تيانشان تورىنىڭ حابارى. (تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن ۇرىمجىدەن حابارلايدى.) 7 - ايدىڭ 29 - كۇنى ساعات 17دە، اۆتونوميالى رايوندىق ۇكىمەت اقپارات كەڭسەسى كەزەكتەگى ءۇرىمجى قالاسىنىڭ جاڭا تيپتى ايدارشا ۆيروس وكپە قابىنۋ ىندەتى جانە ودان ساقتانۋ - تىزگىندەۋ قىزمەتى جونىندە 12 - مايدان اقپار جاريالاۋ ءماجىلىسىن اشتى ءارى تىلشىلەردىڭ سۇراۋىنا جاۋاپ بەردى.
ٴۇرىمجى قالالىق ساۋدا مەكەمەسىنىڭ (استىق مەكەمەسى) باستىعى يان جۇن تانىستىرىپ بىلاي دەدى: 7 - ايدىڭ 23 - كۇنى، ٴۇرىمجى قالاسى «2020 ـ جىلعى ىندەتتەن ساقتانۋ - تىزگىندەۋ مەزگىلىندەگى ەت ونىمدەرىن بازارعا سالۋ جوباسىن» اتقارۋدى بەكىتتى. ساۋدا تاراۋلارى ءتۇرلى شارالاردى بەلسەنە قولدانىپ، كوكونىس، استىق، ماي، ەت ونىمدەرىمەن بازاردى قامداۋدى قامتاماسىزداندىردى. قازىر ٴۇرىمجى قالاسى بازارىنداعى ەت، ماي، كوكونىسپەن قامداۋ جەتكىلىكتى، باعاسى تۇراقتى، قالىڭ قالا تۇرعىندارىنىڭ قاجەتىن قاناعاتتاندىرۋ ٴۇشىن، ءبىز ەت ونىمدەرىنىڭ بازارعا سالىنۋىن بار كۇشپەن ىلگەرىلەتتىك.
7 - ايدىڭ 29 - كۇنىنەن 8 - ايدىڭ 12 - كۇنىنە دەيىن، سيىر، قوي جاس ەتىن تۇراقتى باعادا بازارعا سالىنادى، مولشەرمەن 200 توننا قوي ەتى، 150 توننا سيىر ەتى بازارعا سالىنادى ەكەن. ”قالىڭ قالا تۇرعىندارىنىڭ قالىپتى باعادا الاڭسىز ەت تۇتىنۋىن قامتاماسىز ەتۋ ءۇشىن، ءبىز تولايىم باعا بويىنشا ساتىپ الىپ، قوسىمشا قاراجات بەرىلگەننەن كەيىنگى باعا بويىنشا بازارعا شىعارامىز“،- دەدى يان جۇن.
”تۇراقتى باعاداعى ەتتەن كۇنىنە ءبىر ادام 5 كيلوگرامنان ارتىق ساتىپ الۋىنا بولمايدى، تومەن كەپىلدىكتى وتباسى، قامقورلىق كۋالىگى بارلار، مۇگەدەكتىك كۋالىگى بارلار الدىمەن ەسكەرىلەدى“،- دەدى يان جۇن.
بۇل رەتكى تۇراقتى باعاداعى ەتتى ٴارقايسى رايون (اۋدان) ٴىس جۇزىندىك جاعدايعا نەگىزدەلىپ، سايكەستى قىزمەت جوباسىن جاساپ، تاراتۋ تۇيىندەرى مەن تاراتۋ مولشەرىن بەلگىلەيدى. الەۋمەتتىك اۋماق تىكەلەي ساتۋ تۇيىندەرىنە نەمەسە ارناۋلى ساتۋ دۇكەندەرىنە بەلگىلەنگەن ۋاقىت ىشىندە الەۋمەتتىك اۋماقتارعا جەتكىزىپ بەرۋدى ورنالاستىرادى نەمەسە الەۋمەتتىك اۋماق تىكەلەي ساتۋ تۇيىندەرىنەن نەمەسە ارناۋلى ساتۋ دۇكەندەرىنەن زاتتى الىپ، قاراستى رايونداعى تۇرعىنداردى جەتكىزىپ بەرەدى.
