىق باقىلاۋعا الىنعاندار باسقارۋعا بويسۇنىپ، ءوزىنىڭ كوڭىل-كۇيىن تەڭشەپ، ۇيقىنى قاندىرۋعا كەپىلدىك ەتىپ، ءوزىنىڭ اقاۋسىزدىعىنا باسا نازار اۋدارىپ، جايسىزدانسا دەركەزىندە مالىمدەپ، دەركەزىندە شيپاگەرگە كورىنۋى كەرەك؛ مەديتسينالىق باقىلاۋ مەزگىلى تولعاندا، ەگەر قالىپسىز جاعداي بولماسا، دەركەزىندە مەديتسينالىق باقىلاۋدى كۇشىنەن قالدىرادى.
