تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ جەر - جەرى زات قاينارىن بەلسەنە ۇيىمداستىرىپ، حالىق تۇرمىسىنا قاجەتتى زاتپەن قامداۋدى قامتاماسىز ەتتى

  تيانشان تورىنىڭ حابارى (ءتىلشى يۇي جياڭيان حابارلايدى). مەرەكە كەزىندەگى بازاردى قامداۋعا كەپىلدىك ەتۋ ءۇشىن، شينجياڭنىڭ جەر - جەرىندەگى اۋىل شارۋاشىلىق ساۋدا بازارى، ەرەن بازار، قولايلى دۇكەن سياقتى ورىندار زات قاينارىن بەلسەنە ۇيىمداستىرىپ، ءتۇرلى تاۋارلارمەن قامدادى.

ءۇرىمجى قالاسىندا ەت، كوكونىسپەن قامداۋ جەتكىلىكتى، باعاسى ورنىقتى بولىپ، ۇيىنە دەيىن جەتكىزىپ بەردى

  7 - ايدىڭ 29 - كۇنى تۇستەن بۇرىن، ءۇرىمجى قالاسى باييۇنشاڭدۋ شاعىن اۋماعىنىڭ تۇرعىنى پۋ يۋانسۇڭ ۋيشين ارقىلى الەۋمەتتىك اۋماق كادرىنە تاپسىرىس بەرىپ، ەكى قالتا زاپاس ەت الدىردى. ”جاستار وڭتۇستىك جولى الەۋمەتتىك اۋماعىنىڭ وتباسىلارىن كوتەرەگە العان كادر ادىل قۇربان ەرىكتىلەردى ۇيىمداستىرىپ، ەتتى تۇرعىنداردىڭ ۇيىنە دەيىن جەتكىزىپ بەردى، بارلىعى قوي، سيىردىڭ جاس ەتى“،-دەدى پۋ يۋانسۇڭ قۋانىشپەن، ”ۇيدەن شىعۋدىڭ قاجەتى جوق، ۇيگە دەيىن جەتكىزىپ بەرەدى، باعاسى دا ارزان“.

  ءتىلشىنىڭ ءۇرىمجى قالالىق ساۋدا مەكەمەسىنەن (استىق مەكەمەسى) ۇعىسۋىنشا، ءۇرىمجى قالاسى كوپ ءتۇرلى شارا قولدانىپ، كوكونىس، استىق، ماي، ەت قاتارلى تۇرمىستىق قاجەتتى بۇيىمداردىڭ مەرەكە كەزىندەگى بازارداعى قامداۋىن قامتاماسىزداندىردى. قازىر، بازارداعى ەت، كوكونىس، استىق، مايدىڭ قامدالۋى جەتكىلىكتى، باعاسى ورنىقتى. مەرەكە مەزگىلىندە قالىڭ قالا تۇرعىندارىنىڭ قاجەتىن قاناعاتتاندىرۋ ءۇشىن، جۋىقتا ەت تەكتەس تاۋارلاردىڭ بازارعا سالىنۋ تەبىنىن ونان ارى ارتتىردى. 7 - ايدىڭ 29 - كۇنىنەن 8 - ايدىڭ 12 - كۇنىنە دەيىن، قوي، سيىردىڭ جاس ەتىن ۇزدىكسىز بازارعا سالادى، تولايىم باعادا الىپ، قوسىمشا قاراجات بەرىلگەننەن كەيىنگى باعادا بازارعا سالادى. الەۋمەتتىك اۋماق تىكە ساتۋ ورىندارى نەمەسە ارناۋلى دۇكەندەردى بەلگىلەنگەن ۋاقىتتا شاعىن اۋماقتا تاراتۋعا ۇيىمداستىرادى نەمەسە الەۋمەتتىك اۋماق ءبىر تۇتاس تىكە تاراتۋ تۇيىندەرىنەن نەمەسە ارناۋلى دۇكەندەرىنەن الىپ قاراستى اۋماقتاعى تۇرعىنداعا جەتكىزىپ بەرەدى.

  ءۇرىمجى قالاسى تيانشان رايونى سۇيچۋان جولى اۋماعىن باسقارۋ كوميتەتى جاستار وڭتۇستىك جولى الەۋمەتتىك اۋماعى قوي، سيىر ەتىن تىكە ساتۋ ورنىندا زاپاس قوي، سيىر ەتىن بولۋدە. سۋرەتتى ياڭ گۋاڭ تۇسىرگەن

  مەرەكە كەزىندەگى بازاردىڭ تۇتىنۋ قاجەتىن قاناعاتتاندىرۋ ٴۇشىن، جۋىقتا شينليان اۋىل شارۋاشىلىق قوسىمشا ونىمدەرى ۋنيۆەرسال بازارى زات قاينارىن ۇيىمداستىرۋ تەبىنىن ارتتىرىپ، كورلا، اننيڭچۇي، سانپيڭ اۋىل شارۋاشىلىق الاڭى قاتارلى جەرلەردەن كوپ مولشەردە كوكونىس كىرگىزدى، 7 - ايدىڭ 29 - كۇنى كوكونىس ساۋدا مولشەرى 2000 تونناعا جەتتى، الدىڭعى ءتورت، بەس كۇندەگىدەن 6 - 7 ءجۇز توننا ارتتى. ”كوكونىستەن سىرت، ءبىز تاعى سيىر، قوي، تاۋىق ەتى، جەمىس - جيدەكتەردى بازارعا سالۋعا بەلسەنە ۇيىمداستىردىق، 7 - ايدىڭ 29 - كۇنى 180 باس سيىردىڭ ەتىن، 3000 تۇياق قويدىڭ ەتىن، 10 مىڭ تاۋىقتىڭ ەتىن ساتتىق. جەمىس - جيدەكتىڭ ساۋدا مولشەرى 400 توننا اينالاسىندا، نەگىزىنەن قاۋىن، قاربىز“،-دەدى شينليان اۋىل شارۋاشىلىق قوسىمشا ونىمدەرى ۋنيۆەرسال بازارىنىڭ باس ديرەكتورى چياۋ چاڭفىڭ.

  شينجياڭ تيانشان حۋاڭنيۋ ەگىن، مال شارۋاشىلىعى عىلىم - تەحنيكا اشۋ شەكتى سەرىكتەستىگى جۋىقتان بەرى قوي، سيىردىڭ سويىس مولشەرىن ارتتىردى، 7 - ايدىڭ 29 - كۇنى 80 توننا قوي، سيىر ەتىن تولايىم باعادا ساتتى، الدىڭعى ەكى كۇندەگىدەن 20 توننا ارتتى. ”ءبىز سويعان سيىر، قوي ەتىنىڭ مولشەرمەن %70ى شينليان اۋىل شارۋاشىلىق قوسىمشا ونىمدەرى ۋنيۆەرسال بازارىنا تولايىم باعادا ساتىلادى، قالعانى سيىر، قوي ەتىن تىكە ساتۋ دۇكەندەرىنە، شاعىن اۋماقتىڭ ەت دۇكەندەرى قاتارلىلارعا ساتىلادى، ءارقايسى الەۋمەتتىك اۋماق تۇرعىندارى وتباسىن كوتەرەگە العان كادرلار ارقىلى سيىر، قوي ەتىن الۋىنا بولادى، ەرىكتىلەر ۇيىنە جەتكىزىپ بەرەدى“،-دەدى شينجياڭ تيانشان حۋاڭنيۋ ەگىن، مال شارۋاشىلىق عىلىم - تەحنيكا اشۋ شەكتى سەرىكتەستىگىنىڭ باس ديرەكتورى ۋ شيانگۋاڭ.

شينجياڭداعى ءارقايسى ايماق، وبلىس، قالالار زات قاينارىن بەلسەنە ۇيىمداستىردى، باعا ورنىقتى بولدى

  مەرەكەلىك بازاردىڭ جەتكىلىكتى قامداۋىن قامتاماسىزداندىرۋمەن بىرگە، ىلە قازاق اۆتونوميالى وبلىسى، اقسۋ ايماعى، قارامايلى قالاسى قاتارلى جەرلەر شارا قولدانىپ، حالىق تۇرمىسى تاۋارلارىنىڭ باعاسىن ورنىقتىردى.

  زاڭ اتقارۋ قىزمەتكەرلەرى بازاردى تەكسەرۋدە. سۋرەتتى «ىلە گازەتىنىڭ» ءتىلشىسى لي يافىڭ تۇسىرگەن

  ءتىلشىنىڭ ىلە قازاق اۆتونوميالى وبلىستىق بازار باقىلاۋ - باسقاۋ مەكەمەسىنەن ۇعىسۋىنشا، ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، ىلە وبلىسى بازاردىڭ ساتىپ الۋ، جوتكەۋ، زاپاس ساقتاۋ، ساتۋ جولدارىن ىركىلىسسىزدەندىرىپ، زاتتىق ماتەريالدارمەن قامداۋدىڭ مول بولۋىن بار كۇشپەن قامتاماسىزداندىرىپ، بازاردىڭ ورنىقتى بولۋىنا، زات باعاسىنىڭ تۇراقتى بولۋىنا كەپىلدىك ەتىپ، حالىق بۇقاراسىنىڭ ”كوجە قاتىعىن“، ”استىعىن“ بار كۇشپەن قورعادى. قۇلجا شەكارا ەكونوميكالىق سەلبەستىك رايونى جياشياڭحاۋ ەرەن بازارى شينحۋا دۇكەنى جەلىدە تاپسىرىس بەرىپ، جەتكىزىپ بەرۋ ءتاسىلىن قولدانىپ، ”جۋىسپاۋ“ جولىمەن تاۋاردى تۇرعىنداردىڭ ۇيىنە جەتكىزىپ بەرىپ، باعانى جوعارىلاتپاۋعا ۋادە بەردى.

  قارامايلى بازارىنىڭ قامداۋى جەتكىلىكتى، باعاسى ورنىقتى. سۋرەتتى قارامايلى گازەتىنىڭ ءتىلشىسى مين يۇڭ تۇسىرگەن

  مەرەكەلىك بازاردىڭ قامداۋىن قامتاماسىزداندىرۋ ٴۇشىن، قارامايلى بازارى زات قاينارىن بەلسەنە ۇيىمداستىردى. كوكونىس، ەت، جەمىس - جيدەك قاتارلىلاردىڭ زاپاس قورى جەتكىلىكتى. ”ءبىزدىڭ كەيبىر جەمىستەر شاندۇڭ، حىنان قاتارلى جەرلەردەن كىرگىزىلەدى، كەيبىرى جەرگىلىكتى بازاردان كىرگىزىلەدى، زاتپەن قامداۋ ساۋداگەرلەرى باعانىڭ تولقۋىن قالىپتى كولەمدە مەڭگەرەدى، سونىمەن بىرگە ٴبىز ساۋداگەردىڭ باعاسىن ورنىقتىرۋىن تالاپ ەتەمىز“،-دەدى قارامايلى حۇيجياشىداي بازارى تيجارات اينالىمىنىڭ ورىنباسار ديرەكتورى نيۋ يوۋپيڭ.

  ءتىلشىنىڭ اقسۋ ايماقتىڭ ساۋدا مەكەمەسىنەن ۇعىسۋىنشا، ايماق ءار كۇنى ساۋدا، ەرەن بازار، اۋىل شارۋاشىلىق ساۋدا بازارىنىڭ زات ەنگىزۋ - ساتۋ مولشەرى مەن ساقتالعان زاتتىڭ جاعدايىنا اۋقىمدىق باقىلاۋ - تەكسەرۋ جۇرگىزەدى ءارى ساۋدا بازارى جانە ەرەن بازارلارعا قىزمەتكەر جىبەرىپ اۋىس - كۇيىس جاساپ، قامداۋ ارناسىنىڭ ىركىلىسسىزدەنۋىن قامتاماسىزداندىردى، قازىر، ايماقتىڭ زاپاس زاتى جەتكىلىكتى، تۇرمىستىق زاتپەن قامداۋ قامتاماسىزداندىرىلدى. اقسۋ اۋىل شارۋاشىلىق قوسىمشا ونىمدەرى ساۋدا ورتالىعىنىڭ جەمىس، كوكونىس ءتۇرى تولىق، 7 - ايدىڭ 28 - كۇنى، ساۋداگەر جيا جۇنتيڭ ەرتەمەن بازارعا كەلدى، ”كوكونىستىڭ باعاسىندا بۇرىنعىمەن سالىستىرعاندا ەشقانداي وزگەرىس جوق“،- دەدى ول.

  كورلا قالالىق حالىق ۇكىمەتى 7 - ايدىڭ 27 - كۇنىنەن 29 - كۇنىنە دەيىن بازارعا زاپاس ەت سالدى. ”بۇگىن قويدىڭ سانىن، ءبىر كيلو جۇمىرتقا، ءبىر قالتا ۇن، تاعى ءبىراز كوكونىس، جەمىس الدىم. ۇيگە قايتقاننان كەيىن ساڭزى سالىپ، وتباسىمىزداعىلارمەن بىرگە مەرەكە وتكىزەمىز، وتباسىلارىن ارالامايمىز، دوس - جاراندارعا ۋيشيندا تىلەك جولدايمىن“،-دەدى كورلا قالاسىنىڭ تۇرعىنى راۋشانگۇل قاسىم.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.