تيانشان تورى   ›   جاڭالىقتار   ›   ەل ءىشى حابارى

ىندەتپەن شايقاستاعى حالىقتى بارىنەن جوعارى قويۋ امالياتى

شينحۋا اگەنتتىگىنىڭ تىلشىلەرى گاۋ لەي، ۋاڭ زىميڭ، ۋىن شين

  جاڭا تيپتى ايدارشا ۆيرۋس وكپە قابىنۋ ىندەتى تۋىلعان سوڭ، جاڭا جۇڭگو قۇرىلعاننان بەرگى تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ ۇلكەن توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعاسى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو حالىق بۇقاراسىنىڭ ءومىرىنىڭ حاۋىپسىزدىگىن جانە دەنساۋلىعىن ءبىرىنشى ورىنعا قويۋعا تاباندى بولىپ، بۇكىل ەلدى اتتانىسقا كەلتىرىپ ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن جۇرگىزىپ، حالىقتى وزەك ەتكەن ادامدىق ۇقىق ۇستانىمىن تولىق ايگىلەدى.

بار كۇشپەن قۇتقارىپ - ەمدەدى:

بىردە - ءبىر ناۋقاستى ەلەۋسىز قالدىرمادى

  ”سول كەزدە مەنى قۇتقارعان شيپاگەرلەردى قاتتى كورگىم كەلەدى!“. 4 - ايدىڭ 16 - كۇنى تۇستەن كەيىن 95 جاستاعى قاريا شۇي ميڭ ۋحان قالالىق جۇڭي شيپاحاناسى حانياڭ بولىمشە شيپاحاناسىنا كەلىپ، وسى شيپاحانانىڭ سالماقتى ناۋقاس مەديتسيناسى ءبولىمىنىڭ ورىنباسار مەڭگەرۋشىسى، ونى قۇتقارعان - ەمدەگەن جاڭ جۇن قاتارلى ادامدارعا العىس ايتتى.

  شۇي ميڭ قاريا العاش شيپاحاناعا تۇسكەن كەزدە، ناۋقاسى ءبىر مەزەت ايرىقشا اۋىر حالدە ەدى. ”ءبىز بىردە - ءبىر ناۋقاستى ەلەۋسىز قالدىرمايمىز!“، - دەيدى جاڭ جۇن.

  ىندەتكە قارسى اتتانۋ بارىسىندا، جۇڭگو باستان - اياق حالىقتىڭ ءومىرى مەن دەنساۋلىعىن بارىنەن ماڭىزدى ورىنعا قويىپ، ”حالىقتى بارىنەن جوعارى قويۋ، ءومىردى بارىنەن جوعارى قويۋ“ سىندى ادامدىق ۇقىقتىڭ قۇن ۇستانىمىن شىن مانىندە جۇزەگە اسىردى.

  حالىقتىڭ ءومىرى ءۇشىن، ۋحان قايتپاس قايسارلىقپەن ”توقتاي تۇردى“ −

  ۆيرۋستىڭ ءورشۋىن تەجەۋ ءۇشىن، 1 - ايدىڭ 23 - كۇنى 10 ميلليون حالقى بار، تاريحتان جۇڭگونىڭ قاتىناس تورابى بولىپ كەلگەن ۋحان قالاسى ”توقتاتا تۇرۋ تەتىگىن“ باستى.

  بىرلەسكەن مەملەكەتتەر ۇيىمىنىڭ باس حاتشىسى گۋتەرەس جۇڭگو حالقى ”قالىپتى تۇرمىسىن قۇربان ەتۋ تاسىلىمەن بۇكىل ادامزات ءۇشىن ۇلەس قوستى“ دەپ اتاپ كورسەتتى.

  حالىقتىڭ ءومىرى ءۇشىن، مەديتسينالىق بايلىقتار شوعىرلاندى، توپتالدى −

  ۋحان ”قالانى بەكىتكەن“ سوڭ، ۋحان تيانحى اۋەجايى ەڭ قاربالاس جەرگە اينالدى. اسكەري ۇشاقتار، جولاۋشى ۇشاقتارى، جۇك ۇشاقتارى شۇعىل قونىپ، ءدارى - دارمەك، مەديتسينالىق اسپاپتار، ماسكى، قولعاپ سياقتى شۇعىل، تاپشى زاتتىق ماتەريالدار اكەلدى. بۇكىل ەلدىڭ جەر - جەرىنەن جانە اسكەري بولىمدەردەن 346 ەمدەۋ اترەتى، 42 مىڭ 600 ەمدەۋ قىزمەتكەرى حۋبەيعا شۇعىل كومەككە اتتانىپ، جۇڭگوداعى ەڭ تاڭداۋلى 10 اكادەميكتىڭ جۇمىس توبى ءبىرىنشى شەپتە ەرلىكپەن شايقاس جۇرگىزدى، سالماقتى ناۋقاس مەديتسيناسىنىڭ بۇكىل ەلدەگى تىرەكتىلەرىنىڭ وننان بىرگە جۋىعى ءبىرىنىڭ ءىزىن ءبىرى باسىپ شەپكە اتتاندى...

  حالىقتىڭ ءومىرى ءۇشىن، وزىندىك قۇنمەن ەسەپتەسپەدى، بوداۋ بەرۋمەن ساناسپادى −

  6 - ايدا توسىن تۋىلعان بەيجيڭ شينفادي اۋىل شارۋاشىلىعى ونىمدەرىن تولايىم ساتۋ بازارىنداعى توپتالۋ سيپاتتى ىندەت استانادا ىندەتتىڭ الدىن الۋ ساقتىق توسىن دابىلىن قاقتى... 7 - ايدىڭ باسىنا دەيىن بەيجيڭدە نۋكلەين قىشقىلىنان سىناما الىنعان جانە تەكسەرىلگەن ادام سانى تۇگەلدەي 11 ميلليوننان استى؛ 7 - ايدىڭ 20 - كۇنى ساعات نولدەن باستاپ، بەيجيڭ قالاسىنىڭ توسىن تۋىلعان الەۋمەتتىك دەنساۋلىق ساقتاۋ وقيعاسى بويىنشا شۇعىل جاعدايعا توتەپ بەرۋگە اتتانىسقا كەلۋ دابىلىنىڭ دارەجەسى 2 - دارەجەدەن 3 - دارەجەگە رەتتەلدى.

  حالىقتىڭ ءومىرى تايشان تاۋىنان دا قادىرلى! جۇڭگو وسىلاي ايتتى ءارى وسىلاي ىستەدى.

  ىندەتتەن ساقتانۋ - تىزگىندەۋدى ويداعىداي ىستەۋ ءۇشىن، جۇڭگو ەكونوميكاسى وراسان زور شىعىنعا ۇشىرادى: 2 - ايدان 5 - ايعا دەيىن قازىنالىق كىرىس جەكە - جەكە سايكەس مەزگىلدەگىدەن %21.4، %26.1، %15، %10 تومەندەدى.

  مەملەكەتتىك ەمدەۋ قامسىزداندىرۋى مەكەمەسىنىڭ كورسەتۋىنشە، دياگنوزى تۇراقتاندىرىلىپ شيپاحاناعا جاتقان ناۋقاستارعا جۇمسالعان ەمدەۋ قاراجاتى جان باسىنا شاققاندا 21 مىڭ 500 يۋانعا جەتكەن، سالماقتى ناۋقاستاردى ەمدەۋ قاراجاتى جان باسىنا شاققاندا 150 مىڭ يۋاننان اسقان، بۇل قاراجاتتاردىڭ ەمدەۋ قامسىزداندىرۋى ەسەبىنەن كوتەرىلگەننەن قالعانى تۇگەلدەي مەملەكەتتىك قازىنانىڭ جاردەماقىسىمەن تولەنىپ، ناۋقاستاردىڭ اۋرۋ كورسەتۋ ۋايىمىن تۇبەگەيلى شەشتى.

دامۋدى قامتاماسىز ەتتى:

قاشاندا جۇڭگو حالقىن باقىتقا كەنەلتۋدى كوزدەدى

  ىندەت سۇراپىل كەلىپ، حالىقتىڭ ءومىرى مەن دەنساۋلىق ۇقىعى ەڭ الدىمەن سوققىعا ۇشىرادى، دەگەنمەن دامۋ ۇقىعى دا قاتار ويلاستىرىلۋى قاجەت.

  ”ورنىقتىرۋ“ قىزمەتىن ويداعىداي ىستەپ، ”قامتاماسىز ەتۋدىڭ“ تومەنگى شەگىن ساقتادى! بۇل ميلليارد ەڭبەكشىلەرگە بەرىلگەن كەپىلدىك ەدى −

  ىندەت تۋىلعاننان بەرى، ورتالىق جۇمىستاندىرۋ كەلەلى اۋقىمىنىڭ ورنىقتىلىعىنا شىنايى كەپىلدىك ەتۋدى كوپ رەت دارىپتەپ، ناقپا - ناق اقشا شىعارىپ، كاسىپورىنداردىڭ جۇمىس ورىندارىن ورنىقتىرۋىنا كومەك بەردى.

  2 - ايدان 4 - ايعا دەيىن بۇكىل مەملەكەت بويىنشا كاسىپورىنداردىڭ ءۇش ءتۇرلى قوعامدىق قامسىزداندىرۋ اقىسىنان جيىنى 340 ميلليارد 270 ميلليون يۋان ازايتىلدى نەمەسە كەشىرىم ەتىلدى؛ 3 ميلليون 450 مىڭ كاسىپورىن جۇمىس ورىندارىن ورنىقتىرۋعا قايتارىلعان اقشادان 46 ميلليارد 500 ميلليون يۋان يگىلىكتەنىپ، يگىلىككە كەنەلگەن كاسىپورىندار سانى بىلتىرعى تۇتاس جىلداعىنىڭ 3 ەسەسىنە جەتتى.

  بيىلعى ۇكىمەت قىزمەتىنەن باياندامادا قالا - قالاشىقتا 9 ميلليوننان استام ادام جاڭادان جۇمىستاندىرىلاتىندىعى؛ بيىل، كەلەر جىلى 2 جىلدا 35 ميلليوننان استام ادامنىڭ (رەت) كاسىپتىك شەبەرلىككە باۋلىناتىندىعى، جوعارى كاسىپتىك مەكتەپتەر 2 ميلليون ادامدى كەڭەيتىپ قابىلدايتىندىعى ايقىندالدى.

  ىندەتپەن شايقاستا كەدەيلىكپەن شايقاستى اقساتپايمىز! بۇل كەدەيلەردى سۇيەمەلدەۋشى كادرلاردىڭ جاۋابى −

  ”2020 - جىلعا جەتكەندە قازىر اتقارىلىپ وتىرعان ولشەمنەن تومەن اۋىل - قىستاقتاعى كەدەي حالىقتى تۇگەلدەي كەدەيلىكتەن ارىلتۋ − پارتيا ورتالىق كوميتەتىنىڭ بۇكىل ەل حالقىنا بەرگەن ايبىندى ۋادەسى، ونى، ءسوز جوق، دەر كەزىندە جۇزەگە اسىرۋ كەرەك، شەگىنۋگە نەمەسە سولقىلداقتىق ىستەۋگە ەشقانداي جول جوق“. 3 - ايدىڭ 6 - كۇنى كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ءماجىلىسى اشىلىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جالپى بەتتىك قول جەتكىزۋدىڭ اتوي دابىلى قاعىلدى.

  قالىڭ پارتيالى كادرلار بۇيرىقتى ەستي سالا اتقا قونىپ، ەگىنجايلارعا، اتىز باستارىنا بارىپ، پارتيا تۋىن كەدەيلىكتەن ارىلتۋدان قامال الۋدىڭ ءبىرىنشى شەبىندە جەلبىرەتتى.

  ساباق توقتاعانمەن ۇيرەنۋ كىدىرمەيدى، بىردە - ءبىرىن قاعىس قالدىرۋعا بولمايدى! بۇل ءبىلىم قۋعان شاكىرتتەرگە بەرىلگەن ۋادە −

  وقۋ - اعارتۋ مينيسترلىگى ”ساباق توقتاعانمەن ۇيرەنۋ كىدىرمەيدى“ دەگەندى ورتاعا قويىپ، ”اۋەدەگى ساباقحانانى“ جاساندى سەرىكپەن تاراتۋعا شىعارۋدى جەدەل ورىنداپ، ءار ولكەنى، اسىرەسە، شەت - شالعاي وڭىرلەردى تۇگەل قامتىدى؛ كوپ جەر دالمە - ءدال كومەكتەسۋ - سۇيەمەلدەۋ مەحانيزمىن ورناتىپ، وقۋشىلاردىڭ ينتەرنەت جەلىسىندە وقۋىنداعى ناقتى قيىنشىلىقتارىن ءبىر - بىرلەپ اداقتاپ تەكسەرىپ، ”بىردە - ءبىرىنىڭ قاتاردان قالماۋىنا“ شىنايى كەپىلدىك ەتتى.

  ”بۇل رەتكى ىندەتتەن ساقتانۋ - تىزگىندەۋ شايقاسى ءبىر رەتكى حالىقتىق شايقاس، حالىققا تىعىز ارقا سۇيەۋمەن بىرگە، دامۋدى كوزدەي وتىرىپ حالىقتىڭ ىرىس - قۇتىن مولايتۋىمىز كەرەك“، - دەدى 3 - قىركۇيەك ءىلمي قوعامى ورتالىق كوميتەتى زاڭ ارناۋلى كوميتەتىنىڭ مۇشەسى يۇي جياحۋا.

حالىقتى كوكەيدە ساقتادى:

ءتۇرلى ۇقىقتاردىڭ ءونىمدى جۇرگىزىلۋىنە شىنايى كەپىلدىك ەتتى

  ءالسىز قاۋىمنىڭ ادامدىق ۇقىقتارىنىڭ ءونىمدى قامتاماسىز ەتىلۋ - ەتىلمەۋى − ءبىر مەملەكەتتەگى ادامدىق ۇقىق جاعدايىن ساراپتاۋدىڭ ماڭىزدى تەرەزەسى، سونداي - اق ءبىر مەملەكەتتىڭ ساياسي وركەنيەت دەڭگەيىن سىننان وتكىزەتىن ماڭىزدى ولشەم.

  قيىنشىلىعى بار بۇقارانى قۇتقارۋ - كومەكتەسۋ جاردەماقىسىن ءبولۋ، الەۋمەتتىك يگىلىك سيپاتىنداعى جۇمىس ورىندارى ساياساتىنىڭ اتقارىلۋ مەرزىمىن ۇزارتۋ... ءبىرسىپىرا جەلىلەس شارالاردىڭ جاريالانۋى ءالسىز قاۋىمنىڭ ”قارسىلىق قۋاتىن“ كۇشەيتىپ، ءالسىز قاۋىمنىڭ قيىن وتكەلدەن وتۋىنە كومەكتەستى.

  ىندەتتەن ساقتانۋ - تىزگىندەۋ تورىن مىقتاپ توقۋمەن قاتار، ءار دارەجەلى ۇكىمەت كوپ ءتۇرلى شارا قولدانىپ، ازاماتتاردىڭ ءتۇرلى ۇقىقتاردى ءونىمدى جۇرگىزۋىن قامتاماسىز ەتتى.

  ”جاريالىلىق“ ەڭ جاقسى ”زارارسىزداندىرعىش“.

  1 - ايدىڭ 24 - كۇنىنەن باستاپ، مەملەكەتتىك كەڭەس ”ينتەرنەت + قۋزاۋ - تەكسەرۋ“ تۇعىرىندا قاتىستى جەرلەر مەن تاراۋلاردىڭ ىندەتتەن ساقتانۋ - تىزگىندەۋ بارىسىنداعى جاۋاپكەرشىلىكتى تىڭعىلىقتى تياناقتاندىرماۋ، ساقتانۋ - تىزگىندەۋى دارمەنسىز بولۋ، ءبىر - بىرىنە يتەرمەلەۋ، قاشقالاقتاۋ، نەمقۇرايدى ىستەۋ، جاۋاپكەرشىلىكتى باسقالارعا يتەرۋ سياقتى ماسەلە دەرەكتەرىن جيناپ، حالىق بۇقاراسىنىڭ باقىلاۋ ۇقىعىن شىنايى قورعادى.

  1 - ايدىڭ سوڭىنان باستاپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى اقپار جاريالاۋ ءماجىلىسىن ۇدايىلاندىرىپ وتكىزدى، ونىڭ مازمۇنىنا ناۋقاستاردى قۇتقارۋ - ەمدەۋ، زاتتىق ماتەريالداردى جۇمىلدىرۋ، قاتىناستى قامتاماسىز ەتۋ، جۇمىستى، ءوندىرىستى، وقۋدى قالپىنا كەلتىرۋ، مەديتسينالىق بىلىمدەر بويىنشا عىلىم جالپىلاستىرۋ سياقتى جاقتار قامتىلىپ، ازاماتتاردىڭ حاباردار بولۋ ۇقىعىن ەڭ جوعارى شەكتە قامتاماسىز ەتتى.

  جۇڭگو ”سالاماتتىق كودى“ زەردەلى ساقتانۋ - تىزگىندەۋ تەحنيكاسىن جاسامپازدىقپەن قولدانىپ، ول جۇعىمدالۋ حاۋىپ - قاتەرىنەن ساقتانۋدىڭ، قاتىناسقا قولايلىلىق جاساۋدىڭ، جۇمىستى، ءوندىرىستى قالپىنا كەلتىرۋدىڭ جاقسى قولعاناتىنا اينالدى. ”سالاماتتىق كودى“ ءتىپتى مەملەكەت قاقپاسىنان شىعىپ، شەتەلدە ىسكە قوسىلعان العاشقى كۇندە - اق 10 مىڭداعان قولدانۋشى قابىلدادى.

  ”ىندەت كەزىندە جينالعان جەكە ينفورماتسيالارعا مەڭزەس تىزىمنەن شىعارۋ مەحانيزمى ورناتىلادى“، ”جينالعان ساندى مالىمەتتەردى ولشەمدى باسقارۋ كۇشەيتىلەدى“... ىندەتتەن ساقتانۋ - تىزگىندەۋدى ۇدايىلاندىرۋ ساتىسىندا مەملەكەتتىك حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ ۇسىنىستارىنا ايرىقشا ءمان بەرىلىپ، ازاماتتاردىڭ جەكە قۇپيالىعىن قورعاۋ شارالارى كۇن سايىن كەمەلدەندى.

تاعدىرلاستىق:

حالىقارالىق سەلبەستىك ورناتىپ، ىندەتپەن جابىلا شايقاستى

  ىندەت الدىندا، دۇنيە جۇزىندەگى كوپتەگەن مەملەكەتتەر قاراڭعى تۇنەك ساتىنە ءدوپ كەلدى، جۇڭگونىڭ ءتاسىلى اناعۇرلىم كوپ مەملەكەتكە قيىندىقتاردى بىلەك بىرىكتىرە جەڭۋدىڭ، ءبىر - بىرىنە قارايلاسىپ، ءوزارا دەم بەرۋدىڭ ماڭىزدىلىعىن شىنايى ءتۇيسىندىردى.

  بۇل ءىرى ەلدىڭ جاۋاپكەرلىك ارقالاۋىن سىننان وتكىزگەندىك −

  دۇنيە جۇزىلىك دەنساۋلىق ساقتاۋ ۇيىمىنا ىندەت جاعدايىن دەرەۋ مالىمدەدى، ۆيرۋستىڭ گەن قاتارىن دەرەۋ ورتاق پايدالاندى، ىندەتتەن ساقتانۋ - تىزگىندەۋ ماماندارىنىڭ حالىقارالىق سەلبەستىگىن دەرەۋ ورىستەتتى... جۇڭگو دۇنيە ءجۇزى ءۇشىن قىمباتتى ۋاقىتتان ۇتۋمەن بىرگە، ءىرى ەلدىڭ جاۋاپكەرلىك ارقالاۋىن كورسەتتى.

  3 - ايدىڭ 26 - كۇنى كەشتە حالىق سارايىنىڭ شىعىس زالى. 20 ەل توبى باسشىلارى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندە العاش رەت بەينە ەكران تاسىلىمەن ەل باسىلارى ەرەكشە كەڭەسىن اشتى.

  ”جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ الەمدىك توسقاۋىل شايقاسىن باتىل تۇردە ويداعىداي جۇرگىزۋ“، ”حالىقارالىق بىرلەسىپ ساقتانۋدى، بىرلەسىپ تىزگىندەۋدى ءونىمدى تۇردە ورىستەتۋ“، ”حالىقارالىق ۇيىمداردىڭ رول اتقارۋىن بەلسەنە قولداۋ“، ”حالىقارالىق ماكرولىق ەكونوميكالىق ساياساتتى سايكەستىرۋدى كۇشەيتۋ“. بۇكىل ادامزاتقا تۇسكەن ۇلكەن سىناق الدىندا، جۇڭگو 4 ءتۇرلى باستامانى ورتاعا قويىپ، كەڭ كولەمدە شىنايى مويىنداۋعا جانە ۇندەستىككە قول جەتكىزدى.

  بۇل ادامگەرشىلىككە دەگەن ايعاق −

  جۇڭگونىڭ ىندەتكە قارسى اتتانۋىنداعى ەڭ قيىن ساتتە، 170تەن استام مەملەكەت، 40تان استام حالىقارالىق جانە وڭىرلىك ۇيىمدار حال سۇرادى جانە قولداۋ كورسەتتى؛ ءار ەل حالقى تۇرلىشە تاسىلدەرمەن دەم بەرىپ جۇڭگو حالقىن جىگەرلەندىردى... مۇنداي شىنايى سۇيىسپەنشىلىك پەن تەرەڭ دوستىقتى جۇڭگو حالقى ماڭگى ۇمتىپايدى.

  ”ماعان جاساعان جاقسىلىقتى ەسەلەپ قايتارامىن“. ىندەتتىڭ الەمگە تارالۋىنا مەڭزەس، 5 - ايدىڭ اياعىنا دەيىن جۇڭگو دۇنيە جۇزىندەگى 180 مەملەكەتپەن، 10نان استام حالىقارالىق جانە وڭىرلىك ۇيىممەن ىندەتتەن ساقتانۋ - تىزگىندەۋ جانە دياگنوز قويۋ - ەمدەۋ جوباسىن ءبولىسىپ، شۇعىل قاجەت ەتىپ وتىرعان مەملەكەتتەرگە ىلگەرىندى - كەيىندى مەديتسينالىق ماماندار گرۋپپاسىن اتتاندىرىپ، 150گە جۋىق مەملەكەتكە جانە 4 حالىقارالىق ۇيىمعا شۇعىل كومەك بەردى، سونداي - اق قولىنان كەلگەنشە قۇلشىنىپ باسقا مەملەكەتتەردىڭ جۇڭگودان تاپشى مەديتسينالىق زاتتىق ماتەريالدار مەن جابدىقتاردى ساتىپ الۋىنا قولايلىلىق جاسادى...

  جۇڭگو جاۋاپكەرلىك ارقالاي بىلەتىن ءىرى ەل رەتىندە، حالىقتىڭ ءتۇرلى ۇقىقتارىن قورعاۋ جانە قامتاماسىز ەتۋ ءۇشىن اۋەلگىسىندەي تىنباي قۇلشىنىپ، ادامدىق ۇقىق ىستەرىنىڭ اقاۋسىز دامۋىن ۇزدىكسىز ىلگەرىلەتەدى.

(شينحۋا اگەنتتىگىنىڭ 7 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى