شينجياڭ گازەتىنىڭ جالپىلىق اقپارات قۇرالدارى تىلشىلەرى چاۋ جين، يۋان لەي 7 - ايدىڭ 28 - كۇنى ۇرىمجىدەن حابارلايدى. 7 - ايدىڭ 28 - كۇنى تۇستەن كەيىن ءۇرىمجى قالاسىندا جاڭا تيپتى ايدارشا ۆيرۋس وكپە قابىنۋ ىندەتىنە شالدىققان 6 ناۋقاس پەن اۋرۋ بەلگىسى جوق جۇعىمدالۋشى مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى ەمدەۋ - قۇتقارۋ ماماندارىنىڭ بىرلەسىپ دياگنوز قويىپ ساراپتاۋى ارقىلى مەملەكەتتىك دەنساۋلىق ساقتاۋ - سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋ ىندەتىنە شالدىقتى دەپ دياگنوزى تۇراقتاندىرىلعان ناۋقاستاردى اۋاشالاۋدان بوساتۋ جانە شيپاحانادان شىعارۋ ولشەمىنە ۇيلەسىپ، ساۋىعىپ شيپاحانادان شىقتى. بۇل وسى رەتكى ىندەتتە تۇڭعىش توپتا شيپاحانادان شىققان ناۋقاستار.
اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىن ەمدەۋ - قۇتقارۋ بەلىگىلەنگەن شيپاحانانىڭ ورىنباسار باستىعى لۋ چىن بىلاي دەپ تانىستىردى: دياگنوزى تۇراقتاندىرىلعان 6 ناۋقاس پەن اۋرۋ بەلگىسى جوق جۇعىمدالۋشى شيپاحاناعا كىرگەننەن كەيىن، مەملەكەتتىك جانە اۆتونوميالى رايوندىق ەمدەۋ - قۇتقارۋ ماماندار گرۋپپاسى عىلمي جەتەكشىلىك ەتىپ، ەمدەۋ - بەلىگىلەنگەن ارناۋلى شيپاحاناسى مەملەكەتتىڭ 7 - نۇسقاداعى جاڭا تيپتى ايدارشا ۆيرۋس وكپە قابىنۋ ىندەتىنە دياگنوز قويۋ - ەمدەۋ جوباسى بويىنشا، ءبىر تەكتىلەنگەن، ولشەمدەنگەن، جۇڭگوشا ەمدەۋ مەن باتىسشا ەمدەۋدى بىرگە قولدانىپ جالپى بەتتىك ەمدەۋ جۇرگىزىپ، ناۋقاستاردىڭ دەنساۋلىعىنىڭ قالپىنا كەلۋىن ءونىمدى جەبەدى. جوعارىداعى ناۋقاستار ماماندار گرۋپپاسى مەن ەمدەۋ - كۇتىمدەۋ قوسىنىنىڭ كۇش سالا قۇتقارۋ - ەمدەۋىندە، ىجداعاتپەن كۇتىمدەۋىندە ناۋقاس جاعدايى ۇزدىكسىز جاقسارىپ، ءۇرتىس 2 رەت، سونداي - اق 2 رەتتەن ارتىق تىنىس جولىنداعى ناۋقاس قوزدىرعىشتىڭ نۋكلەين قىشقىلىن تەكسەرۋ ناتيجەسى بولىمسىز بولعان، ءتۇرلى حيميالىق سارالاۋ كورسەتكىشتەرى، وكپە ۆيدەوگرافياسى، دەنە تەمپەراتۋراسى تۇگەل قالىپتى بولعان.
دياگنوزى تۇراقتاندىرىلعان 6 ناۋقاس پەن اۋرۋ بەلگىسى جوق جۇعىمدالۋشى اۆتونوميالى رايوندىق ەمدەۋ - قۇتقارۋ ماماندار گرۋپپاسىنىڭ ىشكەرىلەي باقىلاعاننان كەيىنگى ساراپتاۋى ارقىلى مەملەكەتتىك دەنساۋلىق ساقتاۋ - سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋ ىندەتىنە دياگنوز قويۋ - ەمدەۋ جوباسىنىڭ (سىناق رەتىندە اتقارىلاتىن 7 - نۇسقاداعى تۇزەتىلگەن نۇسقا)» دياگنوزى تۇراقتاندىرىلعان ناۋقاستاردى اۋاشالاۋدان بوساتۋ جانە شيپاحانادان شىعارۋ ولشەمىنە ۇيلەسىپ، ساۋىعىپ شيپاحانادان شىقتى.
