ىندەتتەن ساقتانۋ - تىزگىندەۋ توسقاۋىل شايقاسىن باتىلدىقپەن ويداعىداي جۇرگىزۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 7 - ايدىڭ 28 - كۇنى ۇرىمجىدەن حابارلايدى. 7 - ايدىڭ 26 - كۇنى كەشتە اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى بەينە ەكران ءماجىلىسىن اشىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، ىندەتتەن ساقتانۋ - تىزگىندەۋ جاعدايىن اقىلداسىپ، تالداۋ جاساپ، ساقتانۋ - تىزگىندەۋ جاۋاپكەرشىلىگىن كۇشەيتىپ، مىندەت تۇيىندەرىن كورنەكتىلەندىرىپ، ءتۇرلى شارالاردى ناقتى، ەگجەي - تەگجەيلى، تىڭعىلىقتى تياناقتاندىرىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعادى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ءماجىلىستى باسقاردى ءارى ءسوز سويلەدى.
ءماجىلىس مىنالاردى باسا دارىپتەدى: وسى رەتكى ىندەت توسىن تۋىلدى، جاڭا تيپتى ايدارشا ۆيرۋستىڭ تارالعىشتىعى كۇشتى، تارالۋى تەز، سىرقات جاسىرىن، اۋرۋ بەلگىسى جوق جۇعىمدالۋشىلار كوپ، ىندەتتەن ساقتانۋ - تىزگىندەۋ جاعدايى توتەنشە كۇردەلى. سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ، جونگە سالۋ، دالمە - ءدال شارا قولدانۋ جالپى تالاپتارىن جالپى بەتتىك دايەكتىلەندىرىپ، بۇكىل شينجياڭنىڭ ءبىر تۇتاس جۇيە بولۋىنا، بيڭتۋان مەن جەرگىلىكتى ورىننىڭ ءبىر تۇتاس جۇيە بولۋىنا تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسىپ بىرلەسىپ ارەكەتتەنىپ، ناۋقاستاردى شوعىرلاندىرۋعا، مامانداردى شوعىرلاندىرۋعا، بايلىقتى شوعىرلاندىرۋعا، قۇتقارۋ - ەمدەۋدى شوعىرلاندىرۋعا تاباندى بولىپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شارالارىن قاتاڭ تياناقتاندىرىپ، ىندەتتەن ساقتانۋ - تىزگىندەۋ توسقاۋىل شايقاسىن باتىلدىقپەن ويداعىداي جۇرگىزۋ كەرەك.
ءماجىلىس مىنالاردى اتاپ كورسەتتى: ءۇرىمجى قالاسى ىندەتتەن ساقتانۋ - تىزگىندەۋدى كەزەكتەگى ەڭ ماڭىزدى، ەڭ شۇعىل قىزمەت ەتىپ، نۋكلەين قىشقىلىن تەكسەرۋ، ەپيدەميولوگيالىق تەكسەرۋ جانە ەمدەۋ - قۇتقارۋ تەبىنىن ارتتىرىپ، تەكسەرۋدەن قالىپ قويعانداردى تولىقتاپ تەكسەرۋدى جانە قايتا قاداعالاۋدى كۇشەيتىپ، تۇتاس بارىستىق باقىلاۋدى كۇشەيتىپ، ۇيىمدىق باسقارۋدى جاقسارتىپ، ونىمدىلىك پەن ساپانى شىن مانىندە جوعارىلاتۋ كەرەك. ينفورماتسيالانۋ دەڭگەيىن جوعارىلاتىپ، جاي - جاپساردىڭ انىق، سان - سيفردىڭ ءدال، جاعدايدىڭ ايقىن بولۋىنا شىنايى كەپىلدىك ەتىپ، ىندەتتەن ساقتانۋ - تىزگىندەۋدىڭ ونىمدىلىگى مەن دالدىگىن جوعارىلاتۋ كەرەك. الەۋمەتتىك اۋماقتىڭ ساقتانۋ - تىزگىندەۋ تورىن ءجيى، بەرىك توقىپ، گۋمانيتارلىق قامقورلىقتى جانە قىزمەت وتەۋ قامتاماسىزدىعىن كۇشەيتىپ، ەكىنشى رەتتىك جۇعىمدالۋدان باتىل ساقتانۋ كەرەك.
ءماجىلىس مىنالاردى باسا دارىپتەدى: كەزەكتەگىنى تياناق ەتىپ، كەلەشەككە كوز تاستاپ، شۇعىل جاعدايعا توتەپ بەرۋ جوباسىن كۇشەيتىپ، نۋكلەين قىشقىلىن تەكسەرۋ، ەپيدەميولوگيالىق تەكسەرۋ، ەمدەۋ - قۇتقارۋ قابىلەتى قۇرىلىسىن جالپى بەتتىك جوعارىلاتىپ، ىندەتتەن ساقتانۋ زاتتىق ماتەريال زاپاسىن كۇشەيتىپ، ىستەتىلمەسە دە دايىنداپ قويۋ، ىستەتەتىن كەزدە دايىندىقسىز قۇر الاقان وتىرماۋ كەرەك. ءۇرىمجى قالاسىن ءتۇيىن ەتكەن، بۇكىل رايون سايكەسىپ بىرگە ارەكەت ەتەتىن ىندەتتەن ساقتانۋ - تىزگىندەۋ جۇيەسىن قۇرىپ، ىندەتتەن ساقتانۋ - تىزگىندەۋدى ۇدايىلاندىرۋدى ءبىر تۇتاس جوسپارلاپ ويداعىداي يگەرىپ، ”سىرتتان كىرۋدەن ساقتانۋ، ىشتە تارالۋدان ساقتانۋ“ شارالارىن باستان - اياق بايىپتىلىقپەن تياناقتاندىرۋ كەرەك.
ءماجىلىس مىنالاردى اتاپ كورسەتتى: اۆتونوميالى رايوندىق پارتكومنىڭ باسشىلىعىنداعى باسشىلىق گرۋپپاسى، قولباسشىلىق شتابى ءتۇزىلىس - مەحانيزمىنە اۋىتقىماي تاباندى بولىپ، ولكە دارەجەلى باسشى كادرلاردىڭ بىرلەسىپ كوتەرمەگە الۋ جاۋاپكەرشىلىك تۇزىمىنە تاباندى بولىپ جانە ونى كەمەلدەندىرىپ، ”ءتورت جاقتىڭ“ جاۋاپكەرشىلىگىن ناقتىلاندىرىپ، قىزمەت ءتارتىبىن قاتايتىپ، قوعامدىق پىكىر جەتەكشىلىگىن كۇشەيتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ قوس جەڭىسىنە قۇلشىنا قول جەتكىزۋ كەرەك.
اۆتونوميالى رايوننىڭ باسشىلارى تيان ۋىن، لي يفي، ۋاڭ ميڭشان، ليۋ جيانشين، ۋان حايچۋان، ياڭ يۇڭ ماجىلىسكە قاتىناستى.
