تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

كورشىلەر ءانسامبىل قۇردى، توعىسۋ سيمفونياسىن بىرگە جازدى

شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يۇنمەي، ەرىكتى ءتىلشى دينارا تۇرعۇن

  7 - ايدىڭ 25 - كۇنى كەشتە تامىلجىعان سىبىزعى ۇنىنە ەلەكتروندى رويال، ىرحۋ، دۋتار، دومبىرا سياقتى ءار ءتۇرلى مۋزيكا اسپاپتارىنىڭ اۋەنى قوسىلىپ، ”دابانچىڭ قىزىنىڭ“ اسەرلى ىرعاعى قالىقتادى.

  بۇل قارامايلى قالاسى جايرانبۇلاق رايونى (قارامايلى جوعارى، جاڭا تەحنيكا رايونى) جينلۇڭ قالاشىعى ءمالىسى ۋانشياڭ الەۋمەتتىك اۋماعىنىڭ ”ۋانشياڭ گىڭشين“ ءانسامبىلىنىڭ جاتتىعۋى ەدى.

  اسەم ىرعاق جۇرتتى وزىنە باۋراپ، ادامداردىڭ بارلىعى ”مۋزيكانتتاردىڭ“ كەلبەتىن كورگىسى كەلدى. ءانسامبىلدىڭ مۇشەسى مۇحتار مامەت تەرەزە سىرتىنداعى القاعان جانارلاردى كورىپ ايرىقشا ماقتانىش سەزىندى.

  مۇحتار − ۋانشياڭ الەۋمەتتىك اۋماعىنىڭ قىزمەتكەرى، ءانسامبىلدىڭ اڭگىمەسى 2018 - جىلى 3 - ايدان باستالعان. ول كەزدە مۇحتار مەكتەپتەن الەۋمەتتىك اۋماققا ەندى عانا اۋىسىپ كەلگەن ەدى، 20 نەشە جىل مۋزيكا وقىتۋىمەن شۇعىلدانعان ول باستابىندا الەۋمەتتىك اۋماقتىڭ قىزمەتىنە ۇيلەسە المادى.

  بىردە وتباسىلاردى ارالاپ جۇرگەندە، مۇحتار قاراستى اۋماقتاعى تۇرعىن دۇڭ شۋليڭنىڭ ۇيىنەن بىرنەشە ىرحۋدى كورەدى، مۋزيكاعا قۇشتار ول دۇڭ شۋليڭمەن جانە ونىڭ جۇبايىمەن اڭگىمەلەسە كەتەدى: ”راۋاپپەن ويناقى مۋزيكالاردى ورىنداۋعا بولادى، دۋتاردىڭ ءۇنى كەسەك، تامىلجىپ شىعادى، دۋتاردى ايرىقشا جاقسى كورەمىن“.

  ”ىرحۋ − حۋچيننىڭ ءبىر ءتۇرى. تۇتىگى اعاشتان جاسالادى، ءبىر ۇشى تورلى جىلاننىڭ تەرىسى نەمەسە جىلان تەرىسى بولادى، ءىشى مەن سىرتىندا 2 ىشەگى بار، سوندىقتان ىرحۋ دەپ اتالعان، ءۇنى جۇمساق، باسەڭ، ەگەر دۋتاردى جاقسى كورسەڭ، ىرحۋدى دا جاقسى كورەسىڭ“. دۇڭ شۋليڭ دە مۇحتارمەن پەيىلدەنە اڭگىمەلەستى.

  تەز ارادا، دۋتار مەن ىرحۋدى بىرلەستىرىپ مۋزيكا ويناي باستادى، ەكى ءتۇرلى مۋزيكا اسپابىنىڭ بىرلەسۋىنەن شىققان اسەم اۋەن ولاردى قاتتى قۋانتتى.

  الەۋمەتتىك اۋماق قيمىل ورىستەتكەن كەزدە، حۋلۋسى اۋەسكەرى ۋاڭ رۇڭفۋ جەكە ورىنداعان «اي نۇرى استىنداعى بامبۇك» اتتى مۋزيكا مۇحتاردى قاتتى باۋرادى. ”بۇل مۋزيكا اسپابىنىڭ ءۇنى ەرەكشە ەكەن، ۋاڭ ۇستازدىڭ ايتۋىنشا، بۇل يۇننانداعى از ۇلتتاردىڭ مۋزيكا اسپابى ەكەن، ءۇنى وزگەشە، دىبىسى ايقىن پارىقتالادى، ۇيرەنۋگە دە وتە وڭاي ەكەن“، - دەدى مۇحتار. وسىدان كەيىن بىرنەشە ءتۇرلى مۋزيكا اسپابىنىڭ اۋەسكەرلەرى مۋزيكانىڭ ارقاسىندا تابىسىپ، ۇنەمى ”مۋزيكا كەڭەسىن“ قۇردى.

  كوپ وتپەي ۋانشياڭ الەۋمەتتىك اۋماعى حور ۇيىرمەسىن قۇردى، مۇحتار حور ۇيىرمەسىندە ەلەكتروندى رويالدا ويناپ، دۇڭ شۋليڭ مەن جۇبايى ىرحۋ تارتىپ، ۋاڭ رۇڭفۋ حۋلۋسى تارتتى، ءسويتىپ، باستابىندا ءانسامبىل وسىلاي شاڭىراق كوتەردى.

  ”ءانسامبىل بولعان سوڭ، بىرنەشە مۋزيكا اسپابى جەتكىلىكتى ەمەس“، - دەيدى مۇحتار. ءسويتىپ، ول تۇرعىنداردىڭ مۋزيكالىق نەگىزىن جانە مۋزيكاعا دەگەن ىنتا - اۋەسىن ءوزى ۇعىسىپ بىلەدى، كوپ وتپەي تامبۇر شەرتە الاتىن ادىلجان، دومبىرا شەرتە الاتىن ۇندىسبەك، گارمون تارتا الاتىن ما جىپيڭ انسامبىلگە قوسىلادى. قوسىننىڭ ۇزدىكسىز ۇلعايۋىنا بايلانىستى، الەۋمەتتىك اۋماقتىڭ ورىنباسار مەڭگەرۋشىسى ياڭ جىمين دە ءوزىنىڭ ەرەك ونەرى − سىبىزعىنى قوسادى ءارى انسامبىلگە ”ۋانشياڭ گىڭشين“ ءانسامبىلى دەپ ات قويادى.

  بيىل ءانسامبىلدىڭ قۇرامى ءتىپتى دە كوپ جاڭا مۇشەلەرمەن تولىعىپ، نەگىزگى ءانشى مەن گيتاريست قوسىلدى، مۇشەلەر سانى حانزۋ، ۇيعۇر، قازاق، حۇيزۋ ۇلتتارىن قامتىعان 11 ادامعا جەتتى، مۋزيكا اسپاپتارىنىڭ ءتۇرى دە بارعان سايىن كوبەيدى.

  قازىر ءانسامبىلدىڭ اتى شىنىمەن اسقاقتاپ تۇر. مۇحتاردىڭ ءار كۇنگى جۇمىس كەستەسى لىق تولعان. ”الەۋمەتتىك اۋماقتىڭ قىزمەتىن ورىنداپ بولعان سوڭ، ءانسامبىلدى باستاپ جاتتىعۋ ىستەيمىن، تاعى الەۋمەتتىك اۋماق مەكتەبىندە وقيمىن. اپتانىڭ سوڭىندا تاعى ءانسامبىلدى باستاپ الەۋمەتتىك اۋماقتىڭ قيمىلدارىنا قاتىناسىپ، حور ۇيىرمەسىن مۋزيكامەن سۇيەمەلدەيمىز. حور ۇيىرمەمىز جايرانبۇلاق رايونىنىڭ، قارامايلى قالاسىنىڭ ءتۇرلى سيلىقتارىن دا العان“، - دەدى مۇقتار ماقتانىشپەن.

  تاياۋدا وزگەرتىپ جاسالعان پاكتىك مازمۇنىنداعى ءانى ءۇشىن، ءانسامبىل دوۋيىنداعى شينجياڭ ”ۇعىسۋ، تيىمدىلىك جاساۋ، توعىستىرۋ“ مازمۇنىنداعى ”قىستاقتا تۇراتىن بىزدەر“ تۇعىرىنان كورىندى، بۇل ولاردىڭ سەنىمىن ءتىپتى دە ارتتىرا ءتۇستى.

  مۇحتار بىلاي دەدى: ”قازىر دۋتاردا جەكە ورىندالعان «وتاننىڭ كوكتەمى»، شەتەلدىڭ «كاليفورنيانىڭ وڭتۇستىگىندە جاڭبىر جاۋمايدى» اتتى ءانى سياقتى تاڭداۋلى نومىرلەرىمىز بار، قاراستى اۋماقتاعى تۇرعىندارعا 24 رەت كونسەرت قويدىق. جاتتىعۋ جاپالى بولعانىمەن، ءبىزدىڭ ءوز قىزىق - قۋانىشىمىز بار، ءبىر - ءبىرىمىزدى جىگەرلەندىرىپ، ەرەكشە تاتۋ - ءتاتتى تۇرامىز. الداعى ۋاقىتتا ءانسامبىلىمىز اۋەسكەرلەردىڭ قوسىلۋىمەن ۇزدىكسىز ۇلعايادى، ءبىز دە جاڭا ورىنداۋ بەتالىسى مەن كونسەرت نومىرلەرى جونىندە ىزدەنىس جاساۋدامىز، ءانسامبىلىمىزدىڭ مۇشەلەردىڭ تاماشا سايكەسۋىندە، ءتىپتى دە كوپ ۇلتتار ىنتىماعى اندەرىن ورىنداۋىن ءۇمىت ەتەمىن“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى