تيانشان تورىنىڭ حابارى (حابارىن جازىپ، سۋرەتىن تۇسىرگەن تىلشىلەر گو ليڭ، دوۋ شيڭجۇن، ين تۇڭيۋان، جانات تولقىن) 7-ايدىڭ 29-كۇنى ساعات 17دە، اۆتونوميالى رايوندىق ۇكىمەت اقپارات كەڭسەسى كەزەكتەگى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ودان ساقتانۋ - تىزگىندەۋ قىزمەتى جونىندە 12 - مايدان اقپار جاريالاۋ ٴماجىلىسىن اشتى ءارى تىلشىلەردىڭ سۇراۋىنا جاۋاپ بەردى.
ءۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى جاڭ ۋي بىلاي دەپ تانىستىردى: مەديتسينالىق باقىلاۋدى باسقارۋ قىزمەتىن ويداعىداي ىستەۋ ءۇشىن، ءۇرىمجى قالاسىنداعى ءارقايسى اۋاشالاۋ تۇيىندەرى ٴتۇرلى قىزمەت وتەۋدى قامتاماسىز ەتۋ قىزمەتىن بار كۇشپەن جاقسى ىستەپ ، ٴار كۇنى دەنساۋلىق تەكسەرۋ قىزمەتىن ورىستەتۋدە، بولمەنى زارارسىزداندىرۋدى جانە تازالاۋدى جاقسى ىستەۋمەن بىرگە، مەديتسينالىق باقىلاۋشىلاردىڭ تۇرمىسىن قامتاماسىزداندىرۋ ورەسىن ۇزدىكسىز جوعارىلاتتى. بۇگىننەن باستاپ، مەديتسينالىق باقىلاۋ تۇيىندەرىندەگى تاماق جەتكىزۋ قىزمەت وتەۋ ولشەمىن ءاربىر ادام كۇنىنە 50 يۋاننان 80 يۋانعا جوعارىلاتتى.
