تيانشان تورى   ›   جاڭالىقتار   ›   شينجياڭ حابارلارى

كاسىپورىندارعا تيىمدىلىك جاساۋ ساياساتىنىڭ سەرپىنى بۇرىن بولماعان دارەجەدە كۇشەيدى، بازار تۇلعالارىنىڭ سەنىمى ەسەلەپ ارتتى

شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇيجاۋ، ەرىكتى ءتىلشى سۇڭ حۋامين

  بيىل جىل باسىنان بەرى، رايونىمىز سالىق پەن اقىنى ازايتۋ، وزىندىك قۇندى تومەندەتۋ، شەكتى مەرزىمىن كەشەۋىلدەتۋ، ساپالى قىزمەت وتەۋ سياقتى كاسىپورىندارعا تيىمدىلىك جاسايتىن ءبىر قىدىرۋ ساياساتتاردى شىعاردى، اتقاردى، وسى ساياساتتار جەرگىلىكتى ورىندارعا، نەگىزگى ساتىعا توتە جەتىپ، تىكەلەي كاسىپورىندارعا تيىمدىلىك جەتكىزىپ، حالىققا پايدا اكەلىپ، ءتۇرلى بازار تۇلعالارىنىڭ ىندەتتىڭ ىقپالىنا توتەپ بەرىپ، قالىپتى ءوندىرىستى، شارۋاشىلىقتى قالپىنا كەلتىرۋىنە جان - جاقتى، تەز، ءونىمدى تۇردە دەمەۋ بولدى. ءبىر قىدىرۋ ساياساتتىق شارالاردىڭ تياناقتانىپ ءونىم بەرۋى ءتۇرلى بازار تۇلعالارىنىڭ ومىرشەڭدىگىن قاۋلاتىپ، مەجەنى ءتىپتى جاقسى ورنىقتىرىپ، سەنىمدى سەرپىلتتى.

ساياسات جاعىنان كومەكتەسۋ، سۇيەمەلدەۋدى ”دالمە - ءدال تياناقتاندىردى“

  قول تەلەفون بانكەسىنەن كەلگەن قايتارىلعان اقشانىڭ ەسەپكە تۇسكەنى تۋرالى ينفورماتسيا حوتانداعى ءبىر سەرىكتەستىكتىڭ قازىنالىق جاۋاپتىسى سۇن حۇيليدى قاتتى قۋانتتى: ”قارجى تاپشىلىعى سەبەبىنەن، سەرىكتەستىك شيكىزات ساتىپ الۋ جانە ەڭبەكاقى تاراتۋ جاعىنان الاڭداپ كەلگەن ەدى، ويلاماعان جەردەن ءبىر ميلليون 300 مىڭ يۋاننان استام سالىقتان قايتقان سوما ەسەپكە ءتۇسىپ، قىسىلتاياڭ جاعدايىمىزدى شەشتى“.

  بيىل 3 - ايدا سۇن حۇيلي سالىقتان قايتقان سومانىڭ دەر كەزىندە ەسەپكە ءتۇسۋ - تۇسپەۋىنەن الاڭداعان ەدى، ىندەت ىقپالى سەبەبىنەن سەرىكتەستىكتىڭ ءوندىرىس شارۋاشىلىعى ءبىراز قيىنشىلىقتارعا تاپ بولىپ، قارجى ءبىر مەزگىل ىشىندە اينالىمعا تۇسپەي قالدى. ”ويلاماعان جەردەن سالىق تاراۋى مەنى ىرىقتىلىقپەن ىزدەپ كەلىپ، ماسەلەنى شەشۋىمىزگە كومەكتەستى“، - دەدى سۇن حۇيلي.

  بيىل جىل باسىنان بەرى، كاسىپورىنداردىڭ اۋىرتپالىعىن جەڭىلدەتۋ، دامۋعا قوزعاۋشى قۋات ۇستەۋدى ارقاۋ ەتە وتىرىپ، رايونىمىز كاسىپورىندارعا تيىمدىلىك جاسايتىن كوپتەگەن ساياساتتار شىعارىپ، سالىقتى ازايتىپ، اقىنى تومەندەتۋ، فينانستىق قولداۋ، بازارعا كىرۋ رۇقساتى سياقتى جاقتاردا كوپتەگەن شارانى قاتار جۇرگىزىپ، باعىتتامالى تۇردە كاسىپورىنداردىڭ قيىنشىلىعىن شەشتى.

  سالىقتى جەڭىلدەتۋ جاعىندا، رايونىمىزدىڭ سالىق تاراۋلارى 9 تارماقتى ناقتى تياناقتاندىرۋ پىكىرىن، كاسىپورىنداردىڭ جۇمىستى، ءوندىرىستى قالپىنا كەلتىرۋىن قولداۋ جونىندەگى 13 تارماقتى جانە 15 ءتۇرلى تيىمدىلىك جاساۋ ساياساتىن ىركەس - تىركەس شىعاردى ءارى بارلىعىن ناقتىلى تياناقتاندىردى. 1 - ايدان 4 - ايعا دەيىن بۇكىل رايوندا جاڭادان ارتقان سالىقتى ازايتىپ، اقىنى تومەندەتۋ مولشەرى جيىنى 3 ميلليارد 735 ميلليون يۋانعا جەتتى. اقىنى تومەندەتۋ جاعىندا، كاسىپورىنداردىڭ قوعامدىق قامسىزداندىرۋ اقىسىن كەزەڭدىك سيپاتتى جەڭىلدەتۋ، كەشىرىم ەتۋ، تۇرعىن ءۇي الەۋمەتتىك قورىن تاپسىرۋ ۋاقىتىن كەشىكتىرۋ، اقى الىناتىن تاس جولدا قاتىناۋ اقىسىن كەشىرىم ەتۋ، كاسىپورىنداردىڭ توك، گاز ىستەتۋ باعاسىن تومەندەتۋ سياقتى شارالار قولدانىپ، ءتۇرلى بازار تۇلعالارىنىڭ تيجارات شارۋاشىلىق قىسىمىن جەڭىلدەتتى؛ فينانستىق قولداۋ جاعىندا، شاعىن سومالى نەسيە بەرۋ، قارجى قۇراۋ كەپىلدىگى، قارجى قۇراۋ بويىنشا جالعا بەرۋ، كىرەۋگە قويۋ سياقتى جەرگىلىكتى تۇردەگى فينانس قۇرىلىمدارى رەفورماسىن تەرەڭدەتىپ، شاعىن، ۇساق كاسىپورىنداردىڭ قارجى قۇراۋىنىڭ قيىن بولۋ ماسەلەسىن شىن مانىندە شەشتى.

”ءبىر كاسىپورىنعا ءبىر شارا“ ارقىلى قيىنشىلىقتى شەشتى

  كاسىپورىندارعا تيىمدىلىك جاساۋ ساياساتى بولسا عانا جەتكىلىكتى بولمايدى، ساياسات پەن قىزمەت وتەۋدى كاسىپورىنداردىڭ شۇعىل قاجەت ەتكەن جەرلەرىنە جەتكىزۋ عانا ميلليونداعان ”ەكونوميكا كلەتكالارىن“ جانداندىرۋدىڭ تەتىگى بولىپ تابىلادى.

  تاياۋدا ءبىر جولعى ”بۇلتتىق تىكە تاراتۋ“ شينجياڭ كاڭرۇنجيە قورشاعان ورتانى قورعاۋ عىلىم - تەحنيكا جارنا شەكتى سەرىكتەستىگىنە ءۇمىت اكەلىپ، ساتۋ جاعىندا تىعىرىققا تىرەلگەن كاسىپورىننىڭ سەنىمدى قايتا تابۋىنا مۇمكىندىك جاسادى. وسى سەرىكتەستىكتىڭ بازار ءبولىمىنىڭ ديرەكتورى ۋان جيانيۇڭ بىلاي دەدى: ”ماركانىڭ اتاعىن اسپانداتىپ، اناعۇرلىم كوپ ينتەرنەت قولدانۋشىلاردىڭ شينجياڭنىڭ دا بيولوگيالىق ىدىرايتىن ماتەريال ونىمدەرىن وندىرە الاتىندىعىن بىلۋىنە مۇمكىندىك جاساۋدى ءۇمىت ەتۋ ءۇشىن، ءبىرىنشى رەت جاڭا ماتەريال ونىمدەرى جونىندە تىكە تاراتۋ جۇرگىزدىك“.

  كاسىپورىننىڭ تالابىنا مەڭزەس، قاتىستى تاراۋلار ماسەلەگە تىكە نازار سالىپ، زەيىن قويا، سۇيىسپەنشىلىكپەن كاسىپورىننىڭ قيىنشىلىعىن شەشتى، جاڭا ماتەريال ونىمدەرىن ينتەرنەت جەلىسىندە تىكە تاراتۋ قيمىلى مىنە وسىلايشا دۇنيەگە كەلىپ، كاسىپورىننىڭ ساتۋ قيىن بولۋ ماسەلەسىن شەشۋىنە كومەكتەستى.

  مۇنداي باعىتتامالى كومەكتەسۋ - سۇيەمەلدەۋ ءىسى تەك بۇل عانا ەمەس. كاسىپورىندارعا تيىمدىلىك جاساۋ ساياساتتارىنىڭ ونىمدىلىگىن ساۋلەلەندىرىپ، كاسىپورىنداردىڭ ءوندىرىس شارۋاشىلىعى جاعىنداعى قيىن ماسەلەلەرىن شىن مانىندە شەشۋ ءۇشىن، رايونىمىزداعى ءار دارەجەلى ورىندار، جەر - جەر اناعۇرلىم دالمە - ءدال كومەكتەسۋ، قىزمەت وتەۋدى ءتۇيىن ەتىپ، ءوز كاسىپ سالاسىندا جۇمىستى، ءوندىرىستى قالپىنا كەلتىرگەن كاسىپورىندارعا تۇرلەرگە ءبولىپ جەتەكشىلىك ەتىپ، ”بىرگە ءبىر كومەكتەسۋدى“، ”تۇيىننەن تۇيىنگە“ قىزمەت وتەۋدى جولعا قويىپ، كاسىپورىنداردىڭ قاتىستى ساياساتتىق قولداۋلارعا ءوتىنىش بەرۋىنە كومەكتەستى، كاسىپورىندارعا تيىمدىلىك جاساۋ، كاسىپورىنداردى سۇيەمەلدەۋ ساياساتتارىنان جاقسى پايدالانىپ، كاسىپورىنداردىڭ شيكىزات تاپشىلىعى، قارجى اينالىمىنىڭ قيىن بولۋى، ءوندىرىس تاسىمال وزىندىك قۇنىنىڭ جوعارى بولۋى سياقتى رەال ماسەلەلەردى شەشۋىنە كومەكتەستى.

  ”ءبىر كاسىپورىنعا ءبىر شارا“ قولدانۋعا تاباندى بولىپ، كاسىپورىندارعا تيىمدىلىك جاساۋ ساياساتىنىڭ تياناقتانىپ ءونىم كورسەتۋىندەگى ”ەڭ سوڭعى ءبىر كيلومەتر“ ماسەلەسىن ءونىمدى تۇردە شەشتى. رايونىمىز ۇزدىكسىز كۇش توپتاپ، ءتۇرلى بازار تۇلعالارىنىڭ دامۋ سەنىمىن كۇشەيتىپ، ەكونوميكانىڭ ومىرشەڭدىگىن تەز قالپىنا كەلتىرۋدە.

بازار تۇلعالارىنا ”ىرىق بەردى“، ”كەدەرگىلەردى ارىلتتى“

  7 - ايدىڭ 25 - كۇنى سانجى مەملەكەتتىك جوعارى جاڭا تەحنيكا كاسىپتەرىن اشۋ رايونى شينجياڭ حۇيتىڭ سۋلياۋ كاسىبى شەكتى جاۋاپكەرشىلىك سەرىكتەستىگىنىڭ نىسان قۇرىلىسى ورنىندا، قاتاڭ زارارسىزداندىرىلىپ، ميكروپسىزداندىرىلعان قازۋ ماشيناسى، قازىق قاعۋ ماشيناسى، شىڭاۋ ماشيناسى ءوز جۇمىس ورىندارىندا قاربالاس جۇمىس جۇرگىزۋدە، ولشەمدى 2 زاۆود ءۇيىنىڭ نەگىزگى تۇلعاسى تۇرعىزىلعان. وسى سەرىكتەستىكتىڭ القا باستىعى جوۋ پيشۋە بىلاي دەدى: ”ىندەتتىڭ ىقپالى الدىندا، باقشا رايونى ارنايى ىستەردى ارنايى بىتىرۋگە، شۇعىل ىستەردى شۇعىل بىتىرۋگە تاباندى بولىپ، 4 - ايدىڭ اياعىندا جۇمىس باستاۋ راسمياتتارىن تۇگەل ورىنداپ بولدى، سونداي - اق نىساندى ىلگەرىلەتۋ گرۋپپاسىن ۇيىمداستىرىپ، ءبىزدىڭ قۇرىلىس بارىسىندا جولىققان قيىنشىلىقتارىمىزدى شەشۋىمىزگە كومەكتەستى، سونىڭ ارقاسىندا راسىمدەۋ جۇمىستارى مەن نىسان قۇرىلىسىندا ەشقانداي بۇراڭ جول جۇرگەمىز جوق“.

  كاسىپورىندارعا بارىپ الاڭنان ارىلتىپ، قيىنشىلىقتارىن شەشىپ، كاسىپورىنداردىڭ قىسىمىن ءبولىپ كوتەرىپ، بازار تۇلعالارىنا ”ىرىق بەردى“، ”كەدەرگىلەردى ارىلتتى“. ىندەت ىقپالىنا قاراتا، رايونىمىز كوپتەپ ءادىس - امال قاراستىرىپ، جەر - جەر، تاراۋلار بەلسەنە قيمىلدادى.

  سالىق تاراۋلارى سالىق جۇمىستارىن بىتىرۋگە قىزمەت وتەۋ سەرپىنىن ۇزدىكسىز كۇشەيتىپ، ”ءبىر كاسىپورىنعا ءبىر شارا“ تالابىن تياناقتاندىرىپ، قيىنشىلىعى بارلاردىڭ سالىعىن جەڭىلدەتۋ، كەشىرۋ، سالىق اقىنى تاپسىرۋ ۋاقىتىن كەشىكتىرۋ، جولداۋ مەزگىلىن ۇزارتۋ سياقتى ساياساتتاردى تياناقتاندىرىپ، كاسىپورىندارعا ”جاسىل ارنا“ اشىپ، كاسىپورىنداردىڭ قيىن، بوگەتتى ماسەلەلەرىن شەشىپ، سالىق تاپسىرۋشى كاسىپورىنداردىڭ ءتيىمدى ساياساتتان تولىق يگىلىكتەنىپ، باياندى، اقاۋسىز دامۋىنا مۇمكىندىك جاسادى.

  ونەركاسىپ جانە ينفورماتسيالاندىرۋ تاراۋلارى بيىل جىل باسىنان بەرگى اۆتونوميالى رايون شىعارعان ورتا، شاعىن كاسىپورىنداردى قولداۋ جونىندەگى 16 تارماقتى ساياساتتىق شارا، ونەركاسىپتىڭ ورنىقتى ارتۋىن، سيفرلى ەكونوميكانىڭ دامۋىن جەبەۋ جونىندەگى 20 تارماقتى ساياساتتىق شارا، سونداي - اق جەكە ساۋدا - ونەركاسىپشىلەردى قولداۋ جونىندەگى 24 تارماقتى ساياسات سياقتىلاردىڭ دايەكتىلەندىرىلۋىن، تياناقتاندىرىلۋىن ۇزدىكسىز ويداعىداي يگەرىپ، ساياساتتىڭ ناقتى ءونىمىنىڭ كورىلۋىنە شىنايى كەپىلدىك ەتتى.

  فينانس تاراۋلارى باعىتتامالى تۇردە ولشەمدى تومەندەتۋ، قايتالاي قارىز اقشا بەرۋ سياقتى ساياساتتىق شارالار ارقىلى سەنىمدى قارىز قارجىسىن ناقتى ەكونوميكانىڭ، اسىرەسە، شاعىن، ۇساق كاسىپورىنداردىڭ دامۋىن قولداۋعا جەتەكتەدى.

  رەفورما پايداسىنىڭ ۇزدىكسىز جارىققا شىعۋىنا، كاسىپورىندارعا تيىمدىلىك جاساۋ ساياساتىنىڭ ناقتى، ەگجەي - تەگجەيلى تياناقتاندىرىلۋىنا بايلانىستى، رايونىمىزدا كاسىپورىنداردىڭ قارجى قوسۋ سەنىمى ۇزدىكسىز ارتىپ، بازار تۇلعالارىنىڭ ومىرشەڭدىگى ۇزدىكسىز جارىققا شىقتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • نىسان قۇرىلىسى تارتىپپەن ىلگەرىلەتىلدى
  • جىلىجاي سالدى
  • مايسا ورتالىعىنىڭ قۇرىلىسى قاۋىرت جۇرىلۋدە
  • شينجياڭنىڭ ەلەكترىن سىرتقا جەتكىزۋدى قامتاماسىز ەتتى
  • تاپجىلماۋ