تيانشان تورى
تيانشان تورى   ›   جاڭالىقتار   ›   ءۇرىمجى

ٴۇرىمجى قالالىق اۋرۋدىڭ الدىن الۋ - تىزگىندەۋ ورتالىعى: وتباسى تازالىق بولمەسىندەگى كۇندەلىكتى تازالىق، زارارسىزداندىرۋدا مىنا 6 تۇيىنگە كوڭىل ٴبولۋ كەرەك

  تيانشان تورىنىڭ حابارى. (تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن ۇرىمجىدەن حابارلايدى) 7 - ايدىڭ 30 - كۇنى ساعات 17تە، اۆتونوميالى رايوندىق ۇكىمەت اقپارات كەڭسەسى كەزەكتەگى ءۇرىمجى قالاسىنىڭ جاڭا تيپتى ايدارشا ۆيروس وكپە قابىنۋ ىندەتى جانە ودان ساقتانۋ - تىزگىندەۋ قىزمەتى جونىندە 13 ـ مايدان اقپار جاريالاۋ ٴماجىلىسىن وتكىزدى. ٴۇرىمجى قالالىق اۋرۋدىڭ الدىن الۋ - تىزگىندەۋ ورتالىعىنىڭ مەڭگەرۋشىسى رۇي باۋليڭ ىندەتتەن ساقتانۋ - تىزگىندەۋ مەزگىلىندەگى وتباسى تازالىعى جانە زارارسىزداندىرۋدا كوڭىل بولۋگە ٴتيىستى ىستەردى تانىستىردى.

  رۇي باۋليڭ تانىستىرىپ بىلاي دەدى: جاڭا تيپتى ايدارشا ۆيرۋس نەگىزىنەن، جاقىن ارالىقتا تىنىس الۋ جولىنان شىققان تۇكىرىك شاشىراندىلارىنان جانە جاقىن جۋىسۋدان تارالادى. ەگەر وتباسىندا جاڭا تيپتى ايدارشا ۆيرۋس وكپە قابىنۋ ىندەتىنىڭ دياگنوزى تۇراقتاندىرىلعان ناۋقاس، اۋرۋ بەلگىسى جوق جۇعىمدالۋشى نەمەسە جاقىن جۋىسۋشى بولماسا، تازالىق بولمەسىن ەرەكشە زاراسىزداندىرىپ تازالاۋدىڭ قاجەتى جوق، كۇندەلىكتى تازالىقتى جاقسى ىستەسە بولعانى.

  كۇندەلىكتى وتباسى تازالىق بولمەسىن تازالاۋ، زارارسىزداندىرۋدا تومەندەگى بىرنەشە ءتۇيىندى جاقسى ىستەۋ كەرەك:

  ءبىرىنشى، تازالىق بولمەسىنىڭ اۋاسىن الماستىرىپ تۇرۋ، ءار كۇنى ءۇش رەت، ءار رەتتە 30 مينۋت اۋا الماستىرۋ.

  ەكىنشى، تازالىق بولمەسىنىڭ تازالىعىن جاقسى ۇستاۋ، قوقسىعىن ۋاعىندا شىعارىپ، جەرگە سۋ جيىلىپ قالۋدان ساقتانۋ.

  ءۇشىنشى، قول جوۋ ادەتىن قالىپتاستىرۋ، تازالىق بولمەسىنە ەڭ جاقسىسى قول جوۋ سۇيىقتىعىن قويۋ؛ دارەت شەلەك سياقتى قۇرىلعىلاردى پايدالانعاننان كەيىن، ”جەتى باسقىش بويىنشا قول جۋۋ“ نەمەسە قولدى تەز قۇرعاتقىش ارقىلى زارارسىزداندىرۋ.

  ءتورتىنشى، ىندەت مەزگىلدە، تازالىق بولمەسىن ەرەكشە جاعدايدا زارارسىزداندىرۋ قاجەت بولسا، قولمەن ۇنەمى جاناساتىن زاتتاردىڭ بەتىن نەگىز ەتىپ زارارسىزداندىرۋ كەرەك. مىسالى، ەسىك تۇتقاسى، سۋ شۇمەگى، سۋ ىعىستىرۋ كنوپكاسى قاتارلىلاردى 100 m g / L دەگى حلورلى زارارسىزداندىرۋ سۇيىقتىعىمەن ءسۇرتىپ زارارسىزداندىرۋ.

  بەسىنشى، وتباسىنداعى جەر سۇرتكىش جانە سۇرتكىش سياقتى تازالىق بۇيىمدارى تازا، قۇرعاق بولۋ.

  التىنشى، سۋ اعاردى بەلگىلى مەرزىمدە تازالاپ تۇرۋ كەرەك. سۋ اعار لاس سۋ ىعىستىرۋ تۇتىگىمەن جالعاسادى، سونداي - اق باكتەريالار مەن ۆيرۋستاردى وڭاي جاسىراتىن جەر. مەرزىم بويىنشا زارارسىزداندىرۋ سۇيىقتىعىمەن زارارسىزداندىرۋ.

  رۇي باۋليڭ مىنانى ەسكەرتتى: زارارسىزداندىرعىشتىڭ بەلگىلى دارەجەدە تىتىركەندىرگىشتىگى بار، شەكتەن اسىرىپ، بەتالدى پايدالانۋعا بولمايدى. وتباسىن زارارسىزداندىرعان كەزدە، جەكە باسىندىق قورعانۋدى جاقسى ىستەپ، ماسكى، باس كيىم، قولقاپ كيۋ كەرەك، كوزگە شاشىراۋدان ساقتانۋ، زارارسىزداندىرۋ رولىن اتقارۋ ۋاقىتىنا جەتكەننەن كەيىن، دەر كەزىندە تازا سۋمەن ٴسۇرتىپ، زاتتىڭ بۇلىنۋىنەن ساقتانۋ كەرەك. كوڭىل بولۋگە ٴتيىستىسى، 84 زارارسىزداندىرۋ سۇيىقتىعىنىڭ اۋەلگى ەرىتىندىسىن تىكەلەي ىستەتۋگە بولمايدى، سۇيىتىلعان سوڭ پايدالانۋ كەرەك.

  رۇي باۋليڭ قالىڭ قالا تۇرعىندارىنا مىنانى ەرەكشە ەسكەرتتى: الەۋمەتتىك اۋماق ٴاربىر وتباسىنا تاراتقان حلورلى زارارسىزداندىرۋ تابلەتكاسى سىرتقى ورتانى زارارسىزداندىرۋعا ىستەتىلەدى. الەۋمەتتىك اۋماقتىڭ ٴبىر تۇتاس ەسكەرتۋى بويىنشا ىستەتۋ كەرەك، ىشۋگە، جەۋگە استە بولمايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.