مامانداردىڭ باسىمدىعىن ساۋلەلەندىرىپ، ىندەتتەن ساقتانۋ - تىزگىندەۋدى عىلمي، دالمە - ءدال ورىستەتۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 7 - ايدىڭ 29 - كۇنى ۇرىمجىدەن حابارلايدى. 7 - ايدىڭ 28 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين اۆتونوميالى رايوننىڭ اۋرۋدىڭ الدىن الۋ، تىزگىندەۋ ورتالىعىندا ماماندار اڭگىمە ءماجىلىسىن اشىپ، ارناۋلى تۇردە ىندەتتەن ساقتانۋ - تىزگىندەۋ قىزمەتى شارالارىن ساپالىلاندىرۋ، كەمەلدەندىرۋ، ءۇرىمجىنى ءتۇيىن ەتكەن، بۇكىل رايون سايكەسە بىرلەسىپ قيمىلدايتىن ىندەتتەن ساقتانۋ - تىزگىندەۋ جۇيەسىن قۇرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ جونىندەگى پىكىر - ۇسىنىستاردى تىڭدادى.
اڭگىمە ماجىلىستە اۆتونوميالى رايوننىڭ ىندەتتەن ساقتانۋ - تىزگىندەۋ ماماندارى ما ميڭحۇي، نيە مينجيان، ۋاڭ شاۋحۋا، لۋ چىن جانە اۆتونوميالى رايوننىڭ اۋرۋدىڭ الدىن الۋ، تىزگىندەۋ ورتالىعىنىڭ مەڭگەرۋشىسى سۇي يان قاتارلىلار ىلگەرىندى - كەيىندى ءسوز سويلەپ، جەكە - جەكە قازىرگى بۇكىل رايوننىڭ ىندەتتەن ساقتانۋ - تىزگىندەۋىندە ءدوپ كەلگەن جاعداي، اۋقىمدىق زاڭدىلىق، ءادىس - تاكتيكا، قىزمەت ءتۇيىنى سياقتىلار جونىندە پىكىر - ۇسىنىستارىن ايتتى.
مامانداردىڭ پىكىر - ۇسىنىستارىن تىڭداعاننان كەيىن، لي پىڭشين بىلاي دەپ اتاپ كورسەتتى: ىندەت تۋىلعاننان كەيىن، اۆتونوميالى رايوندىق پارتكوم الەۋمەتتىك دەنساۋلىق ساقتاۋ ماماندارىنىڭ رولىن ساۋلەلەندىرىپ، ارناۋلى ماماندىق كۇشتەرگە سۇيەنىپ، عىلمي تۇردە دالمە - ءدال ىندەتتەن ساقتانۋ - تىزگىندەۋدى عىلمي، دالمە - ءدال ورىستەتتى. اۆتونوميالى رايوندىق پارتكوم ءار ۇلت ماماندارىنىڭ ساقتانۋ - تىزگىندەۋ ستراتەگياسىن كەمەلدەندىرۋ، ەمدەۋ - قۇتقارۋعا جەتەكشىلىك ەتۋ، عىلمي زەرتتەۋدەن جەدەل قامال الۋ سياقتى جاقتاردا قوسقان ۇلەستەرى مەن قۇلشىنىستارىن تولىق تۇراقتاندىردى، كوپشىلىككە قۇرمەت بىلدىرەمىن جانە العىس ايتامىن.
لي پىڭشين بىلاي دەپ اتاپ كورسەتتى: وسى رەتكى ىندەت توسىن تۋىلدى، ۆيرۋستىڭ تارالعىشتىعى كۇشتى، تارالۋى تەز، سىرقات جاسىرىن، اۋرۋ بەلگىسى جوق جۇعىمدالۋشىلار كوپ، ىندەتتەن ساقتانۋ - تىزگىندەۋ شايقاسى ايرىقشا كۇردەلى، مۇنى تومەن مەجەلەۋگە كەلمەيدى. ءسوزسىز، ىندەتتەن ساقتانۋ - تىزگىندەۋدى كەلەلى ساياسي جاۋاپكەرشىلىك ساناۋعا، كورنەكتى ورىنعا قويۋعا تاباندى بولىپ، مامانداردىڭ رولىن ساۋلەلەندىرۋگە، ارناۋلى ماماندىق كۇشتەرگە سۇيەنۋگە ونان ارى دەن قويىپ، ماماندار ارقىلى بۇقارانى جەتەكتەۋدى، ماماندار مەن بۇقارانى ۇشتاستىرۋدى، كوپ بولىپ ساقتانىپ، كوپ بولىپ تىزگىندەۋدى ورىنداپ، ىندەتتەن ساقتانۋ - تىزگىندەۋ قىزمەتىنىڭ ساپاسى مەن ونىمدىلىگىن شىن مانىندە جوعارىلاتۋ كەرەك.
لي پىڭشين مىنانى تالاپ ەتتى: سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ جالپى تالاپتارىن جان - جاقتى دايەكتىلەندىرىپ، مەملەكەتتىك دەنساۋلىق ساقتاۋ، سالاماتتىق كوميتەتى ماماندار گرۋپپاسىنىڭ جەتەكشىلىگىندە اۆتونوميالى رايوندىق پارتكومنىڭ تالاپتارى بويىنشا، ءار دارەجەلى ماماندار كۇشىن ءبىر تۇتاس ويداعىداي پايدالانىپ، ناۋقاستاردى شوعىرلاندىرۋعا، مامانداردى شوعىرلاندىرۋعا، بايلىقتى شوعىرلاندىرۋعا، قۇتقارۋ - ەمدەۋدى شوعىرلاندىرۋعا تاباندى بولىپ، ”ءتورت ەرتە بولۋ“ تالابىن تياناقتاندىرىپ، دالمە - ءدال ساقتانۋ - تىزگىندەۋ شارالارىن قاتاڭ، ناقتى، ەگجەي - تەگجەيلى ويداعىداي يگەرىپ، ءۇرىمجىنى ءتۇيىن ەتكەن، بۇكىل رايون سايكەسە بىرلەسىپ قيمىلدايتىن ىندەتتەن ساقتانۋ - تىزگىندەۋ جۇيەسىن قۇرىپ، ىندەتتىڭ تارالۋىن، ءورشۋىن باتىل تەجەپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعاۋ كەرەك.
اۆتونوميالى رايون باسشىلارىنان تيان ۋىن، ۋاڭ ميڭشان اڭگىمە ماجىلىسكە قاتىناستى.
