ساۋدا تور بەتى تەكشەلەرى مەن ”جەكەلىك مەديالاردىڭ“ زاڭعا، بەلگىلەمەگە قايشى ارەكەتتەرىن شوعىرلى جونگە سالۋ كەرەك
قوعامنىڭ اڭىسى كۇشتى بولعان ساۋدا تور بەتى تەكشەلەرى مەن ”جەكەلىك مەديالاردىڭ“ ينتەرنەتتىك تاراتۋ ٴتارتىبىن بىلىقتىرۋداعى كورنەكتى ماسەلەلەرگە قاراتا، مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسى 2020 ـ جىلى 7 - ايدىڭ 24 ـ كۇنىنەن باستاپ بۇكىل ەل كولەمىندە شوعىرلى رەتتەۋ - وڭاۋدى ورىستەتۋدى ۇيعاردى.
رەتتەۋ ـ وڭاۋ مەزگىلىندە، ماسەلەسى اۋىر ٴبىر توپ تور بەكەتى تەكشەلەرى زاڭ بويىنشا قاتاڭ تەكسەرىپ ٴبىر جايلى ەتىلەدى، اڭىس كۇشتى بولعان ٴبىر توپ بەلگىلەمەگە قايشى تەكشەلەر جابىلادى.
مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ جاۋاپتىسى 7 - ايدىڭ 23 - كۇنى اشىلعان ساۋدا تور بەكەتى تەكشەلەرى مەن”جەكەلىك مەديالارداعى“ كورنەكتى ماسەلەلەردى شوعىرلى رەتتەپ - وڭاپ، ينتەرنەتتىك تاراتۋ ٴتارتىبىن اناعۇرلىم جۇيەگە ٴتۇسىرۋدى ارناۋلى ورنالاستىرۋ ماجىلىسىندە بىلاي دەدى: ٴارقايسى تور بەكەت تەكشەلەرى مەن ”جەكەلىك مەديا“ تەكشەلەردە استە باق سىناۋ پسيحيكاسى جانە ”وتكەلدەن ٴوتۋ“ ويى بولماۋى، تۇلعالىق جاۋاپكەرشىلىكتى شىنايى اتقارىپ، ٴوزىن - ٴوزى تەكسەرۋدى، انىقتاۋدى ىشكەرىلەي ورىستەتىپ، ٴوز ارەكەتىن جۇيەگە ٴتۇسىرىپ، تەكشەنىڭ ەسەپ ٴنومىرىن ويداعىداي باسقارىپ، ينتەرنەتتىك تاراتۋ ٴتارتىبىن شىن مانىندە ويداعىداي قورعاۋ كەرەك.
جەر - جەردەگى ينتەرنەت حاۋىپسىزدىگى جانە ينفورماتسيالاندىرۋ تاراۋلارى ٴبىر تۇتاس ورنالاستىرۋ بويىنشا، قاتىستى تاراۋلارمەن بىرگە باقىلاۋ - جەتەكشىلىك ەتۋ، تەكسەرۋدى كۇشەيتىپ، ٴوزىن - ٴوزى تەكسەرۋ جان - جاقتىلى بولماعان، ٴوزىن - ٴوزى وڭاۋ تۇبەگەيلى بولماعان تور بەكەت تەكشەلەرىن زاڭ، بەلگىلەمەلەر بويىنشا ٴبىر جاقتى ەتىپ، كاسىپ سالاسىنداعى بىلىقپالىقتاردى وڭاپ، قوعام نازار اۋدارىپ وتىرعان ماسەلەلەرگە جاۋاپ قايتارىپ، اشىق (اقاۋسىز) ينتەرنەت كەڭىستىگىن قالىپتاستىرۋ كەرەك.
مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ تانىستىرۋىنا قاراعاندا، وسى رەتكى شوعىرلى رەتتەۋ - وڭاۋدا نازاردى ٴتۇيىندى 6 ۇلكەن مىندەتكە شوعىرلاندىرادى ەكەن: ٴبىرىنشى، ساۋدا تور بەكەتى تەكشەسى، قول تەلەفون تور شولعىشى، ”جەكەلىك مەديالاردىڭ“ ينتەرنەتتىك اقپارات ينفورماتسيالاردى بەلگىلەمەگە قايشى رەداكسيالاۋ، جاريالاۋ، بەلگىلەمەگە ۇيلەسپەيتىن ماقالا قاينارىن كوشىرىپ جاريالاۋ ماسەلەسىن شوعىرلى رەتتەۋ - وڭاۋ؛
ەكىنشى، جىلجىمالى قولدانىلمالى ساۋدا دۇكەندەرىنىڭ ىشىندەگى اقپارات تۇرىندەگى APPلەرىن تەكسەرىپ باسقارۋدى جۇيەگە ٴتۇسىرۋ؛
ٴۇشىنشى، الەۋمەتتىك قارىم ـ قاتىناس تەكشەلەرىنىڭ الەۋمەتتىك اۋماق ەرەجەسىن ورناتىپ، كەمەلدەندىرىپ، الەۋمەتتىك قارىم ـ قاتىناس تەكشەلەرىنىڭ اينالىمىن باسقارۋدى كۇشەيتۋ؛
ٴتورتىنشى، ساۋدا تور بەكەتى تەكشەلەرىنىڭ قولامتالى ماسەلەلەردى قاتارعا ٴتىزۋ جۇمىسىن باسقارۋدى جۇيەگە ٴتۇسىرۋ؛
بەسىنشى، جەلىدەگى ايگىلى ادامداردىڭ تالقى مىنبەسى، كەڭەس، لەكسيا، جىلدىق ٴماجىلىس، تالقى ٴماجىلىسى سياقتى ينتەرنەتتىك قيمىلدارعا قاتىناسۋىن باسقارۋدى كۇشەيتۋ، قاتىستى قيمىلداردى جەلىدە تىكە تاراتۋدى جۇيەگە ٴتۇسىرۋ؛
التىنشى، جىلجىمالى اقپارات كليەنتى مەن الەۋمەتتىك تەكشەلەردىڭ وڭ ەنەرگيا تاراتۋىن ساپالىلاندىرۋ، جاقسارتۋ.
التى جاقتاعى شوعىرلى رەتتەۋ - وڭاۋ ارقىلى ٴىشىنارا ساۋدا تور بەكەت تەكشەلەرى مەن ”جەكەلىك مەديالاردىڭ“ ساۋدا پايداسىنا سىڭار جاقتىلىقپەن بوي ۇرىپ، ”كوز الماسىن“ باۋراۋ ٴۇشىن قولامتالى تاقىرىپتاردى ۇگىتتەۋ، ينتەرنەتتىك اقپارات ينفورماتسيالارىن بەلگىلەمەگە قايشى رەداكسيالاۋ، تاراتۋ، جالعان حابار تاراتۋ، ”نازاردى تارتاتىن تاقىرىپ توبىمەن“ اينالىسۋ سياقتى ينتەرنەتتە تاراتۋدىڭ بىلىققان قۇبىلىسىن ٴتۇيىندى تۇردە شەشىپ، ينتەرنەتتىك تاراتۋ ٴتارتىبى كورنەكتى جاقسارتىلادى.
مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ جاۋاپتىسى بىلاي دەدى: وسى رەتكى شوعىرلى رەتتەۋ - وڭاۋدا مىناداي ٴۇش پرينسيپكە تاباندى بولۋ كەرەك:
ٴبىرىنشى، ٴتۇيىن مەن كولەمدى ۇشتاستىرۋ. ”تۇتاس جەلىدە ٴبىر ولشەم بولۋ“ ولشەمى بويىنشا، نازاردى ٴتۇيىندى وبيەكتىلەرگە شوعىرلاندىرۋمەن بىرگە، ٴتۇرلى تور بەكەتى تەكشەلەرىن ٴبىر ـ بىرلەپ تەكسەرۋ؛ ٴتۇيىندى ماسەلەلەردى شوعىرلى شەشۋمەن بىرگە، كاسىپورىنداردىڭ ٴوزىن - ٴوزى تەكسەرۋى، ينتەرنەتتە شارلاپ تەكسەرۋ، جۇمىس باسىندا تەكسەرۋ، اشكەرەلەۋدى قابىلداۋ بارىسىندا بايقالعان ٴتۇرلى ماسەلەلەردى رەتتەۋ ـ وڭاۋ كولەمىنە ەنگىزۋ.
ەكىنشى، ۇستىنەن وڭاۋ مەن تۇبىرىنەن وڭاۋدى قاتار جۇرگىزۋ. ينتەرنەت حاۋىپسىزدىگى جانە ينفورماتسيالاندىرۋ تاراۋلارى شوعىرلى رەتتەۋ - وڭاۋ نەگىزىندە، ۇستىنەن وڭاۋ ارقىلى تۇبىرىنەن وڭاۋدى جەبەپ، تۇبىرىنەن وڭاۋ ارقىلى ۇستىنەن وڭاۋدى بەكەمدەپ، نەگىز قالاۋدى، ۇزاق ۋاقىتتىق تيىمدىلىك جاساۋدى كوزدە ۇستاپ، قىزمەتتە ساقتالىپ وتىرعان ولقىلىقتار مەن جەتەرسىزدىكتەردى انىقتاپ، تۇبىرىنەن وڭاۋ شارالارىن جۇيەلى زەرتتەپ، باياندى مەحانيزم قالىپتاستىرۋدى ىلگەرىلەتۋ.
ٴۇشىنشى، تۇگەل كادەگە جاراتۋ. كورنەكتى ماسەلەلەردى رەتتەۋ - وڭاۋمەن بىرگە، ٴتۇرلى جەلى سۋبيەكتىلەرىنىڭ بەلسەندى رولىن ونان ارى ساۋلەلەندىرىپ، نەگىزگى اۋەندى اسقاقتاتىپ، وڭ ەنەرگيانى كەڭ كولەمدە تاراتىپ، ەكونوميكالىق، قوعامدىق دامۋعا تاماشا جەلىدەگى جۇرتشىلىق پىكىرى ورتاسىن جاراتۋ.
ورتالىق كوميتەت ۇگىت ٴبولىمى، ونەركاسىپ جانە ينفورماتسيالاندىرۋ مينيسترلىگى، قوعام حاۋىپسىزدىگى مينيسترلىگى، مادەنيەت جانە ساياحات مينيسترلىگى، راديو ـ تەلەۆيزيا باس مەكەمەسى سياقتى تاراۋلاردىڭ قاتىستى جاۋاپتى جولداستارى ارناۋلى ورنالاستىرۋ ماجىلىسىنە قاتىناستى. وسى رەتكى شوعىرلى رەتتەۋ - وڭاۋدا ماسەلەنى باعدار ەتۋگە جانە اشىق جونگە سالۋعا تاباندى بولىپ، رەتتەۋ ـ وڭاۋ كەزىندە توراپتاستاردىڭ اشكەرەلەۋىن، دەرەكپەن قامداۋىن قارسى الامىز (مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ زاڭعا قايشى جانە ناشار ينفورماتسيالاردى اشكەرەلەۋ ورتالىعىنىڭ تور ادرەسى: www.12377.cn). مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسى توراپكەرلەردىڭ دەرەكتەرىن زاڭ، بەلگىلەمەلەر بويىنشا تەكسەرىپ ٴبىر جاقتى ەتەدى نەمەسە قاتىستى تاراۋلاردىڭ ٴبىر جاقتى ەتۋىنە جولدايدى.
اۋدارعان: قادىر ماقان
