تيانشان تورى   ›   جاڭالىقتار   ›   ءۇرىمجى

ىندەت الدىندا قاسيەتتەرىن ايگىلەدى

ءۇرىمجى قالاسىندا قوسىننان قايتقان اسكەريلەر ىندەتكە قارسى اتتانۋدىڭ ءبىرىنشى شەبىنە بەلسەندىلىكپەن اتتاندى

ىندەت الدىندا قاسيەتتەرىن ايگىلەدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى رىن حۋا 7 - ايدىڭ 29 - كۇنى ۇرىمجىدەن حابارلايدى. ءۇرىمجى قالالىق قوسىننان قايتقان اسكەريلەر ىستەرى مەكەمەسىنەن ۇعىسۋىمىزشا، كەزەكتەگى ءۇرىمجى قالاسىنىڭ ىندەتتەن ساقتانۋ - تىزگىندەۋ جاعدايىنا مەڭزەس، وسى مەكەمە بۇكىل قالاداعى قوسىننان قايتقان قالىڭ اسكەريلەرگە بىلاي دەپ ۇندەۋ جاريالاعان: دەرەۋ ارەكەتتەنىپ، ەرىكتى قىزمەت وتەۋ قيمىلىنا بەلسەنە ات سالىسىپ، كوممۋنيستىك پارتيا مۇشەلەرىنىڭ اۆانگارد، ۇلگىلىك، باستاماشىلدىق رولىن تولىق ساۋلەلەندىرىپ، ىندەتتەن ساقتانۋ - تىزگىندەۋ توسقاۋىل شايقاسى سىندى قاتاڭ شايقاستىڭ جەڭىسىنە باتىل قول جەتكىزۋدە جاۋاپكەرشىلىكتى ايگىلەپ، ىسكەرلىك كورسەتىپ، ءىس جۇزىندىك ارەكەت ارقىلى ارميا تۋىنىڭ داڭقىن ۇزدىكسىز اسىرايىق.

  ۇندەۋ جاريالانعان سوڭ، قوسىننان قايتقان كوپتەگەن اسكەريلەر جابال تىزىمدەلىپ، شايقاسقا قاتىناسۋ ءوتىنىشىن جازىپ، ىندەتكە قارسى اتتانۋدىڭ ءبىرىنشى شەبىنە اتتاندى. قوسىننان قايتقان اسكەري ۋاڭ يانجۋ وسى ۇندەۋدى دەرەۋ ۋيچات دوستار شەڭبەرىندە جاريالادى ءارى: ”قوسىننان قايتقانمەن قاسيەتىمىزدى ساقتايمىز، ەرىك - جىگەرىمىز مۇقالمايدى. ىندەتكە قارسى شايقاسقا بەلسەنە قاتىناسايىق!“ دەپ لەبىز جازدى.

  ۋاڭ يانجۋ بىلاي دەدى: ”الەۋمەتتىك اۋماقتىڭ ەرىكتىلەردى قابىلدايتىنىن بىلگەن سوڭ، دەرەۋ تىزىمگە الدىردىم. قوسىننان قايتقان اسكەري رەتىندە، اتويلاپ الدا ءجۇرۋ مەنىڭ جاۋپكەرشىلىگىم ءارى بورىشىم. بۇرىنعى كەيبىر جاۋىنگەر سەرىكتەرىم ۋيچات دوستار شەڭبەرىندە جاريالاعان ۇندەۋىمدى كورگەن سوڭ، ەرىكتىلەر قيمىلىنا قاتىناسۋعا ولار دا بەلسەنە تىزىمدەلدى“.

  ءۇرىمجى قالالىق قوسىننان قايتقان اسكەريلەردىڭ جۇمىستانۋىنا، شارۋاشىلىق قۇرۋىنا قىزمەت وتەۋ قوعامىنىڭ ساناعىنا قاراعاندا، 7 - ايدىڭ 29 - كۇنى ساعات 13كە دەيىن 500دەن استام قوسىننان قايتقان اسكەري ەرىكتى قىزمەت وتەۋگە قاتىناسقان.

  ءۇرىمجى قالالىق قوسىننان قايتقان اسكەريلەر ىستەرى مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى، قالالىق قوس قورعاۋ كەڭسەسىنىڭ مەڭگەرۋشىسى رىن جۇن تىلشىگە مىنانى ايتتى: ءۇرىمجى قالاسىندا ىندەت تۋىلعان سوڭ، ىندەتكە قارسى اتتانۋدىڭ ءبىرىنشى شەبىنە بەلسەنە اتتانعان قوسىننان قايتقان اسكەريلەر قوعام ساناققا العان سانمەن شەكتەلىپ قالعان جوق. اناعۇرلىم كوپ قوسىننان قايتقان اسكەريلەر ىرىقتىلىقپەن جاۋاپكەرشىلىكتى باتىل ارقالاپ، ىندەتكە قارسى ەڭ الدىڭعى شەپتە اتويلاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋدە اسكەريلەردىڭ قاسيەتىن جانە جاڭا داۋىردەگى قوسىننان قايتقان اسكەريلەردىڭ جاڭا جاۋاپكەرشىلىگىن ايگىلەدى.

  ءتىلشىنىڭ ۇعىسۋىنا قاراعاندا، قوسىننان قايتقان اسكەريلەر ەرىكتى قىزمەت وتەۋگە بەلسەنە ات سالىسۋدان سىرت، ءۇرىمجى قالاسىنداعى قوس قورعاۋ ەرىكتىلەرى قىزمەت وتەۋ اترەتىنىڭ قاراستىلىعىنداعى ساقا اسكەريلەردىڭ الەۋمەتتىك يگىلىك قيمىلى، اسكەر شەشە، لەي فىڭ اۆتوموبيل اترەتى، قىزىل جۇلدىز حور ۇيىرمەسى سياقتىلاردى قامتىعان ەرىكتىلەر اترەتتەرى دە بەلسەنە ارەكەتكە كەلگەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى