تيانشان تورىنىڭ حابارى (تىلشىلەر گو ليڭ، دوۋ شيڭجۇن، ين تۇڭيۋان، جانات تولقىن) 7 - ايدىڭ 29 - كۇنى ساعات 17دە، اۆتونوميالى رايوندىق ۇكىمەت اقپارات كەڭسەسى كەزەكتەگى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ودان ساقتانۋ - تىزگىندەۋ قىزمەتى جونىندە 12 - مايدان اقپار جاريالاۋ ٴماجىلىسىن اشتى ءارى تىلشىلەردىڭ سۇراۋىنا جاۋاپ بەردى.
ءۇرىمجى قالالىق ساۋدا ىستەرى مەكەمەسىنىڭ (استىق مەكەمەسى) يان جۇننىڭ تانىستىرۋىنشا، 7-ايدىڭ 23-كۇنى، ءۇرىمجى قالاسىنىڭ《2020 - جىلعى ىندەتتەن ساقتانۋ جانە ونى تىزگىندەۋ مەزگىلىندە ەت ونىمدەرىن سالۋ جوباسىن》اتقارۋدى بەكىتتى ، ساۋدا تاراۋلارى ٴتۇرلى شارالاردى بەلسەنە قولدانىپ، كوكونىس، استىق، ماي، ەت قاتارلى تۇرمىستىق قاجەتتى بۇيىمداردىڭ بازاردى قامداۋىن قامتاماسىزداندىردى. قازىر، ءۇرىمجى قالاسىنىڭ ەت، كوكونىس، استىق، مايمەن قامداۋى جەتكىلىكتى، باعاسى ورنىقتى، قالىڭ قالا تۇرعىندارىنىڭ قاجەتىن قاناعاتتاندىرۋ ءۇشىن، ەت ونىمدەرىن بازارعا سالۋ تەبىنىن ونان ارى ارتتىردى.
7-ايدىڭ 29-كۇنىنەن 8-ايدىڭ 12-كۇنىنە دەيىن، تۇراقتى باعاداعى قوي، سيىردىڭ جاس ەتىن جالعاستى بازارعا سالادى، مەجەمەن 200 توننا قوي ەتىن، 150 توننا سيىر ەتىن سالادى، ”قالىڭ قالا تۇرعىندارىنىڭ تۇراقتى باعاداعى ەتتى الاڭسىز تۇتىنۋى ءۇشىن، ءبىز تولايىم باعادا ساتىپ الىپ، قوسىمشا قاراجات بەرىلگەننەن كەيىنگى باعا بويىنشا بازارعا سالامىز“،-دەدى يان جۇن.
تانىستىرۋعا قاراعاندا، جاس ەتتىڭ ورتاشا باعاسى 60 يۋان/كيلوگرام، بۇنىڭ ىشىندە، قويدىڭ قول ەتى مەن مويىن ەتى 60 يۋان/كيلوگرام ، سان ەتى مەن بەلدەمەسى 65 يۋان/كيلوگرام، قويدىڭ قابىرعاسى 55 يۋان/كيلوگرام. سيىردىڭ جاس ەتىنىڭ بازاعا سالىنعان (سۇيەگى سىلىنعان ەت) تۇراقتى باعاسى 66 يۋان/كيلوگرام، بۇنىڭ ىشىندە، سيردىڭ سان ەتى 69 يۋان/كيلوگرام، سيىردىڭ سۇبەسى 63يۋان/كيلوگرام.
بۇدان سىرت 7-ايدىڭ 24-كۇنىنەن باستاپ، ءۇرتىس 20 كۇن شوشقانىڭ توڭازىتىلعان تۇتاس ەتى، تاۋىقتىڭ توڭازىتىلعان تۇتاس ەتىن بازارعا سالادى، مەجەمەن شوشقا ەتىنەن 100 توننا بازارعا سالادى، بازارعا سالۋ باعاسى 35 يۋان/كيلوگرام؛ تاۋىق ەتىنەن 100 توننا بازارعا سالادى، بازارعا سالۋ باعاسى 11 يۋان/كيلوگرام.
”تۇراقتى باعاداعى ەتتەن ءار ادام كۇنىنە 5 كيلوگرامنان ارتىق الۋىنا بولمايدى، تومەن تۇرمىستى قامتاماسىزداندىرۋ كۋالىگى، قامقورلىق كۋالىگى، مۇگەدەكتىك كۋالىگى بارلار الدىمەن ساتىپ الادى“،-دەدى يان جۇن.
بۇل رەتكى تۇراقتى باعالى ەتتى ٴارقايسى رايون ( اۋدان ) ٴىس جۇزىندىك جاعدايعا نەگىزدەلىپ ، سايكەستى قىزمەت جوباسىن جاساپ ، تاراتۋ تۇيىندەرى مەن تاراتۋ مولشەرىن بەلگىلەۋ كەرەك . الەۋمەتتىك اۋماق تىكەلەي ساتۋ تۇيىندەرىنە نەمەسە ارناۋلى ساتۋ دۇكەندەرىنە بەلگىلەنگەن ۋاقىت ىشىندە الەۋمەتتىك اۋماقتارعا جەتكىزىپ بەرەدى نەمەسە الەۋمەتتىك اۋماقتاردان تىكەلەي ساتۋ تۇيىندەرىنە نەمەسە ارناۋلى ساتۋ دۇكەندەرىنە زات الىپ ، قاراستى رايونداعى تۇرعىنداردى جەتكىزىپ بەرەدى .
