شوكىرات زاكىر ءۇرىمجى قالاسىندا تەكسەرۋ - زەرتتەۋ جۇرگىزگەندە مىنالاردى باسا دارىپتەدى
ساقتانۋ - تىزگىندەۋ قىزمەتتەرىن مىقتى، ناقتى، ەگجەي - تەگجەيلى يگەرىپ، بۇقاراعا سۇيەنىپ، ىندەتتەن ساقتانۋ - تىزگىندەۋ حالىقتىق شايقاسىنىڭ جەڭىسىنە قول جەتكىزۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 7 - ايدىڭ 28 - كۇنى ۇرىمجىدەن حابارلايدى. 7 - ايدىڭ 28 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءۇرىمجى قالاسى سايباق رايونى بالوۋ الەۋمەتتىك اۋماعىنىڭ كۇنلۇن شاعىن اۋماعى مەن تيانشان رايونى رىگۋاڭ الەۋمەتتىك اۋماعىنىڭ رىگۋاڭ شاعىن اۋماعىندا ىندەتتەن ساقتانۋ - تىزگىندەۋ بويىنشا الەۋمەتتىك اۋماقتاردى جابىق باسقارۋ مەن بۇقارانى تۇرمىستىق زاتتىق ماتەريالدارمەن قامداۋدى قامتاماسىز ەتۋ قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: ىندەتتەن ساقتانۋ - تىزگىندەۋدى كەلەلى ساياسي جاۋاپكەرشىلىك ەتۋدەن جازباي، كورنەكتى ورىنعا قويىپ، ساقتانۋ - تىزگىندەۋ قىزمەتتەرىن تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، ىندەتتەن ساقتانۋ - تىزگىندەۋ توسقاۋىل شايقاسىن باتىلدىقپەن ويداعىداي جۇرگىزىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋ كەرەك.
كۇنلۇن شاعىن اۋماعى مەن رىگۋاڭ شاعىن اۋماعىندا شوكىرات زاكىر الەۋمەتتىك اۋماق كادرلارىمەن، الەۋمەتتىك اۋماق ەرىكتىلەرىمەن، قوجالىق باسقارۋ قىزمەت وتەۋشىلەرمەن شىنايى پىكىرلەستى. رىگۋاڭ الەۋمەتتىك اۋماعى پارتيا باس ياچەيكاسىنىڭ شۋجيى حان چيدىڭ ءۇيىنىڭ ءدال قارسىدا بولسا دا، ول قىزمەت ىستەيتىن رىگۋاڭ شاعىن اۋماعىمەن ءبىر كوشە ارقىلى ءبولىنىپ تۇرسا دا، ونىڭ جۇمىس ورنىنان تاپجىلماي، ۇيىندەگىلەرمەن دە كەزدەسە الماعانىن بىلگەندە، شوكىرات زاكىر بىلاي دەدى: الەۋمەتتىك اۋماق كادرلارى ىندەتتەن ساقتانۋ - تىزگىندەۋ، بۇقارانىڭ تۇرمىسىن قامتاماسىز ەتۋ ءۇشىن ماڭىزدى ۇلەس قوستى، قالىڭ الەۋمەتتىك اۋماق كادرلارىنان حال سۇرايمىن جانە ولارعا العىس ايتامىن. ول قالىڭ الەۋمەتتىك اۋماق كادرلارىنان باتىلدىقپەن جاۋاپكەرشىلىك ارقالايتىن، كەلەلى جاعدايمەن ساناساتىن، ۇلەس قوسۋعا پەيىل بولاتىن رۋحتى ۇزدىكسىز ساۋلەلەندىرىپ، ”ءتورت ەرتە بولۋ“ شاراسىن قاتاڭ تياناقتاندىرىپ، ىندەتتىڭ تارالۋىنان، ورشۋىنەن باتىل ساقتانىپ، ىندەتتەن ساقتانۋ - تىزگىندەۋگە تىڭ ۇلەس قوسۋلارىن ءۇمىت ەتتى.
شوكىرات زاكىر الەۋمەتتىك اۋماقتىڭ ىندەتتەن ساقتانۋ - تىزگىندەۋ بويىنشا جابىق باسقارۋ شارالارىن تياناقتاندىرۋ جانە بۇقارانى تۇرمىستىق زاتتىق ماتەريالدارمەن قامداۋ جاعدايىن، زات باعاسى جاعدايىن ەگجەي - تەگجەيلى سۇرادى. ول بىلاي دەپ باسا دارىپتەدى: الەۋمەتتىك اۋماقتا جابىق باسقارۋدى اتقارۋ − اۋرۋ قاينارىنىڭ الەۋمەتتىك اۋماقتىڭ ءىشى - سىرتىندا تارالۋىن ءونىمدى تۇردە تەجەيدى، ىندەتتەن ساقتانۋ - تىزگىندەۋ قىزمەتىن بۇلجىماستان ويداعىداي ىستەۋدىڭ تەتىگى − الەۋمەتتىك اۋماققا سۇيەنۋ. ءۇرىمجى قالاسىنىڭ ءارقايسى الەۋمەتتىك اۋماقتارى قاتاڭ ساقتانۋعا، قاتاڭ تىزگىندەۋگە تاباندى بولىپ، الەۋمەتتىك اۋماقتى جابىق باسقارۋ سىندى ساقتانۋ - تىزگىندەۋ شاراسىنىڭ تياناقتاندىرىلۋىن كۇشەيتىپ، سالعىرتسۋ يدەياسى مەن باق سىناۋ ويىن جويىپ، بارلىق الەۋمەتتىك اۋماقتى ىندەتتەن ساقتانۋ - تىزگىندەۋدىڭ بەرىك قامالىنا اينالدىرۋ كەرەك.
شوكىرات زاكىر تەكسەرۋ - زەرتتەۋ بارىسىندا بىلاي دەپ اتاپ كورسەتتى: الەۋمەتتىك اۋماقتى جابىق باسقارۋ بۇقارانىڭ تۇرمىسىنا قولايسىزدىق اكەلدى، الەۋمەتتىك اۋماق تىڭعىلىقتى باسقارۋ جۇرگىزىپ، زاتتىق ماتەريالدارمەن قامتاماسىز ەتۋدى ويداعىداي ىستەپ، كوكونىس، جەمىس، ەت، جۇمىرتقا، ءسۇت، استىق سياقتى تۇرعىنداردىڭ تۇرمىستىق قاجەتتى بۇيىمدارىن ءوندىرۋدى، قامتاماسىز ەتۋدى، قامداۋدى كۇشەيتىپ، بازاردا قامداۋدىڭ جەتكىلىكتى، باعانىڭ تۇراقتى بولۋىنا شىنايى كەپىلدىك ەتۋ كەرەك. قىزمەت وتەۋ تانىمىن كۇشەيتىپ، قىزمەت ستيلىنە بۇرىلىس جاساپ، بۇقارانى پسيحولوگيالىق جاقتان جەتەكتەۋدى كۇشەيتىپ، بۇقارانىڭ ىندەتتەن ساقتانۋ - تىزگىندەۋ شارالارىن تۇسىنۋىنە جانە قولداۋىنا قول جەتكىزىپ، قالىڭ بۇقاراعا تىعىز ارقا سۇيەپ، ىندەتتەن ساقتانۋ - تىزگىندەۋ سىندى وسى حالىقتىق شايقاستىڭ جەڭىسىنە قول جەتكىزۋ كەرەك.
شوكىرات زاكىر بىلاي دەپ اتاپ كورسەتتى: الەۋمەتتىك اۋماق ەرىكتىلەرى بۇقارا اراسىنان كەلگەن، بۇقاراعا قىزمەت وتەيدى، ىندەتتەن ساقتانۋ - تىزگىندەۋ بارىسىندا ەرەكشە ماڭىزدى رول اتقارۋدا. قالىڭ الەۋمەتتىك اۋماق ەرىكتىلەرىنىڭ بۇقارامەن بايلانىس ورناتۋ باسىمدىعىن ساۋلەلەندىرىپ، الەۋمەتتىك اۋماق كادرلارىمەن سەلبەسىپ، بۇقاراعا قىزمەت وتەۋ جانە بايلانىس جاساۋ قىزمەتىن ويداعىداي ىستەۋىن ءۇمىت ەتەمىن. اقپارات قۇرالدارى ءداستۇرلى اقپارات قۇرالدارى مەن جاڭا اقپارات قۇرالدارىنىڭ تاراتۋ تاسىلىنەن ويداعىداي پايدالانىپ، ىندەتتەن ساقتانۋ - تىزگىندەۋ بىلىمدەرى مەن شارالارىن دالمە - ءدال ۇگىتتەپ، ىندەتتەن ساقتانۋ - تىزگىندەۋ بارىسىنداعى اسەرلى اڭگىمەلەردى كەڭىنەن ۇگىتتەپ، قوعامدىق وڭ ەنەرگيانى اسقاقتاتىپ، تاماشا قوعامدىق پىكىر رايىن قالىپتاستىرۋى كەرەك.
شوكىرات زاكىر بىلاي دەپ باسا دارىپتەدى: قالىڭ كادرلار مەن بۇقارا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىندا، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنىڭ عىلمي جەتەكشىلىگىندە، بۇكىل رايونداعى ءار دارەجەلى كادرلاردىڭ تىعىز سەلبەسۋىندە، قالىڭ بۇقارانىڭ ءتۇسىنىپ قولداۋى مەن سايكەسۋىندە ءبىزدىڭ، ءسوز جوق، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزەتىندىگىمىزگە، ءسوزسىز، كامىل سەنۋى كەرەك.
