شوكىرات زاكىر ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ءبىر تۇتاس جوسپارلاۋدى كۇشەيتىپ، اۋىل شارۋاشىلىق قوسىمشا ونىمدەرىمەن قامداۋدىڭ جەتكىلىكتى، باعاسىنىڭ ورنىقتى بولۋىنا شىنايى كەپىلدىك ەتۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 7 - ايدىڭ 29 - كۇنى ۇرىمجىدەن حابارلايدى. 7 - ايدىڭ 29 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءۇرىمجى قالاسىنداعى شينليان اۋىل شارۋاشىلىق قوسىمشا ونىمدەرىن تولايىم ساتۋ بازارى مەن بەييۋانچۇن قاۋىن - قاربىز، جەمىس - جيدەك، كوكونىس بازارىنا بارىپ ىندەت كەزىندەگى تۇرمىستىق زاتتىق ماتەريالدارمەن قامداۋ جانە زات تاسىمالى قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: ىندەتتەن ساقتانۋ - تىزگىندەۋ نەعۇرلىم شەشۋشى كەزەڭگە وتكەن سايىن، حالىقتى بارىنەن جوعارى قويۋعا، حالىق تۇرمىسىن الدىمەن ويلاستىرۋعا سولعۇرلىم تاباندى بولۋ، بۇقارانى سولعۇرلىم ”كوجە قاتىقپەن“، ”استىقپەن“ ويداعىداي قامتاماسىز ەتۋ كەرەك.
شينليان بازارى مەن بەييۋانچۇن بازارىندا شوكىرات زاكىر بازار تيجاراتىن باسقارۋشىلارمەن جانە جەكە ساۋدا - ونەركاسىپشىلەرمەن ىقىلاسپەن پىكىر اۋىستىرىپ، اۋىل شارۋاشىلىق قوسىمشا ونىمدەرىمەن قامداۋ، ساتۋ، باعا، زات جەتكىزۋ جانە ىندەتتەن ساقتانۋ - تىزگىندەۋ شارالارىنىڭ تياناقتانۋ جاعدايىن ەگجەي - تەگجەيلى ۇعىستى.
شوكىرات زاكىر بىلاي دەپ باسا دارىپتەدى: ۇرىمجىدەگى كوكونىس جانە اۋىل شارۋاشىلىق قوسىمشا ونىمدەرى تولايىم ساتۋ بازارلارى ىندەتتەن ساقتانۋ - تىزگىندەۋ شارالارىن باتىل، ويداعىداي تياناقتاندىرىپ، ىندەتتەن ساقتانۋ - تىزگىندەۋ كاسىپتىك قىزمەتكەرلەرىنىڭ پىكىرىن ىرىقتىلىقپەن قابىلداپ، بازار باسقارۋدى كۇشەيتىپ، ادامداردىڭ، زات اينالىمىنىڭ جانە اۆتوكولىكتەردىڭ تارتىپپەن كىرىپ - شىعۋىن، توقتاۋىن جۇزەگە اسىرىپ، ادامداردىڭ توپتاسۋىن تەجەپ، بازاردىڭ ورتا تازالىعى مەن حاۋىپسىزدىگىنە شىنايى كەپىلدىك ەتۋ كەرەك. ول بىلاي دەپ باسا دارىپتەدى: ىندەتتەن ساقتانۋ - تىزگىندەۋ شارالارىن ويداعىداي تياناقتاندىرىپ، اۋىل شارۋاشىلىق قوسىمشا ونىمدەرىن ساتۋ، مانەرلەۋ، تاسۋ، جەتكىزۋ، ساقتاۋ سياقتى حاۋىپسىزدىك وتكەلدەرىن مىقتاپ مەڭگەرىپ، حالىق بۇقاراسىنىڭ اس - سۋ حاۋىپسىزدىگىن باتىل قامتاماسىز ەتۋ كەرەك.
شوكىرات زاكىر مىنالاردى تالاپ ەتتى: ءۇرىمجى قالاسىنداعى قاتىستى تاراۋلار سايكەسۋدى كۇشەيتىپ، بۇقارانى تۇرمىستىق زاتتىق ماتەريالدارمەن قامداۋ جاسىل ارناسىن ىركىلىسسىزدەندىرىپ، بۇقارانى ”كوجە قاتىقپەن“، ”استىقپەن“ قامداۋ ارناسىنىڭ ىركىلىسسىز بولۋىنا شىنايى كەپىلدىك ەتىپ، حالىق بۇقاراسىن نەگىزگى تۇرمىستىق زاتتىق ماتەريالدارمەن جانە اۋىل شارۋاشىلىق قوسىمشا ونىمدەرىمەن قامداۋدىڭ بەرىك ارتقى تىرەگى بولۋ كەرەك. قاتىستى تاراۋلار، الەۋمەتتىك اۋماقتار، تولايىم ساتۋ تيجارات ساۋداگەرلەرى تىعىز سايكەسىپ، تاسىمالداۋدى كۇشەيتىپ، ىندەت كەزىندەگى جانە قۇربان ايت مەرەكەسىندەگى كوكونىس، ەت سياقتى اۋىل شارۋاشىلىق قوسىمشا ونىمدەرىمەن قامداۋدىڭ جەتكىلىكتى، ءتۇرىنىڭ تولىق، باعاسىنىڭ ورنىقتى بولۋىنا شىنايى كەپىلدىك ەتۋ كەرەك.
اۆتونوميالى رايون باسشىلارىنان قادىلبەك قامزا، ما شيۇڭچىڭ قاتارلىلار تەكسەرۋ - زەرتتەۋگە قاتىناستى.
