تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ 3 ءتۇرلى اۋىل شارۋاشىلىعى ءونىمى ەۆروپا وداعى بازارىنىڭ قۇپتاۋىنا يە بولدى

تۇڭعىش توپتاعى جۇڭگو - ەۆروپا جاعراپيالىق بەلگىلەردى قورعاۋ تىزىمىنە ەنگىزىلدى  

رايونىمىزدىڭ 3 ءتۇرلى اۋىل شارۋاشىلىعى ءونىمى ەۆروپا وداعى بازارىنىڭ قۇپتاۋىنا يە بولدى 

  شينجياڭ گازەتىنىڭ جالپىلىق اقپارات قۇرالدارى ءتىلشىسى رىن حۋا 7 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق بازار باقىلاۋ - باسقارۋ مەكەمەسىنەن ۇعىسۋعا قاراعاندا، رايونىمىزدا كورلا المۇرتى، تۇرپان مەيىزى، جىڭ الاقاتى تۇڭعىش توپتاعى جۇڭگونىڭ 100 جاعراپيالىق بەلگىسىنە ەنگىزىلگەن، جۇڭگو - ەۆروپا جاعرپيالىق بەلگى كەلىسىمىنە ساي، وسى ونىمدەر الداعى جەردە ەۆروپا وداعىندا قورعاۋعا الىنادى ەكەن.

  جۇڭگو - ەۆروپا جاعراپيالىق بەلگىسىنىڭ تۇڭعىش توپتاعى قورعاۋ تىزىمىنە ەنگىزىلۋى كورلا المۇرتىنىڭ، تۇرپان مەيىزىنىڭ، جىڭ الاقاتىنىڭ بۇدان كەيىن ەۆروپا وداعىندا رەسمي كۋالىك بەلگىسىن قولدانۋ ۇقىعى بولاتىندىعىن، ەۆروپا وداعى تۇتىنۋشىلارىنىڭ قۇپتاۋىنا قول جەتكىزگەندىگىن، حالىقارالىق تانىمالدىلىعىنىڭ اناعۇرلىم جوعارىلاعاندىعىن كورسەتەدى.

  جۇڭگو - ەۆروپا جاعراپيالىق بەلگى كەلىسىمى − ەۆروپا وداعى مەن جۇڭگونىڭ قول قويعان ءمانى زور ەكى جاقتى ساۋدا كەلىسىمى، ول الداعى جەردە ەۆروپا وداعى مەن جۇڭگونىڭ ءارقايسىسىنىڭ 100 جاعراپيالىق بەلگى ونىمدەرىنىڭ تاراپتاردىڭ بازارىندا قورعاۋعا الىناتىندىعىنا شىنايى كەپىلدىك ەتىپ، وسى ارقىلى تاراپتاردىڭ تاڭداۋلى اۋىل شارۋاشىلىق داستۇرىنە ءوزارا قۇرمەت ەتۋىنە شىنايى كەپىلدىك ەتىپ، تاراپتاردىڭ جوعارى دەڭگەيلى، ەرەكشەلىككە يە ونىمدەرىن قورعاۋدى كۇشەيتۋگە وراي ازىرلەيدى.

  جاعراپيالىق بەلگى − ونىمدەردىڭ وندىرىلگەن جەرىنىڭ كەلۋ قاينارىن كورسەتەتىن ماڭىزدى بەلگى، ءبىلىم مەنشىك ۇقىعىنا جاتاتىن ءبىر ءتۇر. جۇڭگو - ەۆروپا جاعراپيالىق بەلگى كەلىسىمى جاعراپيالىق بەلگى ونىمدەرىن جوعارى دەڭگەيدە قورعاۋ ەرەجەسىن بەلگىلەگەن، ول جالعان جاعراپيالىق بەلگى ونىمدەرىن ءونىمدى تەجەپ، ەكى جاق تۇتىنۋشىلارىنىڭ بارلىعىنىڭ شىنايى ءونىم، ناقتى باعاداعى جوعارى ساپالى تاۋارلاردى تۇتىنۋىنا، قولدانۋىنا مۇمكىندىك جاسايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى